مالك روحي (بقلم صفيه صالح)

٤

٤

** فى موقع تصوير إحدى الإعلانات التجارية يقف بعض الشباب والفتايات يجهزون للتصوير من ملابس ومكياج و على الجانب الآخر يقف خالد المخرج والمساعدين له ويضبط العمال أماكن الكاميرات  بينما يدخل مالك ونور الموقع ويقابلهم خالد
خالد : ازيك يا مالك؟
مالك : الحمدلله إية الأخبار ؟؟
خالد : كله تمام.. مش تعرفنا بالقمر؟
مالك _ ل خالد: نور المساعدة بتاعتى 

مالك _ ل نور : خالد أجمد مخرج إعلانات 
خالد _ بإعجاب : أهلاََ وسهلاََ
نور : أهلاً بحضرتك
** جلس خالد مكانه وقال بصوت عالي : يلا يا جماعه كله في مكانه.. ضياء حضر مع مالك الكاميرا 

ضياء : حاضر يا أستاذ 

** إقترب ضياء من مالك وهو أحد مساعديه وقال له

: صباح الخير يا كبير 

مالك : صباح الفل ثواني وهكون معاك 

مالك _ ل نور : إقعدي جمب خالد وإتفرجي عشان لو فضلتي واقفه كده إحتمال الآقيني بصورك أنتي 

ضياء : هي الأنسه موديل معانا؟ 

مالك _ ل ضياء : لاء دي معايا أنا
** وقف الجميع فى أماكنهم وجلست نور بجانب خالد وذهب مالك لإحدى الكاميرات ليقوم بعمله بينما هى تنظر لكل شئ حولها..

**ليلاََ  يقود مالك سيارته وبجانبه نور ويظهر عليهم الإرهاق
نور : انت تعبت أوى النهارده خليهم يأجلوا تصوير بكرة تكون بقيت أحسن
مالك _ بتعب : لاء ماينفعش التصوير كله يوم ونص.. 

نور : بس بجد شغلك يجنن الدقيقه  في الإعلانات بكام ساعه شغل و انت بتتعب أوي وبتعمل مجهود كبير لازم تخلي بالك من نفسك 

مالك : شغلي دا  أكتر حاجه بعملها وانا مبسوط ومهما تعبت فيه مابيهمنيش.. المهم قوليلي بيتك فين عشان أوصلك

نور _ بقلق : بيتي.. لا مش هينفع توصلني الوقت متأخر انا هروح لوحدي عشان الجيران 

مالك : لا مش هبقي مطمن  و بعدين انتي بتقولي انك عايشه لوحدك لا رجوعك لوحدك دلوقتي ينفع ولا توصيلي ليكي قدام الناس برضه ينفع تعالي معايا أحسن وأبقي قولي للي تعرفيهم انك شغاله عند أسره عشان تتلاشي كلامهم 

نور _ تسأل بخبث  : هو عادي اني اكدب الكدبه البيضه دي صح؟ 

مالك : هو الكدب للأسف مفيهوش أبيض وأسود انا بقولك كده وانا مش مقتنع بس عشان محدش يتكلم عليكي لكن بالنسبه للكدب دا آخر حاجه الواحد ممكن يقبلها 

** توترت نور من كلام مالك وقالت لنفسها : كلام مريم صح دا هيولع فيا لو عرف اني بكدب عليه 
** وهنا تفاجئ مالك بوجود كمين شرطه فنظر ل نور وقال
مالك : معاكي بطاقه؟
نور : أيوه معايا.. ليه ؟
مالك : عشان داخلين علي كمين
** أخرجت نور بطاقتها من شنطتها وأعطتها ل مالك فوضعهت علي تابلوه السياره وأخرج بطاقته ورخصته..