الفصل السادس
ف القطر العائد من المنصوره
رؤي لنفسها :يااااه يارؤي وكأن الدنيا مصره ماتفرحكيش ابدا ثم تذكرت حديثها منذ قليل مع عم امين
عم امين : تعالي ارتاحي يا رؤي عشان نتكلم
قعدت رؤي بقلق وبدأ عم امين ف الكلام معاها
عم امين بحزن باد علي وجهه :النهارده يا رؤي مرام رنت عليا رؤي بلهفه :مرام .طمني عليها عامله ايه وايه حصل لها وليه مكلمتنيش و
عم امين باشفاق علي حالها : اهدي شويه يا بنتي واسمعيني
بدا عم امين يحكي لرؤي اللي حصل
فلاش باك
بعد العصر ف المحل
فضل عم امين منتظر رؤي تيجي تطمنه
عم امين ف نفسه : معقول كل دا تأخير يا رؤي ربنا يكرمك يارب يا بنتي
عم امين لقي تليفونه بيرن
عم امين :اكيد دي رؤي بتكلمني تطمني
رد عم امين علي تليفونه
عم امين : السلام عليكم
صوت فتاه علي الجانب الاخر :وعليكم السلام لو سمحت دا رفم رؤي
عم امين بقلق : حضرتك مين
الفتاه : انا ممرضه ف مستشفي المنصوره العام فيمريضه هنا اسمها مرام طلبت مني اكلم صاحبتها علي الرقم دا
عم امين : ايه .مرام ف المستشفي ليه ايه اللي حصل
الممرضه :مش عارفه ايه اللي حصل بس هي جت المستشفي وهيا عندها نزيف وكسور ف انحاء مختلفه من جسمها وفضلت كذا يوم ف العنايه وهي خرجت النهارده وبدات تفوق وبتسال علي صاحبتها وطلبت مني اكلمها لو سمحت بلغها تكلمها ضروري
عم امين بحزن :حاضر يا بنتي شكرا
الممرضه : الشكر لله مع السلامه
قفل عم امين التليفون وهو بيقول بصوت منخفض :لاحول ولاقوه الا بالله العلي العظيم ياعيني عليكي يا رؤي يا بنتي كل ماتحاولي تقفي علي رجليكي الدنيا ترجعك ورا مسكينه هتلاقيها منين والا منين لا اله الا الله
اغلق عم امين المحل صاعدا الي زوجته الجالسه مع حنان في شقتها كعادتها منذ مجئ حنان ورؤي فقد اصبحتا كالاخوات يتقاسمون الاحزان والافراح معا
طرق عم امين الباب فتحت له الحاجه زينب
الحاجه زينب باستغراب:مالك يا حاج ايه اللي رجعك دلوقتي
حنان :اتفضل ياحاج ارتاح
دخل عم امين قعد معاهم ف الصاله
الحاجه زينب : في ايه يا حاج رد عليا
الحاج امين بتنهيده : هاقولكم
بدأ الحاج امين يحكي لهم عن المكالمه اللي جت له عن مرام
حنان بعياط :ياحبيبتي يا بنتي مسكينه يامرام طول عمرك حظك قليل زي رؤي مافزحتوش ابدا
الحاجه زينب محاوله تهدئتها :اهدي بس يا ام رؤي ما الحاج بيقولك انها فاقت وباذن الله هتبقي كويسه
حنان بدموع :ياااارب دي غلبانه
ثم تذكرت :رؤي 'رؤي لو عرفت هتعمل ايه دي ممكن تموت فيها
الحاج امين :لازم نبلغها باللي حصل وهي تشوف هتعمل ايه مع صاحبتها
حنان بقلق:ياااارب استرها يارب
عم امين لرؤي :هو دا اللي حصل
قعدت رؤي علي الكرسي وغمضت عنيها وكأنها بتتمالك اعصابها بعد اللي سمعته
عم امين بقلق :رؤي يا بنتي ما تسكتيش كدا قولي اي حاجه
دخلت رؤي اوضتها وهي ساكته
حنان بدموع :مش قولتلكم
عم امين بحزن : ماتقلقيش يا ام رؤي هو بس الخبر جامد عليها وباذن الله هتبقي كويسه
بعد شويه خرجت رؤي من اوضتها
رؤي موجهه كلامها للجميع
رؤي:انا هاسافر المنصوره النهارده
حنان برعب :ايه ' ترجعي المنصوره ازاي وابوكي يا رؤي دا لو شافك هيقتلك
رؤي بتصميم :انا مش هاسيب مرام لوحدها تاني ابدا
حنان وقد فهمت ماترمي الطه لبنتها :قصدك ايه يا رؤي
رؤي :قصدي اني هاسافر المنصوره اطمن علي صاحبتي واللي ربنا كاتبه هيكون
عم امين :طيب يابنتي استني للصبح
رؤي برفض :هاسافر الليله
عم امين :طيب يا بنتي انا جاي معاكي
رؤي:لا يا عمو امين انا هاسا
عم امين مقاطعا لرؤي : مش هتسافري المنصوره لوحدك يا رؤي يا اسافر معاكي ياتفضلي هنا
رؤي بنفاذصبر :ماشي ياعمو امين يلا بينا
عوده الي الحاضر
عم امين محاولا الاطمئنان علي رؤي : سرحانه ف ايه يا رؤي
رؤي وهي تمسح دموعها :يوم ماركبت القطر دا عشان اجي القاهره مكنتش اعرف هو رايح فين بس كان كل اللي يهمني هو اني اهرب من حياتي ومن بابا كان نفسي ابعد والنهارده بايدي انا اللي بارجع
عم امين باستفهام :ندمانه علي قرارك
رؤي بنفي :لاطبعا انا بس صعبان عليا حالي وحال ماما ومرام ثم اكملت بضحكه تحمل الالم :ايه مش من حقي ازعل علي اللي حصل لي وحصل لمرام ويا عالم حصل ليه
عم امين بحنان : انتي قويه يا رؤي هتعدي كل دا وهتحققي كل احلامك وبكره تشوفي
رؤي بتمني : ياااااارب واطمن علي مرام
عم امين : باذن الله يا بنتي هتبقي كويسه
بعد فتره وصل القطر للمنصوره
نزل عم امين ومعاه رؤي من القطر عشان يروحوا يركبوا تاكسي عشان يوصلهم للمستشفي
فضلت رؤي طول الطريق تفتكر يوم ماهربت هي ومامتها وقد ايه كانت ليله صعبه عليهم وافتكرت تهديد والدها انه هيجوزها واحد اكبر منها بعشرين سنه وافتكرت الضرب والاهانه من ابوها والاهمال من اخواتها
من غير ماتحس لقت الدموع نازله من عنيها دموع شافها عم امين اللي صعب عليه حالها وحس قد ايه هي موجوعه ففضل انه يفضل ساكت ويسيبها مع نفسها شويهلف
بعد شويه وصلوا لاخر المحطه
وقف عم امين تاكسي وقاله علي اسم المستشفي اللي فيها مرام
بعد شويه وصلوا المستشفي نزلوا من التاكسي ووقفوا قصاد باب المستشفي
وقفت رؤي بقلق لاحظه عم امين
عم امين :مالك يا بنتي
رؤي بخوف : خايفه الاقي ابو مرام ومامتها ساعتها اكيد هيقولوا لبابا
عم امين : طيب والحل
رؤي بتفكير : عمو امين خليك هنا دقيقه انا هاروح الحمام وارجع علي طول
عم امين : ماشي يابنتي بس ما تتأخريش
رؤي : حاضر
مشيت رؤي وفضل عم امين واقف منتظرها علي باب المستشفي
***********
عند مرام
مرام بتعب : لو سمحتي
الممرضه :نعم
مرام :هي رؤي ما اتكلمتش
الممرضه بحزن علي حالها :للاسف لا بس هي اكيد هتكلمك
مرام بتأكيد :اكيد رؤي مش ممكن تنساني
نظرت الممرضه الي مرام عن رؤي ثم تعاود النوم فمازال للمخدر تأثيره عليها وهذا مايجعلها تنام طيله الوقت لا تستيقظ سوي لتناول دوائها والسؤال عن رفيقه دربها ثم العوده الي النوم سريعا هربا من واقعها المؤلم
*************
عند عم امين
ظهرت فتاه ترتدي جلبابا اسود ونقابا اسود لا يظهر منها سوي عينيها
جاءت هذه الفتاه وقفت بجانب عم امين
عم امين باستفهام :نعم يا بنتي في حاجه محتاجه مساعده
وقفت الفتاه صامته قليلا ثم قالت :ايه ياعمو امين مش عارفني
عم امين بتعجب : رؤي ' ايه اللي عملاه ف نفسك دا
رؤي :مفيش حل تاني محدش ممكن يتوقع ان دي انا يلا بقي بسرعه نروح لمرام قبل معاد القطر ماييجي
عم امين : يلا يا بنتي
دخلت رؤي وعم امين المستشفي وبدأوا يسألوا ف الاستقبال عن أوضه مرام لحد ماعرفوا الاوضه
راحوا هما الاتنين اوضه مرام لكن قبل مايدخلوا سمعوا صوت عياط مرام وشاب بيزعق لها جامد
وقفوا بعيد شويه يسمعوا ايه اللي بيحصل
الشاب بصوت عالي :اوعي تفتكري اني هاسيبك انا هافضل وراكي لحد ما اخليكي تكرهي حياتك
مرام ببكاء وتعب : حرام عليك سيبني ف حالي انت ليه بتعمل فيا كده
الشاب وهو ينظر لها بجرأه :وهو انتي اديتيني فرصه اعمل حاجه دا انا لسا هاعمل واعمل واللي ما عرفتش اعمله قبلكدا هاعمله ومحدش هيقدر يمنعني دا انا دافع ياحلوه
مرام بمراره : انا باكرهك باكرهكم كلكم
الشاب بضحكه عاليه : يعني انا اللي دايب ف هواكي انا اتجوزتك بس عشان اكسر مناخيرك اللي كنتي دايما رفعاها ف السما دي حبيت بس اثبت لك ان اللي انا باعوزه ياحلوه باخده
مرام ببكاء هستيري : اطلع برا انا باكرهك باكرهك
كل دا ورؤي واقفه وسامعه الحوار والدموع بتنزل من عنيها بدون توقف مش قادره تصدقان دا كله حصل لصاحبتها وانها كانت انانيه نسيت صاحبتها وهربت هي عشان تنقذ نفسها
عم امين بحزن علي حال رؤي خصوصا بعد سماع كلام مرام :يابنتي اجمدي عشان لما تدخلي لصاحبتك ماتشوفكيش كدا
ف الوقت داسمعوا صوت اقدام قريبه من باب الاوضه
عم امين : تعالي يابنتي نبعد شويه قبل مايطلع ويشوفنا
راح عم امين ورؤي اوضه الاستقبال يقعدوا فيها لحد ماشافوا الشاب دا ماشي واتاكدوا ان مرام بقت لوحدها
رؤي بلهفه :انا هاروح اطمن علي مرام
عم امين : ماشي يابنتي وانا هاقف علي الباب عشان لو حد جه اعطله
رؤي وهي متجهه لاوضه مرام :ماشي
فتحت رؤي الباب بهدوء ودخلت لمرام
مرام برعب رفعت وشها :مين
رؤي بلهفه جريت علي مرام وحضنتها جامد اووو :انا يامرام انا رؤي
مرام بصوت ضعيف:رؤي .رؤي انا كنت عارفه انك مش هتسيبيني يارؤي بس انتي رجعتي متأخر اوووي يارؤي
رؤي وهب بتبكي :ماتقوليش كدا يامرام كل حاجه وليها حل ماتخافيش انا معاكي
بعدت رؤي شويه عن مرام وبدأت تبص ف وشها اللي انصدمت من كميه الجروح اللي ف وشها والكسور اللي عندها رؤي بخضه وهي تضع يدها بحنان علي وجه رفيقتها الجميله التي ذبل جمالها واصبح وجهها شاحب اللون عينيها ضاعت نضارتهم من شده بكائها لو لم تعرف ملامحها عن ظهر قلب لاقسمت بان مرام الجميله المضحكه المحبه للحياه ليست تلك البائسه الجالسه علي سرير ابمشفي ملامحها الورديه مختفيه فقط هي مجرد شتات من مرام القديمه
رؤي بدموع :مالك يامرام ايه اللي حصل لك ياحبيبتي احكيلي
مرام بدموع :بابا ضيعني يارؤي حكم عليا بالاعدام ومحروس هينفذه
رؤي باستفهام :محروس .محروس مين
مرام وهي تحاول كبت دموعها :هاحكيلك يارؤي
فلاش باك
مرام بصوت عالي :مستحيل اكيد حضرتك بتهزر
ابومرام بصوت اعلي : انتي بتعلي صوتك عليا يابت
مرام بخوف : لا مش قصدي بس اللي حضرتك بتقوله دا مستحيل
ابو مرام : مستحيل ليه ان شاء الله هو انا هابيعك انا هاجوزك
مرام :هتجوزني لمين لواحد مش متعلم مدمن مخدرات متجوز قبل كده مرتين يا بابا انا نفسي اكمل تعليم وادخل الكليه ارجوك يا بابا
ابو مرام بعصبيه : كليه .كليه ايه يابت دا انتي تبوسي ايدك وش وضهر اني علمتك لحد كده
ثم مسك شعرها وقال :هي كلمه واحده هتتجوزي محروس يعني هتتجوزيه وكتب الكتاب بعد بكره وبعدها هتروحي معاه سامعه .ويلا ادخلي اوضتك بدل ما اخلص عليكي بايدي
دخلت مرام اوضتها وفضلت تعيط جامد وقعدت تكلم نفسها :ياااارب اقف جنبي يارب ماتنسنيش انتي فين يارؤي سبتيني لوحدي يااااارب انا خايفه
فضلت مرام تعيط لحد مانامت
صحت مرام الصبح علي صوت امها وهي بتصحيها
ام مرام :اصحي يا عروسه عريسك بره عايز يشوفك
فتحت مرام عينها بصعوبه من كثره البكاء :مين دا اللي برا
ام مرام :عريسك ياعروسه
هنا تأكدت مرام من ان كل ماحدث لم يكن بكابوسا بل كان واقعا حاولت الهررب منه بالنوم فعادت للبكاء مره ثانيه
ام مرام :بطلي عياط ويلا يابت اجهزي عشان تقابلي الراجل
مرام بعياط :ابوس ايديكي ياماما قولي لبابا مايرمنيش الرميه دي دا انا بنتك محروس ده مفتري ممكن يموتني
ام مرام بعصبيه :عايزاني اقول لابوكي ما تتجوزيش محروس عشان تمشي علي حل شعرك زي صاحبتك .هي كلمه واحده كتب كتابك بكره انا هاروح اقوله انك تعبانه شويه وانتي قومي شوفي وراكي ايه ده انتي بكره فرحك
طلعت ام مرام وقفلت وراها الباب فضلت مرام تعيط لحد مالقت تليفونها بيرن
ردت مرام علي التليفون لقيتها رؤي فضلت تكلمها وتعيط لحد ماسمعت صوت بباها بيخبط علي الباب
قفلت مرام مع رؤي بسرعه وراحت فتحت الباب
ابو مرام :قافله علي نفسك بالمفتاح ليه
مرام بخوف :مفيش
ابو مرام :مجيتيش تقابلي عريسك ليه
مرام بعصبيه :انا مش هاتجوزه واللي يحصل يحصل حتي لو موتوني
ابو مرام بعصبيه :انتي بت مش متربيه وانا هاربيكي
بدا ابو مرام ومرام ساكته مش بتعمل حاجه علي امل ان من كتر ضربها فعلا تموت وترتاح ولكن للاسف بعد ساعه كانت مرام قاعده علي سريرها متكتفه ومضروبه والدم بينزل من وشها من كتر الجروح
ام مرام واقفه جنبها : عاجبك كده
مرام مش بتنطق فقط هي تبكي بشده علي ماجري لها
ام مرام مكمله :انتي هتفضلي كده لحد بكره اما نشوف اخرتها معاكي
طلعت ام مرام من الاوضه وسابت مرام الباكيه لتقضي ليلها باكيه علي حالها خائفه من غدها متألمه من جراحها
آتي اليوم التاني (اليوم المشئوم)
يوم كتب الكتاب
لم تغمض مرام عينيها طوال الليل من خوفها من هذه اللحظات القادمه
اتي المآذون وبدات مراسم كتب الكتاب الغير شرعيه فالاب اصبح هو موكل ابنته المعترضه والزوج وافق علي الزواج من فتاه تمقته بشده ومأذون لم يري العروس ليتأكد من موافقتها ولكن مع المال كل شيء يمر بدون مشاكل
تم كتب الكتاب ثم دخلت الام بالزغاريط لتبارك لابنتها زواجها من ذلك المفترس
بدأت الام تفك رباط ابنتها وتبارك لها ثم قالت :يلا ياعروسه قومي اجهزي عشان مايجيش ابوكي يكمل عليكي
قامت مرام وهي لاتستطيع الوقوف علي قدميها وساعدتها والدتها ف ارتداء فستانها وطرحتها ثم خرجت لهم
محروس بنظرات وقحه :مبروك ياست العرايس
لم ترد عليه فقط كانت مرعوبه من نظراته
محروس بضحكه مخيفه : احنا هنستاذن بقي
ابو مرام : ماشي واحنا هنبقي نعدي عليكي بكره
مشي محروس ومعاه مرام عشان يروحوا بيتهم اللي ماتعرفش عنه حاجه
بعد شويه
وصلت مرام شقتها
دخلت مرام بيتها الجديد وهي لاتصدق انها اصبحت ملكا لهذا الرجل
فاقت مرام من شرودها علي اقتراب محروسمنها ووضعه يدها علي طرحتها ليلقيها بعيدا
مرام بخضه :انت بتعمل ايه
محروس معاودا لنظراته الجريئه :ايه ياعروسه مش عيب واحده بالجمال ده كله تسأل عريسها ليله فرحهم سؤال زي ده
مرام بعصبيه :انت هتكدب الكدبه وتصدقها والا ايه
محروس بصوت عالي :قصدك ايه
مرام :قصدي الجوازه دي باطله انا مش موافقه وانت عارف كده
محروس بضحكه عاليه : لا ياحلوه الكلام دا تقوليه لعيل من بتوع الايام دي انما انا لا انا دافع فيكي مهر قد كده عشان تقوليلي الكلام ده انا عايز كل حقوقي سواء وافقتيوالا رفضتي
قبل ان يسمع محروس اجابه مرام بدا في تمزيق فستانها ليظهر جسدها الناعم ثم بدا ف الاعتداء عليها
حاولت مرام مرارا ان تبعده عنها وهي تصرخ وتبكي حتي استطاعت ان تبعده ثم قامت وهي تلهث
محروس بعصبيه :انتي مجنونه
لم تكن مرام لتسمعه فقط لفتت نظرها شرفه واسعه في تلك الغرفه الضيقه علي قلبها بدأ محروس ليقترب مجددا ولكنه لم يلحق بها تلك المره فقد اتخذت قرارها سريعاونفذته لم يلحق بها تلك المره فقد اتخذت قرارها سريعا ونقذته نعم تلك المشاكسه قد القت بنفسها في ليله زفافها من شرفتها قد تناست كل شيءلم تتذكر عمرها الذي لم تعشه يوما ولا احلامها فقط اختارت بين موتين محققين ولكنها فضلت ان تكتب النهايه لنفسها
عوده للوقت الحاضر
طلت مرام تبكي بهستيريه ومعها صديقه طفولتها تبكي بشده علي حال صديقتها
رؤي اهدي يامرام اهدي عشان خاطري
مرام ببكاء:ماتسيبينيش يارؤي انا خايفه
رؤي بحزن :غصب عني يامرام لو فضلت بابا هيموتني
مرام بصدمه : يعني هتسيبيني لوحدي لمحروس وباباانا لورجعت هيموتوني
رؤي بعياط : لا يامرام ماتقوليش كده انا مشممكن اسيبك معاهم ابدا انتي هتيجي معايا يامرام هنبعد عن كل الناس دي ونبتدي من جديد انا خلاص يامرام هاكمل كليه واشتغل وانتي كمان يامرام هتيجي معايا وتبتدي من جديد
مرام :بجد يارؤي هتاخديني معاكي مش هتسيبيني ليهم
رؤي وهي تحتضن مرام :طبعا ياحبيبتي دا انتي اختي يابت يلا قومي بسرعه معايا لازم نلحق القطر اللي طالع من المنصوره الليله
ف الوقت ده سمعت رؤي صوت عم امين وبيتكلم مع ممرضه فهمت رؤي انه بيحاول يعطل الممرضه
رؤي لمرام :الممرضه دي ممكن تساعدنا يامرام والا لا
مرام :ايوا يا رؤي دي كويسه خالص
مرام :ايوا يا رؤي دي كويسه خالص
خرجت رؤي من عند مرام وراحت للممرضه وعم امين
الممرضه باستغراب :انتي مين
رؤي :انا رؤي
الممرضه بفرحه:اخيرا جيتي دي مرام مابطلتش سؤال عنك
رؤي :انا متشكره جدا علي مكالمتك لولاها مكنتش هاعرف اللي حصل لمرام
الممرضه : مفيش داعي للشكر دا واجبي اني اساعد المرضي سواء ف العلاج او اي حاجه تريحهم
رؤي :ودا هيشجعني اني اطلب منك طلب
الممرضه: اتفضلي
رؤي بقلق:ساعديني اخرج مرام من هنا
الممرضه وعم امين :ايه
رؤي :مرام لو رجعت لاهلها هيموتوها دول جوزوها غصب عنها لراجل مدمن لو رجعت له هيدمروها ارجوكي اعتبريها زي اختك دا عمل فيها كل دا بعد ساعه من كتب كتابهم تخيلي ممكن يعمل فيهاايه بعد كدا
الممرضه وقد شعرتبصدق كلام رؤي فها هي قد رأت بعينيها قسوه وجفاء زوج مرام معها ورغبته في اخراجها من المشفي قبل اتمام شفائها رغم علمه بخطر ذلك عليها حتي ابيهاوامها لم يفكروا في زيارتها ولو لمره واحده
الممرضه :قوليلي ايه المطلوب وانا اساعدك
دخلت الممرضه مع رؤي غرفه مرام ثم بداترؤي تحدثها
رؤي للممرضه :انا عايزه اخرج بيها من هنا وعايزه اعرف نظام علاجها
الممرضه بتفكير :استني شويه انا هاروح واجي
خرجت الممرضه ووقفت رؤي قلقه من ان تقوم الممرضه بابلاغ محروس بهروب مرام
ولكن بعد فتره قصيره اتت الممرضه ومعهاعبايه سوداء ونقابكالذي ترتديهم رؤي
الممرضه:ساعديني يارؤي بسرعه نلبس مرام العبايه والنقاب دول وبعدين هتاخديها من الباب اللي ورا للمستشفي وتفضلي ماشيه علي طول هتوصلي للباب ومتخافيش محدش هيشك فيكي والعلاحهتلاقيه ف الورقه ديانا كتبتهولك بمواعيده وكتبت لك رقمي عشان لو احتاجتي لاي سؤال وانا هابقي اكلمك علي رقمك اللي معايا اطمن علي مرام
بدات رؤي والممرضه ف مساعده مرام علي ارتداء العبايه والنقاب ثم ساعدوها علي الوقوف
رؤي للممرضه:انا مش عارفه اشكرك ازاي يا
الممرضه:فاطمه .اسمي فاطمه
انتي مش محتاجه تشكريني خدي بالك بس من مرام ويلا بسرعه قبل ماحد ييجي
مرام :جميلك دا هيفضل ف رقبتي العمر كله يافاطمه
فاطمه بابتسامه : رديلي جميلي بانك تصحي والوش الجميل دا يرجع تاني يضحك
مرام بحزن:ادعيلنا
فاطمه : ربنا معاكم ويسهل لكم اموركم يارب
مرام ورؤي : ياااارب
خرجت رؤي ومعها مرام الذي سرعان ماشافهم عم امين واقترب ليسند مرام مع رؤي
مرام بخوف :انت مين
رؤي :ماتخافيش يامرام دا عمو امين معايا هاحكيلك كل حاجه بعدين
ودعوا التلاته فاطمه ثم اتجهوا للباب الخلفي من المشفي
مرام بتعب : مش قادره يا رؤي
رؤي :معلش يامرام هانت ياحبيبتي
وصلوا للباب الرئيسي وهنا
رؤي :مرام دي اهم خطوه لازم تمشي كويسه عشان مايعرفوش انك مريضه هنا
مرام بتألم : حاضر يارؤي هاحاول
بدأوا السيرحتي وصلوا للباب واستطاعوا الخروج دون ملاحظه احد
يحق القول بان مرام تستحق الاوسكار علي تحملها كسور جسدها والامها ولكنها الاراده هي من جعلتها تتحمل الامها الجسديه كي تداوي الامها المعنويه
اوقف عم امين تاكسي عائدا بمرام ورؤي الي محطه القطر مره اخري
وبداخل القطار العائد الي القاهره كانت تجلس رؤي ومرام وعم امين عائدون الي طريقهم الذي سيبدا نعم سيبدا خاصه طريق هاتان البريئتان اللتان لم يمهلهم القدر للفرحه بعد
ياتري ايه اللي منتظر مرام ف القاهره وايه رد فعل محروس علي هروبها وايه رد فعل اخوات رؤي علي هروبها
كل دا هنعرفه ف الحلقه القادمه من كسرت كبريائي
