Unicode
နာမည်-နှောင်းညို
အသက်-၁၇နှစ်
ပညာအရည်အချင်း-နည်းပညာတက္ကသိုလ်ကျောင်းသား(TU student)
နှောင်းညို အရပ်က ၅ပေ၈လက်မ။တရုတ် ဗမာ သွေးနှောထားသည့် ကပြားတစ်ယောက်။အဲ့ကြောင့်မို့ အသားဖြူပြီး မျက်နှာနီရဲလေးနဲ့ အပြစ်ကင်းစင်သည့် ရုပ်ပေါက်သည်။ငယ်စဥ်ကတည်းက အဒေါ်က ဆံပင်အရှည် ကိုရီးယားစတိုင်ပုံစံ ဂုတ်ထောက်ပဲ ထားပေးတာဆိုတော့ နှောင်းညို ယခုချိန်ထိ ဆံပင်အရှည်ပဲ ထားဖြစ်သည်ကများသည်။ခန္ဓာကိုယ် အချိုးအစားကပုံမှန်အချိုးအစားမျိုးဖြစ်သည်။
ငယ်ငယ်ကတည်းက သင့်တင့်လျောက်ပတ်သော ပညာအရင်းအချင်းနဲ့ အလယ်တန်း၊အထက်တန်းပညာရေးကို ဖြတ်သန်းခဲ့သူတစ်ယောက်။အင်ဂျီနီယာတစ်ယောက်ဖြစ်ဖို့ ရည်မှန်းချက်ထားကာ တက္ကသိုလ်၀င်တန်းစာမေးပွဲကို ကြိုးစားဖြေခဲ့သည်။ ဂုဏ်ထူးလေးသာသာနဲ့ အောင်မြင်ခဲ့ပြီး သူ့အိမ်မက်များ၏ခြေလှမ်းအစ အင်ဂျီနီယာ ပညာရပ်များ ဆည်ပူးရန် နည်းပညာတက္ကသိုလ်သို့ ခြေဦးချနိုင်ခဲ့သည်။
"တက္ကသိုလ်ကျောင်းသား/သူ" ဟုအခေါ်ခံရဖို့ ဆယ့်တစ်နှစ်တာကာလကို မြန်မာကျောင်း သား/သူတိုင်း အချိန်ပေး ဖြတ်သန်းခဲ့ကြရသည်။နှောင်းညိုလည်း အပါအဝင်။ငယ်စဉ်ကတည်းက တီဗွီမှာသာ မြင်ဖူးကြားဖူး၍ ရင်းနှီးခဲ့သော တက္ကသိုလ်အငွေ့အသက်တို့ကို မိမိကိုယ်တိုင်ခံစားရတော့မည် ဖြစ်သည့်အတွက် စိတ်လှုပ်ရှားမှု့ပြည့်နှက်လျက်။'တက္ကသိုလ် ဆိုတာ ပညာတစ်ခုတည်း ရှာရတာမဟုတ်ဘူး၊လူမှု့ရေး၊အားကစားရေး စတဲ့ ဘက်စုံအရေးတွေမှာ တခြားကျောင်းသား/သူ တွေနဲ့ ပူးပေါင်းပါ၀င်လုပ်ဆောင်ပြီး ဘ၀သင်ခန်းစာတွေအများကြီး ရအောင်ရှာရမှာကွ' ကျောင်းလာခါနီး အဖေဖြစ်သူ ဆုံးမစကားပြောသည်ကို နားထဲ ပြန်ကြားယောင်လျက် နှောင်းညို၏
တက္ကသိုလ်ပထမဆုံးနေ့ ခြေလှမ်းများ တက်ကြွနေသည်။
ကျောင်းစတက်ကာလ တစ်ပတ်ကျော်လောက်တော့ ကျောင်း၀င်ခွင့်အမှတ်စဉ်နဲ့ လူဦးရေကန့်သတ်ပြီး မေဂျာမခွဲပဲ စုပေါင်းသင်ယူစေသည်။နယ်စုံ၊မြို့စုံက ရောက်လာကြ၍ အခန်းထဲစ၀င်တော့ မသိကြသေး။နောက်မှ ကိုယ့်ဘေးနား၊ရှေ့နောက်ထိုင်သူများ အချင်းချင်း မည်သည့်အရပ်ကလာတက်သည်၊နာမည်အပြည့်အစုံတို့ကို မိတ်ဆက်ပေးဖြစ်ကြသည်။တစ်ချို့လည်း အထက်တန်းကျောင်းသူငယ်ချင်း အုပ်စုလိုက် ကျောင်းတူတူရောက်လာကြသည်လည်းရှိသည်။စာသင်ယူရင်းမှ အချင်းချင်း ခင်မင်မှု့ရလာကြသည်။သူငယ်ချင်းအသစ် ထွန်းနောင်နှင့်လည်း နှောင်းညို ဆုံခဲ့ရသည်။
YOU ARE READING
Untitled Love(ခေါင်းစဉ်မဲ့သော အချစ်)
Romance(Unicode & Zawgyi) ကံကြမ္မာက လူသားနှစ်ယောက်ကို ခေါင်းစဉ်မရှိ၊အဆုံးသတ်မရှိပဲ တွေ့ဆုံပေးမည်မဟုတ်။ ကံၾကမၼာက လူသားႏွစ္ေယာက္ကို ေခါင္းစဥ္မရွိ၊အဆုံးသတ္မရွိပဲ ေတြ႕ဆုံေပးမည္မဟုတ္။ Started date ➡️ 15.6.2020 Ended date. ➡️ 28.11.2020
