كسرت كبريائي
الفصل الاول
بقلم .مي عبدالله
في منزل صغير في قريه متوسطه الحال في المنصوره تجلس فتاه في مقتبل العمر تبكي علي سريرها وبجانبها والدتها
الام (حنان): كفايه يا بنتي عياط بقي وشك ورم حرام عليكي اللي انتي عملاه ف نفسك دا
رؤي بعياط:احنا ليه بيحصل لينا كدا يا ماما احنا عملنا ايه
* رؤي فتاه ف الثامنه عشر من عمرها ف الصف الثالث الثانوي بنت متوسطه الطول تمتاز بالبشره البيضاء والعينان الفيروزتان والشعر البني الطويل الناعم فهي حقا تبهر كل من يراها
حنان بعياط: يا بنتي دا نصيبنا ولازم نرضي بيه
رؤي بصوت عالي : نرضي بايه بواحد مطلع عنيكي ضرب واهانه وكمان عايز يجوزني غصب عني لواحد اكبر مني بعشرين سنه ويطلعني من التعليم
حنان: يا بنتي كل واحد بياخد نصيبه ودا اللي ربنا كاتبهولك
رؤي بعصبيه: ربنا مايرضاش بالظلم وبابا دا ظالم انا مش هاقدر اتجوز الراجل دا ابدا
حنان: يا بنتي هنعمل ايه طيب انتي عارفه احنا مالناش حد غير ربنا واخوكي سافر وسابنا واخواتك البنات انشغلوا ف حياتهم انا نفسي اطمن عليكي يا رؤي قبل ما اموت
رؤي بلهفه: بعد الشر عليكي يا ماما
بتسرح رؤي شويه
حنان : مالك يا بنتي روحتي فين
رؤي : ماما احنا لازم نهرب من هنا كفايه علينا كدا
حنان بخضه: ايه , انتي اتجننتي يا رؤي ازاي نهرب وابوكي والناس
رؤي : ناس منين دول الناس اللي شافونا بننضرب ونتهان ومحدش فيهم كلف نفسه يساعدنا وبابا ما يهموش غير نفسه حنان : يا بنتي استهدي بالله ونامي والصبح نتفاهم
رؤي وهي بتمسح دموعها : لا مش هانام انا هاهرب من الجحيم دا هتيجي معايا والا امشي لوحدي
حنان بعياط: يا بنتي ابوكي ممكن يقتلنا فيها
رؤي :يبقي لاول مره عمانا حتجه نفسنا فيها ولو وصلنا وقرر يقتلنا يبقي ريحنا
حنان: ليه كدا با ربي بس
رؤي :ماما ما تخافيش احنا هنبقي مع بعض وربنا مش هيسيبنا
حنان بنفاذ صبر :امري لله مش هاسيبك يا بنتي انا معاكي ف اي حاجه
رؤي وهي بتمسح دموعها: يلا يا ماما بسرعه قبل ما يرجع
حنان :يا بنتي استني للصبح حتي احنا ف نص الليل
رؤي :لا يا ماما ممكن يرجع ف اي وقت
حنان: امري لله يا بنتي كفايه اللي شوفناه لحد كدا
بدات رؤي وامها ف تحضير الشنط بسرعه كل واحده فيهم كانت جواها رغبه فعلا انها تهرب من الكابوس دا بس كانوا خايفبن من اللي جاي
بعد نص ساعه كانوا جهزوا نفسهم وخرجوا من البيت فضلوا ماشيين لحد ما وصلوا محطه القطر وركبوا اول قطر طالع ف الوقت دا
********
ف نفس الوقت ف مكان اخر يمتاز بالفخامه ملئ برائحه المسكرات وبنات الليل التي يقدمن للزبائن كباقي مشروبات المحل يجلس جاسر عبدالله ابو العزم ذلك الشاب الوسيم ذو الجسد الرياضي والبشره القمحيه والعينان الخضراء طويل القامه صاحب الشعر الاسود الناعم فهو حقا شديد الوسامه حديث الفتيات الدائم وبجواره فتاه ترتدي فستانا احمر اللون من الشيفون الذي يظهر من جسدها الابيض اكثر مما يخفي تتمايل عليه وهو يتناول الكأس ومعه اخيه التوأم ادم الذي يشبهه كتيرا ولكنه يختلف عنه ف عينيه العسليتين فهم خريجي كليه الهندسه
ادم باشمئزاز :كفايه شرب بقي يا جاسر
جاسر وهو يتناول الكأس:ليه بعني حد دافع لي حاجه من جيبه
ادم :يا ابني ارحم صحتك انا عارف ان مفيش فيك فايده عموما بابا باعتني ليك عشان اقنعك تركز ف شغلك شويه بدل ما انت مخسر الشركه كدا
جاسر : انا مش عايز اشتغل ف الشركه مش كفايه دخلت كليع الهندسه غصب عني كمان اشتغل غصب عني وبعدين كفايه عليه انت يا سي ادم
ادم بنفاذ صبر: انت عايز ايه دلوقتي
جاسر وهو يغمز للبنت اللي معاه : عايز اتدلع والعب شويه والا انت ايه رايك
البنت بدلع: طلعا يا حياتي انت تؤمر
جاسر :طيب ما يلا بينا
البنت بضحكه عاليه : يلا يا بيبي
جاسر :الله عليكي ، سلام يادومه ابقي حاسب انت
ادم ف سره: امتي هتعقل يا جاسر بقي
مشي جاسر ومعاه البنت وركبوا العربيه وراحوا شقته ف المعادي اللي اخدها مخصوص عشان لياليه الحمراء البعيده عن اي حساب للحرام او الخطأ
فجاسر لايعرف شيئا عن لغه القلب او الدين فقط رغباته هي من تحركه
*********
ف القطر
رؤي بخوف: لو سمحت
الكمسري :نعم يا بنتي
رؤي : هو القطر دا رايح فين
الكمسري: القطر دا رايح القاهره انتي رايحه فين
رؤي بصدمه :القاهره
الكمسري: ايوا يا تري انتي معاكي تذكره والا هتشتري دلوقتي
رؤي بانتباه: ها' ايوا حاضر انا عايزه تذكرتين
الكمسري: اتفضلي التذاكر
رؤي :اتفضل الفلوس
رجعت رؤي قعدت جنب مامتها لقيتها نايمه فضلت باصه عليها شويه وبعدين بصت من شباك وسرحت مع نفسها
:يا تري ايه اللي مستخبيلك والايام الجايه ناويه علي ايه
**
ياتري فعلا ايه اللي هيحصل لرؤي ورد فعل بباها ايه
ده هنعرفه الحلقه الجايه من كسرت كبريائي
