٢٠
** تجلس غادة أمام مصطفى وأمل عيونها دامعه تنظر لهم بخجل شديد غير معتاد..
مصطفي : كده تصغرينا قدام الناس رجوعك ل مروان مش هيحصل ومكان ماتحطي راسك حطي رجليكي وهتطلقي منه يعني هتطلقي منه مفيش جدال
غادة : يا بابا صدقني أنا عرفت غلطتي ولقيت إن مروان يستاهل أكمل معاه
أمل : وأخوه إللي عرف حقيقتك وخسر صاحبه هيعدهالك بسهوله؟
غادة : لازم يقتنع بكلامي بس إنتوا عارفين مالك و كبريائه
مصطفي : الشهادة لله الناس دول محترمين ومقصروش في حقك بأي شكل إنتي اللي دايماً بدوري علي شماعه لأخطائك
** يرن تليفون غادة فتري إسم مروان وتتوتر..
غادة : ده مروان أقوله إيه بعد ما أتفقنا مع بعض علي السفر؟
مصطفي : قوليله بابا تعب شوية ومش هعرف أسافر معاك ودي الحقيقة أنا حاسس إن عمايلك دي هتموتني قريب
أمل : بعد الشر عليك يا مصطفى
غادة _ ترد : ألو.. أيوه يا مروان
مروان : غادة ماتجهزيش شنطتك إحنا في مصيبه
غادة _بقلق: مصيبة إيه؟
أمل_ بلهفه : أستر يارب
مروان _ ل غادة : نور إتخطفت
غادة _ بصدمه : إيه بتقول إية يا مروان إتخطفت إزاي؟
مروان : مالك نزل راح مشوار وهي كانت مستنياه في العربيه خلص مشواره نزل مالقهاش
غادة : مشوار؟!! كان إمتي الكلام ده؟
مروان : من نص ساعة تقريباً هروحله وأكلمك بعدين
غادة :لو وصلتولها أبقي طمني
مروان : ماشي سلام
غادة : سلام
** قفلت غادة التليفون وقالت بذهول..
غادة : نور مرات مالك إتخطفت
أمل : يالهوي إزاى؟
غادة : من شارعنا مالك قال ل مروان انه راح مشوار وهي كانت معاه واستنته في العربيه نزل مالقاهاش الكلام ده من نص ساعة
مصطفي : يعني أكيد كان عندنا هنا وهي بتتخطف بس ليه ظنوا إنها إتخطفت؟
غادة _ بغيظ : عندها مشاكل وناس بتراقبها وكسروا صيدليتها شكلها كده عامله عامله كبيره أو أذت حد بحقنه أو تركيبه من تركيبات الأدوية اللي بتبعها
مصطفي_ يحرجها : خليكي في عملتك السودة الأول وربنا يردهالهم بسلامه
**ركبت شيرين السياره مع مالك وبحثوا عن نور بالمنطقه وظلوا يتصلون بها لم ترد.. وإتصلت شيرين ب ياسر وكريم وإتصل مالك ب مروان وجاؤا لهم بسرعه.. وقف كريم بجانب مالك ونسوا ما بينهما في هذه اللحظة
أنت تقرأ
مالك روحي (بقلم صفيه صالح)
Romance**في رحله البحث عن الحب الحقيقي ربما ننسي أنفسنا ونضعها في الهلاك ولكن مستحيل ان ننسي روحاََ سكنت القلب وسيطرت عليه اشد السيطره ♥️