" أثـر "

النهاية 🌺♥️

" أثر " / 26 .

النهـايـة ..

مقعمزة علـى طاولة في جنان حوشنا ، نحـاول نحط نهاية مُنصفة لقصتِي الي قررت نكتبه بكل مافـيا من مـشاعر ، ابتداءً من أول يـوم عرفت فـيه بمرضي لليـوم بعد خمسة سنين وانـي فحـوشي مع راجِلي الي من يوم عرفته مـابطلش دقيقة انه يكون "راجـل لي" ، مـع بنتِي الصغيرونة الي تعبتنـي تسعة شهور حملها للحد الي مقدرتش انوض فيه من علـى سريري بـاش جت عالدنيـا وقلبت حياتي ألف درجة ، حـوشنا الي كان مفيشي الا همسي اني وياسين ، تعبـى بـصوت عياطها في الليل ، وكلمـة بابا وماما الي صداها ينسمه من بعيد ، تعبى بـصوت قناة طيور الجنة وام بي سي تري ، تعبـى بشعور أمومة فايض وشعـور أبوة حنيّن ..

بـاكّ :

فـراس سلم روحه في نفـس اليوم ، حـكموا حكم مخفف لآن مهربش من العدالة ولآن قضية شرف 20 سنـة ، لمـا سمعت الخبر بكيت هلبا ، فراس مُذنب برئ ، مـليشي يد في أي شي
نصيبه في الحياة وفاء اليِ عذباته من لما كان شاب صغير كيف طالع ع الدنيـا .. مُنصف وألفـة قعدوا عايشين فـحوش جدهم ، فـوسط عماتهم وحناهم ، وتوا يجوا أيام فالاسبوع يقعدوا عندي ، لأن أثـر تحبهم هلبـا ..

حملـت بعد سنتين ونص من حبس فـراس ، كان احلى يوم فحياتي لمـا جيت لياسين ف غفلة وهو شـاد تليفونه يلعب ،
واني مقعمزة قدام المرايا نسرح ف شعراتي ..
اني : حبيبي
ياسين : نعم يحبيبي
اني : نبي نقولك حاجة
ياسين : قوليلي يابيبي حاجات " وكان يلعب مش لاهيلي "
اني : اني حـامل .
ياسين : ....
ساكتّ مصدوم بدي يضحك ناض من مكانه فيسع وجي قعمز ع الارض وراسه ع رجليا ، عـاوديها ؟؟؟؟؟؟
بديت نضحك : حامل والله .
كـانوا لحظات م ينتسوش ، خداني ف حضنه واني وهو مش مصدقين ، بـعد م الدكاترة كانوا يقولولنـا خلوها على ربي .
وفعلًا خلينها على ربي وم خبناش ♥️.

منتهى تزوجـت وعندها بنوتة صغيرونة ، هالـة يجوهـا ومتبيش ، وسبـأ خطبهـا جِهـاد ، أيـة حماتي نخبطتّ وصفـاء قاعدة مـش ناوية ..

...

أثـر ماما خلاص ياسر بطلي وخليني نعـرف نكتب ..

أثر تشح في الورق مني : نبي سيـر 😁♥️
تبي شني ياماما ؟ : عسيييير عسسسير .

نضـت عطيتها عصير وحطيتها قدام التلفزيون وجـيت نبي نكلمللكم .. طفلتـي كان حلوا وبرئية هلبا ، واخدة ملامح خالتها سبأ ، صهباء وعندها نمشي ف وجهها وشعرها كيرلي ، الا عيـونها كانوا عيون ياسين بالضبط ، وتصرفاتها كأنها ماسـة صغيرونة ♥️🥺 ، قبل تلاتة شهور حملت تاني ، باش البيبي مقعدش ، اجهضت وهو عمره شهر وشوي ، بـكيت ليلتها هلبا ، حسيت حاجة مني مشت ، حـاجة نحبها وهيا قاعدة نطفة فيا ، شعـور الأمومة برغم حلاوته الا انه صعب صعب هلبـا ..

حكـايتي تمت ، مـعاش حيكون فيه ماسة وياسين من اليـوم ومعاش حتقعدوا تستنوا فيـا نكتبلكم ، بـس مانبيهاش اتم فقلوبكم هكي ، نبيـكم تأخذوا العبرة ، تشوفوا الحكمة ، وتسفيدوا من الصبر في الأوقات الصعبة ، الحيـاة معطتنيش دفعة وحدة وبرضو م خدتش مني كل شئ ، كـانت تأخد حاجة بالـمقابل تعطيني حاجات ، تبكيني سـاعة واضحكني أيام ، اتعبني يـوم وتريحني شهـور ، قـدرت نوصل هني لآن صبـرت علـى الي فات ، قدرت نعيشها بحُب لأني برغم كل شئ كـنت نحبها 🌺♥️ .

مرضيِ الي عشتوه معاي لحظة بـلحظة ، تعبي الي كنتوا شاهدين عليها ، دموعي الي نزلوا معاهم دموعكم ، فرحتي الي حكيتهالكم بالتفصيل ، حكاية حُبي الي بيها حاولت نوريكم حلاوة الحُب في مُر الدنيا ، وجـودي مع كل واحد فيكم ، وفي كل واحد فيـكم .. نبيه يخلق شعـور حلو هلبا
نبيه يخـلي أثر م ينتساش وحاجة قنينة م تنمحـاش .

أنـي ماسة الي حبيتوني وحبيتكم ، الي خليتكم تحبوا ياسين معـاي من كثر م نحكيلكم عليه ، وخليـت فيكم هديكا اللمسة ، كنت نقرأ فكلامكم بعيون نـورا ، نفرح لما نلقاكم تستنوا في الحلقـة ونضحك لمـا نشوفكم تتغزلوا في حبيبي .

أنـي ماسة الوقت والأيام الصعبة زي ن تعودت نقوللكم ، مـاسة الوجع ومـاسة الحُب ، أنـي ماسة الصبـر ♥️.

ولمـا تسمعوا إسمي في آي مكان لقدام تفكروني ، وخلولي فيـكم أثر ..

بنوض نوتـي الغدي ياسين قريب يروح من الخدمة ، وبنشـوف أثر الي اختفتّ من بكري م جتش ناشبتنـي .
في أمـان الله ياصغاري 🌺♥️.

مـاسة تحبكم وانـي "نـورا" نبي نقوللكـم أفتحوا البيبان المسكرة في حيـاتكم بالصبـر ، حبـوا الدنيا باش هيا تحبكم ، أعطوا وربي حيعطيكم ..

نحبـكم ♥️.

نـورا نصـر .
" هـادي نهاية البداية " ♥️.