مالك روحي (بقلم صفيه صالح)

١٨

١٨

** يقف كريم ورنا ومالك مع نور أمام العماره التي تسكن بها.. 

نور _ ل مالك : مفيش داعي يا مالك لبياتك معايا النهارده 

مالك : إزاي بس مش هبقي مطمن عليكي و إنتي مش راضيه تيجي تقعدي معانا 

كريم : معاكوا إية مع أخوك وخالتك؟ إحنا ما بنجوزش بناتنا في بيت عيله 

** ضحكت رنا ونور علي كلام كريم الذي أخذ مالك بعيداََ عنهم ليهمس له.. 

كريم : بقولك 

مالك : يابني عيب كده يقولوا علينا إيه؟

كريم_ بصوت خافت : إسمعني بس سيبك منهم.. مبروك يا لوكا

مالك _بتعجب : واخدني بعيد عشان تباركلي.. ماشي الله يبارك فيك يا كيمو

كريم : خالي بالك وماتتهورش معاها أستني للفرح ماتبقاش مراهق

مالك _ بذهول : مراهق؟! تصدق هشتمك دلوقتي دي مراتي 

كريم : أصل أنا مش مرتاحلك لما لقيتك مجهز هدومك وعامل حسابك للرحله اللي طالعها 

مالك : يعني أسيبها لوحدها لو كانت مامتها هتبات معاها كنت إطمنت 

كريم : مامتها دي شخصيه غريبه أصلاََ مش كفايه إتحايلت عليها وطلعت عينك لغايه ما رضيت تيجي كمان جريت بعد كتب الكتاب

مالك : واطي صوتك لا نور تسمعنا 

كريم : لا ماتقلقش إبتدت تتودود هي و رنا خلاص 

** إلتفت كريم ومالك رأوا نور ورنا يتهامسان.. 

رنا : مالك؟ 

نور _ بقلق : مكنتش عايزاه يبات معايا خالته تقول عليا إيه 

رنا :  تقول اللي تقوله المهم تكوني في أمان مين هينفعك لما يحصلك حاجه وبعدين ده جوزك

نور _تتنهد : اه أخيراً بقي جوزي

رنا : شكلك بتحبيه أوي 

نور _ بحب : أوي أوي 

رنا : طيب يلا إتجدعني 

نور _ بعدم فهم : أتجدعن إزاي؟ 

رنا : يعني إطلعي إلبسي حاجه تجننه كده تخليه يستعجل علي الفرح 

نور _ بخجل : إنتي بتقولي إيه؟

رنا : مش حاجه أوفر يعني حاجه تهوسه تشغله تخليه ينزل من عندك مش علي بعضه ويبتدي يجهز شقته ويحجز القاعه بسرعه هتستنوا إيه وليه؟ 

نور _ تبتسم: علي فكره يا رنا أنا مبسوطه بوجودك معايا جداً 

رنا _ تحضنها : وأنا كمان مبسوطة عشان هنكون صحاب 

** أتي لهم كريم ومالك فرأت نور مع مالك شنطه ملابس

نور _تتعجب : إيه ده كمان جايب هدومك؟