مالك روحي (بقلم صفيه صالح)

١٧

١٧
** يقف كريم مذهولاََ أمام غادة التي تقترب منه ببطء متأمله ملامحه وعيونها لامعه تنظر له بحب وإعجاب ..
كريم : في حاجه يا مدام ؟
غادة _بهمس: وحشتني أوي
كريم _يلتفت حوله : إبعدي عني لو سمحتي
غادة : مش قادره يا كريم ملامحك وكل حاجه فيك وحشاني مفيش صوره ليك ولا إعلان ولا فيلم إلا وبشوفه كل يوم عايزني لما تكون قدامي أبعد عيني عنك؟
كريم _بسخريه : جوزك يا مدام هيخرج وراكي لو إتأخرتي عليه أكتر من كده وأنا كمان خطيبتي زمانها ملهوفه عليا
غادة : هي اللي ملهوفه ولا إنت؟ أنا شايفاك بتاكلها بعينك إزاي للدرجاي بتحبها؟
كريم : بحبها جداً.. وإنتي إبعدي عني بقي عشان لغايه دلوقتي أنا عامل حساب لمالك لكن لما أجيب أخري من تصرفاتك مش هسكت وهقولهم كل حاجه هو و مروان
غادة : لسه خايف على شعورهم يا كريم مش كفايه سبتني عشانهم زمان
كريم _يضحك بسخريه: دي الكدبه اللي كدبتيها وصدقتيها مش كده.. إقنعي بيها حد تاني سلام
** ذهب كريم تاركاََ غادة بعدما أوجعها بكلامه وسخريته فهي من تركته وحيداً ووافقت علي مروان عندما تقدم ل خطبتها بعدما تعرفوا علي بعضهما من خلال حضور حفل فيلم سينمائي من تصوير مالك وأخفت عنه وقتها بحبها ل كريم وإختارت مروان لمستقبله الأفضل بالنسبه لها ولأحلامها ...

** يخرج مالك ونور من القاعه وحولهم المعازيم وأمام سيارتهم تفاجئوا بأصوات صواريخ وطلقات رصاص بالجو أفزعت نور وأمسكت بذراع مالك بشده بينما أخرج ياسر مسدسه وأمسكت شيرين يده وفي ثواني إجتمعت رجال الشرطه وعلي رأسهم علاء الذين كانوا يحاوطون القاعه وبأيديهم عابد وبجانبه فتاه تدعي ميرا..
عابد : في إيه هو ممنوع ضرب النار هنا ولا إيه؟
** نظر مالك ونور لبعضهما وإقترب كريم من علاء
كريم : دا صاحبنا يا حضره الضابط
علاء : صحيح يا أستاذ مالك؟
مالك _ يقترب منه : أيوه يا فندم
علاء : للأسف صاحبكم هو اللي بندور عليه
ميرا : عابد في إيه؟
عابد : مش عارف.. أنا صاحبهم وجاي أبارك وأهني إيه المشكلة؟
علاء : هنشوف الموضوع ده في القسم
** إقترب ياسر من علاء ووضع مسدسه بجيبه وأخرج بطاقته الشخصيه وقربها من علاء
ياسر : أنا المقدم ياسر النوريجي ممكن أعرف إيه الموضوع
علاء _ يسلم عليه : غني عن التعريف يا باشا الموضوع شخصي متعلق بالدكتوره نور يونس وللأسف مش هعرف أتكلم فيه دلوقتي نظراََ للظروف ولسه كمان ماتمش التحقيق مع المتهم
مالك : متهم؟
كريم : يا فندم دا صاحبنا و إحنا عارفين طريقته في المجامله متهم إيه بس؟
علاء _ ل عابد وميرا : إتفضلوا معايا
ميرا : أنا ماليش دعوه يا فندم
عابد : ممكن تسبوها هي
علاء _ بحده ل عابد وميرا : إتفضلوا معايا..
كريم : إحنا هنيجي وراكم علي طول
علاء : لاء لما يخلص التحقيق معاه هبقي أكلمكم
علاء _ ل مالك ونور : مبروك يا جماعه إستمتعوا بوقتكم..
**أخذ علاء والعساكر عابد وميرا وركبوا سياره الشرطه بينما غضب كريم وقال ل مالك
كريم : إحنا هنسيبه كده؟
نور _ ل مالك : معقول يكون هو؟
مالك : شكله كده
ياسر: مالك لو في مشكلة وحاسين ان صاحبكم برئ قولولي وأنا أروح معاه وأحضر التحقيق
مالك_ينظر ل نور : مش حاسس إنه برئ
كريم : مش فاهم حاجة
مالك : مش وقته بقي الناس عنيها علينا هقولك في الطريق
ناهد _ ل نور : في إيه يا نور إنتوا كويسين
نور : اه يا ماما الحمد لله
ناهد : طب يا حبيبتي أنا هروح وألف مبروك
سمية : لسه بدري يا أم نور مالحقناش نتعرف علي بعض
نور _ ل ناهد : طنط سمية خاله مالك
ناهد _ ل سمية : أهلاََ وسهلاً بيكي معلش هاجي تاني قبل الفرح أقعد معاكم شوية
مالك : طب ثواني هطلب لحضرتك عربيه..
ناهد : العربيه اللي جايه بيها واقفه مستنياني
نور _ بضيق: كنتي عامله حسابك قبل ماتيجي إنك تمشي بسرعه
ناهد _بتجاهل : مبروك يا حبيبتي ألف مبروك
** سلمت ناهد وسلمي ويوسف علي نور وذهبوا بينما حاول مالك أن يشتت تركيز نور وزعلها من ناهد
مالك _ ل نور : يلا يا حبيبتى كريم عايز يشقلبنا قصدي يوصلنا
كريم _ بغيظ: طب ماشي أنا هوريكم الشقلبه
سمية : هتعمل فيهم إيه يا كريم؟
كريم : والله يا طنط لسه هشوف هقلب العربيه كام مره هزفهم زفه هجامين يعني
** ضحكت نور من قلبها وفتح مالك باب السياره الخلفي وركبوا و أخذ كريم يد رنا وفتح لها باب السياره الأمامي بينما كانت غادة تضغط علي أسنانها بقوه كادت تكسرها من الغيظ..
مروان : يلا يا ماما يلا يا غادة عشان نمشي وراهم
** فتح مروان بابي السياره الأمامي والخلفي كلاََ بإتجاه سمية و غادة فركبت سمية بالأمام ووقفت غادة تفكر قليلاً ويقف مروان منتظر ركوبها بإبتسامه فقفلت هي الباب بغضب وإبتعدت عن السياره..
مروان _ بتعجب : رايحه فين؟
غادة_بغضب : المفروض مكاني يبقي جمبك مش وراك
سمية _ تنادي : يلا يا مروان أخوك إتحرك
مروان _ ل غادة : عدي اليوم يا غادة عيب كده
** نظرت غادة ل مروان بسخريه وذهبت فركب مروان السياره وقادها ولأول مره لايبالي لتصرفاتها بينما إلتفتت هي خلفها تظن إنه ورائها كالعادة رأته يبتعد عن عينيها ويذهب وراء مالك وهنا شعرت بإنها سوف تخسره كما خسرت كريم من قبل ..