خمسة اغسطس

البارت الاول

خمسة اغسطس
البارت الاول

في مستشفى كبيرة راجل كبير في السن قاعد في مكتبه والباب خبط
عاصم:ادخل
الممرضة دخلت
الممرضة:دكتور عاصم الدكتور مراد برا
عاصم بسرعة:خليه يدخل
الممرضة خرجت ومراد دخل
عاصم:ازيك يا مراد يا بني
مراد ابتسم: الحمدلله حضرتك عامل اية
عاصم: الحمدلله
بعد سلامات كتير بينهم
عاصم بجدية:بص يا مراد انت من احسن الدكاترة وانا طلتبك مخصوص علشان تمسك الحالة دي
مراد:ممكن تكلمني عن الحالة
عاصم:تعرف المذيعة ليلى الراوي؟
مراد:مين ميعرفهاش دي من أكبر المذيعين في العالم وليها اسمها ووضعها
عاصم:هي دي الحالة
مراد بصدمة:اية
عاصم:ليلى للاسف مريضة عندنا يا مراد وقتلت تلات أشخاص
مراد بصدمة:قتلتهم لية
عاصم:محدش يعرف لحد دلوقتي الحالة صعبة جدا هتمسكها؟
مراد فكر لمدة دقيقة وبعدين ابتسم:همسكها
عاصم ابتسم وقال لمراد كل حاجة على ليلى ومراد راح الاوضة اللي ليلى فيها وخبط ودخل وبص على ليلى اللي كانت قاعدة على السرير وبتبص للباب ومبتسمة
ليلى بابتسامة:اهلا اهلا بالدكتور
مراد جاب كرسي وقعد قدام ليلى
مراد:اهلا يا ليلى
ليلى:انت بقا الدكتور الجديد
مراد:اه
مراد بهزار:متعبرنيش دكتور اعتبريني مثلا صاحبك أو حبيبك
ليلى بصيتله:لو انت صحبي أو حبيبي هتبقى نهايتك وحشة
مراد بصلها كتير وليلى ابتسمت
ليلى: متخفش كنت بهزر....المهم انت جاي تعرف قتلتهم لية صح
مراد:غلط....انا عايز اعرف حكايتك من الاول خالص
ليلى ابتسمت:لا انت ذكي وعجبتني هحكيلك
مراد:وانا سامعك
ليلى ابتسمت:كنت صغيرة كنت في رابعة كلية كنت من عيلة متوسطة عندي أختين واحدة اكبر مني اسمها ياسمين وواحدة اصغر مني اسمها مليكة كنا عيلة حلوة قبل ما يحصل اللي حصل
فلاش باك*
ياسمين:ليلى بابا بقالو كتير بيكلم ماما
ليلى:وأية يعني يا ياسمين بابا مسافر كمان شوية فأكيد لازم يكلم ماما
ياسمين:طيب
بعد شوية سليمان طلع وسلم على بناته ومشي
ياسمين:مالك يا ماما
حنان:مفيش
ليلى غمزت:اكيد علشان بابا سافر
حنان مردتش وليلى بصيت لياسمين
ليلى:مالك يا ماما...بابا مزعلك
حنان زعقت:ابوكم متجوز عليا
الكل سكت واتصدم ومحدش قادر يتكلم
ياسمين:اتجوز مين
حنان:اتجوز مريم اللي كانت بتشتغل معا
ليلى: وأنتِ اية موقفك هتتطلقي؟
حنان:مينفعش يا ليلى انا هقعد علشانكم مش عايزاكم تعيشوا وسط أهل منفصلين
ياسمين:هو اتجوز لية هو مش بيحبنا؟
حنان:لا طبعا بيحبكم بس يا ياسمين ابوكي صعيدي وعايز ولد وانا خلفتي كلها بنات فاتجوز علشان يجيب ولد...انا مش عايزة الموضوع يأثر عليكم
ليلى:متجوز بقالو قد اية؟
حنان:خمس سنين
ليلى:جابت الولد
حنان بحزن:اه جابت يزن
ليلى:يعني انا عندي اخ!!!
حنان:اه
الكل سكت واتفقه أن الموضوع يتقفل عقبال ما سليمان يرجع
بعد مرور اسبوعين سليمان رجع وسلم على بناته
ليلى:ازيك يا ابو يزن
سليمان:كنت عارف أن حنان هتقولكم...بصي يا ليلى انتِ وياسمين الوضع مش هيختلف انا ابوكم وهفضل احبكم مهما حصل انتوا عيالي واغلى حاجة عندي ارجوكم متزعلوش مش عايز اشيل الذنب
ياسمين:حاضر يا بابا
سليمان بص لليلى وليلى ابتسمت:ماشي
ليلى لبست وراحت عند فاتن صاحبتها
فاتن:كلمتي مع باباكِ
ليلى:مش اوي
فاتن:وقالك اية
ليلى حكيت لفاتن على اللي حصل
فاتن:وأنتِ زعلانة
ليلى:لا...المهم عاملة اية مع ادهم
فاتن بنرفزة:ادهم دا بني ادم براس كلب مش بيحس يا ليلى!!
ليلى ابتسمت:أنتِ عارفة يا فاتن من الاول أن ادهم مرتبط بريهام وهيخطبها وأنتِ وفقتي انك تكوني صحبته
فاتن:مش بايدي يا ليلى انا بحب ادهم!!انا عُمري ما حبيت يوم ما احب احب واحد مرتبط!!
ليلى:هو دا الحب يا فاتن مش بنبقى عارفين لية الناس دي بالذات اللي حبينها
فاتن:اعمل اية يا ليلى!
ليلى:انا من رايئ تبعدي يا فاتن الكل شايف انك ماشية في طريق غلط حتى رحيل اللي بعيدة عننا قالت تبعدي
فاتن:يا ليلى مش عارفة أبعد انا بحب ادهم انا شفته قبل ريهام
ليلى:بس هي حبيته قبلك وبعدين ادهم كان موجود قدامك اشمعنا حبتي دلوقتي؟
فاتن بغيظ:حظي كدا اعمل اية
ليلى ابتسمت:فاتن حبيبتي أدهم مش خير ليكي صدقيني هتتعبي معا يا فاتن هو شايفك زي أخته وبعدين لو أنتِ مرتبطة بادهم وريهام بتحبه هتعملي اية؟
فاتن بنرفزة:هقتلها
ليلى بابتسامة:شوفتي مفروض بقا ريهام تقتلك...هي دلوقتي لو في يوم عرفت هيبقى شكلك اية؟انتِ عارفة لما واحدة تكلم واحد خاطب أو متجوز أو حتى مرتبط بنقول عليها اية!!
فاتن:هو السبب يا ليلى هو عارف اني بحبه كان مفروض يبعد بالعكس هو بيقرب...انا حاسة أن هو خير ليا لما ببقى مضايقة بلاقي بيكلمني!بتخانق مع حد مثلا وازعل بلاقي بيكلمني برغم ان قبلها مش بنكون بنتكلم حاسة أن ادهم خير ليا يا ليلى وبعدين هو مش بيحب ريهام هو متعلق بيها لان ببساطة لما الراجل بيحب مش بيشوف غير اللي بيحبها
ليلى:أنتِ قولتي اهو الراجل هو ادهم راجل
فاتن بنرفزة:ليلى مش بحب حد يتكلم عليه وحش
ليلى رفعت أيدها:خلاص يا ستي حقك عليا
ليلى مشيت وفاتن كلمت ادهم
ادهم:ازيك يا فاتن
فاتن بضيق: كويسة
ادهم:مالك
فاتن:مفيش
ادهم:مش احنا صحاب مفروض بقا تقولي مالك
فاتن اتنهدت:آخرة علاقتنا اية يا ادهم
ادهم:فاتن أعتقد من الاول عارفة اني بحب ريهام صح!!
فاتن:طالما بتحبها احنا بنتكلم دلوقتي لية
ادهم:لان احنا صحاب
فاتن:طالما صحاب ما تقول لريهام
ادهم:ريهام هتزعل
فاتن بتريقة:اه ست هانم طبعا هتزعل
ادهم بتحذير:فاتن متتكلميش بالطريقة دي عنها
فاتن بتريقة:حاضر سيادتك انت تؤمر سلام
فاتن قفلت قبل ما ادهم يرد وبصيت للسماء
فاتن: شكلك كلامك صح يا ليلى....يارب لو ادهم شر ليا خلي يبقى خير
بعد مرور شهر**
سليمان:انا عايز اخرجكم
مليكة:بجد فين
سليمان:اية رايكم نسافر الغردقة
ليلى بحماس:ماااااشي
سليمان بحذر:بس يزن ومامته هيبقوا معانا لازم نبقى عيلة واحدة
حنان بهدوء:انا موافقة
ياسمين:وانا
ليلى:تمام
سليمان فرح واتصل بمريم وقالها تجهز نفسها تاني يوم سليمان اخدهم بالعربية وسافروا ومريم سافرت لوحدها
سليمان وصل وكل كان مستني مريم لحد ما وصلت ونزلت بابتسامة وسلمت عليهم
مريم:ازيك يا حنان
حنان: الحمدلله وانتِ عاملة اية
مريم: الحمدلله
مريم سلمت على البنات وليلى شافت يزن ونزلت عنده
ليلى ابتسمت:ازيك يا جميل
يزن:كويس
ليلى حضنت يزن والكل سلم على يزن وبعدين دخله جوا
باك*
مراد:دي اول الحكاية
ليلى:اه
مراد:وقفتي لية كملي
ليلى:بكرا
مراد بتفهم:ماشي بس عايز اسال سؤال
ليلى:اسال
مراد:لية كنتِ معترضة على حب فاتن لادهم
ليلى:لأن دا مش حب ادهم مش بيحب فاتن ادهم بيتسلى بفاتن ادهم عايز يبقى جنتل قدام صحابه اللي هو بيكلم بنات كتير والبنات بتموت فيه
مراد:وفاتن عارفة كدا؟
ليلى:فاتن كان عامية بالحب يا مراد
مراد:وأنتِ شايفة أن اللي بيحب بيبقى اعمى
ليلى:بيبقى مخدوع بالبدايات يا مراد
مراد:عايز أسألك سوال
ليلى:لا انت قولت سوال واحد
مراد ابتسم:ماشي ياستي بكرا نكمل
ليلى:ماشي
مراد طلع وراح عند دكتور عاصم وبدأ يتكلم معا
عاصم:ها اية الاخبار
مراد:مش عارف يا دكتور
عاصم:اتكلمت معاك
مراد:اه حكيتلي شوية عن أهلها وصحابها
عاصم:دا انجاز عظيم يا مراد كل دكاترة اللي دخلت عند ليلى مكنتش بتحكيلهم حاجة كانت بتتجنهم
مراد ضحك وبعدين استأذن ومشي
رائيكم
بقلم/نروين عبدالمنصف