كسرت كبريائي
الفصل الثامن والعشرين
ف فيلا عبدالله
فريده بصوت عالي :يعني ايه .بنت انا بقت عاجزه بسبب ابنك يا عبدالله ضيعتوا بنتي عشان تحموا غيالكم مش كده يا ناهد
جاسر بصوت عالي:لا مش كده يا فريده هانم بنتك هي اللي ابتدت الشر واذت مرام وادم وبسببها كان في واحده هرموت او يحصلها حاجه لولا ستر ربنا ولولا اللي ادم عمله مكنتش نطقت
فريده بصريخ :ايييييه. انتوا فاكرين نفسكم ايه عشان تتحكموا ف الناس وتدمروهم
عبدالله :مين اللي دمر مين يا فريده مش دي بنتك اللي ربتيها هي واختها ان فلوس عبدالله ابو العزم حقهم وولاده هديه علي الفلوس انا كام مره حذرتك ان الطريق ده اخره وجع يا فريده كام مره قولتلك تبعدي بناتك عن ولادي اللي انتي فيه ده نتيجه طبيعيه لبنتين اتربوا علي الطمع والحقد
فريده بتحدي : لا ياعبدالله مش هاسيبك تهزمني بكره بنتي تفوق وساعتها هتودي ابنك ف داهيه وريني ساعتها ازاي هتخلي الفلوس تنفعك انت وابنك ودلوقتي انا عايزه اروح لبنتي
ادم :تمام بكره الصبح حضرتك هتروحي لها واللي هي تطلبه انا هانفذه
فريده : ماشي يا ابن عبدالله بكره هاشوفك وانت ف السجن
مشت فريده وسابتهم كلهم واقفين مش عارفين اخرتها ايه
عبدالله بعصبيه لادم:عجبك اللي حصل ده
ادم بحزن:تصبحوا علي خير
مشي ادم وسابهم
جاسر :معلش يابابا باذن الله خير
عبدالله وناهد:يارب
********
في صباح يوم جديد صحت رؤي لقت مرام صاحيه وبتجهز
رؤي بنعاس:صباح الخير
مرام بهدوء:صباح الخير يا رؤي
رؤي :رايحه فين بدري كده
مرام: رايحه الشركه
رؤي بانتباه :برضو مصره تروحي
مرام :ايوا هاروح ويلا عشان هنروح سوا قومي اجهزي بسرعه
رؤي بكسوف:انا محرجه اروح الشركه صراحه بعد اللي عملته مع جاسر امبارح
مرام بابتسامه:معلش هيعمل ايه قدره ولازم يستحمله
رؤي وهي بتحدفها بالمخده:قصدك ايه يا ست حلويات
مرام وهي بتضحك:مش قصدي يا ننوسه قصدي تقومي تجهزي عشان مانروحش متاخر يلا بسرعه عشان تروحي تصالحي جوزك بدل ما انتي قالبه وشك من امبارح
رؤي :حاضر عيوني
قامت رؤي تجهز عشان تروح هي ومرام الشركه
**********
ف المستشفي
عبدالله :خير يادكتور
الدكتور :الحمدلله ياعبدالله بيه هي فاقت وبقت كويسه والنيابه جت من شويه عشان يسالوها سؤالين ماتقلقش
ناهد:انا عايزه اشوف بنتي
الدكتور:حضرتك والدتها
شيري :ايوا وانا اختها وعايزين نشوفها
الدكتور :تمام تقدروا تشوفها لكن بعد ما وكيل النيابه يمشي
عند نادين
وكيل النيابه :يعني حضرتك مش عارفه مين اللي ضرب عليك نار
نادين بتعب :لا ما اعرفش انا ماشوفتش اللي ضربني بالرصاص كان الجو ضلمه وما اعرفش كان قاصدني والا قاصد ادم
وكيل النيابه : تمام ممكن تمضي علي اقوالك
***
عند عبدالله وفريده
شيري :هو وكيل النيابه اتاخر كده ليه
فريده :كلها شويه ويطلعوا ياخدوا اللي ما يتسمي ادم وساعتها هنرتاح منه ويبقي كله لجاسر
شيري بفرحه:يارب يارب
خرج وكيل النيابه من عند شيري
جري عليه جاسر وعبدالله وفريده وشيري وادم اللي كانت مش فارقه معاه كتير اللي هيحصل
جاسر :خير يا فندم حصل ايه
وكيل النيابه :قالت انها ماتعرفش مين ضربها وانها كانت مع ادم بيه لكن ما شافتش مين ضربها وهو جابها هنا
عبدالله براحه:يعني كده هييقيد ضد مجهول
وكيل النيابه:ايوا ولو حصل اي جديد تقذروا تبلغوني
مشي وكيل النيابه وساب فريده وشيري بيغلوا وعبدالله وجاسر فرحانين وادم اللي مش بيفكر غير ف حبيبته واللي عمله فيها
دخلوا كلهم لنادين
فريده بغضب لنادين:انتي اتجننتي يابت ايه اللي انتي قولتيه لوكيل النيابه ده
نادين بتعب: انا حره يا ماما
شيري :انتي مش شايفه هو عمل فيكي ايه انتي يا حلوه بقيتي عاجزه وكل ده بسبب اللي حميتيه
فريده :ماشي يا نادين زي ما اختارتيهم خليهم ينفعوكي انا ماليش بت عارجه بكره يرموكي وساعتها ما تدوريش عليا انتي فاهمه
عبدالله :ليه هو احنا زيك اطمني عمرها ما هتحتاجك يافريده اصلا دي بعدها عنك مكسب ليها
مشت فريده وشيري وهما متضايقين وسابوا عبدالله وجاسر مع نادين اما ادم دخل بعدهم لنادين حاول يعتذر لها لكن هي اعترفت بغلطتها وانها تستحق اللي حصلها
وبعدين سابوها ترتاح وخرجوا
عبدالله :انا هاتصل بمامتكم تيجي وانتوا يلا روحوا الشركه
*******
ف الشركه
وصلت رؤي ومرام الشركه
رؤي :مش ناويه تقوليلي هتعملي ايه
مرام :لا يلا روحي شوفي جوزك وانا هاروح لادم
رؤي بخوف علي مرام :طيب اجي معاكي
مرام :لا روحي انتي انا عايزه اروح لوحدي يلا سلام
قدام الشركه
جاسر بمشاكسه :وانا اللي كنت فاكرك هتتسجن والا تتعدم وانا اورث بقي الثروه كلها
ادم بضحك:انت باين انك بتسمع افلام هندي كتير
جاسر :والله مافي فيلم هندي اكبر من اللي احنا فيه
ادم :ليه يا عم الحبيب ما انت امورك ماشيه تمام واتجوزت وقريب نبارك لك وانت ف الكوشه
جاسر :فرحه لاخوك دي والا نق يا ابن ماما ناهد
ادم بضحك:هههه ده سؤال طبعا نق
جاسر بضحك :با ساتر يارب هو نقك ده اللي جايبني لوره ياساتر عليك انا لازم ابخر نفسي من عنيك
ادم بضحك :هههههههه انت عشرتك لرؤي خلت اللغه عندك ضاعت خالص
جاسر :هههههه عقبال مرام لما تبوظ اللغه عندك بس ساعتها هتبقي مسخره
ادم بضحك :ههههههه ساعتها ابوك هيشغلي ف البوفيه هيبقي ده المكان اللي يناسب لغتي
جاسر :هههههه جننونا يا ابني ضيعوا شبابنا
ادم :هههههه بعد ما كانت البنات بتجري ورانا بقبت نجري وراهم فاكر ايام الشقاوه
جاسر بتنهيده :هههه ايام بقي
ادم :ايه ياعم انت عايزها ترجع والا ايه
جاسر :لا ياعم بعد الشر علينا الحلال احلي خصوصا لما قلبك يختار صح واحنا اختارنا صح يا ادم وربنا هيبارك لنا وان شاء الله قريب انا وانت هنبقي ف الكوشه معاهم
ادم بتنهيده حب :يارب يا جاسر يارب
جاسر :ياواد يا واقع لشوشتك انت
ادم :هههه ده علي اساس ان الباشا مش واقع هو التاني
جاسر بتفاخر :طبعا ولايهمني
ادم بجديه :طيب حاسب بقي احسن رؤي وراك
جاسر وهو بيبص وراه :فين دي
ادم :هههههه واضح انك مسيطر
جاسر :ههههههه كده برضو ماشي ليك يوم
ادم :ههههههه الحق اروح مكتبي بدل ما اشوف اليوم ده
جاسر :هههههه ماشي يا ننوس سلام
ادم: سلام
دخل جاسر مكتبه واول مادخل لقي رؤي منتظراه
جاسر بجديه مصطنعه :السلام عليكم
رؤي بابتسامه:وعليكم السلام وحشتني
جاسر راح يقعد علي مكتبه :شكرا
رؤي :انت لسا زعلان مني
جاسر :عادي هو انتي قولتي حاجه تزعل
رؤي :بصراحه انا زودتها معاك امبارح اوي
جاسر :لا هادي انتي عندك حق
رؤي بخوف :يعني ايه
جاسر وقف قصادها: يعني انا هاطلقك زي ما طلبتي
رؤي بدموع :هتطلقني
جاسر :هانفذلك طلبك عشان ترتاحي
رؤي فضلت تعيط وبدات تمشي من قصاده لكفجأه جاسر شدها لحضنه فضلت تعيط جامد اوي وهي حضناه كانت خايفه يكون دي اخر مره تحس بقربه اللي خلاص ادمنته
جاسر :ششششش خلاص اهدي ماتعيطيش
رؤي بعياط:هو انت فعلا هتطلقني
جاسر بابتسامه وهو بيرفع وشها ليه :ما اقدرش طبعا
رؤي بامل :اومال هتعمل ايه
جاسر بخبث :مصره تعرفي
رؤي بعدم فهم :ايوا
جاسر :خليكي فاكره انتي اللي اختارتي بقي
يا اميرتي اتحلو الحياه بدونك اتكون دنيا وانتي بعيده حتي لو اخترتي البعد ساقترب ساذيب اخر ماتبقي من ثباتك لتصبحي معشوقتي بلا منازع ستظلي تهربين بالبعد واظل اقترب بلمسات الاشتياق
بعد دقايق بعد جاسر عنها لما حس انها مش قادزه تتنفس
رؤي بغضب وهو بتضربه ف كتفه:انت قليل الادب
جاسر بضحك :برضو . عموما خلاص انا هاشطب الفيلا واول ماتخلص هنتجوز فورا وساعتها بقي هاطلعه عليكي
رؤي بكسوف :ماشي
جاسر بابتسامه:وحشتني ابتسامتك الصافيه دي يارورو
رؤي وهي سرحانه ف عنيه :انت كمان وحشتني اوي يا جاسر اوي
جاسر بهيام :احنا لو فضلنا كده ماتلوميش غير نفسك
رؤي بضحك :لا خلاص انا جعانه ومافطرتش ممكن بقي حبيبي يعزمني علي الفطار
جاسر :احلي فطار لاحلي رؤي ف الدنيا انتي تؤمري يازوجتي العزيزه اتفضلي يا هانم
رؤي بضحك :ميرسي
بين قلوب روتها الحب وقلوب يؤلمها الفراق بين عيون راوها القرب وعيون المها الاشتياق بدات سطور فرحه لرؤي وجاسر وسطور وجع وحرمان لادم ومرام
ف مكتب ادم
كانت مرام واقفه ف مكتب ادم بتفتكر ذكرياتها معاه هنا ضحكوا وهنا ضايقها وصالحها هنا حكالها عن ماضيه قبلها وهنا ذاكرلها هنا كلوا سوا وهنا اشتغلوا سوا
مرام بوجع :خلاص يامرام اللعبه خلصت ودي النهايه مابقاش في منها رجوع
فجأه سمعت صوته
ادم باشتياق :وحشتيني اووووي يامرام وحشتيني
مرام غمضت عنيها بوجع قد ايه وحشها وقد ايه اشتاقت لصوته بس خلاص مابقاش ينفع لازم تكون اقوي
ادم راح وقف قصاد مرام وفضل يبص لعنيها يمكن يلاقي نظرات الحب اللي تخليه يطلب منها يسامحها
ادم :مرام انا عارف اني غلطت بس انا
مرام مقاطعه ادم :خلاص يا ادم بيه اللعبه خلصت
ادم :يعني ايه
مرام :يعني استقالتي علي مكتبك تقدر تمضيها
ادم :مرام انا بحبك ومتاكد انك بتحبيني
مرام : انا عمري ماحبيتك ولا انت حبتني انا بالنسبه ليك كنت مجرد لعبه حبيت تتسلي بيها واتسليت وانت بالنسبه لي كنت فرصه بصراحه بباك اجبرني علي الشغل معاك والا يرديني ف داهيه وانا وافقت وبيني وبينك قولت فرصه ارتاح بقي من الهم واوقعك ف حبي بس خلاص بقي اللعبه خلصت
ادم وهو بيقربها منه :مرام انا عارف انك بتعصبيني عشان اتعصب عليكي بس ماتفتكريش اني هابعد مهما حصل
مرام وهي بتبعده عنها:خلصت يا ادم بيه خلاص انا هامشي من هنا ومش هافكر ارجع تاني وانت لو عندك حاجه اعملها فرجني بقي يا ابن الاكابر تقدر تعملي ايه .سلام
خرجت مرام من عند ادم وفضلت ماشيه ف الشركه تايهه مرام بدموع :خلاص يامرام دي اخرتها ادم مش بيحبك ولاده اللي يقدر يداوي وجعك ده باعك باعك يامرام فوقي وبلاش وجع مايستهلش يارب يارب قويني انساه يارب انت عالم انا حبيته قد ايه قوينب انساه وارتاح
اما عند ادم فضل حزين وموجوع من كلامها
ادم ف نفسه :انا السبب انا اللي ضيعتك من ايدك وهارجعك يامرام مهما حصل
********
جاسر ورؤي قرروا يتجوزوا ونادين خرجت من المستشفي وعبدالله وناهد خدوها عندهم لحد ماتخف
مرام قررت تنشغل ف مذاكرتها وامتحاناتها هي ورؤي اللي بمجرد ما انتهت بداوا يجهزوا رؤي اللي خلاص فرحها قرب
ادم كان بيروح لمرام ف الامتحانات لكن كانت بترفض تكلمه وبدا يشغل نفسه ف فرح اخوه ويجهز معاه فيلته لحد مامرام ترضي تسامحه وتكلمه
*******
عند فريده
فريده بغيظ:شوفتي ياخايبه ماعرفتيش توقعي جاسر وف الاخر هتيجي بت من الشارع تاخد الجمل بما حمل
شيري بحقد :ومين قالك اني هاسيبها تتهني بيه ما ابقاش شيري لو ما رجعت جاسر ليا تاني
ياتري شيري هتعمل ايه وادم ومرام قصتهم هتوصل لايه كل ده هنعرفه الحلقه الجايه من كسرت كبريائي
عايزين تفاعل بقي
