الفصل السابع والعشرين
ف القطر العائد للمنصوره
كانت عائده من حيث اتت عائده لذلك المصير الذي اعتقدت بعقلها الطفولي وروحها الطائشه انها تغلبت عليه
احمق من صدق ذلك الوجه البرئ الذي تضحك به الحياه علينا دقائق لتبكينا اكثر
مرام لنفسها:خلاص يامرام كل اللي بنيتيه اتهد ولا ادم ولا رؤي ولاحد معاكي لوحدك من جديد بس المره دي باختيارك
ياتري ليه حصل لي كده ليه
ف المستشفي
جاسر :رؤي ارجوكي اهدي
رؤي بعياط :اهدي ازاي بس ياجاسر دي لسا تعبانه لسا مافاقتش من كل اللي هيا فيه راحت فين بس انا ما سيبتهاش دي طلبت مني اناديلها الدكتور لانها مصدعه روحت وجيت لقيتها مش موجوده وقلبت عليها الدنيا مالقيتهاش هتكون راحت فين بس راحت فين
جاسر :رؤي اهدي يا حبيبتي العياط والانفعال مش هيحل المشكله ادم راح يشوف كاميرات المستشفي وباذن الله نعرف اذا كانت خرجت والا لا
رؤي بخوف:تفتكر ان محروس ممكن يكون خلي حد يخطفها
جاسر بقلق :لا لا ما اعتقدش وبعدين محروس مريض ف المستشفي يعني مش هيقدر يفكر ف اي حاجه دلوقتي ولا يعرف انها هنا اصلا
رؤي :اومال راحت فين بس .. ادم جه اهو
جاسر بلهفه:هاا يا ادم عملت ادم
ادم بحزن :مرام مشيت من المستشفي
رؤي بصدمه:هي اللي مشيت طيب ليه
ادم:الكاميرات ظهرت فيها وهي ماشيه لكن راحت فين مش عارف
جاسر :يمكن رجعت البيت عندكم يا رؤي
رؤي:لا انا مكلماهم اول ما اختفت ومايعرفوش عنها حاجه كانوا بيسالوني عليها ولو كانت رجعت كانوا كلموني
ادم :وبعدين هتكون راحت فين بس
رؤي:انت السبب ف كل اللي هي وصلت له ده ليه قولتله يا جاسر اكيد مرام لو رجعت هتبقي متضايقه لو شافته
ادم :كفايه بقي انا عارف اني غلطت لكن المفروض اعمل ايه اسيبها من غير مانعرف عنها حاجه
رؤي:انت اللي وصلتها لكل ده ماتعملش فيها ضحيه عشان مش لايق عليك ابدا انت ما بتعرفش تحب اصلا ازاي هتحب ملاك زي مرام
جاسر :طيب استاذنكم انا ولما تخلصوا ابقوا اتصلوا بيا
رؤي :جاسر انت هتسيبني وتمشي وانا كده
ادم :ومرام ياجاسر
جاسر بتفكير:اممم ومرام ياجاسر
لا مرام دي حبيبتك اللي اختفت واللي المفروض تنزل تقلب الدنيا لحد ما تلاقيها وتثبت لها انك ندمان علي كل اللي حصل لها بسببك اما انتي يا استاذه رؤي فانا راجل غريب عنك المفروض انك طالبه منه الطلاق عايزاه يساعدك ليه
رؤي بحزن :يعني هتتخلي عني
جاسر بهدوء:ادفع نص عمري وقلبي يوافق علي كده يمكن ارتاح من حبك اللي مش باين له اخر
عموما ياستي انا نازل ادور عليها انا كمان ولو وصلت لحاجه هارن عليكي سلام يا قلب جاسر
مشي جاسر وادم وبداوا يدورا عليها لكن مفيش نتيجه
***********
ف بيت محروس
كان الباب مفتوح دخلت مرام منه وبدات تتفرج علي الشقه اللي هيا زي ماهي مكسره من يوم اللي حصل كانت مصدومه من المنظر مش متخيله انها ف لحظه وجع عملت كده
دخلت لحد اوضه محروس لقته نايم علي السرير مشلول لا حول ليه ولاقوه
قربت من سريره وقعدت علي كرسي جنبه ومش قادره تمسك الدموع ف عنيها
مرام بصوت باكي:محروس
محروس فتح عنيه مكنش متخيل انه شايفها قصاده
محروس بحزن :انتي حلم مش حقيقه صح
مرام بدموع :انا حقيقه زي ماكل اللي انت فيه ده حقيقه
محروس بدموع:الحمدلله انك بخير انا كان نفسي اطمن عليكي اوي
مرام بعياط:انت ازاي كده ازاي محروس المجرم اللي حاول يدمر حياتي رفض ان يقول الحقيقه ويسجني بعد ما خليته مشلول ليه عملت كده ليه
محروس :يمكن عمرك ماحسيتي بحبي ليكي لكن انا عشت سنين اتمناكي كنت باشرف كرهي ف عنيكي وتصرفاتك كنت باموت انا اذيكي واوجعك لكن محدش غيري يأذيكي حتي لو ابوكي .اقسم لك يامرام اني قتلته غصب عني مكنش قصدي لكن ربنا انتقم لك مني خلاص
مرام ساكته مش لاقيه حاجه تقولها قامت تمشي
محروس:انا مش هاقولك استني بس ابقي اسالي عليا
مرام بعياط :ماتخفش يامحروس انا دايما هاسال عليك
مشيت مرام وصلت بابا الشقه ولسا هتفتح لقت جاسر
مرام بتعجب:جاسر بيه
جاسر بتنهيده راحه:هو انتي يا بنتي غاويه تبهدلينا وراكي والا المنصوره وحشتك للدرجه دي
مرام بابتسامه:حضرتك اللي شكلك خدت علي المنصوره
جاسر :هههه هي بلد جميله لكن مش لدرجه اني كل اسبوع اجي لها ده حرام بقي
مرام:يا بختك
جاسر باستغراب:علي ايه
مرام بتنهيده:علي انك شايفها جميله انا عمري ماشوفتها كده
جاسر :اممم طيب انا جعان صاحبتك مبهدلاني معاها من الصبح من غير فطار اتفضلي اعزميني ف بلدك لاني ما اعرفش هنا حاجه
مرام :حاضر اتفضل
ف مطعم متوسط الحال
مرام:معلش بقا المطعم مش قد كده
جاسر :لا ده حلو اوي والاكل كمان روعه الظاهر هاحب المنصوره واجي لها كل يوم مش كل اسبوع
مرامبتعجب:حضرتك عرفت منين اني هنا
جاسر بضحك:ايه حضرتك دي يامرام دا انا جوز صاحبتك. هههه خليكي زي رؤي كده سايبها ف القاهره هي وادم مبهدلين بعض شويه وهيولعوا ف بعض
مرام بتعجب:ليه كل ده
جاسر :ابدا ياستي في واحده اختفت كده النهارده الصبح من غير ماتقول لنا .ليه جيتي لمحروس يا مرام
مرام بتنهيده حزن:كنت عايزه اساله ليه اشتراني ورحمني ف عز ماكسرته ليه ماعملش فيا زي اخوك رغم انه ماشافش مني حاجه كويسه كنت عايزه افرج نفسي الحقيقه
جاسر بهدوء:حقيقه ايه
مرام بحزن:حقيقه اني مكنتش اكتر من تسليه لاخوك حقيقه اني اخترت غلط اخوك رماني واذاني من غير حتي مايسمع دفاعي عن نفسي رماني وكاني حشره جت بالغلط علي بدلته الشيك فقرر ينضفها ولا فرق معاه الايام اللي هرفني فيها ولا. كل موقف حلو عاشه معايا ولا اي حاجه حتي لو انا وحشه وكنت باضحك عليه ازاي قلبه طاوعه يسلمني لراجل تاني ازاي .ازاي ماحسش انه موجوع ازاي قلبه ما منعوش .بس الحقيقه اني اصلا مش ف باله انا مجرد لعبه مش اكتر
جاسر :مرام ممكن تهدي لازم تعرفي انه ادم بيحبك بس مشكله ادم انه عصبي بزياده ومش بيتفاهم بسهوله .انا كنت كده عارفه مين غيرني
مرام :مين
جاسر بابتسامه :رؤي .اه ماتستغربيش اصلا احنا ولاد عبدالله ابو العزم اتربينا علي العز بزياده اتربينا طلباتنا اوامر نحلم قد مانخلص الحلم يكون حقيقه كنا طول الوقت مميز عن صحابنا للاسف ده خلانا نفتكر ان الدنيا دي مش اكتر من شويه حاجات كلها خاضعه لقانون واحد بس وهو قانون الفلوس معاك فلوس تشتري كل حاجه واولها قلوب الناس وولائهم لكن رؤي خلتني اشوف ان في ناس معهاش فلوس لكن تعرف تسيطر علي قلبك وروحك ومشاعرك وتبقي انت رهن اشاره منهم مقابل بس انهم يكونوا سعداء .العنيده دي خلتني ابقي عايش بس ماباعملش حاجه غير اني عايز اشوفها بتضحك ومبسوطه .يمكن اكون حبتها زياده ويمكن ده العادي مش عارف كل اللي عارفه اني مبسوط اني حبتها لانها فعلا قدرت تغيرني انتي كمان تقدري تغيري ادم
مرام بتريقه:هه انا
جاسر:اه انتي .ادم بيحبك بيحبك بجد وبيخاف عليكي انتي اكبر نقطه ضعف ليه هو ممكن يكون بيحبك لكن للاسف لسا شايف ان الحب امتلاك وانه القوي اللي يؤمر يطاع وانتي لازم تثبتيله العكس لازم تخليه يشوف الدنيا بعنيكي المتواضعه وقلبك الشفاف مش بعنيه اللي مليانه تكبر وعند
مرام بعناد:انا مايفرقش معايا يشوفها ازاي
جاسر :انتي بتحبيه يامرام انا عارف
مرام بوجع:خلصت ياجاسر بيه خلصت ومن النهارده انا بره اللعبه دي مابقاش عندي اللي اخسره عشان ابوك بهددني بيه
جاسر بابتسامه:براحتك .انا مقدر اللي انتي فيه ونصحتك لانك زي اختي ده اولا ثانيا لو قولتي بيه تاني مزه هاوديكي القاهره متكسره تمام .ثالثا بقي يلا نرجع عشان زمان رؤي وادم قالبين الدنيا
مرام :حضرتك ماقولتليش عرفت منين اني هنا
جاسر :مش محتاجه ذكاء انا فاهم انتي بتفكري ازاي يامرام وعارف ان محروس هيصعب عليكي وهتيجي تشوفيه .ادم ورؤي من قلقهم الزايد عليكي مش عارفين يفكروا لكن انا لا
مرام:لكن انا مش هاقدر اسيب محروس كده
ادم بعدم فهم:ازاي يعني
مرام:محروس بقي مشلول ومحتاج حد يرعاه وياخد باله منه جاسر :بسيطه نجيب له حد يراعاه ويبقي معاه زي ضله وندفع له مرتب شهري مش بس كده دا احنا ممكن نبعت حالته لدكاتره بره مصر مع حاله نادين وربنا يقدم اللي فيه الخير ليهم هما الاتنين
مرام باستغراب:نادين.ليه مالها
جاسر :لا دي قصه طويله هاحكيها لك واحنا راجعين القاهره
مرام:ماشي
قام جاسر ومرام عشان يرجعوا القاهره وكلم جاسر واحد من رجالته وطلب منه يجيب حد يقعد مع محروس ويشوف طلباته
*******
ف بيت رؤي
ام مرام :يعني ايه بنتي ضاعت مني تاني
ام رؤي:اهدي بس يا ام مرام باذن الله هترجع
ام مرام:ترجع ازاي بنتي ضاعت تاني ياحنان ضاعت ومش هالاقيها هربت مني تاني
رؤي بغضب:كل اللي هي فيه ده انتي سببه ماتعمليش دورالضحيه ده لانه مش لايق عليكي
ام مرام بعياط :ليه الجحود ده يا بنتي انتي مكنتيش كده ابدا
رؤي بوجع:تعبت .ايه مش من حقي اتعب مش من حقي انا ومرام نرتاح شويه لازم نعيش نرضيكم انتوا وخلاص احنا كنان بشر من دم ولحم ومشاعر ليه لازم نعيش نقدم وبس ليه مش من حقنا اننا ناخد ابسط حق لينا من الدنيا وهو اننا نعيش بس من غير مانتوجع مش عايزين نفرح لكن عايزين نبطل ندوب ف الوجع احنا تعبنا تعبنا وجبنا اخرنا والله جبنا اخرنا
قعدت رؤي علي الكرسي تعيط مش عارفه تعمل ايه دورت ف كل حته ممكن مرام تروح فيها حتي ادم لسا مبلغها انه مالقهاشوجاسر مابيردش علييها وهي بتفكر ف كل ده لقت جرس الباب بيرن جرت تشوف مين علي الباب
فتحت رؤي وبلهفه:مرام كنتي فين حرام عليكي قلقتيني عليكي .جاسر انت بتعمل ايه هنا انت وصلت لمرام ازاي
ام مرام بلهفه خدت مرام ف حضنها وقعدت تعيط لكن مرام بعدتها عنها ببرود
مرام بهدوء :انا داخله اوضتي محدش ييجي ورايا عايزه ابقي لوحدي
جاسر :ممكن ادخل
ام رؤي :طبعا يا ابني بيتك تعالي معايا يا امر مرام نروح اوضتي
ام مرام:طيب ومرام هنسيبها كده
ام رؤي :ماتخافيش رؤي معاها ومش هتسيبها يلا احنا
مشت ام رؤي وام مرام وسابوا رؤي وجاسر لوحدهم
رؤي :اتفضل تحب تشرب ايه
جاسر:احب انك تقعدي جنبي عشان نتكلم
قعدت رؤي
رؤي :انت وصلت لمرام ازاي ياجاسر
جاسر:عادي سافرت لها المنصوره
رؤي بصدمه: ايه المنصوره ليه راحت تعمل ايه
جاسر:راحت تطمن علي محروس حاسه بالذنب تجاهه
رؤي بغضب:ذنب .ذنب ايه اللي تحس بيه بعد كل اللي عمله فيها هتفضل لحد امتي مرخصه نفسها ومش شايفه اللي حواليها بيعملوا فبها ايه
جاسر بحده:اهدي بارؤي شويه مش شايفه انك بقيتي حاده مع الكل انا مقدر اللي مريتي بيه لكن انتي بقبتي شايطه فبنا من غير ذنب عندها حق واحد اتشل بسببها صعب عليها وراحت تطمن عليه اي الغلط اللي ارتكبته للعصبيه دي كلها ده بدل ما تاخديها ف حضنك وتهديها كفايه اللي هيا فيه هتلاقيها من ادم وقسوته والا منك ومن هجومك بالراحه شويه عليها مرام محتاجه اللين والرحمه اكتر من كده واوعي تنسي يارؤي انك انتي اللي خليتي مرام تعيش كل التجربه دي مع ادم اوعي تعفي نفسك من مسئوليه وجعها
رؤي بوجع:انت شايف اني وحشه يا جاسر شايف اني اذيتها بقصد رد عليا
جاسر:لا بس شايف انك بقيتي بايعه ومش فارق معاكي وجع اللي حواليكي
رؤي بدموع :انا يا جاسر انا .كل ده ليه عشان كنت هاموت من القلق عليها كل ده عشان مش عايزاها تتوجع اكتر عشان عايزه اطمن عليها واشوفها مبسوطه ليه طول الوقت باتحاسب علي ذنوب ماعملتهاش وكأني انا اللي عملت كل ده مش انتوا خلاص كلكم النهارده ملايكه وانا شيطانه ربنا يسامحك ياجاسر ربنا يسامحك
قامت رؤي عشان تمشي وهي منهاره من العياط جاسر قلبه وجعه لما شافها بتعيط حس انه وجعها وانها ماعملتش حاجه لكل ده لكن هو كان مضغوط وزعلان منها انها طلبت الطلاق فطلع زعله منها فيها
رؤي لسا جايه تمشي جاسر شدها لحضنه
رؤي بتعيط وبتزقه :ابعد عني ياجاسر ابعد عني
جاسر بهدوء:ما اقدرش ابعد عنك انتي حبيبتي ومراتي وكل حاجه ليا
رؤي بغضب بتضربه ف صدره :بس انا باك
لم يدعها لتكمل جملتها اكملها بطريقته الخاصه طرق العشاق وحدهم من يفهموها مثلما اذابت قلبه قديما هو هو يجردها من حصونها بقبلاته هاهو قلبه يكسب الرهان بلا منازع ليعلنها اميرته واسرته حتي النهايه
لم يرغب ف الابتعاد عنها محاولاتها للابتعاد قربته اكثر ضربات يدها الصغيرتان ماكانوا سوي وسيله اخري جعلته يمسك بهم وبها ليجعله بقربه اكثر
لم يتركها الا عندما شعر بانها لاتستطيع التنفس تركها وصدره يان طالبا الهواء وضع راسه علي راسها نظر لعينيها المغمضتان ووجنتيها المرسوم عليهم الخجل فتحت عينيها لتتقابل مع خضراتاه ظلت تنظر لملامحه الرجوله كم يبدو وسيما عندما يضحك لم تعد تشعر باحد سوا دقات قلبه تحت يديها ظلت شعرت وكانها بعالم اخر حتي افاقها بصوته الرجولي
جاسر بابتسامه حب:هنتجوز امتي بقي بدل ما انتي مشحططاني كده
رؤي بانتباه:ج.جواز مين
جاسر :هيكون جواز امي جوازنا انا وانتي والا انتي نسيتي اننا مكتوب كتابنا
رؤي:انت سافل وانا مستحيل اتجوز واحد كده
جاسر بغضب حقيقي:عندك حق وانا موافقك الراي ده جدا
رؤي بخوف :يعني ايه
جاسر بغضب :يعني انا هانفذ طلبك وهاطلقك انا مش هاتجوز واحده مش عايزاني سلام
مشي جاسر وساب رؤي مصدومه من كلامك هي كانت بتتكلم بعفويه ماكنتش فاكره انه ماهيصدق كده نزلت دموعها غصب عنها
رؤي لنفسها:كده يا جاسر يعني فعلا ما بتحبنيش ماشي ماشي ياجاسر
عند مرام
خلصت مرام الصلاه وقعدت علي السرير
مرام لنفسها :تاني يارب نفس القاعده دي لكن لا انا مش هاستسلم المره دي مش هاسيب ادم يوصلني للي وصلني ليه محروس قبل كده هابدا من جديد هانجح وافرح واعيش هاكسر كل اللي وجعوني واولهم ادم هابكيه بحق ليالي وجعي هاخلي كل اللي قاله عني حقيقه هاعرف معني الوجع هاكسره وهاقوي عليه من النهارده يا ادم مرام الطيبه الارجوز اللي كانت بتضحكك ماتت واتولدت مكانها مرام المجروحه اللي هترجع حقها من الدنيا ومنك وبينا الايام يا ابن الاكابر
ف الوقت ده دخلت عليها رؤي بعنيها حمرا
مرام بخضه:مالك يارؤي في ايه
رؤي بتحاول تخبي علي مرام:سلامتك يامرمر انا كويسه انا كنت قلقانه عليكي بس
مرام :هتخبي عليا .ايه اتخانقتي مع جاسر علي فكره جاسر بيحبك اوووي ونفسه انكم تتجوزوا بقي
رؤي بعياط رمت نفسها ف حضن مرام:جاسر هيطلقني يا مرام
******
ف الفيلا
ادم بعصبيه:يعني انت الشهم اللي روحت المنصوره ورجعتها وانا الوحش اللي مش مهتم بيها مش كدا اما انك طلعت اخ زباله صحيح مش مكفيك واحده عايزهم الاتنين يحبوك
جاسر بهدوء عكس البركان اللي جواه:خلصت كلامك
ادم :لسا انا قبل ما يكمل ادم كلامه لكمه جاسر ف وشه
ادم وقع ف الارض من شده الضربه
ادم بغصب وقف من علي الارض وضرب جاسر ف وشه:انت اتجننت بتضربني عشان باقول الحقيقه
جاسر ردله الضربه:حقيقه ايه انت غبي وحيوان ازاي تفكر اني ممكن اخونك مرام دي اختي
ادم:امال اسمي اللي عملته ده ايه
كان صوتهم عالي جدا وفضلوا ف اوضه جاسر يضربوا ف بعض
تحت عبدالله وناهد كانوا بيتفرجوا علي التليفزيون وفجاه سمعوا صوت ولادهم
ناهد بخضه:انا هاروح اشوفهم
عبدالله:لا سيبيهم هما محتاجين يفوقوا من اللي هما فيه
ناهد:دول بيضربوا بعض
عبدالله:مهما وجعوا بعض هيبقوا احن علي بعض من الدنيا
ف الوقت ده باب الفيلا خبط وكانت فريده
فريده بعصبيه:بنتي فين ياعبدالله عملتوا ف بنتي ايه
ناهد بخوف من رد فعل فريده لما تعرف:فريده اقعدي بس واسمعينا
فريده بشك:فين بنتي يا ناهد
ادم :ف المستشفي
*****
عند رؤي ومرام
مرام:انتي غلطانه يارؤي مش اي حاجه تحصل تلبسهاله وتقوليله طلقني
رؤي وهي باصه في الارض يعني كنتي عايزاني اكمل معاه بعد اللي اخوه عمله
مرام وهي بترفع وش رؤي :رؤي جاسر بيحبك وانتي بتحبيه ده عوض ربنا ليكي عن اللي فات ولازم تتمسكس بيه مش معني ان ادم اذاني نقوم نضيع راجل بيحبك وهيحافظ عليكي
رؤي :وانتي يامرام امتي ترتاحي بقي
مرام :انا راضيه يارؤي صدقيني انا خلاص هاركز ف دراستس انتي ناسيه ان امتحاناتنا بعد ايام ولازم نستعد وهاتغير ماتقلقيش عليا صاحبتك جامده المهم الصبح انا رايحه الشركه وانتي كمان لازم تروحي تصالحي جاسر وترجعيه ليكي وماتسيبيهوش غير لما تحددوا معاد فرحكم مفهوم
رؤي:حاضر .بس انتي راجعه الشغل ليه مرام انتي ناويه علي ايه وهتروحي ازاي وانتي كده
مرام بتفكير:ماتقلقيش عليا انا جامده وعارفه انا هاعمل ايه كويس .
ياتري ايه اللي هتعمله فريده لما تعرف الحقيقه .جاسر هيعمل ايه مع رؤي وادم ومرام حكايتهم هتوصل لفين
كل ده هنعرفه ف الحلقه الجايه من كسرت كبريائي
