الفصل السادس عشر
ملخص احداث الفصل الخامس عشر .
مامت رؤي تعبت وكان لازم تعمل عمليه هتتكلف كتير ف نفس الوقت اللي جاسر عرف فيه بهروب رؤي من بباها
جاسر راح لرؤي المستشفي وساومها انها توافق تقضي معاه اسبوع ف مقابل انه يعمل عمليه مامتها رؤي رفضت وطردته لكن بعد كدا اضطرت توافق وفعلا راحت معاه بس وقفت علي شط البحر وفضلت تعيط وفجأه رمت نفسها ف البحر جاسر حاول ينقذها
عند مرام ادم بناءعلب اتصال اخوه راح اخد مامت رؤي من المستشفي عشان يوديها مستشفي خاص واتفاجئ بمرام هناك راحوا المستشفي وبدأت مامت رؤي العمليه ف الوقت دا انهارت مرام قدام ادم وفضلت تزعق لحد ما الممرضه قالت ان المريضه قلبها وقف مرام اغمي عليها
بدايه الفصل السادس عشر
خرج جاسر رؤي من البحر
جاسر بلهفه وخوف :رؤي رؤي ردي عليا رؤي انا اسف مش هازعلك بس ما تسيبنيش رؤي ردي
لم تنطق رؤي بكلمه ظلت علي حالها نبضات قلبها تضعف حتي كادت ان تنقطع
وقف جاسر حملها بسرعه وضعها بالكرسي الخلفي للسياره وذهب مسرعه الي الشاليه وقام بالاتصال بطبيب يعرفه هناك
وصل جاسر الشاليه فتحه ثم ادخل رؤي الي غرفه النوم وضعها بهدوء علي السرير وقلبه يرتعب خوفا علي حبيبته ظل ناظرا لها نظرات تحمل الاسف والعتاب حتي سمع خبط علي باب الشاليه
ذهب مسرعا فتح الباب وجد الدكتور
جاسر بلهفه :اتفضل بسرعه يا دكتور
دخلوا الي رؤي بدأ الطبيب ف الكشف عليها
الطبيب :اطمن يا جاسر بيه هي ترتاح يومين وتاخد العلاج دا وهتبقي كويسه
جاسر براحه :شكرا يا دكتور اتفضل
خرج الدكتور ومعاه جاسر وراح جاسر يجيب العلاج لرؤي وجاب لها لبس واكل ورجع
دخل جاسر الشاليه لقي رؤي لسا نايمه زي الملايكه مش حاسه بالدنيا
طلع نادي علي حارس الشاليه بتاعه
جاسر بصوت عالي :عم جمال عم جمال
عم جمال بلهفه :ايوا يا جاسر بيه حمدالله علي سلامه سيادتك
جاسر :الله يسلمك هي مراتك موجوده
عم جمال باستغراب :ايوا يا باشا موجوده
جاسر :روح هاتها انا عايزها ف حاجه
عم جمال بقلق:حاضر
راح عم جمال وبعد لحظات رجع ومعاه مراته
صباح (مرات عم جمال):تحت امرك يا باشا
جاسر :خليك هنا ياعم جمال وانتي تعالي معايا ياست صباح
دخل جاسر هو وصباح اوضه رؤي
صباح بخضه :مين دي وايه اللي مبهدلها كدا
جاسر بعصبيه :مش عايز اسئله كتير وحذاري حد يعرف حاجه ولاحتي عم جمال فاهمه
صباح بخوف :حاضريا بيه
جاسر :كل المطلوب منك تساعديها تغير هدومها عشان ما تتعبش دي الهدوم وانا هاستني بره لكن بسرعه
صباح :تحت امرك يا باشا
خرج جاسر وقفل الاوضه وراه وفضل قاعد بره الثواني بتعدي سنين
جاسر لنفسه :اهدي شويه اكيد مش غيران من واحده كمان بعد شويه خرجت صباح من الاوضه
صباح :انا خلصت يا باشا
جاسر :الهدوم جت مقاسها
صباح :بالظبط يا بيه كانهم معمولين عشانها وهي اسم الله عليها بدر فيهم
جاسربشرود:هي جميله ف اي حاجه تلبسها
ثم فاق من شروده نظر لصباح ثم اعطاها بعض النقود
صباح :خيرك سابق يا باشا انا مش عايزه حاجه
جاسر :خديهم بس يا صباح هاتي بيهم للاولاد حاجه
صباح بابتسامه :تشكر يا باشا عن اذنك
جاءت لتخرج ثم وقفت
جاسر :في حاجه
صباح :انا عايزه اقولك حاجه يابني عشان اخلص ضميري من ربنا
جاسر :عايزه تقولي ايه
صباح :البت دي مش زي اللي فاتوا عليك ياجاسر بيه دي يبان عليها انها محترمه وبنت ناس ما تأذيهاش البنات يامه شاور الف من تترمي تحت رجليه بمزاحها لكن دي بلاش سيبها تروح لحال سبيلها من غير ما تأذيها دي شكلها غلبانه انا قولتلك اللي عندي عشان اخلص ضميري من ربنا سلامو عليكم
خرجت ثباح وفضل جاسر واقف حزين شويه بعدين دخل اوضه رؤي وقف منبهر من جمالها بالفستان الوردي اللي بيشبه خدودها قعد علي كرسي ةنبها وفضل يكلمها وهي نايمه
جاسر بهيام :شوفتي ذوقي حلو ازاي بعدين ضحك وكمل طبعا حلو مش اختارتك لازم يبقي حلو بس الفستان حلو اوووي عليكي حتي وانتي تعبانه ملكه جمال
ثم اكمل بحزن ودموع :انا اسف يا رؤي اسف يا حبيبتي ايوا حبيبتي انا حبيتك من اول مره شوفتك فيها اتغيرت عشانك حبيت الدنيا بيكي بس انتي خذلتيني كسرتي كبريائي وجعتي قلبي اللي عمر ما حد وجعه انا خلاص مش عايز منك حاجه قومي ماتفضليش ساكته كدا قومي زعقي كسري عيطي قومي اعملي اي حاجه بس كا تفضليش كدا
فضل جاسر يكلمها وهي نايمه مش حاسه بحاجه لحد ما هو كمان نام وهو بيكلمها
*********
ف المستشفي
آدم بهبوط :مرام فوقي يامرام بقي انتي استحليتي النوم والا عجبك قلقي عليكي
الدكتور :ارتاح ياادم بيه انت اكيد دايخ وتعبان ولما تفوق هنناديلك
ادم بحزم :لا طبعا مش هاسيبها غير لما تفوق
مرام وهي لم تفق بعد: ماما حنان رؤي ماما
ادم بفرحه:مرام فوقي يا مرام مامت رؤي ولا مامتك والله انا خايف تطلع متبنياكم ف الاخر المهم يا حاجه فوقي كده مش كفايه خدتوا دمي دا انا هامرمطك بيه بس لما نرجع الشركه
مرام وهي تحاول ان تفتح عينيها :هو انت لسانك طويل هنا وف الشركه
ادم بفرحه لحديثها :حمدالله علي السلامه يا مرمر
مرام وقد فتحت عينيها نظرت له بابتسامتها الساحره ثم قالت بلهفه :ماما ماما
ادم :اهدي هي بخير والله
الدكتور:اولا حمدالله علي السلامه ثانيا مامتك بخير ولدم بيه اتبرع لها بدم كتير لازم تشكريه وهي حاليا ف العنايه المركزه وان شاء الله لو عدت الايام الجايه علي خير نبقي كدا عدينا مرحله الخطر
مرام بفرحه :شكرا يا دكتور
الدكتور بابتسامه :العفو تسمحيلي بقي اقيس لك الضغط
لساهيقرب الدكتور من ايديها مسك ادم ايده
ادم بعصبيه :خلي حد من الممرضات تقيس لها الضغط
الدكتور بتعجب من تصرف ادم :افندم
ادم بصوت عالي :حضرتك سمعتني اكيد
خرج الدكتور وبعت ممرضه قاست الضغط لمرام وطمنتهم عليها وخرجت
مرام بتعجب :انت ليه عملت كدا
ادم وقد امسك ذراعيها بحده :عشان ما اتخلقش اللي يمد ايده علي حاجه تخص ادم ابو العزم
مرام بدموع :سيب ايدي لو سمحت ايدي وجعاني اوووي
ادم وقد عاد لوعيه من جديد نظر لتلك الدمعتان المحبوستان بعينيها ترك يديها
ادم :انا خارج وانتي اجهزي عشان نروح نطمن علي مامتك
خرج ادم منفعلا وتركها حزينه علي مافعله معها
ظل ادم يلوم نفسه علي ما فعله معها
ادم لنفسه :غبي غبي ازاي تعمل كدا
اعمل ايه يعني ماهي اللي خرجتني عن شعوري
لا هي ماعملتش حاجه
لاعملت كانت موافقه يمسك ايديها
وفيها ايه بس
فيها انه ماينفعش الدكتور يمسك ايديها
ماينفعش يمسك ايديها والا عشان بقت حبيبتك بقت خط احمر لغيرك
لا لا مش حبيبتي انا ما حبتهاش ولا هاحبها دي واحده عاديه ما تفرقش معايا خالص
ف نفس اللحظه خرجت مرام من اوضتها يبدو علي وجهها الحزن مازالت الدموع محبوسه ف مقلتاها
نظر ادم اليها بحزن فهو سبب ما هي عليه ولكنه ادم ابوالعزم لم تخلق فتاه لتجعله يتقدم بالاعتذار مهما حدث
ظل ناظرا لها بحزن ثم حاول الحديث
ادم :يلا عشان نطمن علي مامتك
اشارت بمعني موافقه دون ان تنظر له
راحوا مع بعض العنايه واول مرام ما شافت حنان افتكرت نفسها وهي تعبانه بدات الدموع تنزل من غير صوت شعرت وكأن الارض تدور بها شعرت برعشه بجسدها بدأت ضربات قلبها ف الزياده بدأ تنفسها يزداد لاحظ ادم ذلك
ادم بقلق :مالك يا مرام
مرام بتنهيده :يلا من هنا
اسندها ادم وذهب بها الي الاستراحه
ادم :مالك يا مرام فيكي ايه
نظرت له نظره طويله كأنها تطلبه ان ينظر لقلبها بدلا من عينيها عله يستطع اخراج تلك الاحزان من قلبها
***********
ف الشاليه
ظلت رؤي نائمه يومين كلما تفيق تظل تصرخ باسم والدتها تهذو بكلمات لاتفهم وجاسر بجانبها يخبرها ان والدتها بخير ولكن يبدو انها لا تسمعه احزان ماضيها تراودها بكوابيسها
******
ف المشفي
مرام بخوف :يعني ايه رؤي مش ف البيت اومال راحت فين
عم امين بقلق :انا كنت فاكرها معاكي
مرام :بقالها تلت ايام ما شوفتهاش خرجت من المستشفي من غير ما تقولي وما رجعتش
ادم :بالراحه بس يا مرام اكيد عند حد من قرايبكم
مرام باستهزاء:قرايبنا ثم نظرت بعيدا عنهم
وقالت :ياتري حصلك ايه يا رؤي انا عارفه انك مش بخير قلبي بيقولي وازاي ما احسش بيكي وانتي شريكتي ف الوجع قبل الراحه دا ان كنا ارتاحنا اصلا ف الدنيا ثم نظرت اليهم :انا لازم ابلغ البوليس
ادم :لو ماجتش لحد بالليل يامرام اوعدك هابلغ البوليس بس خلينا ننتظر بلاش شوشره من غير لزوم
***********
ف الشاليه
فاقت رؤي اخيرا نظرت لجاسر الجالس علي كرسي بجوارها وعندما وجدته بجوارها تذكرت كل ماحدث بدأت ف البكاء حتي ازدادت فيه
جاسر بخوف عليها :اهدي يا رؤي اهدي ارجوكي كفايه
رؤي بخوف منه :ايه اللي حصل
جاسر وقد فهم ما ترمي اليه خاصه بعدما وجدها تنظر الي ملابسها بحزن :رؤي اهدي يا رؤي ما حصلش حاجه انا انقذتك من البحر وجبتك هنا وبقالك تلت ايام نايمه .
رؤي بصدمه :تلت ايام ،ماما،مرام
جاسر :ما تخافيش مامتك عملت العمليه والحمدلله العمليه نجحت وبدأت تفوق
رؤي بفرحه :بجد انت مش بتضحك عليا ماما عايشه ما سابتنيش
جاسر بحزن علي حالها :ايوا والله هي كويسه اطمني
اغمضت رؤي عينيها بحزن ثم قالت :ممكن تخرج وتسيبني دقيقه
جاسر بخوف عليها :ليه يا رؤي
رؤي :ما تخافش مش هاحاول انتحر خلاص ماما عايشه يبقي اي حاجه تهون ارجوك سيبني دقيقه مع نفسي وما تجيش غير لما اناديلك
جاسر :حاضر يا رؤي
خرج جاسر وتركها
قامت رؤي من علي السرير كانت شعور الدوخه تصاحبها باستمرار ولكنها قاومت فتحت الدولاب وجدت به ما توقعته
دولاب ف شاليه جاسر ابو العزم فماذا سيوجد به
ظلت بالاوضه حتي مر وقت طويل قلق جاسر عليها فدق عليها الباب
جاسر :رؤي انتي كويسه
روي من الداخل :اتفضل
فتح ادم الباب بهدوء لكنه انصدم
ياتري ايه اللي حصل لرؤي وادم ومرام هيحصل بينهم ايه هنعرفه الحلقه الجايه من كسرت كبريائي
لو عجبتكم الحلقه عايزه دعوه حلوه منكم
