كسرت كبريائي. بقلم مي عبدالله
الفصل الثلاثون (الاخيره)
عند رؤي
سمعت رؤي الباب بيتفتح ودخل منه محمود
رؤي بلهفه: محمود الحمدلله يارب جاسر بعتك تنقذني صح
محمود بنظره جريئه :سسيبك من جاسر يا رورو وخلينا فينا احنا
بدا محمود يقرب منها وقعد جنبها علي السرير
رؤي بخوف :انت عايز ايه وفين جاسر
محمود:جاسر مش هنا ومش هيعرف يوصل لك اصلا ولو وصل هنا شيري هتقتله
رؤي بدموع:انت عايز مني ايه
محمود بوقاحه:عايز منك كتير يا ست البنات عنده حق جاسر يسيب كل البنات دي ويجري وراكي شكلك يجنن بالابيض يا قشطه انتي
رؤي باشمئزاز:انت حقير وقذر ابعد عني جاسر لو جه وشافك هيقتلك
محمود:هههههه جاسر مين يا قطه ماقولنا انسي بقي جاسر وايامه الليله ليلتنا احنا
رؤي بعياط:بالله عليك يامحمود ماتأذيني انا زي اختك
محمود:باقولك ايه انا هاموت واشوف شعرك ماتشيلي الطرحه دي .كان بيتكلم وهو بيشيل طرحتها
رؤي بصراخ وهي بتبعد عنه :ابعد عني يا حقير ماتقربش مني محمود :صوتي براحتك محدش هيعملك حاجه يا حلوه
رؤي :انت احقر انسان شوفته ف حياتي
محمود بغضب ضربها علي وشها:اخرسي
بدأ محمود يعتدي عليها وهي بتصرخ وتبعده عنها
ف الاوضه التانيه
شيري بتضحك ومبسوطه وهي سامعه صرخات رؤي الدويه ف المكان
شيري بضحك:مسكينه يا رورو حقيقي صعبانه عليا
ف الوقت ده لقت باب الفيلا بيتكسر وفي صوت ضرب نار
شيري بخوف وهي بتنادي علي واحد من رجالتها: في ايه
احد الرجال:ده جاسر بيه ياشيري هانم جاي هو وادم بيه ومعاهم رجالتهم ومحدش قادر يوقفهم
في نفس الوقت كان جاسر وصل الفيله
جاسر بصوت عالي :رؤي رؤي
سمع جاسر صوت صراخ رؤي جري علي اوضتها لكن شيري وقفته جاسر رفع مسدسه وشدها من شعرها زهقها علي الارض وضرب بمسدسه الراجل اللي كان معاها
وصل جاسر اوضه رؤي لكن الباب كان مقفول فضل يكسر ف الباب لحد ما فتحه
لقي محمود وهو بيتهجم علي رؤي
محمود اول ماشاف جاسر بعد عنها جاسر كان بيبص له بغل عنيه كانت بتحكي عن النار اللي جوه قلبه واللي محمود اتأكد انها هتحرقه
محمود برعب :جاسر بيه
جاسر جري علي محمود وفضل يضرب فيه بغل لدرجه ان محمود مكنش قادر ياخد نفسه كان هيموت ف ايده
فضل جاسر يضرب في محمود وزؤي خايفه وبتعيط بصوت مكتوم وشهقات مكتومه
رؤي بخوف وبصوت واطي :جاسر
صوتها كان كافي يوقف ايده زي ما وقف قلبه قلبه اللي وجعه ف بعدها وف مجرد تخيل ان يحصل لها حاجه
ساب جاسر محمود وقرب منها علي السرير وفكها وعنيه علي دموعها اللي ما بتقفش اول مافكها اترمت في حضنه وفضلت تعيط بحرقه وكأنها بدموعها بتحكيله اللي عاشته في الساعات البسيطه دي اللي عدت عليهم كانها سنين
جاسر بحرقه:انت كويسه يا رؤي صح الكلب ده ما عملكيش حاجه
رؤي بنفي:لالا انت جيت في وقتك بس انا كنت خايفه اوي ياجاسر مرعوبه منهم
جاسر :ماتخافيش ياقلب جاسر انا معاكي وهنمشي يلا بينا
كل ده وشيري كانت عند الباب واقفه تشوف اخرها معاهم
شيري وهي رافعه مسدسها:علي فين يا كتاكيت
جاسر بغل:رفع مسدسه علي شيري ابعدي عننا يا شيري والا هيبقي اخر يوم ف عمرك
شيري:علي جثتي ياجاسر مش هتخرج انت وهي عايشين انتوا لازم تموتوا مادمت مش هتبقالي مش هتبقي لغيري ياجاسر اتشاهد علي روحك
ف اللحظه دي كان ادم وراها ضربها ضربه علي ايديها وقع منها المسدس علي الارض وخده
فريده بخوف جريت علي بنتها :عشان خاطري ياجاسر ما تاذيهاش وسيبونا نمشي من هنا
شيري بغضب:انتي بتقولي ايه يا ماما خايفه من دول والا ايه يافريده هانم
فريده:كفايه بقي يا بنتي كفايه وخلينا نمشي كفايه اللي حصل
جاسر :بالبساطه دي عايزاها تمشي
ادم راح لجاسر وقف جنب
ادم :جاسر هي غلطت لكن دي مهما كانت بنت خالتنا اكيد مش هنسحنها بنفسنا
جاسر بغضب:بنت خالتنا دي خطفت مراتي يوم فرحنا وكانت هتضيعها لولا اني لحقتها انت نسيت عملت ف اختها ايه والا غندي انا ولازم اسامح
شيري بخوف :انا مسامحه ياجاسر سيبها تروح لحالها وتعالي نمشي عشان خاطري ياجاسر نزل مسدسك ده وسيبها
جاسر بحرقه:لا مش هتخرج من هنا علي رجليها دي لازم تموت عشان احنا نعيش
شيري :ههههه اصلا انت جبان وما تقدرش تعملها
ف الوقت ده محمود ضرب شيري بالرصاص ف قلبها
فريده بصراخ :بنتي. شيري ردي عليا يا بنتي وحياتي فتحي عنيكي
جاسربغضب لمحمود :ليه عملت كده
محمود:عشان ايدك ماتتوسخش بدم زفر زي دي العيله دي تاريخي معاها قذر وكان لازم انهي تاريخي معاهم
ادم :تاريخ ايه انت تعرفهم منين اصلا
محمود قام وقف وراح لشيري اللي ما بتردش وقعد جنبها وفضل يعيط زي الاطفال
فريده بعياط:ردي يا بنتي ردي عليا والنبي ردي عليا
محمود بعياط:مش قولتلك يا روح محمود ان نهايه واحد فينا علي ايد التاني خلاص يا شيري كله راح خلاص
ف الوقت ده البوليس وصل وقبض علي فريده ومحمود وخدوا شيري المستشفي وادم راح معاها
اما جاسر خد رؤي وداها الفيله عندهم
في الفيله
ام رؤي بلهفه:حمدالله علي سلامتك يا بنتي كده تخضينا عليكي
رؤي بصوت واطي:انا بخير يا ماما ماتقلقيش عليا
مرام بدموع:انا قلبي كان هيقف من الخوف عليكي
رؤي :انا رجعت اهو الحمدلله
جاسر:الحمدلله ياجماعه هي رجعت بس هي عايزه ترتاح بس ناهد:كلمت بباك ياحبيبي قولتله
جاسر :ايوا يا ماما كلمته
ناهد :طيب وادم فين
جاسر :ادم في المستشفي
مرام بلهفه:ليه
جاسربصوت واطي :شيري اتصابت وف المستشفي
ناهد بخضه:ايه
جاسر :انا مش عايز نادين تسافر عايزكم تبقوا طبيعين معاها هي طيارتها بعد كام ساعه ولازم تكون جاهزه مفهوم وانا هاخد رؤي لاوضتي وبعدين هاروح لادم
طلع جاسر ومعاه رؤي لاوضته
فتح جاسر الباب وسند رؤي لحد السرير وقعد جنبها
جاسر بحب:حمدالله علي سلامتك ياروحي
رؤي بضعف:الله يسلمك
جاسر بمشاكسه:ايه رايك ف اوضتي. شوفتي بقي اللي حصل ده خلاكي تنولي شرف انك تشوفيها
رؤي بابتسامه ضعيفه:جميله
جاسر بقلق:رؤي انتي بخير
رؤي:انا خايفه اوي ياجاسر
جاسر وهو بيحضنها:ماتخافيش ياقلب جاسر انتي هنا ف امان محدش يقدر يقرب لك ابدا وانا جنبك عمري ما هاسيبك ابدا يا حبيبتي .رؤي انت سمعاني رورو
جاسر بابتسامه:رورو انتي نمتي ملاك وانتي نايمه يا قلب جاسر
باسها من خدها ونيمها علي السرير وسابها ومشي عشان بررح لادم
نادين راحت لها مرام طمنتها ان رؤي رجعت بالسلامه وفريده وشيري بخير نادين كانت عايزه تروح لهم لكن مرام قالت لها انهم هيبقوا متضايقين والافضل تسافر ولما ترجع بالسلامه تبقي تروح لهم ونادين اقتنعت وجهزوا مع بعض كل حاجاتها وبعدين راحوا يطمنوا علي رؤي
عم امين والحاجه زينب وام رؤي وام مرام روحوا رغم اصرار ناهد انهم يباتوا للصبح لكن هما روحوا وسابوا مرام مع رؤي
ف المستشفي
كان ادم وعبدالله مستنين يطمنوا علي شيري وف الوقت ده جالهم جاسر
جاسر:هااا طمنوني عامله ايه
عبدالله:لسا ف العمليات مستنين حد يطلع يطمنا
ف الوقت ده خرج الدكتور من العمليات
عبدالله :خير يا دكتور طمنا
الدكتور:انا اسف البقاء لله
ادم بحزن:شيري ماتت
الدكتور :للاسف ماتت هي والجنين
جاسر بصدمه:جنين ايه
الدكتور:ايوا المدام كانت حامل في الشهر التاني البقاء لله
مشي الدكتور وسابهم مصدومين
ادم :ازاي ده حصل بس
جاسر :حامل وكانت بتعمل كل ده معايا
عبدالله:احنا ندعيلها بالرحمه ونخلص اجراءات الدفن اكرام الميت دفنه ونروح نشوف فريده هي مهما كانت خالتكم ولازم نقف جنبها عشان خاطر ماما
******
فضل ادم وجاسر ف المستشفي وبعد تشريح الجثه اندفنت وف النيابه اكتشفوا ان محمود كان علي علاقه بشيري بس هيا كانت رافضه ان حد يعرف العلاقه دي وفريده كانت عارفه لكن سكتت وما اتكلمتش
فريده لما عرفت ان شيري ماتت اغمي عليها وراحت المستشفي والدكتور قالهم انها فقدت النطق من الصدمه
في معاد نادين كانت العربيه جاهزه وراحت نادين ومعاها ناهد وصلتها المطار واطمنت عليها ورجعت عشان تطمن علي رؤي
رؤي قضت ليلتها كلها كوابيس كل ماتنام تحلم بمحمود بيحاول يعتدي عليها تصحي مفزوعه ومرام تهديها لحد ما تنام
ليله صعبه علي الكل انتهت فيها الام ناس وبدات الام ناس بدأت بوجع قلوب العشاق وانتهت بانتصار الحب علي الكره والشر انتصر فيها الحب الطاهر واتروت الاحقاد بالدم لتعلن بدايه لقلوب العشاق ونهايه للوجع
مع بدايه اليوم
كانت رؤي صاحيه مفزوعه كعادتها طول الليل ومرام بتهدي فيها
مرام بمشاكسه:باقولك ايه يا بت انتي فوقي كده انا زهقت بسببك مانمتش ساعه علي بعضها كل شويه تقومي مفزوعه ماخلاص يا وليه عرفنا انك كنتي مخطوفه هااا هنفضل كده يعني كتير اوف عليكي وعلي اليوم اللي عرفتك فيه
رؤي بابتسامه:ههه ضحكتيني وانا تعبانه اعمل ايه يعني
مرام بتفكير :اقولك تقومي تاخدي دش وتقلعي الفستان اللي مابقاش فستان وتشيلي المكياج اللي بقيتي فيه شبه العفريته دي وتلبسي الفستان الشيك ده
رؤي :مين جاب الفستان ده
مرام :انا او بمعني اصح نادين
رؤي بتعجب:نادين
مرام :ايوا هي اصلا السبب انك رجعتي وجت اطمنت عليكي بالليل وجابت لنا الفساتين دي نلبسها بدل البهدله اللي احنا فيها دي وسافرت بقي من شويه وطنط ناهد راحت توصلها
رؤي :اهدي بس عليا كانت السبب ازاي اني رجعت
مرام:قومي الاول يا بت خدي دش وانا هادور علي اي حمام تاني اخد فيه دش ونلبس الفساتين دي وبعدين احكيلك نادين عملت ايه وازاي اتحجبت
رؤي :لا لا ماتقوليش نادين اتحجبت
مرام :اه بس تصدقي بقت موزه علي حق انا هابدا اغير منها علي ادم
رؤي :امممم فكرتيني بادم ولهفته قلبك عليه ايه بقي ايه الموضوع
مرام :اما انك بت لئيمه صحيح يعني كنتي مركزه معايا وانتي ف حالتك دي وانا اللي قلقانه عليكي طيب خدي بقي ورمتها بالفستان ف وشها ومشيت
رؤي بضحك:هتروحي مني فين . قامت بصت لنفسها ف المرايه
رؤي بخضه :يا نهار ابيض ايه ده ده انا شكلي يخض الحق اخد دش قبل جاسر ماييجي
اما مرام راحت الاوضه اللي جنب اوضه جاسر لقت فيها حمام زي اوضه جاسر وشبه اوضه جاسر اوي عرفت انها اوضه ادم عجبتها الاوضه وفضلت تتفرج عليها
مرام لنفسها:الحق اخد دش قبل ادم ما ييجي
بعد شويه
وصل جاسر وادم الفيله
جاسر :هو بابا صحيح مارجعش معانا ليه
ادم بضحك:يا ابني انت مخدتش بالك لما كلم ماما وعرف انها راجعه من المطار لا يا نهوده يا روحي ما تجيش لوحدك وبعدين بعد عننا اكيد رايح لها يعيد امجاد ايامهم الرومانسيه اللي انا وانت قضينا عليها
جاسر :هههههه يا بختهم والله بس تلاقي بابا عايز يمهد لها اللي حصل لشيري ومامتها وده اكيد هيوجع ماما ووجود بابا جنيها هيخفف عنها كتير خصوصا لما تعرف انها هيتحكم عليها
ادم :فعلا عندك حق. ايوا يا عم يا بختك رؤي زمانها مستنياك مش انا بسببك عزومتي باظت
جاسر :هههههه تستاهل بقي سايب ايام ربنا وجاي تلطف وتعطف ف فرحي
ادم :اهو ده حقد الاخ علي اخوه انت مش اتجوزت يا ابني جت عليا انا اهو نيتك السوده دي اللي مخلتش فرحك يكمل
جاسر :ههههه نيتي انا برضو والا نقك في الليله انا عارف
ادم :ههههههه بصراحه كنت هانفجر وابوظ الفرح بس اول مرام ماحنت قولت يلا غلبان اسيبه يفرح
جاسر:هههههه حنين يا ولا انا رايح اخد دش وافوق بدل ما افوق عليك
ادم :هههههه الدش برضو اللي هيفوقك يلا ياعم مش هاتكلم
جاسر :يا ابني ارحمني كفايه نق هيحصل اكتر من كده ايه
ادم :ههههه لا خلاص بلاش ربنا يفرحك ياعم اسيبك بقي لعروستك واخلع انا سلام
جاسر :هههه سلام
******
دخل جاسر اوضته مالقاش رؤي لسا بيبص حواليه لقاها خارجه من الحمام لابسه لبس خفيف ولفه شعرها بالفوطه
جاسر بانبهار :ايه القمر ده
رؤي باحراج :انت هنا من امتي
جاسر:مش مهم المهم اني جيت وشوفت القمر
رؤي :طيب اخرج بقي لحد ما البس فستاني
جاسر :هههه ده كان زمان دلوقتي انا اقعد واقعد واقعد واعمل كل اللي انا عايزه
رؤي بزعل:جاسر
جاسر باشتياق:قلب جاسر
رؤي :عايز ايه
جاسر :عايز كده
بعد شويه
رؤي بزعل :انت مش محترم
جاسر:ههههه يا بنتي انتي لسا بتتكفي دي حاجه كده علي الماشي
رؤي:انت فاكر انك هتقربلي
جاسر :اكيد هو انا مأجرك بالليله ده انتي مراتي شرعا وقانونا رؤي :ده انت بتحلم مش هتقرب لي غير لما تعملي فرح
جاسر:نعمممم
رؤي :زي ماسمعت انا ماليش ذنب ف كل اللي حصل عايزه فرح وناس وزفه وكوشه حقي والا مش حقي
جاسر بهيام:حقك طا روحي بس خلينا نكمل اللي كنا بنعمله وبعدين هاعملك احلي فرح
رؤي :انسي يا جاسر مش هتقرب مني غير بعد الفرح قولت ايه
جاسر بغضب:قولت اروح اخد دش وانا ساكت احسن منك لله يا ادم يعني لازم تنق لي فيها اهي باظت يا فالح
دخل جاسر الحمام وقفله وراه جامد
رؤي بضحك :هههههه احسن احسن
عند ادم
دخل ادم اوضته لقي مرام واقفه قدام المرايه لابسه فستانها وبتلف شعرها الطويل الناعم
ادم بهيام :يا بخت المرايه اللي سمحتلها تشوف جمالك
مرام بخضه:ادم انت هنا بتعمل ايه يانهار ابيض غمض عنيك بسرعه لف الناحيه التانيه بسرعه
ادم اتخض من كلامها ولف الناحيه التانيه ومرام لبست الطرحه بسرعه
ادم :هااا الف
مرام :لسا
ادم :هااا
مرام :لف
ادم :في ايه بقي
مرام :كنت بالبس طرحتي هي وكاله من غير بواب ازاي تدخل عليا كده افرض مكنتش لابسه فستاني
ادم بابتسامه وهو بيقرب منها وهي بتبعد:اولا دي اوضتي ثانيا ياريت
مرام :قليل الادب يا ادم من يومك اوعي انا ماشيه
ادم شدها من ايديها بقت في حضنه
مرام بتوتر:ادم
ادم باشتياق:قلب ادم
مرام :ابعد
ادم :مش قادر
مرام :عايز ايه
ادم:كان بينا معاد والا نسيتيه
مرام :انت شوفت اللي حصل
ادم :اللي حصل عدي احنا ف دلوقتي
مرام بعدم فهم:يعني ايه
ادم :يعني اتجوزيني بقي بدل ما اموت نفسي ويقولوا مجنون مرام مات بسببها
مرام :هههههههههه
ادم بهيام :يا نهار ابيض ضحكه كمان وهتبقي المسئوله عن اللي هيحصل انا هابقي مغيب انا وعقلي وقلبي بس اللي هيشتغل وساعتها ماتلوميش غير نفسك
مرام بجديه زقته :هانتظر ايه منك يعني
ادم :هتجوزيني امتي يا بت انجزي
مرام :مش هاتجوزك
ادم :نعم يا اختي دا انا اقتلك فيها
مرام بضحك:خلاص خلاص انا موافقه اهو عيشه والسلام
ادم بغمزه:دي هتبقي احلي عيشه هاخليكي تندمي علي اليوم اللي بعدتي عني فيه
مرام :ههههههه ماشي سلام يا رومانسي
مشيت مرام وسابته وهو بيكلم نفسه
ادم لنفسه:لا انا لازم اكلم بابا ييجي يجوزني البت دي بدل ما اولع ف الفيله وف الواد جاسر اللي زمانه هايص وانا لايس ابن المحظوظه ده
******
بعد تلت شهور كان يوم اجتماع العشاق بعد كل الفراق اللي عاشوه كان يوم فرحهم الاسطوري اللي عملوه ف جنينه فيله بباهم بس خلوها جنه كان فعلا فرح مميز بالديكورات والكوشتين وفساتين رؤي ومرام اللي جننوا العرسان اللي كانوا ف منتهي الوسامه والشياكه كعادتهم. عبدالله نزل برؤي ومرام من علي السلالم وفب نهايه السلالم كان العرسان كل واحد علي جنب اخد جاسر ايد رؤي وباسها برقه بعد ماسلم علي بباه واخد ادم ايد مرام اللي مكنش مصدق انها اخيرا بقت ليه وسلم علي بباه وابتدوا ليلتهم الجميله مع كل اللي فرحانين لهم من قلبهم بعيدا عن الغل والحقد والكره والمؤمرات الكل كان فرحان ماعدا ناهد اللي عرفت ان اختها اتحكم عليها بسنتين وانها حالتها خطيره ف المستشفي اما نادين فكانت حزينه علي اختها وامها واللي حصل لهم لكن عمليتها اللي نجحت وخلتها قدرت تمشي علي رجليها ووجود دكتور اسلام اللي كان احد المسئولين عن عمليتها في المانيا جنبها وطلبه انه يتجوزها هون عليها كتير وخلاها تحس ان بكره احلي والحياه ممكن يكون فيها احلام حقيقيه تتعوض بيها كل جروح امبارح وقسوته
فرحه رؤي وجاسر ومرام وادم اكدت لها ان الحلال طعمه احلي واجمل وان الصبر اخره راحه وفرحه ورضا وقلوب مليانه خير وحب وعشق وعيون بتحكي بالاشتياق والامان والاحلام الورديه
نظرات الحب اللي بين عبدالله وناهد اكدت لها ان الاختيار الصح هو اللي بيدوم وبيسند وبيبقي عيله بدل العيله الحقيقيه
حب ادم وجاسرلبعض عرفها معني الاخوه اللي اتحرمت منها مع اختها منها مع شيري عرفتها قيمه الاخوات في حياه بعض وحبهم اللي ما يعوضوش شيء ولا يكسره فراق
صداقه رؤي ومرام عرفتها ان الصداقه الحقيقيه اقوي من كل معاني الحب اللي ممكن يعيشها الانسان وان الصديق اخ تاني وروح تاني وقلب تاني يستاهل اانك تضحي عشانه بكل شيء
تسامح مرام مع امها واخدها ليها تعيش معاها زي رؤي ماخدت مامتها علمتها ان للام حق انك تسامحها مهما حصل خلاها دايما بتزور مامتها وتطمن عليها
ادم المتعجرف وجاسر المغرور كسر كبريائهم الحب قدر يخلي قلوبهم تعيش بعد ماكانت ماتت قدر يخليهم يحبوا الدنيا ويتمسكوا بيها
نادين قررت تعيش زيهم وتفرح وتحب وتضحي وتدي لان رؤي ومرام علموها ان الحب تضحيه وعطاء اكترمن انه اخد وانانيه
********
بعد مرور خمس سنين
عبدالله :مش كل واحد فيكم عنده فيلته بتتنيلوا تعملوا عندي ايه كل جمعه
ادم :هههه بتوحشنا يا عبودي وبعدين عبدالله الصغي كل يوم يقولي فين جدو حبيبي وحشني جدو حبيبي وانا ابني ماينفعش يطلع محروم ابدا من حاجه
ناهد:هههه ياحبيبي ده نور عنينا عبدالله ده
جاسر بزعل مصطنع:افهم من كده ان عبدالله ابني مش بتحبوه لا لا دا انا هاخد ابني ي وامشي بقي
ادم :يكون احسن برضو وياريت تاخد فرح بنتك عشان بتعاكس ابني
جاسر :نعم نعم يا روح ماما بنتي انا تعاكس المعفن ابنك ابو عيون خضرا دا انا بنتي ست البنات كفايه عيونها الفيروزي وشعرها الحرير اللي ابن والا بلاش بيشدها منه
ادم :بقي ابني وحش ابو عيون خضرا وبياض وحلاوه ده ابني قشطه وبعدين يشدها براحته ما بنتك اللي بتلبس قصير والواد حمش وبيغير علي خطيبته
جاسر:خطيبه فين فضناها خلاص الخطوبه دي بنتي مش هتتجوز ابنك
عبدالله بن ادم بعصبيه زي ابوه:بتقول حاجه ياعمو
جاسر :باقول مش هتتجوز بنتي با ابن ادم
فرح بعياط:ليه يا بابي ده جابلي ثيكولاته
جاسر بتبعيني بشكولاته يا بنت رؤي
رؤي من وراهم بضحك:طالعه هبله لامك يا روحي بتتراضي بشيكولاته
ادم :اوبااا بقي وقعت ف شر اعمالك يا جسور
جاسر :احم احم قصدك ايه يارورو قصدك اني بازعلك مثلا
رؤي:وانا اقدر برضو يا روحي ده انت حبيبي
جاسر وهو بيمسك ايديها :وانتي قلب جاسر من جوه
ادم:عيني عليا الا مرام منشفاها عليا حاسس اني عايش مع صاحبي
مرام من وراه بغضب:بتقول ايه يا ادم باشا
ادم بخضه:روح ادم ده انا باقول انك وحشتيني
مرام :ايوا كده اتظبط
ادم :تمام ياعسل يا ام عيون بتسحرني انتي
مرام باحراج :يا نهار ابيض علي الكلام الحلو
ادم :الحلو للحلو بقي
مرام ايه ده مالك يا روفا مين زعلك
ادم :اكيد الواد عبدالله بن جاسر انا عارفه طالع لابوه
جاسر:لا طبعا ابني حنين
عبدالله بن جاسر:روفا انتي رايحه تداري ف ابوكي فكراه هيحميكي من عقابي انسي
ادم :ولد بتكلمها كده ليه
عبدالله بن جاسر وهو بيشد رفا ليه:مالكش دعوه ياعمو دي خطيبتي وانا اعاقبها واصالحها براحتي ومهما حصل ما اقولكوش ده سر بيني وبينها يلا يا روفا عشان جبتلك ورده حمرا هناك اهي
عبدالله الكبير :لااااا كده كتير عاجبك كده يا ناهد كل اسبوع يتجمعوا المتجوزين الكبار يتخانقوا والمخطوبين الصغيرين يتناقروا كانت ليله مالهاش ملامح لما جوزتكم سوا لا وتخلفوا ف يوم واحد سوا وتجيبوا تؤام والعيال تطلع شبهكم ف الشكل والطبع انا هاموت بدري بسببكم
ناهد:ههههههههه لا لا يا روحي بعد الشر عليك معلش دول احفادك برضو
جاسر وادم ورؤي ومرام بصوت واحد :قوليله يا ماما هههههههه
تم بحمد الله
كسرت كبريائي. مي عبدالله
منتظره رايكم ف الروايه بصفه عامه والفصل بصفه خاصه وكل عام وانتم بخير رمضان كريم ماتنسونيش في دعواتكم بقا
