** تفتح أمل الباب وتتفاجئ بوجود غادة أمامها وترتمي في حضنها وتبكي..
أمل _ بلهفه : مالك يا بنتي فيكي إية يا حبيبتي؟
غادة _بتصنع : مروان يا ماما مروان هيطلقني
مصطفي : لا حول ولا قوة إلا بالله العلي العظيم إدخلي يا بنتي..
** من ناحيه أخري تجلس نور مع كريم بشقته..
كريم : خير يا نور
نور : هو مش خير خالص يا كريم.. مالك بقاله فتره متغير معايا والصراحه بقي من ساعه ما رجعتوا تتكلموا مع بعض
كريم _ بذهول : نور إنتي قصدك إني السبب؟
نور : لو إنت مكاني وشوفت مني إللي عملته معايا قبل كدة مش هتفكر زيي؟
كريم : أنا عارف إللي عملته آخر مره خلاكي تاخدي مني موقف بس المرة دي إنتي ظلماني
نور : ظلماك؟! طب ماشي هصدقك بس قولي مالك ماله من بعد اليوم اللي قابلك فيه إتكلمتوا في إية أنا روحتله الصبح لقيته سكران أول مره أشوفه متعصب وتاهيه كده وهو مش عايز يحكيلي إحكيلي أنت وريحني أنا مش قادره أستحمل خلاص
كريم : صدقيني أنا معرفش حاجة عنه هو متغير برضه معايا يمكن في حاجة مش عايز يقولها
نور : طب فكر معايا ندور علي سبب للي هو فيه ده يمكن تعبان ومش عايز يقول؟
** توتر كريم من سؤال نور وحيرتها وقلقها علي حبيبها ثم فكر قليلاً ولاحظت هي ذلك ثم إلتفت لها وقال..
كريم : مش عارف
نور : إنت إفتكرت إية يا كريم هو قالك حاجة مش كده؟
كريم _ بتردد : لاء مقالش لو أعرف حاجة كنت هقولهالك علي طول أكيد مش هبقي مبسوط باللي إنتوا فيه ده
نور : طب يمكن الشغل فيه مشكلة؟
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
