كسرت كبريائي
بقلم مي عبدالله
الفصل السادس والعشرين
ف مستشفي المنصوره العام كان يقف مكسورا وكأنه اليوم خسرها للأبد لم يعد يشعر بقيمه الزمان ولا المكان وأي اهميه لهم واميرته الحزينه بين جنبات الموت وحيده مثلما كانت بين جنبات الحياه وحيده
كان يقف علي شرفه غرفتها الزجاجيه يراها واخيرا سكنت من كانت تزهر حياته سكنت تلك الشفاه التي لطالما تمني ان يسكتها بطريقته صمت طال لساعات وهو يقف يتمعن وجهها الملائكي ذلك الوجه الذي لوثه بحطام العشق ودموع الغدر
انا استحق ما أنا عليه.عباره رددها قلبه وعقله ولأول مره اتفق قلبه ولبه اتفقوا عليها بعدما اماتوها حيه اتفقوا علي العشق بعدما كسروا معشوقته اتفقوا علي ان الحب هو الغالب بعدما دمروها باسمه
كان يقف مشدوها لايصدق انها اليوم اختارت الغياب علي أن تراه وكيف لها بالتمسك وهو من القي بها بعيدا عن ذراعيه ليلقيها بنيران لم تكن يوما تستحقها
جاسر بحزن علي حال اخيه :وبعدين يا ادم هتفضل كدا لامتي
ادم بدموع:هي هتفوق ياجاسر مش كدا
جاسر :باذن الله هتفوق اطمن هي بس من اللي حصل تعبت لكن هتفوق وهتبقب تمام
ادم :انت بتضحك عليا والا علي نفسك انا سمعت الدكتور وهو بيقولك انها دخلت غيبوبه وياعالم هتفوق امتي ولو فاقت هتبقي كويسه وألا لا
جاسر :باذن الله خير ياجاسر ربنا كريم ومرام غلبانه وهو هيقف جنبها هي تستاهل انها تفرح وتعيش وتبقي كويسه وربنا عادل ماتخافش
ادم :يارب باجاسر يارب
ادم وهو بيمسح دموعه :جاسر ماتعرفش محروس قال ايه ف التحقيق
جاسر :لسا وكيل النيابه عنده جوا ماخرجكش
ادم :ربنا يستر دا لو قال حاجه علي مرام هتبقي مصيبه
جاسر :انا حاولت ادخل له قبل وكيل النيابه لكن الدكتور بتاعه رفض
ادم :لو مات هتبقي كارثه
جاسر :للاسف سواء مات او عاش ف الحالتين كارثه الواد اتشل يا ادم يعني مستحيل يسيب حقه ربنا يستر بقي
ادم :دا لو قرب لها هاكله باسناني
جاسر :اهدي يا ادم عايزين نشوفه هيقول ايه لوكيل النيابه وبعدها نفكر هنعمل ايه .تعالي نروح عند اوضته نشوفه
ادم :انا مش طايف اروح هناك واشوف الست دي
جاسر :بالراحه عليها يا ادم هي غلطت لكن دفعت التمن غالي كفايه جوزها اللي اتقتل وبنتها تعبانه مش هتبقي انت عليها انت كمان يلا نروح
مشي جاسر وادم ناحيه اوضه محروس اللي كانت واقفه عليها ام مرام
جاسر :تعالي ارتاحي شويه يا ام مرام انتي هتفضلي واقفه هنا كتير
ام مرام بانهيار :انا خايفه اوي يا غبني لمحروس يقول علي مرام وبنتي تضيع ف الرجلين
ادم :دلوقتي افتكرتي بنتك كنتي فين وانتوا بترموها لكلب زي ده
جاسر :وبعدين يا ادم هو دا اللي اتفقنا عليه
ادم :انا ماشي وسايب المكان خالص
عند محروس
وكيل النيابه :ها يا محروس مين عمل فيك كدا
محروس بصوت مبحوح:ما اعرفش ياباشا
وكيل النيابه:يعني مش مراتك هي اللي عملت فيك كدا
محروس بتعب :لا مراتي مابهاش دعوه دا واحد دخل علينا وضربني وضربها ومشي
وكيل النيابه:انت عارف انك اتشليت بسبب اللي عمل فيك كدا لو تعرف اللي عمل فيك كدا قول
محروس بصوت ضعيف :انا تعبان ومش قادر اتكلم
الدكتور:لو سمحت كفايه عليه كدا هو لسا تعبان والكلام والاجهاد عليه غلط
وكيل النيابه:تمام
مشي وكيل النيابه من عند محروس وبلغ جاسر وام مرام باللي قاله محروس
عند عبدالله
كانت نادين ف احد المستشفيات الخاصه بعبدالله وكانت لسا ف العمليات
ناهد بخوف:عبدالله هما اتاخروا كده ليه
عبدالله بقلق:ربنا يستر ياناهد
رؤي:مش المفروض نبلغ مامتها باللي حصل ليها
عبدالله بعصبيه:هنقولها ايه تعالي شوفي بنتك اللي ادم حاول يقتلها واللي ياعالم هتبقي سليمه والا لا
عبدالله ف سره:انتي اكبر حيه فضلت تلف حوالين ولادي ومعرفتش اتخلص منها
اه يا فريده بقت حياه ابني وبنتك ف خطر بسببك وياريتك هتقفي
ف الوقت ده خرج الدكتور من العمليات
عبدالله :خير يادكتور طمني
الدكتور:انا اسف ياعبدالله بيه انا عملت اللي اقدر عليه لكن ..عبدالله بخوف:لكن ايه
الدكتور:المريضه وصلت المستشفي ف حاله صعبه وبعد ما انقذناها وخرجنا الرصاصه للاسف اكتشفنا انها مش هينفع تمشي علي رجليها دي
عبدالله :يعني ايه مش ممكن تعمل عمليه او تسافر بره
الدكتور :للاسف نسبه النجاح ف حالتها تكاد تكون معدومه
رؤي :لكن مش مستحيله
الدكتور بابتسامه :مفيش شيء مستحيل علي ربنا
عبدالله بحزن:نقدر نشوفها امتي
الدكتور :مش قبل بكره الصبح
علي فكره ياعبدالله انا احترمت رغبه حضرتك في عدم التبليغ رغم ان حضرتك عارف انها مسئوليه
عبدالله :انا منتظر بس لما تفوق واللي هي تقول عليه هيحصل باذن الله
الدكتور :تمام ياعبدالله بيه بعد اذن سيادتك
عبدالله :اتفضل
مشي الدكتور وفضل عبدالله حزين علي حال نادين رغم انها حاولت تاذي ابنه الا انه عارف انها ضحيه امها اللي عاشت تزرع الشر جواها
ناهد بعياط:يعني ايه بنت اختي هتعيش عارجه لاحول ولاقوه الا بالله
رؤي :ربنا يشفيها يارب .لكن ياتري هتعمل ايه لما تفوق هتبلغ عن ادم والا هتقول ايه
عبدالله :عندك حق يارؤي دا اللي لازم نفكر فيه
عبدالله بعد عنهم شويه واتصل بجاسر اللي رد عليه فورا
جاسر :ايوا يا بابا
عبدالله بغضب:انتوا فين ياجاسر
جاسر :احنا ف الطريق راجعين القاهره
عبدالله:ومرام
جاسر :وصلنا ليها الحمدلله بس حصلت شويه امور وهي تعبانه فهناخدها مستشفي دكتور وجيه
عبدالله :ماشي ماتتاخروش
قفل عبدالله مع جاسر وجريت رؤي عليه
رؤي بلهفه:دا جاسر صح قال لحضرتك حاجه علي مرام
عبدالله :اطمني يارؤي هما لقوها وجيبينها وجايين
رؤي بتحاول تتصل بجاسر
عبدالله بتعملي ايه يارؤي
رؤي:باكلم جاسر
عبدالله :مفيش داعي هما شويه وهيكونوا هنا
رؤي بخوف:هنا ليه مرام حصللها ايه
عبدالله :مش عارف لكن شكل البي حصل تعبها
رؤي :حضرتك مخبي عليا حاجه
عبدالله :اللي اعرفه قولته ليكي يارؤي اطمني شويه وهتلاقيهم هنا وتعرفي كل حاجه
عند فريده
فريده بقلق:وبعدين يا شيري اختك فين كل ده
شيري بضحكه خبيثه:اطمني شويه يامامي بنتك زمانها دلوقتي بتقضي شهر العسل مع ادم بيه ابو العزم
فريده بخوف:يعني ايه اختك عملت ايه انطقي والله وبقيتوا بتخبوا عليا يا ولاد فريده
شيري :انا ماليش دعوه لما تيجي ابقي اساليها بقي
فريده:بس تيجي وتبقي بخير
بعد ساعتين
وصل ادم وجاسر المستشفي ومعاهم مرام ف عربيه الاسعاف.كلم جاسر بباه وبلغه انهم وصلوا المستشفي وبلغ عبدالله رؤي وناهد بوصول مرام مع جاسر وادم
قبل ما يخلص عبدالله كلامه اتفاجأت رؤي بادم وجاسر اللي وصلوا نفس الدور اللي كانوا فيه ومعاهم مرام لكن نايمه علي سرير وتعبانه
رؤي بصدمه:مراااام
جريت رؤي علي مرام
رؤي :مرام حصلك ايه ردي عليا يامرام ردي عليا مرام
جاسر بيحاول يبعدها عن مرام:سيبيها يارؤي هي تعبانه دلوقتي سيبيها
اخد المرضي رؤي وودوها العنايه المركزه
رؤي بعياط:جاسر مرام يا جاسر مرام تاني هتضيع مني
جاسر :اهدي يارؤي هتبقي كويسه اطمني ماحصلش ليها حاجه
رؤي:بجد يا جا .... لم تكمل كلامها لما رأته
تلك المرأه هنا تلك التي رمت برفيقه ضربها للهلاك اليوم تقف علي مأتم احزانهم من جديد الم يكفيها ما حدث ام جاءت لتبيع ابنتها للمره الثانيه مثلما حدث من قبل
جاسر :رؤي انتي كويسه
رؤي بصريخ:انتي بتعملي هنا اييييه
ام مرام بعياط :رؤي يابنتي انا
رؤي :انتي تسكتي خالص مش عايزه اسمع صوتك وفورا تمشي من هنا مرام مش محتجالك ولا محتاجه شماتك فيها
ام مرام بصوت مبحوح:انا يا رؤي هاشمت في بنتي
رؤي بضحكه وجع:ههههه بنتك .لنتك مين قصدك اللي بعتيها وقبضتي التمن انتي وابوها ومارحمتوش ضعفها اللي عاشت طول عمرها مش قادره تحلم الي هانت عليها نفسها وانتحرت بسببكم جايه النهارده عشان تقتليها تاني عشان تنهي اللي فاضل منها
جاسر :رؤي اهدي يارؤي اهدي ياحبيبتي وتعالي معايا
مشيت رؤي مع جاسر غصب عنها كانت حاسه انها بتكلم ابوها واخوها وابو مرام وام مرام كانت نفسها تخرج كل الوجع
عبدالله خد ادم وراحوا بعيد عن ناهد وام مرام
عبدالله بغضب:لحد امتي هتفضل متهور هتفضل تضيع كل حاجه من حواليك وماتشيلش مسئوليه
ادم بحزن:بابا انا
عبدالله :انت غبي وتستاهل كل اللي انت فيه نادين بين الحياه والموت بسببك ولو فاقت هتعيش طول العمر بعاهه بسببك ومرام لاحول لها ولاقوه ودا برضو بسببك
ادم بعصبيه:نادين تستاهل كل اللي هي فيه تستاهل كل ده واكتر
عبدالله بصوت عالي:انت غبي ومتهور ومحدش يستاهل البهدله والوجع ده غيرك .انت ايه فاكر الكل عبيد وانت سيدهم اللي شاريهم انت فاكر نادين غلطانه والله ماغلطان غيرك انت اللي متهور وما بتعرفش تاخد خطوه صح ف حياتك اخوك اهو قدر يتجوز البنت اللي بيحبها ويخلص من شر شيري من غير ما يأذيها زي ما انت عملت ف نادين حتي مرام اللي قولت هتغيرك دمرتها ولولا اخوك والظروف كانت ضاعت للابد انت ماتستهلش لا تحب ولاتتحب
مشي عبدالله وساب ادم وعنيه مليانه دموع
ادم لنفسه:عندهم حق انا ما استاهلش انها تحبني ولا اني اعيش اصلا
عند رؤي
رؤي بتأفف :خلاص ياجاسر هاكلم عم امين ييجي يوديها البيت وهاقول لماما تعاملها كويس
جاسر بابتسامه وهو ببقرب منها:هي دي حبيبتي العاقله الشاطره ال
رؤي وهي بتزقه:جاسر بطل جنان احنا ف المستشفي انا هاروح اطلب عمو امين ييجي ياخد ام مرام سلام
جاسر وهو احنا اصلا بنعمل حاجه ف حياتنا غير بنقول لبعض سلام ياارب تمم الجوازه النحس دي احسن بدأت اقلق علي نفسي الله يسامحك يا ادم مكنتش عارف تاجل نكدك ده شويه لما اتجوز أف اروح اشوفه فين
راحت رؤي عشان تكلم عم امين ييجي ياخد ام مرام وراحت تطمن علي مرام اما جاسر راح يشوف اخوه وابوه ويكون جنبهم
ف العنايه المركزه
عند نادين
ادم بعياط:انا تعبت يا نادين عارف انك اتظلمتي ف حياتك لكن انا ماظلمتكيش انتي اللي اذيتيني واذيتي مرام .مرام مكنش ليها ذنب تعملي فيها كدا
هههه انا اللي باقولك كدا وكأني ملاك يا نادين انا اللي ضيعتها اكتر منك مارحمتهاش كل ماكانت بتتسند عليا كنت باكسرها لحد ماهربت من الدنيا كلها واختارت تغيب عننا انا مقدرش اعيش من غيرها انا بحبها.بحبها اكتر من نفسها بس مش عارف اعمل ايه اخليها تسامحني ازاي
فضل ادم يعيط شويه لنادين وبعدين مشي وسابها وراح يطمن علي مرام
عند اوضه مرام
ام مرام :شكرا يا بنتي لكن انا مش هامشي من هنا غير لما مرام تفوق وتسامحني
رؤي:حضوتك مانمتيش وتعبانه روحي ارتاحي عند ماما وعمو امين هيوصلك والصبح تعالي
ام مرام:يابنتي انا
رؤي :حضرتك عارفه انا بحب مرام ازاي ومستحيل هاسيبها اطمني بس انتي لازم ترتاحي والصبح عم امين هيجيبك انتي وماما هنا وكل شويه هاكلمك اطمنك عليها وهي كدا كدا نايمه مش هتفوق دلوقتي
ام مرام بنفاذ صبر:حاضر يابنتي
مشت ام مرام وعم امين وفضلت رؤي مع جاسر وابوه وامه
جاسر :رؤي انتي كمان تعبانه ولازم ...مالك يارؤي في ايه
ف الوقت ده رؤي شافت ادم اللي كان خارج من عند نادين وجاي لاوضه مرام
رؤي بصوت عالي انتبه ليه كل اللي ف المكان:ادم بيه
ادم بصوت ضعيف:نعم
رؤي بحده :رايح فين
ادم :انا واخد اذن من الدكتور ان ادخل اشوف مرام
رؤي بتحدي:لا
ادم بغضب:نعم
رؤي بصوت عالي:اكيد انت سمعتني كويس والا ودنك دي مابتسمعش بيها غير نفسك وبس
جاسر :رؤي اهدي صدقيني ادم بيحب مر
رؤي بغضب:ماتكملش دا مابيعرفش يحب دا اصلا معندوش قلب عشان يحب بيه
عبدالله :يا بنتي ادم
رؤي بصوت عالي :كام مره قولت لحضرتك اني مش بنتك ولامرام بنتك دول بس اللي ولادك ودي حبيبه عمرك اللي انت عايش لها اما انا ومرام كنا لعبه سلمتها لولادك عشان يتبسطوا
جاسربغضب:تاني يارؤي تاني مش عايزه تنسي
رؤي :انسي ايه انسي مرام اللي ف غيوبه بسبب اخوك والا انسي اني اترجيت ابوك يبعدها عن لعبته وهو مارحمهاش وهددها انسي اني رميتها ف النار بايدي يوم ماهربتها من محروس وكنت فاكره اني باحميها بس الحقيقه اني كنت باكتب نهايتها بايدي وكل ده عشان ايه عشان اخوك يتسلي ويتبسط
ادم:يارؤي انا
رؤي :انت تخرس خالص انت فاكر نفسك مين انت ولا حاجه مجرد واحد تافه بيتمنظر بفلوس ابوه من غير مش هيبقاله سعر ولا قيمه عمال شايط ف الناس يموت دي وترمي دي وتبهدل ده كل ده عشان شويه فلوس ملعون الفلوس اللي تعمل في الناس كدا
اسمع ان كنت زمان معرفتش احمي مرام فانا مستعده دلوقتي ي ادوس علي اي حاجه عشان خاطرها حتي لو كان انا
جاسر بخوف:يعني ايه يارؤي
رؤي بدموع:يعني تاخد عيلتك وتتفضلوا من هنا وورقه طلاقي توصلي يا جاسر بيه
جاسر يعنف:انت اتجننتي يارؤي
رؤي بهدوء هكس اللي جواها:بالعكس انا عقلت اوي
عبدالله :خلاص ياجاسر سيبها دلوقتي وابقوا اتكلموا بعدين لكن دلوقتي لازم نمشي يلا
احنا هنمشي يارؤي وهنرجع لك يابنتي لماتهدي ولو احتاجتي حاجه كلمينا
مشي عبدالله وناهد وادم اللي مشي معاهم بالعافيه وفضل جاسر
جاسر وهو ماسك دراعها بقسوه:انا ماشي يارؤي لكن نجوم السما اقربلك من اللي طلبتيه ده انا هاقدر حالتك دي لكن لصبري حدود وخليكي فاكره انك انتي اللي بتتخلي عني اهو مش انا
مشي جاسر وساب رؤي لوحدها فضلت واقفه قدام اوضه مرام بتعيط كل حاجه اتدمرت حواليها حتي جاسر الليله دمرت علاقتها بيه
فضلت علي حالتها دي لحد الفجر ما اذن وراحت تصليه وتدعي ربنا يرحمها هي ومرام
**
فضلت رؤي مع مرام كل يوم ومامتها وام مرام بيروحوا يشوفوها وفضل ادم يروح لمرام يعيط لها ويترجاها تفوق ونفس الحكايه مع نادين اللي كانت استجابتها اقوي وفاقت فعلا بعد كام يوم واصر عبدالله انها تروح معاه الفيله تكمل علاجها بعد ما اتصدمت هتعيش بعاهه ورفضت الكلام حتي رفضت تبلغ عن ادم واعتبرت ان ده انتقام ربنا منها علي اللي عملته وفعلا روحت مع عبدالله من غير مامتها ما تعرف عنها حاجه
*********
عدي شهر كامل علي مرام شهر مليان بالاحداث اللي اختارت هي انها تكون بعيده عنها
شهر جاسر قرر فيه انه مايتكلمش مع رؤي ف اي حاجه وان كلامهم يكون بحدود منعا للمشاكل بينهم
بعد شهر
كانت رؤي واقفه عند مرام ف العنايه المركزه وبتعيط
رؤي بصوت مبحوح من العياط:مرام .مرام ياحبيلتي فوقي بقي انا عارفه انك جامده مش هتتهزمي قومي بامرام قومي وواجهي كل اللي كسروكي اثبتلهم انهم هما اللي خسروا مش انتي قومي يامرام انا محتجالك اوي انا تعبت من كل الوحع ده بقي يااارب ياااارب
فجأه لقت ايد بتلمس ايديها
رؤي بصدمه فرحه:مرام .مرام انتي فوقتي ياروحي
مرام بصوت ضعيف جدا:رؤي
رؤي بفرحه :يا قلب يارؤي يا عيوني اخيرا قومتي الحمدلله يارب الحمدلله انا هاروح انادي الدكتور بسرعه
بعد شويه
الدكتور بابتسامه رضا:الحمدلله انها فاقت وكله تمام مفيش مضاعفات الحمدلله اخر اليوم باذن الله هننقلها اوضه عاديه ويومين وتقدر تخرج حمدالله علي سلامتك يامرام
مشي الدكتور وفضلت رؤي مع مرام
رؤي :حبيبتي اخيرا
مرام بدموع:محروس
رؤي:حبيبتي اهدي ارجوكي ماتقلقيش محروس ماقالش عنك حاجه دا شال التهمه عنك وقال ان ف ناس دخلوا عليكم وضربوكم وانتوا مالكيش ذنب وكمان ربنا كريم يامرام رجع لك حقك من محروس .محروس اتشل يامرام
مرام بصدمه:اتشل ورغم كدا ما اتهمنيش وادم ظلمني بعد كل اللي عملته ليه
رؤي بدموع علي حال صاحبتها :حبيبتي انسي ارجوكي انسي عشان ماتتعبيش محدش يستاهل انتي هتقومي من هنا وهنبدأ من جديد
فضلت مرام ساكته ورؤي بتحاول تكلمها وتضحكها لكن هيا كانت بتفكر ف حاجه تانيه
بعد شويه الدكتور طلب من رؤي انها تسيبها وتخرج واخر اليوم اتنقلت مرام لاوضه عاديه ورفضت تقابل مامتها او اي حد وفضلت ساكته بتسمع رؤي ومش بترد عليها
***
تاني يوم الصبح
ف فيله عبدالله
عند جاسر
صحي جاسر علي صوت موبايله
جاسر بتأفف الواحد مانمش طول الليل وكمان يصحي بدري كدا اوف
مسك موبايله ابتسم اول ماشاف اسم رؤي
جاسر لنفسه:معقول هتصالحني بدل الوش الخشب اللي مركباه بقالها شهر ده
فتح جاسر ورد عليها
جاسر بابتسامه:صباح الورد علي احلي ورده
رؤي بعياط:الحقني ياجاسر
جاسر بخضه:في ايه يارؤي مالك
رؤي:مرام ياجاسر مرام
*ياريت لو عجبكم الفصل دعوه حلوه كدا عشان ايام الامتحانات اللي مش بتخلص دي😂
*عارفه انكم زعلانين مني كتير لكن برضو عارفه انكم هتقدروا ظروفي والله ياجماعه غصب عني انا اسعد لحظات حياتي اصلا وانا باكتب رواياتي لكن انا عندي امتحانات طول الوقت ف كورساتي ودا اللي مخليني باتاخر
ماتنسوناش بدعواتكم دمتم جميعا بخير
كسرت كبريائي💔
