كسرت كبريائي
الفصل الثالث والعشرين
ف بيت رؤي
جاسر ببرود :الله يبارك فيكي عقبالك يا شيري .
شيري بصوت عالي سمعته رؤي وهي ف المطبخ :انت ايه معندكش دم مش مكفيك كل اللي عملته قدام الناس
فلاش باك
شيري بدلع :مالك ياجسوره مش معايا ليه
جاسر بضيق:انتي عارفه مالي كويس وبعدين ايه القرف اللي انتي لبساه دي مش عارفه تبقي محترمه ف يوم زي دا
شيري بغضب:دلوقتي مابقتش اعجب بعد ما حبيبه القلب لحست عقلك بقي عايز تسيبني انا عشان عشان واحده ز
جاسر بحده :لو كملتيها قسما بالله ما هاراعي لا الناس ولا الاصول ولا القرابه وهاخليكي تلعني اليوم اللي الدنيا خلتنا فيه ولاد خاله مفهوم
شيري برعب من نظراته فهي تعلمه جيدا ف غضبه اعمي حد الموت والآن هو كالاسد الجريح لايقوي احد علي الحديث معه حتي اخيه وابيه اختاروا الابتعاد قليلا عنه حتي لا ينالوا منه مالا يحمد عقباه
شيري :طيب ممكن تفرد وشك شويه الناس هتاخد بالها
جاسر بصلها بقرف من غير ما يرد
بعد شويه جت فريده ونادين عشان تبارك لهم
نادين :مبروك يا شيري مبروك ياجاسر
جاسر ببرود:شكرا
نادين :انتوا مش هترقصوا مع بعض
شيري بتسرع:طبعا هنرقص اكيد
جاسر باشمئزاز:لا طبعا مفيش رقص ولازفت
شيري بزعل :ازاي يعني هو احنا ف عزا
جاسر :دا اللي عندي لو عاجبك والا تحبي نفضها سيره
فريده بضحكه صفراء :خلاص ياشيري ياحبيبتي مش مهم رقص كفايه ان جاسر معاكي والايام جايه كتير ترقصوا براحتكم .يلا بقي ياجاسر عشان تلبس عروستك الشبكه
قدمت فريده الدبله لجاسر اللي فضل ماسكها شويه ومش قادر يحرك ايده ويلبسها لشيري كان نفسه تكون رؤي قدامه كان هيبقي اسعد راجل ف الدنيا بس ياخساره هو دلوقتي مجبر يحميها بخطوبته من شيري
فاق جاسر من شروده علي صوت موبايله
شيري بغضب :هو دا وقته ياجاسر
جاسر بلخفه من غير مايرد عليها رد علي الموبايل :ف ايه
الحارس علي الطرف التاني :الحق يا جاسر بيه في رجلين شكلهم غريب طالعين البيت
جارس بخضه :ايه. مين هما
الحارس:انا صورتهم وبعت لحضرتك صورهم
جاسر قفل معاه وفتح شاف صورهم واتأكد انهم ابو رؤي واخوها اللي كان شافهم ف الصور قبل كدا لما دور وراها
جاسر خبط الترابيزه اللي كانت قصاده برجليه
شيري كانت فاكره ان رؤي ماتت فرحت من جواها بس بينت انها ماتعرفش حاجه
شيري ببراءه:مالك ياجاسر
جاسر بشر:انتي ايه مكفكيش كل اللي وصلناله
لو رؤي جرالها حاجه ياشيري مش هيكفيني فيها عمرك انتي سامعه
سابها جاسر ومشي حاول ادم يوصله لكن جاسر كان اسرع وساب الخطوبه كلها تحت نظرات النظرات وهمهمتهم علي شيري وعليه وليه ساب الخطوبه
فريده بغضب :عجبك اللي ابنك عمله يا ناهد
ناهد بفرحه:اول مره يعمل حاجه تفرحني
فريده والشرار هتطلع من عنيها:انتي بتقولي ايه
ناهد بهدوء:باقول اللي عمري ماقدر لساني يقولها من يوم ما اتولدت طول عمرك بتغيري مني يا فريده من واحنا صغيرين اي حاجه ف ايدي عايزه تاخديها ولو ماعرفتيش بتكسريها حتي لما كبرنا وحبيت عبدالله حاولتي تاخديه ولما فشلتي حاولتي تكسرينا وتبعدينا عن بعض بس يا خساره ما قدرتيش والنهارده عايزه تكسري ولادي بعد ما فشلتي ف تربيه بناتك عايزه تاخده ولادي وعليهم عبدالله وفلوسه هديه مش كدا يا بنت امي وابويا
فريده بصدمه:انتي بتقولي ايه
ناهد :باقول اللي كتمته ف قلبي طول السنين اللي فاتت ومش قادره اكتمه اكتر من كدا
انا طول عمري ناهد الطيبه الهاديه اللي ما بتأذيش حد لكن انا مستعده اكون اسوء من الشيطان لو حد داس لولادي علي طرف كفايه عليكي اوي كل اللي عملناه معاكي وابعدي عن ولادي انتي وبناتك سمعاني يا اختي يا حبيبتي قالت اخر كلمتين وهي بتضحك بسخريه وسابتها ومشت
بدا الناس تمشي بعد ما خلاص نادين بلغتهم ان حصل ظروف لجاسر واضطر يمشي والحفله كدا مش هتكمل
عند شيري كانت هتموت من الغيظ،والاحراج وبمجرد خروج جاسر من الفيلا بعتت وراه اتنين يراقبوه
اما عند عبدالله ادم راح له
عبدالله بعصبيه:اخوك فين
ادم :مالحقتوش يا بابا طار بعربيته وباحاول ارن عليه مش
بيرد
عبدالله بغضب:حتي مانعرفش راح فين نروح له عجبك الفضايح اللي اخوك عملهالنا دي
فريده من وراهم بغضب:كدا يا عبدالله بتتفق مع مراتك وولادك عليا انا وبنتي ماشي ياعبدالله الحساب لسا ما خلصش وهتشوف
مشي عبدالله وناهد وادم وراحت شيري اوضتها ورفضت تتكلم مع اي حد لحد ماجالها اتصال من اللي كانت بعتاهم ورا جاسر واول ماردت بلغوها ان جاسر كتب كتابه علي رؤي وان الراجلين نزلوا من عندها مبسوطين ومشيوا
شيري قفلت التليفون ورمته علي الارض بغضب
شيري بغضب :مفيش فايده مهما عملت برضو اتجوزها بس انا مش هاخليك تتهني بيها حتي لو اضطريت اقتلها بايدي ياجاسر برضو مش هتبقي لغيري
قامت شيري غيرت الفستان بتاعها وراحت له عند رؤي
عوده للحاضر
جاسر ببرود:والله الكلمتين دول تقوليهم لنفسك مش ليا
انتي اللي عملتي كل دا من الاول لعبتي وخططتي عشان تفرضي عليا جوازي متك ومكفكيش كل دا كمان روحتي لاهل رؤي وخليتيهم ييجوا لها عشان يقتلوها مش كدا
شيري بتوتر :ايه اللي بتقوله دا قتل ايه بس لا طبعا
جاسر بصوت عالي :كفايه بقي انتي ايه مفيش مره ناويه تعترفي بغلطك بس الحق عليا انا اني سيبتك تتمادي لحد كدا ودلوقتي اتفضلي اطلعي برا مش عايز اشوف وشك تاني برااااا
شيري بشرار :انت بتطردني انا يا جاسر ومنين من بيت واحده ما استعناش اشغلها عند خدامه
بمجرد انتهاء جملتها لم تشعر سوي بالقلم الذي نزل علي وجهها ومن شدته وقعت ارضا ونزفت انفها بغزاره
جاسر بغضب :دا عينه من اللي ممكن اعمله فيكي لو فكرتي ف يوم تعتبي البيت دا والا تأذي رؤي ساعتها هاخليكي تكرهي الدنيا باللي فيها يلا براااا ومسكها جاسر من شعرها ورماها برا الشقه وقفل الباب
كل دا ورؤي كانت شيفاه ومش مصدقه انه عمل دا عشانها
جاسر وهو بيلف وشه اتفاجئ بيها وبنظره عنيها اللي كلها عشق ابتسم ليها وقرب منها وفضل هو كمان يبصلها بعيونه اللي بتسحرها وتنسيها الكلام
جاسربهيام :اول مره اشوف شعر بالجمال دا
رؤي بصدمه من كلامه:شعر مين .ايه دا
وافتكرت انها قلعت طرحتها وهي داخله المطبخ ولما سمعت صوت نادين خرجت بسرعه ونسيت تلبس طرحتها
رؤي وشها احمر وطلعت تجري ‘جاسر فضل يضحك عليها جامد وبعدين راح يكمل كلامه مع حنان اللي كانت مبهوره بيه من اول مانادين جت واطمنت علي بنتها انها بقت ف ايد امينه
جاسر :طنط حضرتك سرحانه ف ايه طنط حنان طنط حنااااان
حنان بخضه:نعم ف ايه
جاسر بابتسامه:سلامتك انا بس قلقت علي حضرتك لما ما ردتيش عليا
حنان بابتسامه رضا:سلامتك يا ابني انا هاروح اصلي ركعتين لله وارجع لك تكون رؤي خلصت الاكل
جاسر :تقبل الله يا طنط
حنان:منا ومنكم يارب
راحت حنان تصلي وجاسر استغل الفرصه وراح لرؤي المطبخ
كانت رؤي مدياله ضهرها ومشغوله ف تحضير الاكل ولسا ماغطتش شعرها
جاسر بهمس :يا بختي
رؤي لفت له بخضه :انت بتعمل ايه هنا
جاسر بهيام :جاي ابارك لمراتي حبيبتي الكل قالها مبروك الا انا
رؤي بتوتر من نظراته :طب قولها واطلع برا بقي احسن ماما تشوفك
جاسر :وايه يعني انا واقف مع مراتي حبيبتي ومحدش يقدر يمنعني
رؤي بابتسامه حاولت تخبيها:طيب روح برا لحد ما احضر لك العشا مش كنت جعان
جاسر بغمزه :جعاااان اوووي
رؤي بتوتر:جاسر
جاسر :قلب جاسر
رؤي :اطلع برا بقي
جاسر :من غير ما اباركلك يرضيكي يعني
رؤي بنفاذ صبر :اتفضل بارك وخلصني
جاسر قرب منها
رؤي بتوتر :انت هتعمل ايه
جاسر بابتسامه سحرتها:هاباركلك
رؤي :بارك من بعيد مش لازم تقرب يعني
جاسر :كدا يرضيكي يعني ابارك لك زي الغريب دا حتي عيب ف حقي
رؤي بتوتر اكبر :اه يرضيني
جاسر :بس ما يرضينيش انا
رؤي :جاسر
جاسر :قلب جاسر
رؤي بزهق :يادي الليله اللي باينه من اولها احنا كدا مش هنخلص والاكل دا هيتاكل الصب
قبل ما تكمل رؤي كلامها كان جاسر شدها ليه
رؤي بتوتر :جاسر ابعد
جاسر بنظره عشق :دا انا ما صدقت اني اقرب عايزاني ابعد تاني
رؤي بخوف :جاسر عشان خاطري ابعد
جاسر قرب منها وهي غمضت عنيها بخوف فضل مبتسم شويه علي شكلها وهي بين ايديه قد ايه جميله قد ايه قلبه فرحان من قربها دا فضل كدا شويه مستمتع بقربها منه هي كمان كانت فرحانه بقربه حاسه بامان حقيقي عمرها ماحسته اول مره تحس ان قلبها متطمن انها مش خايفه من بكره
جاسر قرب منها اكتر وباسها من خدها
جاسر بهمس :مبروك عليا وجودك ف حياتي اللي هتكمليها معايا لاخر العمر يا قلبي
رؤي كانت لسا مغمضه بس ملامح بدأ عليها الارتياح ودا فرح جاسر
جاسر مشاكسا :هو انتي مش ناويه تحضري لنا الاكل والا هنقضيها نحنحه والا ايه
رؤي فتحت عنيها وبصت له بغضب :اطلع برا يا جاسر براااا
جاسر بضحك :هههههههه باحب مجنونه وسابها وراح يقعد ف الصاله وحنان بعد شويه جت وقعدت معاه وشويه ورؤي حضرت الاكل وقعدوا ياكلوا سوا تحت نظرات جاسر اللي كانت موتره رؤي خالص وخلص الاكل وقام جاسر عشان يمشي
جاسر :انا هامشي بقي يا رؤي
رؤي:ممكن تقعد شويه
حنان بتفهم:انا اتأخرت علي معاد نومي تصبحوا علي خير
جاسر ورؤي:وحضرتك من اهل الخير
دخلت حنان اوضتها وفضلت رؤي قاعده هي وجاسر ساكتين
جاسر بعد شويه:هتفضلي ساكته كتير وباصه ف الارض
رؤي رفعت عنيها اللي كانت مليانه دموع ليه
جاسر بقلق:مالك يا رؤي انتي تعبانه
رؤي :اووووووي فوق ما ممكن انت تفهمني
جاسر :ايه اللي تاعبك
رؤي بضحكه مكسوره :ياااه كتير زي مثلا اب باعني النهارده وقبض التمن زي ماكان عايز يبيعني قبل كدا وكنت فاكره اني لما اهرب هامنعه يبيعني مكنتش اعرف اني باكسبه فيا اكتر
واخ عمره ما افتكرني جي النهارده يكلمني عن الشرف والاخلاق وسمعتهم اللي دمرتها مفكرش يسالني ليه انا عملت كدا حتي مالقتش ف عنيه نظره شفقه واحده علي حالي وامي اللي لولا اتفاقك معايا مكنتش زمانها عايشه كانت سبتني لوحدي ومرام اللي كل ما تقوم تقع تاني وتتكسر مع انها زي مكنتش عايزه عايزه كتير من الدنيا احنا بس كنا نفسنا نطمن وبباك اللي مافكرش فينا مكنش كل همه غير ازاي يرجعكم بس تعرف انا كنت ساعات كتير باحسدكم عليه قد ايه انتوا مش حاسين بالنعمه دي حتي انت لولا انك رعيت ربنا شويه ورفضت تنفذ الاتفاق كان زماني انا كمان ضعت واديك النهارده اتجوزتني شفقه عشان تحميني من الموت انا عارفه انك شايفني وحشه اوحش بكتير من انك
رؤي عيطت جامد وماعرفتش تكمل
جاسر كانت الدموع ف عنيه مش قادر يتخيل كل الوجع اللي جواها دا واللي كان هو بقسوته بيزوده اضعاف
جاسر قام قعد جنبها ومن غير مقدمات خدها ف حضنه وهي كانت ماصدقت تحس بامان عشان تقدر تعيط فضلت تعيط كتير وصوت شهقاتها بيعلي جاسر ماحاولش يوقفها بالعكس كان عايزها تخرج كل اللي جواها عشان ترتاح وف نفس الوقت قلبه كان وجعه اوي عليها فضلت رؤي اكتر من ساعه مش بتبطل عياط وبعدين بدأت تهدي وحست انها كل دا ف حضن جاسر فبعدت بسرعه
رؤي بعيون وارمه:انا اسفه مكنش قصدي
جاسر وهو بيمسح دموعها:انا اللي اسف انا اللي لازم اعتذر
رؤي انا باحبك اللي عملته عشانك مكنش شفقه كان عشان انا ما اعرفش اعيش من غيرك انا اتغيرت عشانك حبيت الدنيا عشان انتي فيها بعدت عن كل حاجه ممكن تضايقك وقربت من كل حاجه انتي بتحبيها مجرد قربك مني كافي يخليني اسعد انسان ف الدنيا انا مش عايز منك حاجه انا عايزك فرحانه ومرتاحه صدقيني انا عايز اعوضك عن كل اللي فات بس انتي اتمني وانا هاحقق لك كل احلامك
رؤي بدموع وصوت مكتوم من كترالعياط:وشيري
جاسر بابتسامه لما حس بغيرتها :تفتكري ف واحد بيحب واحد يعمل فيها اللي انا عملته ف شيري انهارده
رؤي بابتسامه من بين دموعها:تستاهل
جاسر بابتسامه :وانتي كمان يا حبيبتي تستاهلي
رؤي بخوف :استاهل ايه
جاسر بمشاكسه:تستاهلي ابات معاكي النهارده
رؤي بتوتر:اطلع برا يا جاسر
جاسر:ايه حكايه اطلع برا اطلع برا اللي انتي ماسكهالي دي اهدي عليا شويه با وليه انا جوزك
رؤي :امممم وليه بص احنا نتفاهم بعدين بدل ما اخليك الليله تبات ف المستشفي
جاسر بتفكير:امممم وطبعا انا مش هاهون عليكي تسيبيني وهتباتي معايا وابقي عملت اللي انا عايزه انا موافق
رؤي بعصبيه:اشد ف شعري والا اصوت والم عليك الجيران
جاسر وهو بيرفع حواجبه :انتي بتتحولي والا ايه
رؤي :جاسر روح
جاسر :انا هامشي بس عشان الوقت اتاخر بس بكره حسابنا هيبقي كبير
رؤي بابتسامه :سيب بكره لبكره
جاسر بابتسامه اكبر :تصبحي علي خير يا قلب جاسر
رؤي بفرحه:وانت من اهله
مشي جاسر وراحت رؤي تنام وهي حاسه انها مالكه الدنيا كلها ومش مصدقه ان كل دا حصل وخلاص جاسر بقي نصيبها وكمان بيحبها وساب شيري
رؤي كانت فرحانه اوووووي بس افتكرت مرام فعنيها دمعت
رؤي بحزن:يارب طمني علي مرام عشان فرحتي تكمل يارب انا مقدرش اعيش من غيرها يارب فرح قلبها انت عالم قد ايه هي تعبت ف حياتها يارب
فضلت رؤي تدعي لمرام لحد ما نامت
****************
تاني يوم الصبح
ف فيلا عبدالله
علي مائده الفطار
كان عبدالله وناهد وادم بيفطروا ونزل جاسر بعد شويه
جاسر بابتسامه صباح الخير
ادم وناهد :صباح النور
ادم بهمس :كنت فين وايه اللي عملته امبارح دا يا مجنون
جاسر بضحك :عجبتك
ادم بتعجب :يا رايق . دا ابوك هيولع منك
جاسر :احمممم بابا هو حضرتك ساكت ليه
عبدالله بصله وما اتكلمش
ناهد :ايه يا عبدالله هتفضل ساكت كدا
عبدالله لجاسر :مبروك يا جاسر بيه بس كنت افتكر ان ليك اب تاخد رأيه
جاسر فهم ان ابوه عرف بخبر جوازه ودا ريحه لانه كان شايل هم يبلغه الخبر ازاي بس ف نفس الوقت هو زعلان لحزن ابوه منه
ناهد بتعجب :مبروك علي ايه
عبدالله :لابنك اللي كتب كتابه امبارح من غير ما يعرفنا
جاسر :يا بابا انا كنت مجبر علي كدا والا رؤي كانت ممكن تموت
ادم :يا ابن الايه اتجوزتها لا ناصح
عبدالله بغضب :جري ايه حته عيلين زيكم مش عارف اعدلهم والا ايه
جاسر :العفو يا بابا والله كان غصب عني بس مكنش عندي حل تاني ولما رجعت كنتوا نايمين ومحبتش اصحيكم
عبدالله :وشيري مافكرتش فيها
جاسر :يا بابا شيري هي السبب هي اللي بعتت ابو رؤي واخوها ليها وكانوا هيقتلوها كنت اسيبها عشان اكمل خطوبه مزيفه
ناهد بزعل:تقوم تتجوز من غير ما نعرف ياجاسر تكسر فرحتنا كدا
جاسر :ليه تتكسر يا امي انتي تكرهي اكون مبسوط انا باحب رؤي وهاكون مبسوط معاها وبعدين احنا بس كتبنا الكتاب وهنعمل فرح كبير زي ما انتي عايزه
بابا انا نفسي فرحتي تكمل وهي مش هتكمل غير برضاكم عني وعن رؤي عشان خاطري يا بابا
عبدالله بهدوء:ماشي يا جاسر لما اشوف اخرتها معاك
مبروك يا ابني ربنا يتمم لك بخير
ناهد :مبروك ياحبيبتي ربنا يباركلكم ي بعض يارب
جاسر بفرحه:الله يبارك فيكم يارب ماتتصوروش انا دلوقتي فرحان ازاي
عبدالله بص لادم اللي كان سرحان بحزن
عبدالله بحزن علي ابنه :ايه يا ادم مش هاتبارك لاخوك والا ايه
ادم بفرحه بس عيونه مكسوره :الف مبروك ياجاسر ربنا يتمم لك بخير يارب
جاسر :الله يبارك فيك يارب
وبصوت واطي قاله :عقبالك انت ومرام
ادم بتنهيده :يااااااارب وقام عشان يمشي
عبدالله :رايح فين دلوقتي ادم لسا بدري علي معاد الشركه
ادم :هتمشي شويه قبل الشركه عن اذنكم
ناهد بحزن :يارب يفرح قلبك يا بني
عبدالله وجاسر بحزن عليه :يارب
************
ف المشفي
مرام كانت قاعده علي السرير ساكته والدموع نازله من عنيها
بصمت وباصه للفراغ
الباب خبط لكن هي كعادتها ماردتش
بعد شويه اتفتح الباب وكان ادم اللي اول ما شافها بحالتها دي فضل واقف شويه عند الباب مش قادر يقرب منها ولا قادر يبعد عنها
هي كمان قلبها عرفها انه ادم رغم انها كانت ضهرها ليه ومكنتش،شايفاه بس دقات قلبها عرفتها انه حبيبها
لفت ضهرها ليه وبصتله بعتاب وكأنها بتساله ليه عملت فيا كدا
ادم قرب منها وقعد علي الارض جنب السرير ومسك ايديها باسها وفضل ساكت مش عارف يعتذر والا يطلب منها تسامحه والا يعمل ايه
ادم بدموع :مرام انا بحبك بحبك
ف الوقت دا الباب اتفتح تاني لكن اتفتح بكل جروح الماضي اللي كانت فاكره نفسها قفلته
مرام بصدمه :محروس
محروس بضحكه خبيثه :وحشتيني ياحبيبتي اوي
ياتري ايه اللي هيحصل بين محروس ومرام وادم هيعمل ايه وقصه جاسر ورؤي سطور العذاب فيها انتهي والا لشيري رأي تاني
كل دا هنعرفه الحلقه الجايه من كسرت كبريائي لو عجبتكم الحلقه عايزه تفاعل كتير وزأيكم ف الحلقه وتوقعاتكم للحلقه الجايه .
دمتم بخير
