مالك روحي (بقلم صفيه صالح)

٦

٦

** يرن تليفون مالك يظهر رقم خالته سمية
مالك : صباح الخير يا حبيبتى
سمية : صباح الفل عامل إيه يا حبيبي؟
مالك : الحمدلله انتوا عاملين ايه ومروان أخباره إية؟
سمية : كويسين يا حبيبى بخير انت صوتك ماله تعبان ولا إيه؟
مالك _بتردد : لا أبداً انا بس لسه صاحى من شوية
سمية :  واحشتنى يا ابن الغاليه
مالك : وانتى كمان واحشتينى أوى ربنا يخليكي ليا
سمية : هبعتلك شوية حاجات هتعجبك أوى مع غادة زمانها وصلت عند أهلها 

مالك : مانزلتوش معاها ليه؟ 

سمية :  أخوك عنده شغل هو معاك أهو عايز يكلمك
مروان : لوكا عامل إيه واحشنى
مالك_يتصنع الزعل : من كتر ما انت مقطع الإتصالات عليا ما انا لو مهم كنت إتصلت بيا
مروان : دا أنت وأمى أهم حاجة فى حياتى ربنا يخليكوا ليا  

مالك : ربنا يطمني عليكم يارب 

مروان : وعليك يا حبيبي مش عايز أي حاجه؟ 

مالك : عايزكم بخير 

مروان : سلام يا لوكا 

مالك : مع السلامه يا هندسه

 **قفل مالك التليفون ونظر ل كريم الذي يقف في المطبخ يحضر القهوه 

مالك : بقالك ساعه في كوبايه قهوه،، فينك يا نور 

كريم : طبعاً لازم تقول كده ماهي بقت من العيله خلاص وبتبات معاك شويه شويه هتنام في حضنك 

مالك_ يضحك  : طب ياريت 

** يأتي كريم ومعه كوبان قهوه ويعطي أحدهم ثم ينظر ل مالك 

كريم _بذهول : بتتكلم بجد إنت ممكن تفكر في نور؟ 

مالك : انت مصدوم  كده ليه هي مشلوله عشان مافكرش فيها؟

كريم : انت أكيد بتهزر صح؟ 

مالك : أنا مش طبيعي من إمبارح يا كريم حاسس بحاجه جوايا إتحركت لها

كريم : دي شغاله.. 

مالك : انت عارف الشغاله دي عملت معايا إيه من يوم ماعرفتها دا ناقص تدخل معايا تحميني 

كريم _يضحك بسخريه : حلوه تحميك دي 

مالك _بجديه : أنا مش بهزر  

كريم : بقي مدير تصوير ليه إسمه زيك يفكر في شغاله دي لو خالتك عرفت مش هتعرفك تاني 

مالك : أنا بقولك اللي حاسه ولو إتأكدت من مشاعري ناحيتها هرتبط بيها ومش هفكر في حد 

كريم : يبقي سيب الكلام دا لوقته

مالك : موقفك غريب يا كريم انت كنت بتقولي زمان ان فيه واحده سبتك عشان ظروفك وإتجرحت وقولتلي ان الحب أقوى من أي حاجه في الدنيا لا فلوس ولا مركز ولا أهل غيرت تفكيرك ليه دلوقتي؟