كسرت كبريائي
الفصل الثاني عشر
ف بدايه يوم جديد علي ابطالنا
ف بيت رؤي
رؤي :يلا يا مرام اتأخرنا
مرام :خلاص يا ستي خلصت
رؤي :يلا يا استاذه لما نشوف اخرتها
مرام بضحك :اخرتها زالفل أه والله
حنان بابتسامه:ربنا يبعد عنكم ولاد الحرام ويكفيكم شر طريقكم يارب
رؤي ومرام :ياااااااارب
رؤي :سلامو عليكم
حنان :وعليكم السلام
خرجت رؤي ومرام راحوا الشركه قبل معادهم لمقابله عبدالله
*******
ف القصر
علي مائده الافطار
جاسر بابتسامه :صباح الخير
ناهدبابتسامه:صباح النور يا حبيبتي
عبدالله :صباح الخير اومال فين ادم
ناهد:بيقول مش عايز يفطر
عبدالله :ليه احنا مش قولنا كل يوم نفطر مع بعض
جاسر :معلش يا بابا هو زعلان من اللي حصل امبارح ف الشركه
نظر عبدالله لجاسر ثم حدث نفسه :اومال لما يعرف اني هاعينها سكرتيرته هيعمل ايه
عبدالله موجها كلامه لجاسروناهد :هو حر اهم حاجه الشغل ما تتأخروش عليه انا رايح الفرع بتاعكم
جاسر :بابا حضرتك مش ملاحظ انك بتيجي الشركه كتير شويه
عبدالله :باطمن علي الشغل ممنوع والا ايه
جاسر :علي الشغل والا علينا
عبدالله :عليكم ازاي
جاسر بابتسامه :عموما اطمن يا بابا صدقني احنا بنتغير
عبدالله :بتتغيروا، امممم وياتري سهره امبارح كانت احتفالا بالتغيير يا جاسر بيه بس الغريبه انك ماروحتش تكملها ف الشقه ايه مفيش واحده عجبتك والا مجربهم قبل كدا كلهم وبتدور علي نوع جديد
جاسر بصدمه :حضرتك بتراقبني
عبدالله :انت عارف مشكلتك انت واخوك ايه ان انتوا دايما فاهمين نفسكم الاذكياء الوحيدين والباقي اغبياء
جاسر :يا بابا احنا
عبدالله مقاطعا:انتوا احرار يا جاسر باشا تعملوا اللي يريحكم ف المقابل مش عايز مشاكل ولا خساير ف الشغل مفهوم
انا ماشي وانت كمان شوف اخوك عشان تلحقوا شغلكم دا لو كان فارق معاكم يعني
مشي عبدالله من القصر وهو ف اشد الضيق ركب سيارته وطلب من سائقه الخاص ان يذهب به الي فرع ابنائه يبدو ان ذلك الفرع اصبه مصدر لتعبه كأولاده
ظل عبدالله طوال الطريق يفكر ف ابنائه تذكر ليله امس وهو ف المطعم المفضل لحبيبته كم كان سعيدا حتي آتاه خبر أن جاسر الليله مع اصدقائه ف سهره من سهراتهم تغير تماما وطلب من زوجته ان يعودا للقصر ظل ساهرا حتي يعرف اخر تلك السهره أمازال ابنه بعد مرافقا صحبه السوء لو يتغير بعد كيف وقد لامس ذلك التغيير بناء علي التقارير اليوميه التي تقدم له من خلال اتباعه ممن وضعهم ف الشركه خصيصا لمتابعه ابنيه جيدا ظل هكذا حتي جاءه اتصالا يعلن ان ابنه قطع سهرته بدون سبب وقرر الذهاب وحيدا فذهب لينام تاركا ابنه بلا عتاب او نقاش فما يجدي معه شيء
******
ف الشركه
وصل عبدالله الشركه ذهب الي مكتبه ليجد مرام ورؤي ف انتظاره لدي سعاد
عبدالله :صباح الخير
الجميع :صباح النور يافندم
عبدالله :رؤي ومرام اتفضلوا معايا علي المكتب سعاد هاتيلي العقد بسرعه واطلبي محمود سكرتير ادم خليه ييجي
سعاد :حاضر يافندم
دخل عبدالله المكتب ومعاه رؤي ومرام
عبدالله بهدوء:طبعا رؤي قالت لك المطلوب منك
رؤي بحده :انا قولتلها انها هشتغل سكرتيره آدم بيه مقابل مرتب شهري هتأخده نظير تعبها
عبدالله بتفهم :تمام يا رؤي
سمع عبدالله خبط علي الباب
عبدالله:اتفضل
دخلت سعاد ومحمود
محمود:صباح النور يافندم
عبدالله :صباح النور محمود انت مش هتكمل مع ادم بيه
محمود بقلق :ليه يافندم انا عملت حاجه
عبدالله :ما تخافش انا هانقلك مكتب المحاسبه ومرام هتشتغل مكانك تقدر تتفضل دلوقتي علي مكتبك الجديد
محمود بفرحه :شكرايافندم
خرج محمود تحت انظار مرام المتعجبه منه اكل تلك الفرحه لأنه تخلص من العمل مع أدم يبدو ان الطريق لن يكن بسيطا كما ظنت
عبدالله :ها يا سعاد جهزتي عقد مرام
سعاد بضيق :ايوا يافندم
وبداخلها :شكلك ما اتعلمتيش الدرس يا رؤي ضاقت بصاحبتك الدنيا وجايه تشتغل عند آدم اللي بيكره نفسه لا حول ولا قوه الا بالله
عبدالله :عظيم امضي علي عقدك يا مرام عشان تروحي مكتبك
اخذت مرام العقد ووقعت عليه تحت انظار رؤي وسعاد الغاضبتين
عبدالله :تمام دلوقتي تقدري تروحي مكتبك رؤي هتوديكي ليه وبعدين تروح مكتبها
مرام بخوف :طيب وآدم بيه
عبدالله :آدم قرب يوصل اتعاملي معاه عادي دا خلاص بقي رئيسك ف الشغل
مرام :دا اكيد هيطردني
عبدالله :ماتخافيش انا موجود هنا لو حصل حاجه هأجيلك.مرام :تمام
وبداخلها :شكلك هتيجي تستلم الجثه
عبدالله :تقدروا تتفضلوا
الجميع :عن إذن حضرتك
خرجت رؤي مع مرام كي تقوم بتوصيلها الي مكتب آدم بدون اي كلام
مرام بمشاكسه :كل دا حقد ياساتر طيب قوليلي مبروك
رؤي :اطمني دا انا هاحقد واحقد بس لما آدم بيه يوصل
مرام بضحك :يا اوختي كبري دماغك دا انا بكره هاظبطه
رؤي ف سرها :لسا مصره ماتشوفيش الدنيا يامرام لسا ما اكتفتيش باللي حصلك ربنا يستر ويطلع آدم احسن من اخوه
وصلت رؤي ومرام المكتب
رؤي :دا هيبقي مكتبك وانا مكتبي جنبك طبعا انتي عارفاه يلا اقعدي بقي انتظري آدم وانا هاروح شغلي
مرام بخوف :رؤي ما تخليكي معايا انا خايفه
رؤي بابتسامه علها تخفف من خوف صديقتها :بقي مرام تقول خايفه مفيش داعي للخوف انا معاكي لو احتاجتيني ف اي وقت هتلاقيني وكمان عبدالله بيه ف الشركه وآدم ببه مش عفريت هو غبي شويه بس انتي هتقدري عليه انا واثقه
مرام براحه :ماشي يا رورو
خرجت رؤي لتذهب لمكتبها وتركت مرام لتنتظر المغرور
وصل آدم وجاسر الشركه سويا
جاسر :اعقل يا آدم ماتعملش عقلك بعقل بنت صغيره .
آدم بعصبيه :الصغيره دي بهدلتني وخلت ابوك يزعق لي قصاد الكل ويكدبني ويصدقها
جاسر :انت كمان اتهورت وكنت هتضربها
آدم :المره دي بقي انا مش هاضربها انا هافعصها بايدي زي الصرصار
جاسر :مفيش فايده يا آدم انت حر انا رايح مكتبي
مشي جاسر دخل مكتبه وساب آدم اللي بدأيطلب رقم
آدم قولتلك اتصرف واعرف مين دي انا عايزها بأي طريقه عشان اشرب من دمها بنت
لم يستطع إكمال كلامه توقف للحظه عقله ايعقل انها بقدمها هنا ف مكتبه ولكن كيف أيعقل انها اتت لتتحداه اي نوع من البشر هي الا تهابه الا يرعبها سماع اسمه كغيرها
افاقه من شرودها صوتها
مرام بابتسامه لتختفي توترها :صباح الخير يافندم
رآت مرام الشرر يتطاير من عينيه يمكنها ان تقسم ان لو نظرات العيون قاتله لكانت الآن ميته
آدم بصوت عالي :انتي بتعملي هنا ايه يا زباله انتي
مرام بتحدي :باشتغل
آدم :وحياه امك
مرام:ادم بيه ما تتعداش حدودك معايا انا هنا عشان اشتغل واعتقد ان الافضل هو الاحترام المتبادل
ادم:احترام مين يا بنت
مرام مقاطعه:اهدي علي نفسك شويه ليطق لك عرق وانت لسا صغير
آدم :دا انا هامسح بيكي بلاط الارض وكويس انك جيتي برجليكي عشان اربيكي يا محمود انت يا زفت
مرام بضحك:حضرتك ماسمعتنيش كويس يبدو ان العصبيه خلت حضرتك ما تركزش لكلامي بقول لحضرتك انا هنا باشتغل مكان محمود سكرتيره حضرتك الجديده
آدم بصدمه :ازاي مين عينك
عبدالله من وراهم:انا
أدم والشرر يتطاير من عينيه :مستحيل دا جن
عبدالله مقاطعا:حاسب علي كلامك ما تضطرنيش ارد عليه باسلوبي
آدم:يا بابا انا
عبدالله مقاطعا:انا ف مكتبك لو حابب نتفاهم انا موجود جوا مش حابب براحتك دخل عبدالله وترك آدم مع مرام
مرام بضحك لتستفزه :تحب اجيب لحضرتك لمون يهديك
بدأ ادم يقترب منها وبدأت مرام فالابتعاد عنه حتي وجدت نفسها ملتصقه بالحائط وهو امامها بعسليتيه التي اصبحت كخيوط الشمي الملتهبه من كثره غضبه
مرام بخوف :لو سمحت ابعد
آدم بضحك:مالك قلبتي قطه كدا ليه
مرام :هانادي عبدالله بيه
آدم بعصبيه :دا انا هاخليكي تلعني اليوم اللي شوفتيني فيه وساعتها محدش هيرحمك مني وكويس انك وفرتي تعب الوصول ليكي
تركها ادم ودخل لابيه اما هي فظلت ضربات قلبها ف الاسراع لم تستطع تهدئه تلك الضربات جلست علي مكتبها علها تهدأ ولو قليلا ظلت تستعيد نفسها من جديد فمرام لم تكن تلك العصبيه سليطه اللسان يوما ولكن الايام علمتها ان التعامل مع البشر يحتاج ان تتعامل بطريقتهم لا بطريقتها
***
ف مكتب ادم
آدم :ياتري حضرتك ممكن تفهمني الزفته دي بتعمل ايه برا
عبدالله وهو يقف ليواجهه ابنه :قولت اوفر عليك تعب الوصول ليها
آدم :يعني ايه
عبدالله :يعني مرام سكرتيرتك من النهارده وانت حر معاها تنتقم منها تبهدلك انت حر بس حاسب اصلها لسانها طويل وممكن تمسح بيك بلاط الشركه قصاد الموظفين
خرج عبدالله وترك آدم يشتاط غضبا
آدم بصوت :ان ما ربيتك ما ابقاش انا آدم ابو العزم
مضحكا حقا ان يبدأ الانتقام بتسطير اول صفحات العشق وما يضحك انك من ستسطر تلك الصفحات تاركا تلك العجرفه هادما كل حصن بنيته كي يبتعد معلنا انك فارسها انك اسير قلبها بلا منافس
*****
عند جاسر
جاسر :خلصت الملف يا رؤي
رؤي :ايوا ياجاسر بيه اتفضل
جاسر :مالك متوتر ليه وايه الدوشه اللي برا دي
رؤي:دا ادم بيه بيزعق
جاسر بهدوء:ليه ايه اللي حصل تاني
رؤي بتوتر:اصل عبدالله بيه غير محمود وعين له سكرتيره جديده
جاسر :وايه اللي مزعله ف كدا
رؤي:اصل السكرتيره دي تبقي مرام
جاسر :مرام مين
رؤي :مرام صاحبتي اللي اتخانقت معاه امبارح
ضحك جاسر بصوت عالي ثم قال:ايه دا دي مش بتضيع وقت خالص
رؤي بضيق من تلميحه:حضرتك هيا ما عملتش حاجه عبدالله بيه هو اللي عرض الشغل دا
جاسر :ماهي دي المصيبه ان بابا هو اللي عرض الشغل دا عليها زي ما خلاكي تشتغلي عندي
رؤي :حضرتك تقصد ايه
جاسر :رؤي انتي بباكي عايش والا ميت
رؤي بارتباك لاحظه جاسر :ما اعتقدش ان حياتي الخاصه ممكن تفيد حضرتك بشئ
جاسر بضيق من كلامها:معاكي حق عموما تقدري تروحي تكملي شغلك
خرجت رؤي واغلقت الباب وهي يشتاط غضبا فذلك الجاسر يود باستمرار ان يقترب من ماضيها وهذا كثيرا ما يرعبها يبدو ان الماضي لن يتركها ابدا فكل شخص قبل ان يري ماضيها سرعان ما يسألها عن ماضيها المهلك
اما جاسر فلم يكن حاله افضل من حالها وقف امام شرفه مكتبه عل نسمات الهواء تبرد الاعصار الموجود بداخل قلبه
جاسر لنفسه :ليه بترفض تتكلم عن ماضيها وحياتها ليه بابا وافق يشغلها وهي لسا هتدخل الجامعه وليه شغل مرام عندآدم
******
عند آدم كان يقف امام شرفه مكتبه عله يستطيع ان يهدئ من نفسه كي لايفتك بها
سمع ادم صوت خبط علي الباب
ادم :ادخل
دخلت مرام بهدوء عكس مابداخلها
مرام :جاسر بيه بيبلغ حضرتك ان الاجتماع بعد ربع ساعه
ظل آدم ناظرا لها كم يود ان يصفعها ان يصرخ بها عل نيرانه تهدأ
آدم :برافو شكلك كدا احلي وانتي بارده
مرام :بعد اذن حضرتك جاءت لتخرج
ادم :استعدي انك هتيجي معايا الاجتماع
مرام :حاضر بعد اذنك
آدم: ان ماربيتك ما ابقاش ادم ابوا العزم يامرام
بدأ ادم ف العمل حتي جاءه موعد الاجتماع فذهب للاجتماع واخذ معه مرام
اصر آدم علي عدم جلوس مرام واستمرار وقوفها طوال الاجتماع الذي استمر ساعتين رغم عدم احتياجه لها فقط كان يود اهانتها امام الجميع
انتهي الاجتماع وخرج ادم ومعه مرام الذي يبدو عليها الضيق
آدم :مالك تعبتي والا ايه لا دا احنا لسا ف اول اليوم
مرام بحزن :انا كويسه
آدم :تمام مطلوب منك تجيبلي الملفات دي وتعملي الحاجات اللي انا كاتبها ليكي
مرام :كل ده دا اليوم هيخلص قبل ما انا اخلص
آدم :ما يخصنيش فورا تبتدي تعملي المطلوب منك
مرام :حاضر
دخل ادم مكتبه وبدأت مرام ف العمل
مرام لنفسها:مالك هتستسلمي والا ايه فين كلامك انك هتقوي علي الظروف يلا بقي اشتغلي
عادت مرام الي عملها حتي اتت رؤي
رؤي :عامله ايه يا مرمر
مرام :كده يا رورو تنسيني هنا مع مصاص الدماء دا
رؤي بضحك :هههههههه مصاص الدماء دا لو سمعك هيولع فيكي
مرام :علي رأيك دا قفوش اوووي
رؤي :طيب ايه مش هنروح ناكل
مرام بفرحه :ايه دا هو احنا هناكل
رؤي :طبعا دا وقت البريك
مرام بفرحه طفوليه :هيييييييي دقيقه ادخل الورق لمصاص الدماء دا واجيلك
ف مكتب ادم
كان ادم يشعر بالجوع فقام بطلب دليفري ف نفس الوقت سمع خبط الباب
ادم :ادخل
دخلت مرام
مرام :دي المل
ادم :ششششش ايوا تمام ما تتأخرش
اغلق ادم الخط ونظر لمرام :ايه مش شايفاني باتكلم ف التليفون
مرام وهيتمط شفتيها :اتفضل
ادم وهو ينظر للملفات :بس دول مش كل اللي انا طلبته
مرام بطفوليه:حاضر يا فندم هاروح اكل وارجع اكملهم علي طول
ادم بعصبيه :مين قالك انك هتمشي اصلا
مرام بطفوليه :لا مش هامشي دا انا هاكل ف مطعم الشركه
ادم :انتي ما بتسمعيش قولت مفيش لا اكل ولا بريك روحي كملي شغلك
مرام بحزن طفولي :حاضر اوف اوف
خرجت مرام غاضبه اما ادم فاظهر تلك الابتسامه التي حاول اخفائها وهو يحادث مرام
عند مرام
رؤي :مالك يا مرام زعلانه ليه
مرام بغضب طفولي :انسان الغاب طويل الناب رفض اني اروح اكل معاكي وانا جعانه وما فطرتش
رؤي بابتسامه علي اسلوب مرام :خلاص ما تزعليش نفسك انا هاروح اجيب الاكل واجي ناكل هنا سوا
مرام بفرحه :بجد هييييييي
راحت رؤي تجيب الاكل وفضلت مرام تكمل شغلها
بعد شويه وصلت رؤي بالاكل
مرام :اخييييرا جيتي انا قولت نسيتيني وضربتي عليه لوحدك
رؤي :يا ساتر علي الافكار السوده دي يلا يا اختي عشان ناكل
بدأت مرام تفتح الاكل ولسا هتبدأ تاكل سمعت صوت من خلفهم وماكان الا مفسد مسراتها
آدم:والله عال حضراتكم قلبتوا المكتب كافتيريا
مرام :اصل انا
ادم مقاطعا :انتي سايبه شغلك وقاعده تاكلي رؤي خدي الاكل دا وروحي كلي ف مكتبك
اخدت رؤي الاكل بضيق تحت انظار مرام وادم وخرجت من المكتب
مرام :هو انا مش ليا وقت راحه
ادم :دا لما تبقي موظف عادي انما انتي هنا عشان اصفي حسابي منك بس شكلك حلو اوووي وانتي جعانه عشان كدا يكون من الاحسن تكملي يومك كدا يلا يا شاطره اشتغلي وعلي الله اعرف انك مشيتي من المكتب
مشي ادم وساب مرام تغلي من الغضب
ادم ف نفسه :انتي لسا شوفتي حاجه دا انا هاربيكي
عند مرام
فضلت مرام تشتغل لحد ما جه الدليفري بتاع ادم
مرام بغضب :هو ياكل وانا افضل جعانه جبار
حاول ادم يشغل نفسه ف الشغل عشان يتناسي الجوع
سمع الباب بيخبط
ادم :ادخل
دخلت مرام غاضبه
مرام :اتفضل
ادم :اخير الاكل جه دا انا جعان جداااا
بدأ ادم ياكل
مرام بغضب طفولي:ليك نفس تاكل وانا جعانه ربنا يسامحك
خرجت مرام وتركت ادم الذي ترك الاكل
ادم :حتي الاكل مش عارف اتهني عليه الله يسامحك يابابا
ترك ادم طعامه وحاول ان يشغل نفسه ف الشغل
بعد مرور ساعه
ادم :لا كدا مش نافعيعني ابقي جعان والاكل قدامي وماليش نفس بسبب بت زي دي اوف
لا بقي مابدهاش انا جعان فعلا
طلب ادم مرام ان تاتي اليه
دخلت مرام وجدته مستلقي علي كرسيه مغمض عينيه
مرام:نعم
ادم :تقدري تروحي تاكلي وترجعي تكملي شغلك
مرام بطفوليه :مش هاروح اكل
لم يشعر بنفسه الا وهو يقف امامها
ادم:انتي مش هتبطلي عند
مرام بحزن طفولي مش هاروح اكل يعني مش هاروح وهاروح اكمل شغلي وانت هتشيل ذنبي
ثم ذهبت لتخرج من الباب ولكن اوقفها صوت ادم
ادم :انا غلطان اني عبرت واحده زيك
مرام وهي تنظر له :ربنا يسامحك ثم ذهبت لتخرج فاصدمت بالباب
مرام :اااااااااااه
لايعرف كيف ومتي وجد نفسه بجانبها فقط لم يشعر سوي بنفسه يساعدها كي تجلس علي الكنبه وهو بجانبها ينظر لمكان المها
يالله اي جمال كهذه العينين كيف تسيري بين البشر وانتي مالكه كل هذا الضي بقمريك هذا
فاتنه انتي يحق للكون الخجل اناوقف بهما دمعتين فبرب الكعبه سبحان من سواكي
ظل فتره من الوقت لايعرف كم ينظر الي خضراواتها شعر برعشه تسير ف جسده دقات قلبه تتعالي ظل ينظر لتلك الدمعتين حبيستين ماساتها ايعقل ان تلك الملاك الجالس امامه هي من تعانده منذ الامس
لم يكن حالها اقل منه لاول مره تشعر بعقلها يتوقف شعرت بدقات قلبها تزداد شعرت بانفاسها المضطربه حتي كادت ان تتوقف يالله ظلت تنظر لعسليتيه
لم يشعرا بنفسهما حتي وجد ادم نقطه دماء من جرحها تنزل علي يده
ارتعب قلبه رغم تيقنه من صغر الجرح لم يشعر سوي بيده تقترب من جرحها التي تضع يدها عليه قام بانزالها برفق ثم تفقد جرحها
ادم متمالكا نفسه :دا جرح صغير هاجيب معقم وارجع لك
ذهب ادم واحضر الاسعافات الاوليه وبدأ ف تعقيم جرحها ومداواته
كانت مرام ف عالم اخر تذكرت كم جرح مهذا لم تشعر حتي هي به كم مرام نامت مريضه ولم يشعر بها احد
أ يجلس هو بجانبها ليداوي جرح لم يتعدي بضع مليمترات ف وجها ماذا لو علم مامرت به ماذا لو رأي اثار الجروح القائمهحتي الان بجسدها ظلت مرام علي تلك الحاله صاحبتها ظهور دمعاتها ف ماسيتاها
لم تلك الاحزان هي لعبه شيطانيه لايقاعي اليس كذلك ولكن ليست من يقع ف مكر النساء
يا لك من احمق ف العشق ليتها صرخت بوجهك الان يتك بذكائك صدقت دمعاتها لاختلف الامر كثيرا
انتهي ادم من الجرح
ادم بحرج:الجرح مش كبير هيبقي كويس
وقفت مرام بخجل:شكرا لحضرتك بعد اذنك
ادم :مرام
مرام:نعم
ادم :روحي اتغدي عشان انا كمان عايز اتغدي
ام ادم نفسه كثيرا لما قال هذا خاصه حينما وجد بعينها هذا السؤال
عفوا اميرتي لم اعد لكي الجواب بعد
مرام بابتسامه هادئه :حاضر
خرجت مرام من مكتب ادم الي مكتل رؤي
مرام بفرحه :انا جيييييت
روي :خضتيني
مرام:مش مهم المهم اني جعانه
رؤي بخضه:ايه الجرح دا يا مرام ايه اللي حصل
مرام :هاحكيلك بس قوليلي انتي كلتي
رؤي :لا طبعا مستنياكي
مرام :طيب يلا ناكل وهاحكيلك
بدات مرام تحكي لرؤي اللي حصل وهما بياكلوا ولم تخلواجلستهم من تريقه رؤي علي ادم ومرام
مر اليوم بدون اي احداث جديده وكذلك مرت الايام التي لاتخلو من المشاكسات بين ادم ومرام اما جاسر فاتخذ سياسه المحايده مع رؤي وترك لغه القلب بعيدا حتي يعف ماذا تخفي
ظلت الايام هكذا حتي جاء اليوم المشئووم
ف الفيلا
عبدالله :يعني ايه اخوك خرج من العصر ولسا مارجعش وماتعرفش راح فين
ادم:يابابا صدقني خرج من غير ما يقول لحد ولا حتي سكرتيرته تعرف
ناهد:انا حاسه ان ابني حصل له حاجه
رن التليفون الذي اجاب عليه عبدالله سريعا
عبدالله :ايوا مين
جااااااسر
ياتري ايه اللي حصل لجاسر وايه اللي هيحصل بين بين جاسر ورؤي ومرام وادم هنعرفه الحلقه الجايه من كسرت كبريائي
عايزين تفاعل بقي وتعليقات كتير لو الحلقه عجبتكم
