الفصل السابع
وصل القطار محطته الاخيره ف القاهره
بدأ الجميع ينزلون من القطار ماعدا تلك الشاردتان ف احزانهم احدهما تبكي مصيرها والاخري تعبت من الامها صارت اضعف من نسمات الرياح
نظر عم امين الي مرام ورؤي الشاردتان والدموع تسير علي وجههم بصمت
عم امين في نفسه : لاحول ولاقوه الابالله مساكين الدنيا جايه عليكم لا اله الا الله
فاقت رؤي من شرودها علي صوت عم امين
عم امين موجها الحديث للفتاتان :يلا يا بنات ننزل الكل نزل
رؤي وهي تمسح دموعها:حاضر
رؤي لمرام : يلا ننزل يامرام
لم تستمع لاجابه فمازالت صديقتهاغارقه في بحر احزانها ترافقها الدموع تلك الدموع كانت انيستها ف الفتره الاخيره
رؤي بحزن علي حال صديقتها :مرام ياحبيبتي ردي عليا
مرام بتركيز :ها ' في ايه
رؤي بدموع : يلا ياحبيبتي ننزل القطر مابقاش فيه غيرنا
مرام بهدوء:حاضر
قامت رؤي وعم امين وسندوا مرام حتي استطاعوا النزول من القطر وبدأوا الوصول الي اخر المحطه كي يركبوا تاكسي لكي يصلوا الي البيت
اوقف عم امين التاكسي واخبره بالعنوان وساعدت رؤي مرام لكي تركب ثم تحرك السائق كي يصل بهم الي البيت
وصل عم امين ومعه الفتاتان الي البيت وقاموا باسناد مرام حتي وصلا الي شقه رؤي
دقت رؤي علي الباب حتي فتحت لها والدتها الباب
حنان بلهفه :رؤي حمدالله علي السلامه
ولكنها وقفت حزينه تلمع بعينيها الدموع حينما وجدت امامها مرام تلك المشاكسه التي كانت تملئ الدنيا بالضحك سارت حطام مجرد فتاه بائسه لاتستطيع الوقوف من الامها الجسديه ذهب جمالها من شده معاناتها النفسيه
حنان بالم : مرام يابنتي ايه اللي حصل لك ياحبيبتي
مرام ببكاء احتضنت حنان فحنان كانت ولازالت تمثل لها حنان الام وخوف الاب فهي كانت تعامل مرام كابنتها رؤي
مرام ببكاء : بابا كسرني انا خلاص موت يا ماما حنان خلاص
حنان بدموع : اوعي تقولي كدا يا بنتي انتي هتبقي كويسه وهترجعي احلي من الاول وبكره تشوفي .وبعدين ايه يا بت النكد دا فين مرام اللي كانت ضحكتها تجيب اخر الشارع
مرام بحزن :ماتت
رؤي بلهفه :بعد الشر عليكي يامرمر ماتقوليش كدا ياحبيبتي يلا بقي بصي احنا لازم ننام ونرتاح وبكره يا ستي نشوف هنعمل ايه
مرام بالم :بكره
رؤي :ايوا بكره يامرام بكره اللي هو بتاعنا احنا مش بتاع حد تاني احنا اللي هنكتبه بايدينا وهنعيشه زي ما احنا عايزين
ويلا بقي عشان ترتاحي
دخلت رؤي مع مرام الاوضه عشان تساعدها تنام
ف الصاله
حنان :مش عارفه اشكرك ازاي يا حاج امين
عم امين : ماتقوليش كدا يا ام رؤي دول زي بناتي ربنا يطمنا علي مرام يارب احنا هنسيبكم بقي ترتاحوا احنا خلاص قربنا علي الفجر يلا يا حاجه زينب
الحاجه زينب :ماشي ياحاج تصبحي علي خير يا ام رؤي
ام رؤي :وانتي من اهله يا حاجه
مشي عم امين والحاجه زينب وقفلوا الباب وراهم
حنان ف نفسها :اروح اطمن علي البنات والا لا انا هاسيبهم مع بعض الليله اكيد محتاجين يفضفضوا مع بعض واروح انام
***********
في اوضه رؤي
سندت رؤي مرام عشان تنيمها علي السرير
رؤي بهدوء: يلا بقي يامرمر حاولي تنامي انت زمانك اتكسرني اكتر ما انتي
مرام بتعب :انا مش هانام غير لما تقوليلي انتي ازاي جيتي هنا ومين عم امين دا
رؤي بمشاكسه :احنا ف ايه والا ف ايه يابنتي دا وقته
مرام بعند :ايوا وقته ونص يلا احكي انا مش جايلي نوم
رؤي بابتسامه :ماشي ياستي هاحكيلك
بدأت رؤي تحكي لمرام كل اللي حصل من ضرب ابوها ليهم لحد ما اتعينت ف الشركه
رؤي بتنهيده :بس ياستي هي دي الحكايه
مرام :ياااااه يارؤي كل دا حصل لك .بس الحمدلله ياحبيبتي ربنا عوضك وهتكملي كليتك وتشتغلي
رؤي محاوله اخفاء دموعها :الحمدلله يامرام انتي كمان ياحبيبتي بكره ربنا هيعوضك خير انتي كمان هتكملي تعليمك وتشتغلي وتعيشي بقي يامرام وتنسي بقي الماضي بكل اللي فيه
مرام بارتباك :انا عايزه اقولك حاجه يارؤي بس مش عايزاكي تزعلي
رؤي بقلق :خير يامرام في ايه اتكلمي
مرام بتنهيده :بعد ما مشيتي انتي ومامتك من البلد الناس بدات تتكلم وتسأل روحتوا فين واخواتك طلعوا اشاعه انكم سرقتوا ابوكم وهربتوا وكمان بباكي ف اسبوع كان اخواتك جوزوه واخوكي بيقول لو شافك هيقتلك
غمضت رؤي عنيها بحزن كاتمه شهقاتها العاليه وصرخات قلبها المستنذف وفي نفسها :انا سرقتكم انا بعد كل سنين العمر اللي اتسرقت مني ومن عمر امي انا اللي فضحتكم بعد كل اللي انا وامي عشناه ما اكتفتوش بكل اللي فات عايزين تكملوا علي اللي جاي
روحت اتجوزت يا بابا نسيتنا ونسيت اللي عملته فينا لا وكمان اخويا الوحيد شايف الموت هو الحل يعني لازم انا وامي نموت عشان انتوا تعيشوا
ف الوقت دا كانت مرام بتنادي علي رؤي بقلق :رؤي.رؤي ياحبيبتي ردي عليا
فتحت رؤي عنيها مره واحده وقالت بصوت عالي والدموع تنزل علي وجنتيها الحمراء من الحزن :لا لا مش احنا اللي نموت عشان انتوا تعيشوا لاجه اوان اننا اللي نعيش ونفرح وانتوا اللي تتوجعوا
احتضنتها مرام وهي تبكي خوفا علي صديقتها
مرام :انا اسفه يارؤي والله ماكان قصدي ازعلك انا غلطانه اني قولت لك
رؤي محاوله تخبئه دموعها:يابنتي ماتقلقيش كده انا كويسه انا بس زعلت شويه بس خلاص يا ستي انسي ويلا بقي عشان تنامي لان الفجر اذن وانا هاروح اصلي وانتي اتخمدي يابت يلا
مرام بضحكه :ماشي هانام بس اعملي حسابك تشوفي سرير تاني تنامي علبه لان ده يدوبك هيكفيني
رؤي بغيظ:بت نامي بدل ما اجي انيمك علي الارض نااااامي
مرام بخوف مصطنع :لاخلاص انا نمت خلاص سماح المره دي
ضحكت رؤي علي طفوله صديقتها التي مازالت تحتفظ بابتسامتها ومرحها رغم كل مامرت به
خرجت رؤي من الاوضه وذهبت لتتوضأ لتودي فريضتها
علي سجاده الصلاه كانت تبكي رؤي بقهر علي ماهيفيه ظلت وقت طويل تبكي حتي غلبها النوم فنامت كما هي علي سجادتها تونسها دمعاتها
******************
ف اليوم الثاني
في مستشفي المنصوره
محروس بصوت عالي :انا هاوديكم ف ستين داهيه
مدير المستشفي :لو سمحت اهدي هي اةيد هنا والا هنا هتظهر دلوقتي
محروس :تظهر ازاي يعني ولبس المستشفي مرمي علي السرير وعلاجها مش موجود
مدير المستشفي :حضرتك احنا ذنبنا ايه حتي لو مشيت احنا مانقدرش نعمل لها حاجه
محروس بعصبيه:يعني ايه تمشي وازايماتقدروش تمنعوها طبعا تلاقيكم متفقين معاها
مدير المستشفي :لو سمحت احترم نفسك احنا عملنا البي علينا سواء في انقاذحياتها وعلاجها او البحث عنها وبعدين حضرتك مضايق نفسك ليه كده مش حضرتك برضو سبب كل اللي حصلها
محروس بتوتر:ها .انا .انااااا
مدير المستشفي : انا مش عايز اسمع حاجه انا عايزك تفضل من غير مطرود تدور على مراتك في مكان ثاني بعيد عن هنا ده مكان لراحه المرضى مش ازعاجهم
محروس بصوت عالي :يعني اي
مدير المستشفى : يعني زي ما سمعت اتفضل
محروس : ماشي انا همشي بس لو ما لقيتهاش انا هارجع اكسر المستشفى دي فوق دماغكم
مدير المستشفى :اطلبوا الامن بسرعه عشان يشيل البني ادم ده من هنا
فضل محروس يزعق بصوت عالى لحد فعلا ماجه الامن وطلعوا بره المستشفى
**************
في بيت ابو مرام
الباب خبط جامد
ابو مرام بقلق: مين بيخبط كده على الباب
ابو مرام مش عارفه روح شوف مين
ابو مرام الباب لقى محروس امامه والشر يتطاير من عينيه مسك محروس ابو مرام من ياقته
ابو مرام رعب :في ايه يا محروس
محروس بعصبيه :ايوه استعبطوني استعبطوني
ام مرام بخوف :احنا عملنا ايه يا ابني بس
محروس بصوت عالي مش عارفين عملتوا ايه ثم القى بابو مرام على الارض
حاول ابو مرام الوقوف وساعدته زوجته
محروس بعصبيه :فين مرام
ابو مرام :مرام ايه يا ابني مرام معاك
محروس : بنتكم انتحرت يوم كتب الكتاب وراحت المستشفى ورحت اخرجها النهارده ما لقيتهاش
ام مرام: ايه وديت بنتي فين يا راجل انت
محروس :ايوه اعملوهم عليا اعملوهم
ابو مرام: يا ابني احنا والله ما نعرف عنها حاجه من ساعه ما خدتها
محروس: انا ها قلب الدنيا عليها لحد ما لاقيها وساعتها هاشرب من دمها ويلكم لو عرفت انكم كنتم عارفين مكانها سامعين
خرج محروس وقفل الباب وراه بشده حتى كاد الباب ان يكسر من شده اغلاقه
ام مرام بحزن احنا اللى ضيعنا مرام
ابو مرام بنتك فضحتنا جابت لنا العار محروس مش هيسكت لو لقاها هيقتلها ولو ما لقتهاش هيفضحنا في البلد
ام مرام في سرها استرها يا رب مع بنتي دي غلبانه ومالهاش حد يارب
*************
في نفس الوقت ولكن في قصر عبد الله ابو العزم
علي مائده الفطار
عبد الله: اعملوا حسابكم الفرع بقى جاهز مش ناقص غير حفل الافتتاح وساعتها هتبتدوا الشغل
جاسر بضيق امتى الحفل ده
عبد الله :بعد تلت ايام عشان نكون لحقنا نعمل افتتاح يليق بمؤسسه ابو العزم
ادم بهدوء على غير المعتاد: بابا انا اناااااا اسف
عبدالله بغموض :اسفك ذا انا هاقبله لما تتغير وتبقي بني ادم اللي انا عايزه غير كده لا
ثم وجهه كلامه لجاسر ايضا :لازم تعرفوا اني مش هارجع ف كلامي معاكم خليكم دايما فاكزين كدا وانتوا ف شغلكم لان اي خساره انتم المسئولين عنها اعتقد كلامي واضح
ثم وجهه حديثه لناهد :جهزي نفسك يا ناهد عشان الحفله
ناهد بابتسامه: حاضر ياعبدالله ماتقلقش
عبدالله يبادلها الابتسامه: تمام الحق انا الشغل .السلام عليكم
ناهد :وعليكم السلام
ادم موجها كلامه لجاسر :ابوك بيتحول اول مايكلم امك
ناهد :عقبال مالاقي اللي يتحولوا اول ماتكلموهم يارب
جاسر :بعد الشر عليا انا عايز اعيش
ناهد :هو انا يا ابني باقولك انتحر دا جواز يعني استقرار وامان
جاسر :وخنقه وخناقات وعلي ايه انا كدا زي الفل
ناهد:انا عارفه اني مش هاخد معاك لاحق ولا باطل وانت يا ادم ايه رايك
ادم :انتي عارفه كويس اني مش بافكر ف الموضوع ده
ناهد بحزن :ليه كده ياابني
ادم :انا ماليش ف الحب والنحنحه والكلام الفاضي دا انا مش عايز غير شغلي وبس اما شغل البنات دا لا
حنان وقد فقدت الامل :لاحول ولاقوه الا بالله مفيش فايده فيكم اغبياء تظنون قلوبكم تتحرك برموت كونترول انتوا فقط مالكينه كلا فقد حان الوقت لتتعلمون لغات اخري للحديث لتسطر كلمات الاشتياق والعشق صفحاتكم
**********
في بيت رؤي
ظلت مرام تتقلب في نومها يتصبب العرق من جبينها يبدو انها تحاول الهروب من كابوس مؤلم يطاردها
دخلت رؤى تطمئن عليها فوجدتها على تلك الحاله
اسرعت رؤي لايقاظها
رؤي بخوف :مرام اصحي يامرام مالك
مرام :ابعد عني ابعد عني
رؤي :مرام مرام فوقي
صحيت مرام وهي تتصبب عرقا تنظر حولها يرتعش جسدها من الخوف
احتضنتها مرام سريعا وظلت تردد بعض ايات القرأن وهي تمسح جبينها حتي هدأت مرام
رؤي بهدوء:مالك يامرمر
مرام بألم:كابوس فظيع يارؤي حلمت ان محروس وبدأت بالبكاء
احتضنتها رؤي مجددا وبدأت في تهدئتها
رؤي :مرام انسي يامرام لازم تقفي علي رجليكي وتبدأي من جديد سمعاني لازم تكملي تعليمك وتشتغلي وتعيشي
مرام :ازاي يارؤي بس ازاي اقدر انا خلاص ضعت ضعت
رؤي باصرار:لا انتي ماضعتيش انتي عديتي بمحنه صعبه لكنك اقوي منها وهتعديها وتكسري الظروف اللي كسرتك وانا معاكي نبدا من جديد
ثم مدت يدها اليها :اوعديني يامرام
نظرت مرام الي رؤي ثم مدت يدها بترددوقالت :اوعدك يارؤي
حضنتها رؤي ثم اكملت بضحك :يلا ياحاجه مرمر قومي عشان نفطر مش كفايه نيمتيني علي الارض ونمتي علي السرير
مرام وهي تمط شفتيها :انا اسفه يارورو مكنش قصدي انا روحت ف النوم خالص ومحستش بنفسي
ضربتها رؤي علي كتفها بخفه :عيب يابت ماتقوليش كدا ويلا بقي قومي ماما بتحضر الفطار وانا هانزل لعم امين عشان بعت ليا يلا قومي
خرجت رؤي عشان تروح لعم امين
رؤي بضحك :ازيك ياعمو امين عامل ايه
عم امين متصنعا الزعل :قاعد لوحدي ما انتي خلاص نسيتيني من بعد ماشغلوكي
رؤي :وهو انا اقدر برضو ها ياكبير كنت عايزني ف ايه بقي
عم امين بضحك :الله يجازيكي يارؤي ياستي كنت عايزك عشان اقولك انهم كلموكي ف الشركه وبيقولولك حفل الافتتاح بعد تلت ايام ولازم تحضري
لم يجد اجابه من رؤي فقط وجد الدموع في عينيها
عم امين بقلق :مالك يابنتي
رؤي :انا خايفه ياعمو امين قلبي مقبوض مش عارفه ليه
اميرتي الصغيره هذا قدرك وعليكي تنفيذه نعم انتي ستقعي في دوامه مع رجل لن يرحمك ولكن ف الاتي رحمه لن تجديها في ماضيكي
ستعاني كثيرا ولكن قلبك سينيره الحب سيعوضك الحب عن كل احزانك تلك الاحزان المالئه هذا القلب المكدوم ستزيلها ابتسامته
ياتري ايه اللي هيحصل ف الحفله ومرام هتعمل ايه ف حياتها وجاسر رد فعله ايه لما يشوف رؤي وايه اللي هيحصل لرؤي
كل ده هنعرفه الحلقه الجايه من كسرت كبريائي
