٩
**يقف مالك أمام نور ويندهش من صوتها العالي وغضبها
مالك : في أيه بتزعقي كده ليه؟
نور _ بتوتر ل نفسها : لو قولتيله ممكن يتعب زي المره اللي فاتت أوعي تقوليله يا نور انتي مش بتقربي منه عشان تتعبيه
مالك _ بحده : نور.. مالك ساكته ليه ماتقولي في إيه مين اللي عصبك كده؟
نور_بتردد : دا حد من الهاوس كيبينج كل شويه ييجي يخبط
مالك : هروح أشوفهم عايزين إيه؟
نور : لا لا مالهوش لزوم
مالك : شكلك متغير مالك؟
نور :أبداََ أنا كويسه
مالك : طيب ممكن أدخل؟
نور : اه طبعاً إتفضل حضرتك بتستأذن؟
**دخل مالك وقفل الباب خلفه
نور : هو حضرتك نازل تاني ولا إيه؟
مالك : لاء أنا كنت جاي أخدك وننزل نتعشي وأعذريني عشان سايبك لوحدك طول اليوم
نور : لا عادي محصلش حاجه المهم تاكل بسرعه عشان تاخد دواك
** يجلس مالك علي كرسي بإرهاق
مالك : أنا فعلاً حاسس بتعب شويه والمشكله إني نسيت الدوا
نور _بتلقائيه : لاء أنا جبته معايا في شنطتي مانسيتهوش
** إبتسم مالك ل نور لإهتمامها الكبير نحوه ولكنه شعر بضيق تنفس وعرقت جبهته فقلقت نور وجلست بلهفه أمامه علي ركبتيها
نور _بلهفه : انت تعبان مالك؟ .. حاسس بإيه ؟
مالك : إهدى إهدي مفيش حاجه الظاهر بس أنا تقلت في اللبس و حاسس ان الجو خنقه
**قامت نور بسرعه وفتحت نافذه الغرفه ثم إتصلت بالعاملين بالفندق لإحضار وجبه عشاء بسرعه شديده وفتحت دولابها لتخرج علبه صغيره بها علاج مالك
مالك : نور قولتلك إهدي أنا كويس
نور _ بتوتر : أنا هاديه أهو
** يقف مالك ويمسك يد نور ويربت عليها فتنظر ل عينيه ول يده وتأخذ نفساََ لكي تقاوم قربه ولمسته..
أنت تقرأ
مالك روحي (بقلم صفيه صالح)
Romance**في رحله البحث عن الحب الحقيقي ربما ننسي أنفسنا ونضعها في الهلاك ولكن مستحيل ان ننسي روحاََ سكنت القلب وسيطرت عليه اشد السيطره ♥️