Unicode
"တီ..တီ..တီ..တီ......"
မနက် ၇ နာရီ နှိုးစက်ပေးထားသော
နှောင်းညို နှိုးစက်မှ အသံမြည်နေခြင်းဖြစ်သည်။နှောင်းညို အိပ်ချင်မူးတူးဖြင့် နှိုးစက်သံကြားကြားခြင်း ထပိတ်သည်။ကျောင်းပထမ အပတ် တစ်ပတ်လုံးတက်ပြီး ပထမဦးဆုံး ပိတ်ရက်မှာ အေးဆေးနားရမည်ဖြစ်သော်လည်း နှောင်းညိုနှင့်ခင်သော မေဂျာတူစီနီယာအမနဲ့ တွေ့ဖို့ချိန်းထားခြင်းဖြစ်၍ မနက်စောစော နှိုးစက် ပေးထားခြင်းဖြစ်သည်။
နှောင်းညို တက်နေသော တက္ကသိုလ်အနီး၌ ဘိုးဘွားများကို ပြုစုစောင့်ရှောက်နေသော ဘိုးဘွားရိပ်သာရှိသည်။ထိုကျောင်း၌ အကူ
လုပ်အားပေးအဖြစ် လုပ်အားဒါနပြုဖို့ နှောင်းဆန္ဒရှိကြောင်း စီနီယာအမအား ပြောပြပြီးလုပ်အားဒါနပြုလုပ်မည့်အကြောင်း ဘိုးဘွားရိပ်သာ ဦးစီးသူ ကျောင်းထိုင်ဘုန်းကြီးအား သွားလျှောက်ရာတွင် အဖော်လိုက်ခဲ့ဖို့ နှောင်းအကူအညီတောင်းထားခြင်းဖြစ်သည်။နှောင်း လျင်လျင်မြန်မြန်ပဲ တစ်ကိုယ်ရည်သန့်ရှင်းမှု့ လုပ်လိုက်သည်။နှောင်းညို လည်း အပြီး စီနီယာ အမက ဖုန်းဆက်လာသည်။
"ဟဲလို နှောင်း ပြီးပြီလား၊အမ... နှောင်း အဆောင်ရှေ့ရောက်နေပြီ"
"ဟုတ် အမမွန် နှောင်း....အခုပဲ ဆင်းလာပြီ"
"အေးအေး..အဲ့ဒါဆို အမစောင့်နေမယ်နော်"
"ဟုတ် အမမွန်"
အားလုံး ပြင်ဆင်ပြီးပြီဖြစ်သဖြင့် နှောင်းညို ဖုန်းချပြီးပြီးချင်း အခန်းတံခါးသော့ပိတ်ကာ အောက်ထပ်ကို ဆင်းလာလိုက်သည်။ဘုန်းကြီးကျောင်း သွားရမည်ဖြစ်သဖြင့် ကြက်သွေးရောင် ပုဆိုးအနီနှင့် ကော်လံပါ အနီရောင်အင်္ကျီလက်တို ၀တ်ထားသော နှောင်းညိုမှာ သပ်သပ်ရပ်ရပ်နှင့် လိုက်ဖက်လှသည်။တရုတ်စပ်ဖြစ်သောကြောင့် အနီနှင့်တွဲတွေ့သောအခါ နှောင်းညို အသားရောင်မှာ တောက်ပနေသည်။
"အမမွန် စောင့်ရတာကြာသွားလား"
"မကြာဘူး နှောင်း၊အမ ရောက်ရောက်ချင်း မင်းဆီ ဖုန်းဆက်လိုက်တာ"
YOU ARE READING
Untitled Love(ခေါင်းစဉ်မဲ့သော အချစ်)
Romance(Unicode & Zawgyi) ကံကြမ္မာက လူသားနှစ်ယောက်ကို ခေါင်းစဉ်မရှိ၊အဆုံးသတ်မရှိပဲ တွေ့ဆုံပေးမည်မဟုတ်။ ကံၾကမၼာက လူသားႏွစ္ေယာက္ကို ေခါင္းစဥ္မရွိ၊အဆုံးသတ္မရွိပဲ ေတြ႕ဆုံေပးမည္မဟုတ္။ Started date ➡️ 15.6.2020 Ended date. ➡️ 28.11.2020
