One Month Before Break-up
(Now Playing: Epos by Zedd)
Nagising ako nang tumunog ang phone ko. Nakalimutan kong patayin ang alarm. Sabado ngayon at kagabi ko pa ginagawa ang research project namin ni Ethan. Hindi siya nakapunta sa bahay dahil daw may family affair sila. Tatlong oras lang ang tulog ko at hindi ko pa natatapos ang project.
Matutulog na sana ulit ako nang may nagtext. Binasa ko naman yun.
ARYAN: PeeJay!
Linapag ko naman agad ang phone ko sa side table. Magsusuplado na muna ako dahil dalawang oras lang ang tulog ko. Bago pa lang ako makatulog muli ay tumunog na naman ang phone ko. Kinuha ko yun at sinagot.
"Hello?" ang wala sa sarili kong pagbati.
"Peejay!" si Aryan sa kabilang linya.
"Bakit?" ang tanong ko.
"Kagigising mo lang ba?"
"Oo eh" ang tugon ko.
"Bakit? Pinagod ka ni Ethan?" ang mapanukso niyang tanong sa akin. Narinig ko ang pagtawa niya. Pero wala naman akong reaksyon.
"Wala siya" ang sabi ko. "Hindi ako nakatulog kasi tinatapos ko yung project namin."
"Hay naku" si Aryan. Bigla niyang tinapos ang tawag. Problema niya? Binalik ko ang phone ko sa side table at nagtalukbong. Narinig ko namang nagbukas ang pinto ng kuwarto ko. Si kuya yun malamang.
"JayPee, kung heheramin mo ang kotse ko. Pakuha na lang sa side table" ang bilin ko. Pero naramdaman ko na lang na may humiga sa tabi ng kama ko at yumakap sa akin.
"Ethan, I'm trying to sleep" ang pagmamaktol ko.
"Babe, threesome tayo" ang sabi niya sabay may nahiga sa kabilang tabi ko. Nanlaki ang mata ko at napaupo.
"The hell-" ang pagalit ko nang reaksyon ngunit naudlot nang makita ang mga katabi ko. Hindi si Ethan at kung sino man. Kundi si Blaze at Aldren.
"Morning PeeJay" ang bati ni Aryan sa tabi ng pinto.
"Shuta kayo!!" ang pagmumura ko na nagpatawa sa kanila. Kahit kailan talaga tong mga kabarkada ko. Ang lakas man trip!
"Hoy, Aryan. Labas!" ang bilin ko.
"Bakit?" ang pataas kilay niyang tanong.
"Nagyaya tong dalawa. Pagbibyan ko" ang paliwanag ko naman.
"Geez!" si Aryan. "Push mo yan!"
"Inggit ka lang eh" ang biro ko naman.
"Bumangon ka na diyan. Hang-out tayo" si Aryan.
"Wala pa akong tulog" ang sabi ko.
"Libre kita ng kape" ang sabi niya.
"Sige na nga" ang pagpayag ko naman. Bumaba naman ako.ng kama at kumuha ng towel sa closet bago nagtungo sa banyo. Pagkatapos makaligo ay lumabas ako na tanging twalya lang ang nakatapis sa bewang ko. Natigilan naman ang tatlo at napatingin sa katawan ko.
"Ang puti" si Aldren.
"Pink nipples" si Blaze sabay tatango-tango.
"Pero walang abs" ang panira ni Aryan.
"Oo na! Wala akong abs! Labas! Magbibihis ako. Mga manyak!" ang sabi ko sabay tulak sa kanilang tatlo palabas ng kuwarto ko. Nagsimula naman aking magpalit at mag-ayos ng sarili. Pagkatapos makapagbihis ay lumabas naman ako ng kuwarto at bumaba sa sala. Andun lang naman ang tatlo at tahimik na nakaupo. Si aryan lang naman ay nakatitig sa bungad ng kusina.
