💙🍃តាមស្នេហ៍លោកពូ🍃💙Season 2 (Completed)

Part 1

💙🍃តាមស្នេហ៍លោកពូ🍃💙 ភាគទី 1

_ ក្រោយភ្លៀងមេឃស្រឡះ...ជំងឺមហារីកឈាមរបស់ Tae ត្រូវបានព្យាបាលជាដាច់រួចគេនិងរាងក្រាសក៏បានរៀបពិធីមង្គលការជាមួយគ្នាយ៉ាងអធឹកអធម ។ បន្ទាប់ពីនោះ Jungkook ក៏បាននាំ Tae ឲ្យមករស់នៅភូមិគ្រឹះរបស់គេរួមជាមួយនឹងទារកម្នាក់ទៀតដែលមានឈ្មោះថា Jeon Nahyung ។ Nahyung ជាកូនប្រុសរបស់ Rosina ជាតំណក់ឈាមរបស់នាងជាមួយ Jungkook ព្រោះតែការរស់នៅក្នុងពន្ធធានាគារអស់ជាយូរធ្វើឲ្យនាងបានពិចារណាដឹងពីកំហុសរបស់ខ្លួនឯងទើបពេលបង្កើតបាន Nahyung ហើយនាងក៏ស្នើសុំឲ្យ Tae និង Jungkook យកគេមកចិញ្ចឹមជំនួសនាង ។

_ ដំបូងឡើយរាងក្រាសរារែកចិត្តមិនហ៊ានទទួលព្រោះក្រែងចិត្តអ្នកជាប្រពន្ធតែសំណាងល្អហើយដែល Tae ជាមនុស្សចិត្តល្អ គិតថាក្មេងគ្មានកំហុសអ្វីឡើយក៏បញ្ចុះបញ្ចូលឲ្យ Jungkook ទទួលគេយកមកចិញ្ចឹមធ្វើជាកូនហើយដាក់ឈ្មោះថា Jeon Nahyung ។ Jeon ជាត្រកូលរាងក្រាស Na ជាឈ្មោះចុងក្រោយរបស់ម្ដាយបង្កើតរបស់គេឯ Hyung គឺបានមកពី Taehyung ដូចនេះទើបពួកគេសម្រេចចិត្តដាក់ឈ្មោះនេះតែម្ដងទៅដើម្បីកុំឲ្យភ្លេចថាគេក៏មានម្ដាយម្នាក់ដែរ ។

_ ជាអកុសលក្រោយពេល Jungkook យកក្មេងនោះមកចិញ្ចឹម Rosina ដែលជាម្ដាយបង្កើតក៏បានធ្លាក់ខ្លួនឈឺហើយស្លាប់នៅក្នុងពន្ធនាគារដោយសារតែជំងឺផ្ទាល់ខ្លួនទើបធ្វើឲ្យ Tae កាន់តែអាណិតហើយស្រឡាញ់ Nahyung កាន់តែខ្លាំងឡើង ដូចជាកូនដែលគេបង្កើតចេញពីផ្ទៃពោះយ៉ាងចឹងដែរ ។

@4ឆ្នាំក្រោយមក

< តុកតុកតុក >

Nahyung: Appa ហ្អា៎យ Appa បើកទ្វារឲ្យកូនតិចមើល៍ Appa TaeTae~~~!!

_ វាសឹងតែក្លាយជាទម្លាប់ទៅហើយដែលក្មេងតូចមកស្រែកហៅអ្នកជាប៉ាទាំងពីររាល់ព្រឹកបែបនេះ ។

Nahyung: Appa!!!

« អ្ហឹម... »

_ សម្លេងគ្រហឹមតិចៗរបស់ Tae បន្លឺឡើងក្នុងដើម ក មុននឹងដកដៃចេញពីចង្កេះរាងក្រាស់ជាប្ដីហើយញីភ្នែកតិចៗ ធម្មតាគេទ្រមក់ណាស់តែសម្លេងអាល្អិតនេះរំខានឲ្យភ្ញាក់រាល់តែព្រឹកហ្នឹងឯង ។