الحلقه الرابعه والعشرون
عند رؤي
رؤي صحيت مفزوعه وقلبها مقبوض طول الليل بتحلم بمرام بتصرخ وتستنجد بيها وهي مش قادره تعمل لها حاجه
رؤي قامت تصلي وتدعي ربنا انه يجبر بخاطر مرام ويعوضها خير عن كل اللي فات وقامت تجهز عشان تروح لمرام
فجأه الباب خبط راحت تفتح
فتحت رؤي الباب لقته ادم
ادم بنظره عشق:صباح الخير يازوجتي العزيزه
رؤي بابتسامه :صباح النور اتفضل
دخل جاسر وراح قعد ف الصاله وهي راحت قعدت قصاده
رؤي قاعده بتوتر مش عارفه تقول ايه
جاسر :هتفضلي متوتره كتير كدا
رؤي:لا ابدا انا مش متوتره ولا حاجه انا كنت عايزه اسالك علي حاجه
جاسر :اتفضلي
رؤي بتوتر :هو عبدالله بيه عرف باللي حصل وكدا
جاسر :قصدك ايه باللي حصل
رؤي:يعني جوازنا وكدا
جاسر :اكيد طبعا بابا مفيش حاجه بتخفي عليه وعموما انا قولتلهم كلهم من شويه
رؤي:وكان ايه رد فعلهم
جاسر :كلهم فرحانين جدا وبابا ناوي يعمل لنا فرح اسطوري
رؤي بفرحه:بجد ياجاسر محدش زعل ولارفضني
جاسر بهيام :بجد ياقلب جاسر
رؤي :انا هاروح احضر الفطار عشان اصحي ماما وتفطر معانا بقي
جاسر :طيب ممكن تأجليه انا عندي موضوع كنت عايز اتكلم معاكي فيه
رؤي :موضوع ايه
جاسر :مرام يا رؤي
رؤي بخوف :مالها مرام حصلها ايه
جاسر :ماتخافيش ماحصلهاش حاجه
رؤي بارتياح :الحمدلله .اومال في ايه
جاسر :يعني يارؤي انتي سيبتي البيت وجيتي هنا بس انا عارف ظروفك وليه سيبتيه ياتري مرام بقي وضعها ايه
رؤي بتوتر:انت يهمك ايه ف مرام
جاسر :يهمني كتير يارؤي زي مايهمك بالظبط
رؤي :ازاي يعني
جاسر :يهمني اخويا
رؤي :وايه اصلا علاقه ادم بيه ب مرام
جاسر:علاقته بيها انه بيحبها وبيحبها اوي كمان
رؤي باستهزاء:واضح فعلا انه بيحبها
جاسر:ايوا يا رؤي بيحبها ادم عمره ماحب حد قدها انا عارف انك شيفاه صعب وقاسي بس هو علي قد قسوته علي قد حبه ليها بس ادم متهور ومش هيدي فرصه يسمع مرام فالاحسن تقوليلي الاول لو في حاجه ننقذها سوا وكفايه اللي حصل لها
رؤي بتفكير :هاحكيلك ياجاسر
******************
عند مرام
ادم بعصبيه :مين دا يامرام ردي عليا
مرام بعياط :دا دا
ادم :دا مين انطقي
محروس :انا ابقي جوز الهانم دي
ادم بصدمه:ايه
محروس بشماته:ايه هو البعيد اطرش والا ايه
ادم بصله بغل وبص لمرام اللي كانت حاسه ان قلبها هيقف
ادم مسكها من دراعها جامد وهي كانت بتصرخ من الالم
ادم :ايه اللي الحيوان بيقوله دا يا مرام ردي عليا
محروس :لا باقولك ايه شيل ايدك من عليها انا ما باحبش حد يمد ايده علي مراتي
ادم ساب دراعها وقام مسك محروس جامد من هدومه وبدأ يضربه ادم مكنش شايف قصاده مش قادر يصدق ان الانسانه الوحيده اللي فتح لها قلبه كسرته كدا وطلعت خاينه لكل المشاعر اللي شالها جواه ليها
مكنش حاسس بنفسه وهو بيضرب محروس كان عايز يطلع كل الوجع اللي جواه ف حد مش مهم هو مين
مرام كانت بتعيط جامد كانت خايفه اوي نفسها تجري علي ادم وتحضنه يمكن تعيش ولو لحظه امان واحده قبل النهايه اللي هي متأكده انها قربت ف نفس الوقت قلبها كان واجعها علي ادم رغم زعلها منه لكنه الحزن اللي ف عنيه وجعها اووي كانت خايفه يأذي محروس وهو مايستاهلش .حاولت تقوم من علي السرير بس مكنتش قادره تقوم خالص بس قامت تاني وسندت علي الحيطه لحد ما وصلت لادم اللي كان خلاص بيموت محروس
مرام فضلت تنادي عليه وتترجاه انه يسيب محروس لكن هو كان زي الاعمي مش شايف قصاده .مرام حطت ايده علي كتفه يمكن يفوق ويسمعها
بمجرد مالمست ايديها كتفه بدأ يفوق ويبص حواليه واول ماجت عنيه ف عنيها بصلها نظره عتاب طويله وكأنه بيسالها ليه كسرتيني وانتي الوحيده اللي امنت لها ف الدنيا وفتحت لها قلبي
هي كمان بادلته النظره دي بنظره الم وخوف كبيره وكأنها بتعبر بيها عن كل الجروح اللي عاشتها ف حياتها واللي كانت متأكده انها ماخلصتش وان اللي جاي اصعب بكتير
فاقت مرام من شرودها علي ايد ادم اللي ماسكه شغرها بكل قوه
ادم بغضب:مفيش فايده الرخيص عمره مايغلي انا اللي عملتلك تمن ف وقت ماكان اللي زيك لازم يندفنوا وهما عايشين
مرام بدموع:ادم اسمعني ارجوك
ادم :اسمع مين يا زباله اسمع واحده رخيصه زيك متجوزه واحد زباله وهربانه منه وجايه تمثلي عليا انا الخضره الشريفه وانا اللي كنت ظالم محمود عنده حق ما انتي متدربه كويس علي اللعب دا يا حقيره
مرام بصدمه من بين دموعها:انت شايفني كدا شايفني رخيصه كدا
ادم :انتي ارخص من اي وصف انتي اصلا فاكره نفسك مين انتي حته بت مالهاش قيمه لتكوني فاكره نفسك اكتر من واحده اتخلقت للتسليه وبس اوعي تدي لنفسك قيمه اكبر لتتعبي
رؤي بوجع من كلامه :عندك حق انا واحده اتخلقت للتسليه وبس وحضرتك اتسليت بما فيه الكفايه دلوقتي تقدر تسيبني بقي عشان ارجع مع جوزي والا في اوامر تانيه
ادم بألم:جوزك .. عندك حق دلوقتي تتفضلي انتي وهوا تطلعوا برا المستشفي دي مش عايز اشوف وشك تاني يامرام لو شوفتك ف طريقي صدفه هاقتلك سمعاني هاقتلك
ف الوقت دا محروس بدأ يفوق وقام عشان يضرب ادم بكرسي جنبه بس مرام شافته وجريت حضنت ادم عشان الضربه تيجي عليها هيا وفعلا جت علي دراعها بس هي ما عملتش حاجه حتي صرخات الوجع ماقدرتش تنطقها بس الضربه وجعت ادم اللي حس قد ايه هي اذتها بس عنده ووجع قلبه كان اكبر من حزنه علي وجعها واكبر من الراحه اللي حاسسها وهي في حضنه
محروس شدها من حضن ادم وخدها ومشيوا كانت زي المغيبه مش قادره تصدق انها خلاص مش هتشوف ادم تاني خلاص الحلم خلص وهترجع لكابوسها تاني الدموع كانت نازله بصمت وحرقه ووجع قلب كل اللي يشوفها تصعب عليه ماعدا اللي ماسك ايديها اللي لسا كاسرها من لحظات ومش حاسس بالمها
ادم كان وقف بيبص علي الباب اللي خرجت منه هي ومحروس مش قادر يصدق انها خدعته معقول خلاص مش هيشوفها تاني معقول هيرجع زي ما كان كاره الدنيا معقول بعدت معقول كل احلامه اتحولت لكابوس هيعيش فيه باقي عمره
ادم بدأ يكسر ف الاوضه ويصرخ جامد مكنش حاسس بنفسه ولا باللي حواليه
ادم وقع علي الارضي وفضل يعيط زي الاطفال وينادي عليها مش قادر يصدق انه كدا خلاص هيفوق من كل دا وهو اللي كان عايز يكمل عمره معاها
************
عند جاسر ورؤي
جاسر بصدمه:ايه مرام متجوزه
رؤي بحزن:والله يا جاسر زي ما قولتلك كل دا كان غصب عنها وبباها هو اللي غصبها دي ياحبيبتي انتحرت يوم الفرح وبعدها انا خدتها معايا صدقني ياجاسر مرام مظلومه واتبهدلت ف حياتها كتير هي تبان شعنونه وبتضحك بس دي جواها هموم الدنيا
جاسر بحزن علي حالهم:اهدي يا رؤي كل حاجه وليها حل المشكله ف ادم انتي عارفه انه عصبي لو عرف ممكن يتهور قبل ما يفهم للنهايه ويضيع الدنيا
رؤي بخوف :يعني ايه ممكن يأذي مرام
جاسر ف سره:ياريت ادم بس دي نادين كمان شكلها ناويه علي مصيبه
رؤي :جاسر سرحان ف ايه مالك
جاسر بانتباه:هاااا سلامتك مفيش حاجه باقولك ايه تعالي نزوح نطمن علي مرام وبالمره لو شوفنا ادم نتكلم معاه وربنا يستر
رؤي بقلق:جاسر انت عارف حاجه ومش عايز تقولي
جاسر :ابدا هاعرف ايه بس يا رؤي تعالي بس نروح
رؤي :حاضر هاجيب شنطتي وارجع
جاسر بابتسامه:ماشي
راحت رؤي اوضتها وجاسر فضل سرحان مع نفسه
ياتري بتدبري لايه يانادين ياخوفي لتكوني سبقتيني بخطوه وضيعتيها استر يارب وادم مايتهورش
جت رؤي ومشيت هي وجاسر عشان يررحوا المستشفي
************
ف المستشفي
جاسر ورؤي وصلوا وراحوا اوضه مرام خبطوا علي الباب محدش رد دخلت رؤي تشوف مرام بس اتصدمت من منظر الاوضه اللي كل حاجه فيها متكسره علي الارض
رؤي بخوف :جاسر جاسر
دخل جاسر بسرعه واتخض لما شاف منظر الاوضه واتأكدت شكوكه ان مرام حصل لها حاجه
رؤي برعب:مرام .مرام ياجاسر .مرام ضاعت راحت فين
جاسر :اهدي يا رؤي هنعرف اللي حصل بس اهدي وباذن الله خير تعالي نشوف حد نسأله
رؤي :ماشي
ف الوقت دا لقوا ممرضه داخله الاوضه
جاسر :لو سمحتي هو ايه اللي حصل والمريضه اللي كانت هنا راحت فين
الممرضه:مش عارفه والله احنا فجأه سمعنا تكسبر وخبط ف الاوضه دخلنا لقينا ادم بيه اخو حضرتك نازل تكسير ف الاوضه والمريضه مكنتش موجوده حاولنا نهديه مفيش فايده مدير المستشفي امر نديله حقنه مهدئه يمكن نعرف نوقفه عن اللي هو فيه لكن محدش كان قادر عليه لحد ماجت واحده بدأت تكلمه وتهديه وقدرت فعلا تاخده معاها
جاسر :واحده. واحده مين دي
الممرضه:مش عارفه والله ياجاسر بيه بس انا سمعته اول ما دخلت بيقولها نادين
جاسر بغضب:نادين .تبقي عملتها
رؤي بعياط:يعني ايه ياجاسر مرام راحت خلاص
جاسر :اهدي يا رؤي ارجوكي انا هاتصرف
جاسر للممرضه:هو انتي ماسمعتيش اسم محروس خالص
الممرضه بتفكير :لا سمعته ادم بيه كان بينطق الاسم دا كل شويه بس انا ماشوفتش الشخص دا
جاسر بصوت واطي :يبقي عرف وضيع الدنيا زي عوايده
تمام شكرا جدا ليكي بس لو سمحتي لو حد فيهم رجع المستشفي ممكن ترني عليا ودا رقمي واداها رقمه ومشي هو ورؤي
رؤي :يعني ايه ياجاسر مرام ضاعت كدا
جاسر :للاسف يارؤي محروس شكله وصل لمرام
رؤي وقعت علي الارض من صدمتها
جاسر بخوف :رؤي انتي كويسه
رؤي بعيون محمره من كتر العياط:مرام راحت .راحت وسابتني خلاص هو احنا مش هنلحق نفرح ابدا هو احنا هنفضل كدا
جاسر بحزن :رؤي لازم تكوني قويه احنا هندور علي مرام وباذن الله هنلاقيها هنلف ف كل مكان لحد مانوصلها بس لازم نلاقي ادم هو الوحيد اللي هيحكي لنا عن اللي حصل ويمكن شكوكي تكون مش حقيقيه
رؤي : انت بتضحك عليا والا علي نفسك ياجاسر كل حاجه حوالينا بتقول ان مرام ضاعت
جاسر :لا طبعا اكيد محروس ماقتلهاش يعني واحنا لازم نتحرك بسرعه عشان نلحقها كل دقيقه تاخير خطر علي حياتها
يلا يارؤي اقفي واجمدي كدا لسا المشوار طويل يلا ياحبيبتي قامت رؤي مع جاسر وراحوا عشان يدوروا علي ادم
************
عند مرام ومحروس
محروس وصل المحطه ومعاه مرام وكان قطر المنصوره لسا هيطلع بعد ساعتين
مرام قاعده بتعيط بصمت مش حاسه بحاجه حواليها مش شايفه غير عيون ادم اللي كلها كره ووجع وكلامه اللي مكنش فيه رحمه لقلبها المكسور معقول هي مكنتش اكتر من تسليه
مرام لنفسها:خلاص يامرام دي النهايه اللي انتي اجلتيها كتير وان الاوان تعيشيها بقي محروس المره دي مش هيرحمك وادم عمره ماحبك حتي رؤي مش هتقدر تنقذك مهما عملت وابوكي وامك عمرهم ماهيكونوا ملجأ ليكي مهما حصل كفايه انهم هما اللي وصلوكي لكل دا خلاص بقي كفايه جري وهروب مابقاش في حاجه لسا هاخاف اخسرها
فضلت مرام مغمضه عنيه وبتعيط من غير صوت لحد مافاقت علي صوت محروس وايده اللي ضاغط بيها علي ايديها المكسوره
مرام بوجع :ايدي
محروس بعيون كلها كره :انتي لسا شوفتي حاجه دا اول الوجع لسا اللي جاي احلي دا انا هاخليكي تشتهي الموت وماتطوليهوش هاعرفك ازاي تهربي من محروس يا واطيه
مرام بتعيط بصمت مابقاش عندها اللي تقدر تقوله خلاص كله محصل بعضه
محروس بشماته فيها:ايه زعلانه علي حبيب القلب بقي تسيبيني انا وتهربي عشانه دا انا هابعتلك ليه ف كياس زباله
تعرفي انا فكرت اقتلك بس لقيت موتك مش كفايه هارجعك المنصوره اهو فرصه نقضي شهر العسل اللي لسا ما قضينهوش وبهد ما ازهق منك هارميكي لكلاب السكك بعد مااكون شربت من دمك الحلو اللي زيك دا
مرام غمضت عنيها ورجعت بضهرها علي الكرسي وفضلت تعيط وتدعي ربنا تموت قبل القطر مايوصل والا رؤي تيجي تنقذها
*********
ف عربيه جاسر
رؤي بخوف:هاا يا جاسر رد عليك
جاسر :موبايله مقفول يارؤي وف الشركه مارحش ولا رجع البيت
رؤي :طيب وبعدين هنعمل ايه
جاسر بتفكير :هنروح لنادين هي اكيد اللي هتقدر توصلنا لادم وادم هو اللي هيعرفنا مرام راحت فين
جاسر طلع بعربيته علي بيت نادين
ف بيت فريده
كانت فريده قاعده هي شيري بيتكلموا وفجأه الباب خبط فتحت الشغاله وكان جاسر ورؤي وكان باين عليهم الغضب
فريده بعصبيه :انتوا بتعملوا ايه هنا انتوا الاتنين
جاسر بصوت عالي :فين نادين
شيري باستهزاء:عايزها ليه ياجسوره هي اللي جنبك دي مش مكفياك والا ايه
جاسر مسك شعرها بغضب
فريده :انت اتجننت سيب البنت والا والله اطلب لك البوليس
جاسر طلع مسدس من جيبه وشاور بيه علي نادين
جاسر :اتصلي بيه عشان ييجي يستلم جثه بنتك يلا مستنيه ايه دي هتبقي اكبر خدمه اقدمها للبشريه لما اخلصهم من قرفكم انتوا التلاته
فريده برعب :جاسر .جاسر اهدي بس وقول عايز ايه واحنا هنعمله بس ارجوك ماتتهورش
جاسر بغضب :كلامي واضح قولي للهانم دي تقولي فين نادين وانا اسيبهالك
شيري بصوت متألم:ما اعرفش ياجاسر ما اعرفش
جاسر :محدش يعرف مكان الحيوانه التانيه دي غيرك يا بنت فريده انتوا الاتنين احقر من بعض تربيه واحده ربتكم علي الفلوس والطمع حتي لو علي حساب قلوب الناس بس انا بقي هاخليكم تكرهوا اليوم اللي فكرتوا تؤذونا فيه.تعالي بقي يامعايا يا ست الحسن لحد ماتفكري الهانم اختك فين
فريده :تاخدها فين انت اتجننت
جاسر :فاضل دقيقه بالظبط واتجنن فعلا ابعدي عن طريقي انا لحد دلوقتي عامل حساب لامي اللي هيا اختك واللي عمرك مافكرتي حتي في يوم فيها حاجه تقرف بجد
وانتي امشي قدامي بدل ما اكسرك
شيري بعياط:جاسر سيبني حرام عليك شعري هيتقطع ف ايدك
جاسر :هو انتي لسا شوفتي حاجه دا انا هاوريكي ايام سوده لحد ما اربيكي
جاسر خد شيري ورؤي ومشي من عند فريده اللي كانت واقفه تصرخ وتعيط
رؤي :جاسر انت هتعمل فيها ايه
جاسر :ماتخفيش اللي زي دي خساره فيها الرحمه اصلا
شيري:انا هاوديك ف داهيه ياجاسر
جاسر وهو بيدخلها العربيه بالعافيه :هنشوف مين فينا هيربي التاني يا زباله
جاسر ركب شيري ف الكرسي الاخير وهو ركب هو ورؤي قدام وخدوا شيري علي مخزن من مخازن الشركه لحد ما تعترف علي مكان نادين
************
ف مكان بعيد ف الصحرا
كانت نادين بتكمل مخططها علي ادم اللي كان بيمضي علي ورقه جوازه العرفي عليها
نادين بدلع:مبروك ياحبيبي
ادم بحزن :الله يبارك فيكي
نادين :روق بقي يا يا دومي وانسي الزباله دي ماتستاهلش اصلا انك تفكر فيها خصوصا بعد ماعرفت حقيقيتها ركز بقي مع اللي بتحبك وبتخاف عليك ومستعده تسيب الدنيا كلها علشانك
ادم بتنهيده :عندك حق انا لازم انسي
نادين بفرحه :وانا هانسيك الدنيا كلها يلا بقي تروح عشان ترتاح
ادم :فعلا انا محتاج انام اوووي
ادم ساق عربيته وهو مش حاسس بالدنيا لسا صورتها قصاده لسا مش مصدق انه مش هيشوفها تاني لاهو محتاجها هو ضايع من غيرها مش هيقدر يكمل وهي بعيده هي وحشاه اوي وحشته ضحكتها ودموعها وخوفها وجنونها وشقاوتها هو عايزها حتي لو هيفضل موجوع بس تفضل موجوده قصاده
اما نادين كانت بتبصله بشماته وفرحه وهي بتنقل عنيها بينه وبين ورقه الجواز العرفي اللي معاها
نادين ف سرها:خلاص يا ادم بقيت بتاعي انا بقيت مجبر انك تتجوزني رسمي وقصاد الكل والا هتبقي الكاسر لعبدالله بيه ابو العزم خلاص فلوسكم بقت بتاعتي .معلش بقي يامرام لكل حرب ضحايا وقدرك تقفي قصاد القطر وكان لازم تتفرمي انتي وحبيب القلب
*********,
ف مخزن الشركه
رؤي بخوف :جاسر ارجوك سيبها هتموت ف ايدك
جاسر :تموت والا تروح ف ستين داهيه دي خساره فيها الحياه اصلا
شيري بضحك:ولاتقدر تعملي حاجه خلاص نادين زمانها عملت اللي هي عيزاه واللي انا عيزاه برضو هاعمله وبكره تشوف لو ماجتنيش راكع ما ابقاش انا شيري
جاسر ضربها بالقلم من شدته وقعت علي الارض
جاسر بغضب :انتوا خساره فيكم الرحمه خساره فيكم تتعاملوا زي البشر انا هاخليكي هنا زي الكلبه لاميه ولا اكل لحد ماتفتكري بقي الزباله التانيه فين
تليفون جاسر رن رد عليه
جاسر :ايه. من امتي ماشي مكانك انا جاي حالا
رؤي :جاسر في ايه
جاسر :يلا يارؤي بسرعه ادم ف الفيلا
مشي جاسر وراح لاخوه بسرعه وبعت رجالته يشوفوا مرام عند محطه القطر
***********
ف الفيلا
دخل ادم ومعاه نادين وكان شكله متدمر خالص شافته ناهد
ناهد بخوف:ادم مالك ياحبيبي في ايه
ادم اترمي ف حضنها وغمض عنيه وعيط بصمت
ناهد :مالك ياحبيبي في ايه دا انت عمرك ماعملتها يا ادم ايه اللي وجعك كدا يا ابني رد عليا
نادين بشماته:دي مش دم ع حزن دي دموع فرح يا طنط والا اقولك يا ماما
ناهد بعدم فهم :يعني ايه انا مش فاهمه حاجه
نادين وهي بتفتح ورقه الجواز العرفي:الورقه دي هتفهم حضرتك كل حاجه
ناهد بصدمه:ايه دا
نادين :انا وادم اتجوزنا عرفي من ساغه دا طبعا مؤقت لحد ما نعلن خطوبتنا وجوازنا قصاد الناس ماهو اونكل عبدالله اكيد مش هيقبل اننا نعيش مع بعض بورقه عرفي
ف الوقت دا كان جاسر وصل الفيلا وسمعها
جاسر بغضب:بابا مستحيل يقبل ان واحده زيك تشيل ف بوم اسم ابنه اصلا يا تربيه الكباريهات
ادم بغضب اكبر خصوصا لما شاف رؤي :جاسر ماتكلمهاش كدا دي مراتي
جاسر وقف قصاد اخوه وعنيه كلها شرار
جاسر بصوت عالي للحارس بتاعه :خد الزباله دي احجزها عندك واوعي تغيب عن عينك ثانيه
نادين بخوف :انت اتجننت ياجاسر انت فاكر نفسك مين
جاسر بهدوء رعبها:انا اللي هازفك بس علي الاخره بهليكوبتر ودلوقتي روحي معاه شوفي حابه لونها يكون ايه وانتي وزقك وصراحه طول عمرك ذوقك عالي وبتقعي واقفه والمره دي كانت ضربه معلم
جاسر للحارس:خد ابزباله دي من قصادي فورا بدل ما اقتلها
نادين والحارس واخدها:انا هاوريك يا جاسر .ادم الحقني يا ادم
ادم بعصبيه :انت اتجننت انت ازاي تعمل ف مراتي كدا انت فاكر نفسك مين
جاسر بهدوء:خلصت.فين مرام
ادم بغضب :عامل كل دا عشان الزباله دي تكونش مثلت عليك الحب انت كمان ماهي مقضباها
رؤي بعياط:حرام عليك انت ظالمها والله ارجوك قولنا وديتها فين
ادم بغضب:جوزها خدها عشان يقضوا شهر العسل وياتري بقي انتي زعلانه عليها والا علي ان نص الثروه راحت ياحرام مش برضو كنتوا مخططين انتوا الاتنين لكدا
جاسر :ادم انت اتجننت انت فعلا سلمت مرام لمحروس
ادم بضحك:الله الله هو انت كمان عارف محروس يادي الحلاوه
جاسر بغضب :ردعليا يا ادم
ادم :ايوا سيبتهاله يشبع بيها
جاسر ماحسش بنفسه غير وهو بيضرب ادم بالقلم
ناهد بعياط :جاسر انت اتجننت
ادم بصدمه:بتضربني ياجاسر
جاسر :القلم دا انت كنت محتاجه من سنين عشان تفوق انا كنت فاكرك هتتغير بالحب هتبقي انسان وتبطل تهور لكن الظاهر ان مفيش فايده عارف انت عملت ايه انت سلمت بنت مظلومه لواحد هيدمرها من غير ماتسمع منها والله اعلم حصلها ايه قتلها والا لسا عايشه وكل دا بسببك انت
**********
ف المحطه
ف القطر اللي اتحرك للمنصوره
محروس بغل:مالك ياعروسه روقي كدا عشان نقرفش الليله
مرام بدموع صامته بتكلم نفسها :يارب يارب ماتسيبنيش يارب كل الناس خذلوني ارحمني يارب مش عايزه اموت كافره والنبي يارب ارحمني بقي
ياتزي ايه اللي هيحصل لمرام وادم هيعمل ايه وهيلحقها والا هيكون فات الاوان ونادين وشيري مصيرهم ايه واهل مرام هيعملوا ايه لما يعرفوا انها رجعت
كل دا هنعرفه الحلقه الجايه من كسرت كبريائي
لوعجبتكم الحلقه عايزه تفاعل وتعليقات وايه توقعاتكم للحلقه الجايه
دمتم بخير
كسرت كبريائي .....مي عبدالله
