جثث النيل/دم بين الاروقة

مناقشة وقفتنا😃✋

نبدأ برأي الشخصي في الشخصيات، اعتبروها رد للكومنتات:
روح:

شخصية قوية، نسبة للاجواء العاشت فيها، ح تلاحظ ان عندها جزء كوميدي م بظهر الا للمقربين منها شديييييد زي حبوبتها مريم مثلا....

مزن:

شخصية بنلقاها كتير في محيطنا، بتخفي زعلها بالضحك، شخصية م بتحب تبين حزنها، ده الرابط البينها وبين روح، الاتنين قويات بس في ظروف مختلفة، واختيارات مختلفة، مزن اختارت تكون بتضحك، وروح اختارت الجمود.....

رئبال:

حبيب الملايين😂😂 م عارفة الناس كارهاهو كده ليه الصراحة، نبدأ من اسمه في ناس النطق ساي غلبهم، رئبال معناها اسم من اسماء الاسد زي ليث ودرغام وهزبر، يلا شخصية رئبال دي الحصل فيها نتجة طبيعية للقسوة الشافها في حياته، انا م اطرقت ليها، رئبال شخصية قوية مغرورة بس بيظهر جانبه اللطيف مع بعض الناس، طبعا امه ليست من ضمنهم لانها القست عليه، بس والله شخصية حلوة بحزمه وقوته بدي انطباع جاد الرواية، عشان م تبقى هزلية شديد..

فارس:
فارس وم ادراك م فارس، ده الناس مختلفين فيه ، بطريقة، ناس شايفنه انه بلا شخصية وماشي ورا مزن، وناس شايفين انه راجل وبحمي بت جيرانه، يلا فارس ده النوع الداهية، البمثل شخصية غير شخصية، عامل أنه مباري مزن بس العكس، لانه في البارت الاول كان ممكن اخليها امشي ولا يعبرها ابقى مباريها بمزاجه، ممكن هو الشخصية الوحيدة الم عند اهلها قصة، بس خفة دمه ده اهم شيء....

*انا قصدت شخصية روح ورئبال تكون مضادة لشخصية مزن وفارس عشان م ممكن رواية جادة بلا نكهة، وم ممكن تكون هزلية شديد*..

الشخصيات الثانوية:

نرجس و سوسن:

الاتنين اتختوا في نفس الموقف اترملوا وعندهم عيال، الحصل ان سوسن ضمت بتها بحنان، ونرجس غلفت ولدها بالقسوة قايلة انه ده الاحسن ليه ده الاتسبب بنفوره منها لمن كبر في العمر..

*غنوة و وفاء:
دي شخصيات مسلية في بيت رئبال الكئيب، غنوة نفس طريقة مزن في دس زعلها، ضحك وهزار وخفة دم، كانت عكس اخوها ، برضو اترضت لضغط أمها بس استقبلته بضحكة، عكس اخواها الاخذه بقسوة وحزم وجمود..

وفاء: دي الصراحة م عندها دور في القصة، لكن ان اتختت غنوة براها الكوميدية في منزل المتوحشين ديل🐸😂😂 ح تنقتل و الله✋🌚فاعتبروها مرافق😀..

رحاب الشمشارة: في كل حلة سودانية تلقيها🙊🐸 م بتعرف بكسبوا شنو، بس اهم حاجة ايوصلوا الخبر🐼🐼

قيس و فوزية: قيس ده هنا م عنده دور غير وصل امه للعاصمة، م نطرق ليه ومرته رنا وولدهم هسي...

فوزية:دي ركزوا فيها عليكم الله، دي بطلة اغلب قصصي البوليسية الكاتباها، مرة حازمة شخصية قوية ومسيطرة وعندها عشق في التدخل في شغل المتحرين..

اما باقي الشخصيات غير الاساسية او الهامشية زي العسكري وموظفة الاستقبال م عندي لهم تعليق..

واهل روح ديل في نظري عوااااليق خاصة امها، ابوها انعدل في اخر الرواية، وآمل دي عسل منقط، م الا مرة الابو تكون زي سندريلا..

الحبوبة مريم دي حبيبة قلبي، مرة عسسسل ، دي الوحيدة الشافت الجزء التاني لشخصية روح..

نسيبة وغادة ديل تبع الشخصيات الثانوية طبعا...

عموما راجية كومينتات على كل شخصية على حدا وزول افهمني الكره الموجه لرئبال المسكين ده شنو😂😂😂

نتلاقى في الكومنت✌👇👇..