Unicode
နှောင်းညို စာသင်ချိန်ပြီးသည်နှင့် ကျောင်း၀န်းထဲက အရိပ်ရသစ်ပင်ကြီးအောက်ရှိ ထိုင်ခုံ မှာ တစ်ယောက်တည်းထိုင်နေသည်။နှောင်းရှေ့က ကျောက်စားပွဲခုံပေါ် ၌ စာရွက်တွေကို ဖောင်တိန်နဲ့ ဖိပြီး တင်ထားသည်။အသုံးလိုသည့် စာရွက်ကိုယူရမည်ဖြစ်သဖြင့် လွယ်အိတ်ထဲ မထည့်တော့ဘဲ စားပွဲပေါ်တင်ထားခြင်းဖြစ်သည်။တခြားဘက်က ခုံတွေမှာတော့ သူငယ်ချင်းကိုယ်စီ၊အတွဲကိုယ်စီနဲ့ ထိုင်နေသည်။နှောင်း စာအုပ်တစ်အုပ်ကိုင်ပြီး အရေးကြီးသည့် မှတ်စရာ တစ်ခုခု မှတ်နေပုံပေါ်သည်။ရုတ်တရက် လေကြမ်းတစ်ချက် ဝှေ့သွားသဖြင့် ဖောင်တိန်ဖိထားသော စာရွက်တွေမှာ နှောင်းဘေးနား ပြန့်ကျဲ့သွားသည်။နှောင်းညို သူနဲ့အနီးဆုံး စာရွက်ကို ခေါင်းငုံ့ကောက်လိုက်သည်။
"အ........"
"အ......"
ခေါင်းချင်းတိုက်မိ၍ နာလို့အော်မိသည့်အသံ နှစ်ခုပေါ်လာသည်။နှောင်းညို ချက်ချင်းမော့ကြည့်လိုက်သည်။
"ဟင်....ကိုစိုင်း..။အား..ကျွတ်..ကျွတ် "
နှောင်းညိုနဲ့ ခေါင်းချင်းတိုက်မိသူမှာ ကိုစိုင်းခွန်းအိမ်ဖြစ်နေသည်။
"နှောင်း.... နာသွားလား"
စိုင်းခွန်းအိမ် နှောင်းအရှေ့က ခုံမှာ ၀င်ထိုင်လိုက်ပြီး နှောင်းအား မေးနေသည်။
"အင်း....နည်းနည်း နာတယ်။ကိုစိုင်း ဘယ်လိုလုပ်ရောက်လာတာလဲ"
"အကို အတန်းဆင်းတော့ နှောင်း တစ်ယောက်ထဲ ထိုင်နေတာ တွေ့လိုက်လို့လေ။နှောင်း နားရောက်တော့ စာရွက်တွေ ကျနေတာနဲ့ အကို ကောက်ပေးမလို့ လုပ်လိုက်တာ နှောင်း ခေါင်းနဲ့တွေ့တော့တာပဲ"
"နှောင်းခေါင်းက ပျော့ပါတယ်နော်။ကိုစိုင်းခေါင်းကသာ မာတာ"
"ဟုတ်ပါပြီဗျာ။နှောင်း အဆောင်မပြန်သေးပဲ ဘာလုပ်နေတာလဲ"
"ပြန်တော့မလိုပဲ ကိုစိုင်း။စာရှာရင်း အရှိန်ပါသွားတာနဲ့ မပြန်ဖြစ်သေးတာ"
"အကိုစောင့်ပေးမယ်လေ။တူတူပြန်ကြတာပေါ့"
"ဟုတ် ကိုစိုင်း။ခဏလေးနော်"
YOU ARE READING
Untitled Love(ခေါင်းစဉ်မဲ့သော အချစ်)
Romance(Unicode & Zawgyi) ကံကြမ္မာက လူသားနှစ်ယောက်ကို ခေါင်းစဉ်မရှိ၊အဆုံးသတ်မရှိပဲ တွေ့ဆုံပေးမည်မဟုတ်။ ကံၾကမၼာက လူသားႏွစ္ေယာက္ကို ေခါင္းစဥ္မရွိ၊အဆုံးသတ္မရွိပဲ ေတြ႕ဆုံေပးမည္မဟုတ္။ Started date ➡️ 15.6.2020 Ended date. ➡️ 28.11.2020
