الفصل الثالث عشر
ف المستشفي
الدكتور :اطمن ياعبدالله بيه الحادثه مكنتش كبيره مجرد كدمات وجروح مع الوقت هيبقي كويس
عبدالله براحه :الحمدلله ،طيب هو ممكن يروح امتي
الدكتور :ممكن يمشي دلوقتي بس محتاج راحه كام يوم
عبدالله :تمام شكرا ليك
الدكتور :تحت امر حضرتك عن اذنكم
عبدالله :اتفضل
مشي الدكتور وساب ادم وعبدالله
عبدالله :تعالي يا ادم نروح نطمن علي اخوك
آدم :يلا يابابا
دخل آدم وعبدالله يطمنوا علي جاسر
عبدالله بحنان :حمدالله علي السلامه يا جاسر
جاسر :الله يسلمك يا بابا
آدم :كدا تقلقنا عليك يا جاسر
ناهد بعياط:الحمدلله انها جت علي قد كدا ربنا يبارك لي فيكم يارب
آدم :ليه الدموع يا ماما احنا بخير الحمدلله
عبدالله :جاسر ايه اللي حصل
جاسر بحزن :مفيش انا كنت مزود السرعه شويه ومخدتش بالي من الطريق
آدم :طيب ايه اللي خلااك تمشي بدري من الشغل
جاسر بنفاذ صبر:آدم انا تعبان ياريت نأجل اي كلام لوقت تاني
عبدالله:خلاص يا جاسر ما تتعبش نفسك اهم حاجه انك بخير احنا هنروح دلوقتي عشان ترتاح
بدأ ادم يساعد جاسر عشان يقف وفضل سانده لحد العربيه تحت انظار عبدالله وناهد القلقه علي جاسر والفرحه بتغير آدم فلا يمكن الانكار ان آدم اصبح اهدي من ذي قبل وان العمل جعله يقترب كثيرا من اخاه
وصلت السياره الي الفيلا وساعد ادم جاسر حتي وصل غرفته
ادم :علي مهلك يا جاسر ارتاح
جاسر وهو يجلس علي السرير :شكرا يا ادم تعبتك معايا
ادم :ما تقولش كدا يا جاسر احنا اخوات اهم حاجه انك ترتاح وكل حاجه هتبقي كويسه .
جاسر بحزن :ياريت
ناهد :يلا ياحبيبي حاول تنام عشان ترتاح
جاسر بتعب :حاضر يا ماما
خرجت ناهد وآدم وفضل عبدالله مع جاسر
قعد عبدالله جنب جاسر علي السرير
عبدالله بقلق :جاسر يا ابني انا حاسس انك مخنوق قولي مالك افتحلي قلبك
جاسر بحزن ظاهر :انا كويس يا بابا ماتقلقش عليا
عبدالله :عموما لوحبيت تفتحلي قلبك وتقولي مالك ف اي وقت هتلاقيني تصبح علي خير
خرج عبدالله وترك جاسر لاحزانه لآلام لن تداويها ايادي الاطباء
تذكر جاسر ماحدث اليوم
فلاش باك
كان جاسر ف مكتبه ينهي بعض الملفات سمع خبط علي باب مكتبه
جاسر :اتفضل
دخل صلاح ويبدو عليه الضيق
جاسر بلهفه :ها يا صلاح عملت ايه
صلاح بضيق:انا عرفت عنها كل حاجه يافندم
جاسر بقلق:عرفت ايه
بدأ صلاح يحكي لجاسر كل ما توصل اليه عن رؤي عن هروبها وعن حديث الناس عنها
جاسر بعصبيه امسك صلاح من قميصه :انت كداب كداب اكيد دي معلومات وهميه عشان تخفي بيها فشلك ف انك تعرف عن رؤي حاجه
صلاح :لا واللهي ياجاسر باشا دي الحقيقه حتي تقدر سيادتك تتأكد بنفسك هي عايشه مع مامتها وصاحبتها اللي اسمها مرام هنا وابوها عايش ف المنصوره لو حابب سيادتك اوديك ليه
جاسر بصدمه جعلته يترك قميص صلاح :ايه مرام كمان هربانه زيها
صلاح :ايوا يافندم بس لسا ماعرفتش باقي المعلومات عنها لو تؤمرني اعرف
جاسر :امشي وسيبني دلوقتي
خرج صلاح وترك جاسر مع احزانه اتلك الفتاه خدعته خدعت
ذلك المغرور حديث الفتيات ولكن كيف كيف
اخذ مفاتيح عربته ثم خرج سريعا من الشركه لا يود رؤيتها ولا رؤيه احد خرج من مكتبه يحمدالله انها لو تكن بمكتبها فلو رأها الآن يقسم انها ستكون جثه الآن خرج سريعا قبل ان تعود الي مكتبها خرج من محبسه نعم تلك الشركه لم تعد تساوي الاسجن سجانه فيه هو عشقه الابدي
اجذ سيارته وظل يجول ف الشوارع باقصي سرعه كالمجنون حتي وصل الي مكان يخلو من البشر عله ف هذا المكان يستطع تهدئه انفاسه المضطربه ظل ف عربته كلمات صلاح تمر امام عينيه وكأنها حقيقه يعيشها
جاسر بصوت عالي :معقول البراءه دي كلها كدبه مجرد كدبه انا عيشت فيها وصدقتها قناع لبستيه عشان تداري قد ايه انتي رخيصه وحقيره ازاي انا وقعت ف فخك معقول تكوني زكيه للدرجه دي يارؤي
حينا سمع قلبه اسمها تألم ولما لا وهو من اصبح اسير الحسناء المخادعه يالك من احمق ايها العشق توقعنا بايدي ما لا نريد
جاسر وهو يضرب مقود سيارته :ليه يا رؤي ليه ليه
ظل علي تلك الحاله فتره من الوقت لا يعي كم توقف عقله عن التفكير يشعر بغصه ف حلقه نيران العشق اذاقت ذلك القلب الذي لطالما اذاق الفتيات منها
تذكر احدي الفتيات التي كان يحادثها عن الحب حينما طالبته بتنفيذ وعوده والتقدم لها اخبرها بانه لا يتزوج فقط هو كالطير لا يحبس نفسه ف سجن الزواج لحظتها قالت جملتها الاخيره واختفت من حياته
الفتاه :عارف يا جاسر انت ليه زي الطير لانك لسا جناحك طويل قادر تطير وسماك فاضيه مفيهاش اللي تجري عليه بس يوم قلبك ما هيتخطف يوم عقلك ما يقول كفايه يوم روحك ما تتعب من البعد ساعتها هتجرب العشق بس حاسب تتكوي بناره زي ماكويت غيرك سلام ياجاسر بيه
لم يعي تلك الكلمات الا اليوم الا حينما ذاق قلبه ألم العشق والخذلان
ظل علي تلك الحاله لايصدق ان اميرته قد اوقعته ف العشق وتركته وحيدا يعاني الامه آلام لن يداويها احد
قاد سيارته بسرعه عاليه لا يري سوي وجهها الملائكي
جاسروهو يضرب مقود السياره بشده :كدب كله كدب
لم يعد يري امامه حتي اتت سياره من بعيد حاول يبتعد عنها حتي استطاع ولكن كانت سيارته قد ارتطمت بشجره
عوده للحاضر
جاسربألم :ههههههه دا انا طلعت عبيط اووووي حته بت زي دي تضحك عليا انا ماشي يا رؤي ان ما دفعتك التمن غالي ما ابقاش جاسر ابو العزم
حاول جاسر ان ينام ولكن جفاه النوم طوال الليل ظل متقلبا احيانا يبتسم حينما يتذكرها ويغضب احيانا حينا يتذكر ما سمعه عنها ظل علي هذه الحاله حتي الصباح
ف الصباح
قام جاسر ليجهز نفسه من اجل الذهاب الي عمله لا يستطع ان يجلس ف البيت قبل ان ينتقم منها
حاول ان يقف ولكن قدماه لم تساعده
سمع خبط علي الباب
جاسر بتعب :ادخل
آدم بابتسامه :صباح الخير توأمي العزيز
جاسر :صباح النور سنانك ظهرت الايام دي ولون عنيك اتعرف
آدم وقد فهم مايلمح له اخاه :احممم قصدك ايه
جاسر :قصدي انت فاهمه انا مش بس اخوات احنا تؤأم يعني محدش هيفهمك اكترمني
آدم :مفيش حاجه ياجاسر انا بس مبسوط من الصفقات اللي احنا حققناها بابا كمان فرحان بينا ودا معناه انه هيرضي عننا ومش هيحرمنا من ثروته
جاسر :اممممم قولتلي هاقولك نصيحه اهم حاجه ف الكدب انك تكون مصدق نفسك
ادم :جاسر انت عارف اني مش كداب
جاسر :ماهو عشان كدا الكدب بان علي وشك
آدم :قصدك ايه
جاسر بحزن:خد بالك من نفسك يا آدم خليك زي ماكنت ما تتغيرش القسوه ساعات بتحمي صاحبها من غدر البشر ولو نويت تتغير اتغير عشان نفسك مش عشان حد
آدم بقلق:مالك يا جاسر فيك ايه
جاسر بتنهيده :انا كويس ما تقلقش
آدم :ازاي كويس وانت الحزن مالي عنيك ولغايه دلوقتي مش عايز تقول ليه خرجت من الشركه زي المجنون بدري
ما تستغربش انا شوفتك وانت خارج كنت زعلان انا اخوك يا جاسر وعايز اطمن عليك قولي ايه اللي حصل
جاسربتنهيده حزن :ما تقلقشعلي اخوك اخوك جامد
ادم :ماشي يا برنس عموما لو حبيت تتكلم انا موجود هاسيبك ترتاح واروح الشغل قبل الوالد ما يسحب مني الشركه بسبب التأخير
جاسر :انا كمان هاجهز واجي معاك
آدم :تيجي معايا فين سيادتك
جاسر :اجي معاك الشغل
آدم :شغل ايه حضرتك انت ترتاح تماما وما تشلش هم الشغل انا هاخلصه لكن انت تعبان ولازم ترتاح
جاسر :انا كويس ما تشلش همي
آدم :لا انسي يا شاطر انت اصلا مش قادر تقف يلا يا جاسر بطل عند ونام
ف نفس الوقت سمعوا خبط علي الباب
دخل عبدالله
عبدالله :صباح الخير يا ولاد
جاسر وادم :صباح النور يا بابا
ادم :كويس ان حضرتك جيت جاسر عايز ينزل الشغل
عبدالله :لا شغل ايه انت تعبان يا ابني ارتاح ولما تبقي كويس انزل
جاسر :يا بابا انا كويس صدقني
عبدالله :كويس ايه يا جاسر انت مش شايف شكلك بلاش مقاوحه يا جاسر يلا عشان تنام
جاسر بنفاذ صبر :حاضر
ساعد ادم جاسر ينام علي سريره
ادم :يلا اسيبك ترتاح والحق اروح الشغل لنترفد
عبدالله :ههههههه هاخصملك عشان لسانك الطويل دا
يلا قدامي يا فندي
ادم :علم وينفذ يا سعاده الباشا
عبدالله لجاسر :اوعي تنام يا جسوره قبل ما تفطر وتاخد علاجك
جاسر :حاضر يا بابا
خرج ادم وعبدالله تاركين جاسر لاحزانه تنفرد به وحيدا لشيطانه يصور له ما لم يحدث كي يحلل له الانتقام منها كيفما يشاء
علي السلم
ادم :فين ماما يا بابا مش شايفها هي لسانايمه
عبدالله :مامتك يا سيدي صاحيه بقالها اكتر من تلت ساعات عشان تعمل لجاسر الاكل اللي بيحبه
آدم :اممممم ايوااا يعني الواحد لازم يتعب عشان تهتموا بيه خلاص اعملكم حادثه انا كمان
عبدالله بلهفه :بعد الشر عليك يا ابني ماتقولش كدا
ادم بابتسامه :ربنا يخليك لينا يا بابا يلا انا هاروح الشغل عشان اتأخرت اوووي
عبدالله :طيب افطر الاول
ادم :هافطر ف المكتب عشان ما اتأخرش بعد اذنك يا بابا
عبدالله :اتفضل
*****
ف الشركه
مرام :هتفضلي علي الحال دا كتير
رؤي :هاموت من الصداع يا مرام
مرام :من كتر الكوابيس اللي شوفتيها دا انتي طول الليل تغمضي دقيقه تصحي مفزوعه
رؤي :مش عارفه ف ايه يا مرام قلبي مقبوض مش عارفه ليه مرام :ما تقلقيش يا رؤي مفيش حاجه هتحصل باذن الله
رؤي :ياااااااارب
مرام :انا هاروح المكتب لان ادم بيه علي وصول وجاسر بيه برضو هييجي دلوقتي
رؤي :ماشي يا مرام
***
ف مكتب ادم
دخلت مرام مكتبها وبدأت تجهز الملفات اللي ادم طلبها منها
وصل ادم المكتب
ادم :صباح الخير
مرام :صباح النور يا فندم
ادم :اطلبي رؤي خليها تجيلي
مرام :حاضر يا فندم
دخل ادم مكتبه وطلبت مرام رؤي التي حضرت علي الفور
وصلت رؤي المكتب
رؤي :ايوا يا مرام ف ايه
مرام :ادم بيه عايزك
رؤي :حاضر
دخلت رؤي لادم
رؤي :ايوا يا فندم
ادم :رؤي جاسر بيه مش هييجي النهارده ياريت تلغيله كل مواعيده ولو ف حاجه مهمه ياريت تبعتهالي اخلصها
رؤي :ليه مش هييجي ماله
ادم :عمل حادثه
رؤي بلهفه:حصله ايه
ادم بتعجب :ما تقلقيش دي حادثه بسيطه بكره او بعده هيبقي هنا
رؤي وقد تداركت نفسها:الف سلامه عليه بعد اذن حضرتك
خرجت رؤي سريعا وذهبت الي مكتبها لا يمكنها الانكار ان قلبها توقف حينما علم بتعب جاسر ايعقل انها طوال الليل يجافيها النوم من اجله هو
ظلت رؤي طوال اليوم حزينه تشعر بألم ف قلبها رغم تأكد مرام من ادم علي صحه جاسر واطمئنانها لرؤي ولكن لا فائده مازالت تشعر بالالم
ظلت رؤي علي تلك الحاله ثلاثه ايام تلك الايام التي لم تتشبع عيناها فيهما برؤيه جاسر
نعم جاسر الذي حبس نفسه بين جدران منزله يحاول ان يهدأ نفسه حتي لا يفتك بها ولكن تذكره لكلمات صلاح كافيه لتجعله يمقتها بشده
*******
ف صباح يوم جديد
ف فيلا عبدالله
جاسر :صباح الخير
عبدالله :صباح النور برضو مصر تنزل الشغل النهارده
جاسر:انا كويس الحمدلله يا بابا ماتقلقش عن اذنكم
عبدالله :طيب افطر الاول
جاسر :معلش مش جعان لو جعت هابقي اكل اي حاجه ف الشركه عن اذنك
خرج جاسر ذاهبا الي الشركه
*****
ف الشركه
وصل ادم مبكرا قبل رؤي دخل مكتبه وقف ف شرفه مكتبه عل نسيم الهواء يريح اعصار قلبه
وصلت رؤي مكتبها كعادتها جلست تنتظره ولا تعلم انه اليوم سبقها
سمعت صوتها الهاتف اجابت بفتور لتجده يخبرها ان تاتي اليه ف مكتبه
لم تشعر بنفسها الا وهي تسير مسرعه نحو باب مكتبه
كان شاردا ف افكاره سمع دقات علي باب مكتبه شعر وكان تلك الدقات علي قلبه تؤلمه بشده لم يستطع الاجابه ولكنها لم تنتظر قادها قلبها لتدخل دخلت وقلبها يتراقص فرحا لرؤيته. ولكن تلك الفرحه اختفت بمجرد رؤيته لاتعلم لما شعرت بوجع يجتاحها نظر اليها بعينين مرهقتين من قله النوم وجهه شاحب وجدت ذلك الوسيم الذي لطالما تغني الجميع بوسامته متعب مرهق ولكن بعينيه نظره لوم غضب الم لاتعرف فقط هي نظره المتها بشده ظل ناظرا لها بعتاب
قطع تلك النظرات حديثها
رؤي بابتسامه :حمدالله علي سلامه حضرتك.
جاسر وهو يقترب منها :الله يسلمك يا رؤي
رؤي :حضرتك احسن دلوقتي
جاسر وبداخله سخريه :ايوا الحمدلله يلا هاتيلي الشغل المتأخر
رؤي :حاضر
خرجت رؤي وتركت جاسر جالسا يفكر ماذا سيفعل مع تلك الحقيره
حاول ان يهدأ من نفسه حتي لا يفتك بها
اتت رؤي واعطته الملفات المطلوبه بدأ العمل عله يستطيع ان يتناسي ما فعله معها
انتهي اليوم ومازال جاسر مبتعدا عن رؤي حتي لا يخرج ما به عليها اما مرام فقد اعتادت علي ادم يمكن ان تقسم بان اليوم الذي يمرعليها بدون مشاكسه ادم يوم ناقص
انتهي اليوم ذهبت الفتاتان الي المنزل
وصلت رؤي ومرام الي البيت وجدت عم امين علي باب البيت
عم امين بحزن :كنتوا فين يا بنات منتظركم من بدري
رؤي بلهفه :ف ايه يا عمو امين
عم امين :للاسف مامتك تعبتك ونقلناها المستشفي
ياتري ايه اللي حصل لمامت رؤي ورؤي هتعرف تنقذ حياه والدتها والا لا وازاي جاسر هينتقم من رؤي ومرام هتوصل لايه مع ادم
كل دا هنعرفه الحلقه الجايه من كسرت كبريائي
عايزه تفاهل كتير وتعليقات لو عجبتكم الحلقه ياريت دعوه حلوه وتوقعاتكم
