عم لينا : سعيد هو الاخ الاصغر لوالد لينا يبلغ من العمر ٤٣ عام ، مطلق، لأنه اذاق زوجته سبع سنوات من العذاب و الذل لانها لا تنجب و لكن الله ساعدها في التخلص من ذلك الهم عندما فحصت و اخرجت اوراق التحاليل و كشفت ظلمه ، و الى جانب ذلك لم يعامل لينا بالمعروفِ قط كأنه كره الاطفال كلهم بعد معرفته عدم مقدرته على الانجاب .
سعيد : تعالي لينا اعرفك على عائلة زوجك
شهقت لينا بعفويه و تبين الغضب على وجهها ،
ثم عادت للواقع سريعاً و قالت مرحبةً للضيوف : السلام عليكم منورين
نظرت لها سيده يبدو على محياها الطيبه : و عليكم السلام حببتي ده نورك .
استطردت لينا بعد أن ابتسمت لها : بعد اذنكم ، ممكن يا عمو ثواني
قام عمها ضاحكاً بصوت عالي للغايه و كانت ضحكته غير متقبله في المكان كله بالفعل ،
و اكمل : انتوا عارفين كسوف البنات .
بعد أن ذهب عم لينا بصحبتها الى المطبخ
نظر احمد الى والدته هي دي البنت يا ماما و متخفش و دي عسل جداً
قالت الأم ( فايزه ) : مالها يا احمد زي القمر و محترمه
أحمد : ايه يا ماما مش شوفتيها اول ما دخلت اتضايقت ازاي ، دي الظاهر متعرفش حاجة خالص
فايزه ابتسمت بهدوء و قالت : ايوا ماشي اكيد كانت متفاجئه عشان شافتنا أول مره ، بعدين طلع انت حجج عشان مش عاوز تتجوز ، ووضعت يدها اليمنى على يدها اليسرى و قالت يارب بس هي الي ترضى بيك
استغفر احمد الله في سره و قال دي لسه اول مره تشوفيها بقيت انا برا من الاول ...
في المطبخ :
امسك عم لينا لينا من حجابها و قال :
دي حركات تعمليها قدام الناس احمدي ربك انك سلمتي و قولتي ليهم نورتوا لانك لو معملتيش كده كان زماني دابحك قدامهم و ميهمنيش حد فاهمه
أومأت لينا برأسها بمعنى نعم
ثم قالت : بس ينفع تشرحلي مين دول بالظبط و هتجوز ازاي انا لسه في تانيه ثانوي و على الاقل لما اخلص
سعيد : ششششششش انتي لسه هتتكلمي شوفي بقالي قد ايه شايل همك و قرفك وزفت على دماغك و دماغ الي جابوكي الله ميرحمهم
كانت لينا صامته و تحاول جاهدةً أن تحبس دموع أعينها و نجحت في ذلك و قالت في سرها : يارب أنت ولي الصابرين
رفعت اليه وجهها و قالت : معاك حق يا عمو، و اسفة على كل الي عملتهولك . انا بس اديني فرصه اغسل وشي من تراب الشارع و اظبط حجابي و اطلعلهم
سعيد : ماشي ، انجزي يلا
ما ان تركها عمها حتى انهارت ضامةً رأسها الى قدميها تبكي بصمت ، استغفرت الله عده مرات ثم صمتت و قالت : ايه يا هبله انتي مش كان نفسك تخلصي من معامله عمك الرزله معاكي ، اهو ربنا جابلك فرصه و ان شاء الله هتكون كويسه و بعدين مش انتي عارفه ان كل حاجة ربنا بيقدرهالنا خير ، يلا قومي اغسلي وشك كده وظبطي حجابك يا قمر انتي ، و بعدين ما احنا ياما شوفنا هي جت على دي
......
خلصت لينا صب العصير في الكبايات وكانت مكسوفه جداً من شكل الصينيه و الكبايات و هي بطلعهم بس هتعمل ايه و عمها مبيجبش حاجة الا بالعافيه و طلوع الروح و الزن
توكلت على الله و طلعت و بتقدملهم العصير و هي بتبتسم ابتسامه جمليه جداً استغرب منها احمد و خصوصاً انه سمع صوت عمها كأنه بيزعق فيها بصوت واطي ، بس اخد منها العصير و قال شكراً
ردت بصوت واطي : عفواً
قالت الام (فايزه ) : تسلم ايدك
لينا ابتسمت قليلاً و احست بانها تحب تلك السيده و قالت : الله يسلم حضرتك ياطنط
فايزه : اسمي فايزه يانور عيني
لينا : تشرفت جداً يا طنط فايزه
فايزه : الشرف لينا والله ، ربنا يباركلك و الله عاقله غير كل الي بنشوفهم من جيلك
ابتسمت لينا لها ثم تحولت ابتسامتها الى اللامبالاه حين اردف عمها و هو يضربها على ظهرها بخفه : طبعاً دا انا مربيها احسن تربيه بعد موت ابوها و امها الله يرحمهم
رد الجميع بخفوت : الله يرحمهم
قالت السيده فايزه : يا استاذ سعيد بعد اذنك هطلع البلكونه عشان نسيب العرسان يشوفو بعض و يتعرفوا على بعض
قال سعيد و هو يدخل المطبخ القريب من الصاله طبعاً طبعاً هقوم اعمل دور قهوه كده انما ايه مش هتلاقوها عند حد ...
لينا
بصيت للأرض و انا نفسي الأرض تنشق و تبلعني على الي بيحصل ده ، طيب عدت اكتر من دقيتين تقريباً هو مبيتكلمش ليه ؟؟
تنحنح احمد و قال :....
نظرت لينا بصدمة وقالت ....
أنت تقرأ
دِفْءُ الْخَريفِ الْبارِدِ 🍂
Romansaللقدر منعطفات غريبةٌ جداً في حياتنا قد يدور بنا في دوائر الحزن و بعدها يرسى بنا على شواطئ السعاده و وحده من يتحمل ألم الحزن يحصل على الكثير من السعاده ... فصل الخريف البارد ، كثيراً ما نرى الوحدةَ فيه، ولكن بطلتنا لها رأيٌ آخر فدفءُ قلبها قد يردع ك...
