" أثر " / 18
فـاتوا الأيام وكل شئ واتـي وجاهز ..
اليـوم فالليلة سهرية، فقنا من الصبح بكري والعيلة كلها عندنا ..
مشيت اني وخواتي وبنات خالاتي وبنت عمتي وصاحباتي وصاحبات منتهى للحمـام، كـانت كل التفاصيل زي م رسمتها في خـيالي، كل شئ قنين هلبـا وكل شئ شي مرتب ومستف زي م حلمتله، وقلب زي قلبي شن مزال يبي غر ينزف للشخص الي يحبه ؟ ❤️
بعد الحمام لبست البدلة البودرية ، كانت طالعة فيها زي الملاك وكل من شافني قال هالكلمة ، وجهي ضاوي وكل شئ فيا راوي كأنه حق الـبنادم يخضَر لما ينحط فالتربة الصالحة، روحنا الحوش وكان هلبا زحمة، العيلة والجيران وصوت الأغاني وضحكات الصغار ، كنت حاجزة عند مصورة باش تجي تصورني بالبودري اني وياسين ..
كلمته اول م وصلت ..
ياسين : حبيبي استحشتك .
اني : وينك لتوا ..
ياسين : نلبس شوي وجاي .
اني : متعطلش تربح البنية قريب توصل ..
سكرت منه واني متوترة ، م نحبش التأخير .. خشيت لداري لحقتني سبأ : ماسة وربي انتِ احلى عروسة شفتها في حياتي ..
قعدت نضحك وواقفة قدام المرايا نشوف ل شعراتي ونفكر نقصهم ك نوع من التغير تلفتلها : سبأ شن رايك نقص شعراتي ؟
سبأ جت فيسع : لا ماسة بالله عليك حرام لاااا ، شعرك يجنن وربي ، لو قصيته ح يتقصف وحيفسد ، كان تحبيني خليه كان تحبيني 😭.
قعدت نضحك تاني ع حُب سبأ لشعري : تحبي شعري اكتر مني ؟
سبأ : اي ماشن .
شعري كان لونه فحمي، من الاعدادي م مسيتاش بمقص ، كان طويل هلبا وكثيف ، كل من شافه حبـه ، حتى المرض مأثرش ف جماله بـطريقة واضحة ..
طلعت من الدار اني وسبأ على اتصال ياسين : حبيبي اني لوطة.
اني: خش للمربوعة تلقاها مفتوحة .
نزلت واني متحشمة 🤦🏻♀️ ، توا كيف بنخش الهم هكي ..
خديت نفس طويل وخشيت ، لقيته لابس زبون لونه أسود 🤤 ، يودي زي الغزال من غير نقاش .. حسيت روحي سخنت وتحشمت ، ف صوت فداخلي يقول : مازلنا فبداية الطريق ومتحشمة هكي حي علينا بعد غدوا شن بيصرلنا 🤦🏻♀️😆.
خشيت قعمزت فجنبه 🙄..
ياسين : نسألك سؤال ؟
اني : هي ! 😕
ياسين : خير عمك كل مرة احلى من المرة الي قبلها 🤤❤️
كلمته ونبرة الصوت خلتني نضحك هلبا ..
خبطت على كتفه : اسس اسس ، علاش عطلت ؟
شدلي ايدي : نحبك .
😒😒😒
علاش عطلت قلنا ؟
ياسين : كنتتت نلبس خيرك منكدية بادية .
اني : شنهيا 😕!!!
ياسين : نحبك ... وباسلي ايدي .
اتصلت بيا منتهى : البنية وصلت .
اني : دخليها به .
خشت المصورة واول كلمة قالتها : تبارك الله ..
قعدنا حوالي الساعة نصوروا ...
طلعت المصورة مع منتهى مشت بتغديها وبعدها بشوي جت هالة جايبة معاها الرشدة ، قعمزت اني وياسين لأول مرة على نفس الصونية ، ناكلوا ونضحكوا ، يوكل فيا مرة ويقولي نحبك مرتين .
أنت تقرأ
" أثـر "
Romanceقصـتنا الجديدة ح ادور على حياة بنت في بدايـة عشرينياتها ، الدنيا حتخلـي عليها أثـر مش حينمحـى ، حتعلمنا الصبر ب أبهى أنواعه ، حنعرفوا معاها كـيف البنادم يقدر يعيش ويمجـد قوته ، كيـف يقدر يحارب كـل شئ ويوقف على رجلـيه ، حتكون الفارقّ ، وحتورينا انه ب...
