مالك روحي (بقلم صفيه صالح)

١

فى إحدي الشقق بمنطقه سكنيه مميزه يرن تليفون مالك الذي ينام على سريره ويصحوا منزعجاََ من التليفون ثم يبتسم بمجرد رؤيه إسم المتصل وهو صديقه المقرب كريم

مالك : صباح الخير يا زفت

كريم : صباح النور يا أستاذ مالك لحم كتافي من خيرك هقولك إيه يعني،، رنيت عليك كتير مابتردش ليه؟

مالك : يا بني انت لو مراتي مش هتتصل بيا كميه الإتصالات دي،، كنت نايم ما انت عارف جيت متأخر من التصوير

كريم : طيب صحصح كده عشان ننزل نتغدي برا أنا عازمك ولا أجيب أكل وأجيلك

مالك : لا تيجي فين؟

كريم :إيه مش لوحدك ولا إيه يا نمس

مالك _يضحك : لاء لوحدي ياخويا بس الشقه زي الزفت هروقها كده و نتقابل

كريم : ماشي

** يدخل مالك المطبخ ويحضر كوب قهوه ثم ينظر للحوض يراه ملئ بالصحون فيغسل بعضهما و يتصل به كريم مره أخري فيرد ويتنهد فيقول كريم الذى سمع أصوات خبط أطباق
كريم : بتكسر فى إية على الصبح
مالك : بغسل مواعين يا خويا لو عندك فومين غسيل هاتهم بالمرة
كريم : غسيلك قشطة أنا عارف
مالك : إتريق إتريق ما انت أختك بتيجى تروقلك وتنضفلك وتأكلك
كريم : معندكش أخت إتجوز يا أخى يا تشوفلك شغالة أو عروسة
مالك : ماتقول ل شيرين تشوفلى واحده
كريم : عروسة ولا شغالة؟
مالك : شغالة يا رخم

كريم : هسألها.. نسيت أقولك عمرو كلمني وقالي معاد التصوير إتأجل يومين

مالك : طب كويس تلحق تصور المشهد اللي جايبهولك

كريم _بفرحه : بجد مشهد إيه؟
** سمع مالك صوت جرس الباب
مالك _ لكريم : أقفل دلوقتى

كريم : مش هقفل

مالك _ يضحك : اقفل يا رخم

هشوف مين على الباب وأكلمك تانى سلام

كريم : سلام
** قفل مالك تليفونه وذهب ليفتح الباب فرأى أمامه نور
مالك : مين حضرتك؟
نور: حضرتك أستاذ مالك ؟
مالك : أيوة
نور : البواب قالى إن حضرتك عايز شغالة
** نظر مالك حول نور وقال سائلا
مالك : وهى فين الشغالة ؟!
نور : أنا
مالك_بتعجب: إنتى شغالة ؟؟
نور: أيوة

مالك : ازاي؟

نور : نعم؟
مالك : إتفضلى
**دخلت نور الشقة وشاور لها مالك لتجلس على كرسى انترية بالريسيبشن وجلس أمامها ونظر لها متعجباََ ومنجذباََ أيضاً لعيونها الجميله وشعرها الطويل
مالك : انا فعلا عايز شغالة طبعا منظر الشقة باين ، انتى تبع مكتب عمل ولا حره ؟
نور: لاء حره
مالك : بتاخدى كام فى الشهر
نور _ بتلقائيه: مش عارفه
مالك : نعم
نور: حضرتك شوف شغلى الأول وأحكم ومش هنختلف
مالك: بتطبخى ؟
نور _ بتردد :حاجات خفيفة لكن الصراحه مش طباخه ،، هو حضرتك مش متجوز؟
مالك : لاء مش متجوز في مشكله انك تشتغلي عند حد أعزب؟
نور : لاء مفيش مشكله