خمسة اغسطس

البارت الخامس والعشرون

خمسة اغسطس
البارت الخامس والعشرون

الراجل نزل رهف ومشي بليلى ورهف كانت شبهه فايقة وبتحاول تتماسك ومتنامش وعايزة تتصل بحد علشان ينقذ ليلى دورت على موبايلها بس ملقتش موبايلها ولقت موبايل ليلى معاها فتحت الموبايل ولقت اسم مالك في وشها واتصلت بيه بسرعة
مالك:اسف يا حبيبتي اتاخرت عليكِ علشان روحت لعامر بس هاجي دلوقتي
رهف بتعب:مالك
مالك وقف:في اية يا رهف وليلى فين
رهف وهي دايخة: اتخطفت
مالك كان هيتجنن:أنتِ فين يا رهف
رهف قالت لمالك على مكانها ومالك قفل وجري وعامر وقفه
عامر:في اية
مالك:ليلى اتخطفت
عامر:استنى هاجي معاك
عامر ومالك نزله بسرعة وركبه العربية وساق بسرعة

ليلى كانت نايمة وبعدين فاقت ولقت نفسها مربوطة ومازن قاعد قدامها
ليلى:انا فين
مازن:أنتِ معايا يا لولي
ليلى بغضب:يا حيوان انت خطفتني
مازن ببرود:اه
ليلى:فكني وانا هربيك
مازن:بس يا بت لسة متخلقتش اللي تكلم مازن الشرقاوي بالطريقة دي
ليلى بعنف:عايز اية يا مازن خطفتني لية
مازن:علشان حاجتين اول حاجة علشان اكسر عين اللي اسمه مالك والحاجة التانية علشان أنتِ عجباني
ليلى:شكلك متعرفش مين ليلى الراوي يا مازن انا ممكن اقتلك دلوقتي
مازن:مش لما تعرفي تفكي نفسك الاول
ليلى بصت لمازن ومازن جاب مخدر ورش على ليلى وليلى نامت وهو كان قاعد بعيد مع الرجالة

مالك وصل مكان رهف في تلت ساعة ونزل هو وعامر ورهف كانت نائمة على الرصيف ومالك وعامر فوقوها وهي قامت
مالك:اية اللي حصل يا رهف
رهف حكت لمالك اللي حصل بسرعة
رهف:بس انا عارفة رقم العربية
مالك بسرعة:قولي
رهف قالت لمالك على الرقم وعامر كلم صاحبه وقالوا على الرقم وفي خلال عشر دقائق عرفه مكان العربية فين
رهف:انا هروح معاكم
مالك:لا يا رهف
عامر بص لمالك:هنعمل ايه مع رهف
رهف:خلاص انا هركب تاكسي وهمشي
مالك:لا الوقت متاخر عامر وصلها
عامر:طب وانت
مالك:متشغلش بالك بيا امشي
عامر مشي واتصل بالرجالة بتاعتهم ومالك وصل والرجالة كمان وصلت
مالك مشي هو والرجالة ومالك فتح باب المخزن برجله ودخل ومازن اتخض وقام هو والرجالة بتاعته قدام مالك
مازن:استاذ مالك هنا بنفسه
مالك:انت اللي خطفتها يا كلب انا هربيك
رجالة مالك اشتبكت مع رجالة مازن ومالك مسك مازن ضربه بالبوكس ومازن مش قادر على مالك وغضبه ورجالة مازن مش قادرين على رجالة مالك لأن رجالة مالك اكتر بكتير من رجالة مازن
مالك:خدوا الرجالة دي والحيوان دا في المخزن عندنا وخليهم يتربوا
رجالة مالك اخدت مازن ورجالته ومشيوا ومالك حري عند ليلى وحاول يفوقها بس مقامتش وهو فكها وشالها وراح بيها المستشفى والدكتور طمن مالك وليلى فاقت ومالك اخدها وركبه العربية واتحرك
مالك زعق:أنتِ ازاي تمشي من غير ما تقوليلي ها
ليلى:الوقت كان تاخر يا مالك وانت كنت هتتاخر
مالك:تقومي تمشي من غير ما اعرف وتركبي تاكسي بليل وانتوا بنات لوحدكم
ليلى:فيها اية يعني
مالك زعق اكتر:اية اللي فيها اية أنتِ اتخطفتي يا هانم وعردتي حياة صحبتك للخطر افرض كان حصل لرهف حاجة دلوقتي كنتِ هتعملي اية
ليلى بصيتله:انت خايف على رهف ومش خايف عليا كل اللي همك رهف
مالك بصلها بعدم تصديق:والله ما هرد عليكي
مالك بص قدامه ومشي وهو في قمة غضبه وهي ساكتة ومضايقة من نفسها هي غلطانة أنها مشيت من غير ما تعرف مالك وعرضت فعلا حياة رهف للخطر وعرضت حياة مالك للخطر بس مالك مش من حقه يتعصب عليها هو اه خايف عليها بس مش من حقه يزعقلها بالشكل دا...مالك وصل ليلى لتحت البيت
مالك:انزلي
ليلى:مالك انا
مالك قاطعها:انزلي
ليلى بصت لمالك ونزلت وهو مشي راح البيت واتصل بعامر
عامر:طمني حصل اية
مالك قال لعامر اللي حصل
عامر: الحمدلله انها جت على قد كدا
مالك اتنهد: الحمدلله...وصلت رهف؟
عامر ابتسم:اه
مالك قفل مع عامر وفضل قاعد مع نفسه..ليلى طلعت البيت ومقالتش لحد على اللي حصل ودخلت جوا وحاولت تنام بس مش عارفه حاسة بالذنب علشان مالك زعلان منها وقررت تتصل بيه بس هو مردش فضلت تتصل بيه كتير لحد ما أخيرا رد
ليلى: مالك انت فين ومش بترد عليا لية
مالك:في البيت
ليلى كشرت:ومش بترد عليا لية
مالك: ليلى انا تعبان وعايز انام عايزة اية
ليلى:انت بتكلمني كدا لية
مالك بزهق:عايزة اية يا ليلى
ليلى:مش عايزة
مالك:تمام سلام
مالك قفل في وشها وليلى مضايقة أن هو وداليا مع بعض في نفس البيت واكيد هو مردش عليها علشان مع داليا فضلت واقفة في البلكونة كتير وبعدين اخدت مفتاح العربية ومشيت وراحت عند مالك واتصلت بيه بس هو مردش فضلت تتصل بيه كتير بس بردو مش بيرد راحت بعتت رسالة لمالك"انا تحت يا مالك انزل"وصلت الرسالة لمالك ومالك وقف مذهول وبص من التراث وشاف عربية ليلى ونزل بسرعة وفتح الباب من ناحيتها واتصدم من لبسها
مالك بزعيق وعصبية:اية اللي أنتِ لابسة دا؟؟؟
ليلى بصت على نفسها واتصدمت أنها نازلة من بالترنج ومن غير طرحة وفضلت باصة لمالك ومش عارفة تقول اية
ليلى:لو حلفتلك اني مخدتش بالي من لبسي مش هتصدقني صح
مالك واقف في قمه غضبه منها ومش قادر يسيطر على أعصابه وقفل باب العربية وطلع عند مامته وخبط على الباب وعايدة فتحت
عايدة بقلق:في أية يا حبيبي
مالك بحرج:معلش يا ست الكل صحيتك من النوم بس كنت عايز طرحة وحاجة طويلة فستان مثلا
عايدة باستغراب:لية
مالك بتعب:هقولك بعدين يا امي
عايدة:حاضر
عايدة دخلت وجابت الفستان والطرحة لمالك ومالك نزل عند ليلى وفتح الباب واعطاها الحاجة
مالك بهدوء تام:البسي دول
ليلى:بس
مالك:قدامك دقيقتين
مالك قفل عليها العربية وهي لبست الفستان والطرحة وخبطت على الشباك ومالك فتح الباب وهي نزلت
مالك زعق:أنتِ عارفة الساعة كام!!الساعة تلاتة الفجر وأنتِ نازلة بشكلك دا!!!أنتِ اية مبتتعلميش من اخطاءك مكلمتنيش لية ها دا أنتِ كنتي لسة مخطوفة من شوية نزلتي لية من بيتك هااا
ليلى زعقت:علشان سيادتك قاعد مع الست داليا ومش عايز ترد عليا
مالك بذهول: أنتِ بتتكلمي بجد يا ليلى
ليلى بصت الناحية التانية ومردتش عليه
مالك زعق:انا عايز افهم دلوقتي أنتِ لية مبتثقيش فيا انا عملت اية يخليكي متثقيش فيا
ليلى ساكتة ومش عارفه تقول اية
مالك زعق:ردي
ليلى:انا مش بثق في كل الرجالة كلكم خاينين بعد ما نتجوز هتتجوز عليا واكيد دلوقتي كنت مع داليا وزعلان علشان جيت
مالك بذهول:أنتِ مدركة أنتِ بتقولي اية يا ليلى....أنتِ مبتثقيش فيا!!!
ليلى ساكتة تماما ومش بترد
مالك بهدوء:روحي اركبي الناحية التانية علشان اوصلك
ليلى بصيتله بذهول:توصلني!!
مالك:اه
ليلى:كتر خيرك انا عارفة الطريق
مالك بصرامة:اركبي يا ليلى هوصلك
ليلى راحت الناحية التانية ومالك ركب عربيتها ووصلها في هدوء تام