كسرت كبريائي
الفصل الخامس والعشرين
اولا :باعتذر عن تاخير الحلقات جدا لكن دا بيكون لظروف خارجه عن ارادتي والله
ثانيا:باعتذر لكل الناس اللي مش بارد عليهم خاص والله دا غصب عني انا بمجرد ما بانشر حلقه بابدأ ف كتابه التانيه
باتمني محدش يزعل مني
ثالثا:ياجماعه انا بافرح جدا بكومنتاتكم بس بافرح اكتر بالناس اللي بتقول توقعاتها للحلقات الجايه ورأيها ف الحلقه بيحسسوني بتعبي اكتر من الايموشنات
ياريت التفاعل شويه
ف الفيله
جاسر :لو سمحتي يا ماما خدي رؤي وسيبونا شويه مع بعض
مشيت رؤي وناهد وسابت ادم وجاسر مع بعض
ادم بصوت عالي:انت لسا بتصدقهم دول ناس زباله سواء الهانم اللي معاك دي والا التانيه
جاسر بعيون مليانه شرار:انت اتجننت انت ازاي تتكلم عن مراتي كدا انت خلاص مابقتش تحترم حد
ادم باستهزاء:عادي محدش يستاهل اصلا عنوما مظلومه مش مظلومه دي مش قضيتي انا خلاص هاتجوز نادين رسمي واعيش حياتي بطريقتي
جاسر بغضب:ونادين بقي اللي هتعيشك حياتك دلوقتي بقت هي اللي ممكن تساعدك وتنقذك من الضياع ترمي بنت مظلومه ف النار عشان واحده زباله مش هاممها غير فلوسك
ادم :كفايه بقي انا مش عايز اسمع عنها حاجه
جاسر مسك ادم من هدومه:انت ايه يا اخي ايه مش ناوي تتغير طيب زمان وكنت بتستقوي بفلوس بابا علي خلق الله بس قولت الحب هيعدلك هيخليك تشوف الدنيا الوان بدل الاسود اللي مليت بيه قلبك بس ياخساره فضلت زي ما انت
ادم بدموع متحجره ف عنيه :هي اللي كسرتني هي اللي رجعت الشيطان اللي جوايا بعد ماكان مات
جاسر :عمره ما مات للاسف انت ما اتغيرتش بالعكس بقيت اسوء .حتي يا اخي لو هي غلطت تقوم ترميها ف النار بايديك تسيبها لراجل تاني دا الحب دا السند اللي كانت محتجاله
ادم بغل:كلهم كلاب مش شايفين غير الفلوس وبس كلهم مايستاهلوش
جاسر :احنا اللي مانستاهلش مش هما احنا اللي كنا شايفينهم مالهمش تمن احنا اللي فرضنا نفسنا علي حياتهم كنا بندمر فيهم باسم الحب .تقدر تقولي مرام عملت ايه يخليك تقول انها مثلت عليك الحب .مين كان بيقرب اكتر وبيسعي لكدا مش انت .مين هانها ورماها ف المستشفي تعبانه مش انت .مين اتسلي ولما زهق رماها لغيره مش انت
ادم بدموع :لا انا مارميتهاش انا حبتها وانت اكتر واحد عارف انا حبيتها ازاي بس هي اللي كسرت الحب دا
جاسر :انت عمرك ماعرفت تحبها انت حبيت تمتلك العنيده اللي وقفت قصاده مشاكستها وعندها معاك خلوك متمرد مش قادر تصدق ان ادم بيه ابو العزم بنت ماقدمتش ليه فروض الولاء والطاعه مش كدا .مش دي مرام اللي كنت بتقول دايما انها حزينه فكرت ف مره تعرف هي حزينه من ايه بس طبعا دا ما يهمكش ف شيء لانك اناني مابتشوفش ولا بتحب غير نفسك وبس . ولعلمك مرام دي هي ورؤي انضف مننا ميت مره علي الاقل ف عز ظروفهم الصعبه حافظوا علي نفسهم مش زينا استعلينا علي الناس بفلوس ابونا ياخساره يا ادم انت ضيعت الفرصه الوحيده اللي كانت هتخليك بني ادم
ادم بحزن:يا جاسر انا
جاسر مقاطعا:ولعلمك مرام اتجوزت محروس غصب عنها اهلها جبروها عليه ويوم الفرح انتحرت عشان ما تكملش حياتها مع واحد بلطجي زي دا ورؤي هربتها كانت فاكره انها بكدا بتبعدها عن الخطر ماتعرفش انها رمتها ف النار بايديها .الله اعلم دلوقتي بقي اذا كانت مرام لسا عايشه والا الحيوان دا عمل فيها حاجه
جاسر بغضب :بس البنت دي يا ادم لو جرالها حاجه بسببك حسابك معايا هيبقي عسير سامعني
مشي جاسر وساب ادم اللي من الصدمه وقع علي الكرسي اللي وراه .
ادم لنفسه :معقول اكون ضيعتها بايديا معقول انا اللي رميتها ف النار وسيبتها
اما جاسر فراح لنادين الاوضه اللي احتجزها فيها جنب الفيلا
فتح جاسر الباب بهدوء عكس اللي جواه
نادين بخوف :ايه .في ايه .انت عايز ايه
جاسر بابتسامه سخريه:مالك خايفه كدا ليه .يعني دبرتي وخططتي تسلمي مرام لمحروس وتتجوزي ادم ومش عايزاني احيكي دا حتي عيبه ف حقي يا .هه يابنت خالتي
نادين بخوف :ايه اللي انت بتقوله دا لا طبعا انا ما انزلش بمستوايا للحاجات دي
جاسر :مستواااكي .مستوي مين يا ام مستوي انت بتهزي صح انتي ولاد الشوارع انضف منك ومن عينتك
نادين بغضب :انت اتجننت ازاي تكلمني كدا
جاسر بضحكه صفرا قرب منها وخد ورقه الجواز العرفي منها غصب عنها
نادين بجنون:هات الورقه يا جاسر باقولك هاتها
جاسر مسك ولاعه من الحارس بتاعه وولع الورقه وبصلها
جاسر بسخريه :اللي زيك انتي واختك بكتيرهم تسليه ليله مش يشيلوا اسامينا
نادين بغضب:مش هاسيبك يا جاسر
جاسر بهدوء:ولا انا يا بنت خالتي هاسيبكم الظاهر مكتوب اننا نخلص عليكم يا انتوا تخلصوا علينا والشاطر يغلب بقي ف الاخر .المهم فين محروس
نادين بسخريه:مع مرام زمانهم بيقضوا شهر العسل عقبالك انت ورؤي
ف الوقت دا دخل ادم المخزن وعينيه كلها شرار ومعاه مسدس
جاسر بخوف علي اخوه :ادم امشي انت وانا هاعرف مكانه منها
ادم بصوت لا يقبل النقاش لنادين :فين محروس ومرام
نادين برعب :ما اعرفش
ادم رفع مسدسه وضربها رصاصه جت ف رجليها
نادين بصراخ :ااااااااااااه رجلي
جاسر بصدمه:انت مجنون انت عملت إليه
ادم بهدوء:الرصاصه الجايه مش ضامن مكانها بس اكيد مش هتلحقي تنطقي بعدها
جاسر :ادم كفايه هي هتقول بطل تهور
ادم بصوت عالي:لو خايفه علي حياتها يبقي تشتريها وتقول مكان الحيوان دا
نادين بوجع :مش عارفه والله ما اعرف
ادم قرب منها وطلع موبايلها وادهولها
ادم وهو بيمسكها من شعرها:بس اكيد معاكي رقمه .اتصلي بيه .يلااااااا
نادين بخوف :حاضر
ف القطر اللي متجهه للمنصوره
كانت مرام شارده ف احزانها وف اللي جاي فاقت علي صوت محروس
محروس:هتفضلي كدا كتير
مرام بتعب:عملت اللي انت عايزه عايز ايه تاني
محروس :هو انا لسا عملت حاجه دا انا لسا هاربيكي كويس
مرام بصت له بالم وكأنه بتدور فيه علي اخر فرصه ليها ف النجاه
غبيه انتي تستدعي الرحمه من قلوب تربت علي الضنا اميرك تركك بشتات الماضي وحيده عساه ينتقم لجرح ليس له أتبتغي الشفقه ممن سقاكي كأس العذاب ومازال يسقيه
فضلت مرام علي حالها فاقت من شرودها علي صوت موبايل محروس اللي رد بسرعه عليه
محروس :مساء الفل يا ست الكل
نادين :ايوا يا محروس انت فين
محروس:ف القطر يا هانم اللي طالع المنصوره
نادين :البت معاك
محروس:ايوا يا ست الكل معايا مش عارف اشكرك ازاي لولاكي مكنتش وصلتلها
نادين :وناوي تعمل معاها ايه
محروس وهو بيبص لمرام :ناوي اعيش بقي ياست الكل وادخل دنيا
نادين :هو انت هتوديها شقتك والا مكان تاني
محروس:لا يا هانم هنروح شقتي ليه هو حضرتك يلزمك مني حاجه تانيه
نادين:لا باطمن بس انها مش هترجع تاني تلعب علي ادم
محروس:اطمني يا هانم وطمني ادم بيه هو خلاص مش هيشوف وشها تاني سلام يا ست الكل
قفل محروس وبص لمرام اللي ماقدرتش تمسك دموعها ونزلت غصب عنها
محروس بتشفي :شايفه حبيب القلب اللي هربتي عشانه مابقاش طايقك ازاي عشان تعرفي مالكيش الا محروس وبس
مرام فضلت تعيط من غير ماترد مش قادره تصدق ان ادم فعلا باعها معقول خلاص كدا دي نهايه كل حاجه حلوه ف حياتها معقول هو كان بيمثل عليها والا هي اللي فهمت مشاعره دي غلط غمضت عنيها بحسره منتظره المجهول
عند ادم
ادم ركب عربيته بسرعه ومشي من غير ما يرد علي جاسر
جاسر بصوت عالي لرجالته:بسرعه جهزوا العربيات هنروح المنصوره حالا
رؤي شافته من علي بعد وجريت عليه
رؤي :جاسر عشان خاطري خدني معاك
جاسر :مش هينفع يارؤي انا مش عايز اقلق عليكي وانتي معايا خليكي هنا مع ماما عشان اكون مطمن عليكم وانا هاطمنك
رؤي بقله حيله :ماشي
سابها جاسر بعد ما كلم دكتور صاحبه عشان ييجي لنادين ومشي عشان يلحق اخوه
****************
ف المنصوره
وصل محروس ومرام البيت
محروس :منوره بيتك يا ست البنات او الستات مش عارف بس هاتاكد بنفسي
مرام بانكسار:كنت فاكره يوم ماهربت اني خلاص مش هاشوف السجن دا تاني بس يظهر مكتوب عليا اقضي اللي باقي من عمري فيه
محروس بتشفي:ولسا هو انتي لسا شوفتي سجن دا انا هافرمك بس استني عليا
سمعوا خبط علي باب الشقه وكانت صدمه لمرام لما شافت اللي كان علي الباب
مرام بصدمه :ماما
ام مرام بدموع جريت عليها وحضنتها اوووووي
ام مرام :وحشتينري يابنتي وحشتيني اوي
مرام كانت واقفه مصدومه مش عارفه تفرح ان اخيرا حست بطعم حضن الام والا تزعل منها علي اللي عملته
مرام بضعف:جايه ليه .جايه تتفرجي عليا وانا باموت
ام مرام بندم:لا يا بنتي لا صدقيني انا فوقت اللي حصل لابوكي فوقني احنا اللي ضيعناكي يا بنتي احنا اللي رميناكي مرام:بابا .بابا حصل له ايه
محروس بجبروت :قتلته
مرام بصدمه :ايه .قتلته .انت بتهزر صح هو بيهزر يا ماما ردي عليا
ام مرام بعياط:لا يا بنتي هو قتله .قتله ابوكي مات يا مرام مات
مرام بوجع :ازاي .ازاي
فلاش باك
ابو مرام بندم :انت ايه اللي جابك هنا
محروس:جيت ازورك يا حمايا مش يمكن عايز حاجه
ابومرام :حما الدبب مش عايز اسمع الكلمه دي منك تاني انت سامع واتفضل اطلعز برا بيتي
محروس:الله ليه كدا بس مش كفايه ست الحسن والجمال فضحتك وهربت
ابو مرام بغضب:اخرس يا حقير بنتي اشرف من الشرف انا اللي ضيعتها بايدي سلمتها لواحد معندوش رحمه زيك ضيعها وياعالم تكون قتلتها وبتستعبط
محروس :انت عايز تلبسني حنايه عشان تطلع بنتك شريفه بس علي مين كل الناس عارفه ان بنتك زباله وهربت
ابومرام مسك السكينه ووجها ناحيه محروس
ابو مرام :انا بقي هاعرفك مين الزباله يازباله
حاول ابو مرام يضرب محروس بالسكينه لكن محروس كان اسرع واخد السكينه وضربه بيها لحد ما مات
ام مرام بدأت تصرخ وتعيط لكن محروس حط ايده علي بقها محروس :لو نطقتي بكلمه هاخليكي تحضليه سامعه. الكلام اللي اقولهولك تنفذيه بالحرف الواحد
عوده للوقت الحاضر
ام مرام بعياط :غصب عني با بنتي خوفت اتكلم يقتلني
مرام بصت لمحروس بوجع :يعني ابويا مات
محروس باستهزاء:قال يعني كنتي بتحبيه والا هو كان بيطيقك دا ماصدق رماكي ليا
ام مرام بعياط:لا يا بنتي ماتسمعيش كلامه انا جيت لك عشان اقولك ان ابوكي ميت مسامحك اخر حاجه طلبها مني قبل مايموت اني لما اشوفك اقولك تسامحيه
مرام مانطقتش فضلت واقفه ساكته والدموع بتنزل من عنيها بصمت
محروس بعصبيه :خلاص قولتلها كل اللي عندك يلا بقي هوينا الليله مش ناقصه عكننه برا يلا
ام مرام :حرام عليك كفايه اللي عملته ف ابوها سيبهالي وكفايه بقي
محروس بضحكه عاليه :ههههههه اسيبها بعد كل اللي عملته دا انتوا تبقوا بتحلموا بنتك دي انا هابعتهالك بس علي نقاله ودا قريب يلا اطلعي برا
محروس مسك ام مرام ورماها برا الشقه وقفل الباب وهي بتخبط وبتترجاه يسيب مرام
محروس بزهق :دا ايه الليله السوده علي دماغكم دي
مرام بهدوء :ليه بس دي لسا هتبتدي وهتبقي عسل
محروس بتعجب: ايه دا انتي مش زعلانه اني قتلت ابوكي
مرام :ازعل ليه دا احسن حاجه انت عملتها ف حياتك كدا بقي نبدأ علي نضيف
محروس بغمزه :هو دا الكلام نبدأ علي نضيف يلا بقي نبدأ
مرام :بس خلينا نشطب صفحه القديم عشان نعرف نبدأ حلو
محروس :مش فاهم يعني ايه
مرام مسكت سكينه كانت علي الطرابيزه وقبل ما يتحرك ضربته ف رجله وقع علي الارض
محروس بالم :ااااااااااه
مرام :اكتر .ساكت ليه اكتر انألم اكتر عايزه اسمع صوت وجعك زي ما انت سمعت وجع ابويا وفضلت تضربه برجليها ف رجله وبطنه
محروس حاول يمسك منها السكينه لكن هي كانت اسرع وضربته ف رجده التانيه وما اكتفتش بكده فضلت تعور جسمه بالسكينه
محروس بالم :اااااه باموت ارحميني اه ااااه
مرام بهدوء:اطمن الجروح دي مش هتموتك انا لسا باسمي الله
محروس بخوف :ناويه تعملي ايه
مرام مسكت لوح خشب وفضلت تضربه علي دراعه
محروس :كفايه اااااه اااااه
مرام بهدوء:كدا تعرف تحس بوجع دراعي دلوقتي .تعرف يا محروس انا طول عمري باخاف من منظر الدم وانا صغيره لما كنت اتعور وماما ماترضاش تربطلي الجرح بحجه انها بتعاقبني كنت باجري علي حضن رؤي واغمض عنيا لحد ماتربطهولي ياااااااه مين يصدق النهارده احلي منظر ف الدنيا هو منظر الدم اللي ماليك دا .ياااااااه والله يا محروس انا مش وحشه انا طول عمري ف حالي نفسي بس افرح والله انا ماغلطش لما حبيت اعيش حتي لو بعيد عنكم بس انتوا مارحمتونيش كلكم كسرتوني
محروس بوجع :هاقتلك يا مرام هاقتلك
مرام بضحكه:ازاي. قصدك بالايد التانيه طيب عنك انت
مسكت مرام ايديه وضربتها باللوح لحد ما اتكسرت ومحروس عمال يصرخ
مرام بوجع:ليه قتلته
محروس :كنتي عايزاه ف ايه مش دا اللي طول عمره بيكرهك
مرام :بس انا كنت باحبه كان نفسي يحضني قبل ما يمشي هو انا هافضل دايما انتظر الحاجه وما تحصلش هافضل دايما افارق من قبل ما افرح .انتوا كلكم احقر من بعض ما بتحبوش غير نفسكم وبس
فضلت مرام تضرب فيه وتعيط لحد ما سمعت صوت الباب بيتكسر كان ادم وجاسر ورجالتهم
ادم جري عليها بلهفه وحضنها اخيرا حس ان روحه رجعت له
بس مرام مكنتش بتنطق خالص ولا استجابت لحضنه
ادم بعد عنها وسألها بقلق:مرام حبيبتي انتي كويسه
مرام بصتله بنظره وجع كسرت قلبه
جاسر :ايه اللي حصل يامرام
مرام بهدوء:مفيش
ادم :يعني انتي كويسه
مرام بوجع:لا
ادم برعب:عمل فيكي ايه الحيوان دا
مرام بهدوء:قتل بابا
جاسر وادم:ايييييه
مرام مجرد ماقالت كدا اغمي عليها
ادم بخضه:مرااام
ياتري ايه اللي هيحصل بين ادم ومرام مرام اللي حصل دا هيقويها والا يكسرها وهتسامح مامتها والا تقفل صفحات الماضي ومحروس مصيره ايه وجاسر ورؤي هيفرحوا والا لسا لسطور الحزن بقيه ف قصتهم
كل دا هنعرفه الحلقه الجايه من كسرت كبريائي
دمتم بخير .....مي عبدالله
لو الحلقه عجبتكم ياريت تعليقات كتير وقولولي توقعاتكم ف الحلقه الجايه ودعواتكم بقي
