خمسة اغسطس

البارت الرابع

خمسة اغسطس
البارت الرابع

تاني يوم مراد راح عند ليلى
مراد:ازيك يا لولي
ليلى:كويسة
مراد:كملي بقا
ليلى:مش عايزة
مراد:هنهزر
ليلى:مش بهزر
مراد جاب كرسي وقعد قدام ليلى
مراد:يلا بقا يا ليلى علشان خاطري
ليلى:بس بشرط
مراد:اشرطي براحتك
ليلى:هاتلي شوكولاتة
مراد ضحك:حاضر
ليلى ابتسمت:اسمع بقا باقي الحكاية
فلاش باك*
فات اسبوع وفاتن بعدت عن ليلى ورحيل وهما كمان مش بيكلموها وفاتن كان كل كلامها مع ادهم وفي يوم ريهام كلمت فاتن
ريهام:فاتن
فاتن:أيوة يا ريهام
ريهام:انا وادهم سبنا بعض!
فاتن اول ما شافت المسدج قامت من مكانها
فاتن:اية!لية
ريهام:هو اللي بيتلكك يا فاتن...ممكن تكلمي
فاتن:طيب
فاتن كلمت ادهم وطلبت منه أنهم يتقابلوا وهو وافق وفاتن لبست ونزلت تقابل ادهم
فاتن:ريهام كلمتني
ادهم:قالتلك اية
فاتن قالت لادهم ملخص اللي حصل
ادهم بهدوء:مقالتش السبب
فاتن:لا
ادهم: الهانم قالتلي خارجة مع قريبها قولت لا راحت قالتلي حاضر مش هروح تمام كدا
فاتن: وبعدين
ادهم:رحت المكان اللي قالتلي هتروح فيه ولقيتها هناك
فاتن:وأية اللي فيها
ادهم زعق:هو اية اللي فيها يا فاتن!!!!واحدة مش بتسمع كلامي ازاي هتبقى مراتي
فاتن بهدوء:بس هي دلوقتي مش مراتك ولا حتى خطيبتك يا ادهم انت مش مسؤل عنها
ادهم بتريقة:بجد!! طبعا عايزة تتطلعيني غلطان صح
فاتن:لا طبعا انت فاهم غلط
ادهم:لا انا فاهم صح سيادتك عايزة تغلطيني وتبيني لريهام اني غلطان علشان نسيب بعض خالص وبعدين ارتبط بيكِ صح!!
فاتن وقفت:اية الهبل دا يا ادهم انت ازاي تفكر في كدا
ادهم:لأن دي حقيقتك يا فاتن عايزاني ابعد عن ريهام علشان اكون معاكِ ودلوقتي بتعملي دور البنت الطيبة اللي بتساعد الكل وساعتها هتكبري في نظري صح بس عايز اقولك أن انا وريهام بنحب بعض وكل مرة بنتخانق بترجع علاقتنا اقوى من الاول وانا بحبها هي وبس ومش هحب غيرها
فاتن ضحكت بكسرة:دا تفكيرك فيا يا ادهم!!!
ادهم مردش راحت فاتن زعقت
فاتن:ساكت لية يا ادهم رد!!بعد دا كله تقولي كدا...بس عايزة اقولك حاجة انا كلمت ريهام وسمعت منها وقولت اقابلك وسمعت منكم علشان اصالحكم على بعض علشان انا عارفة انك بتحبها وعلشان انا بحبك فيهمني سعادتك اسفة يا ادهم اني ادخلت في حياتك واسفة اني اهتميت بسعادتك سلام
فاتن مشيت وادهم فضل واقف مكانه ومش عارف يعمل اية فاتن راحت عند ليلى وخبطت على الباب وليلى فتحت وفاتن رميت نفسها في حضن ليلى
ليلى بقلق:في اية بتعيطي لية
فاتن مردتش وليلى اخدتها الاوضة بتاعتها
ليلى:خلاص يا فاتن كل حاجة هتتصلح
فاتن:مفيش حاجة بتتصلح يا ليلى كل حاجة بتخرب
ليلى:طب قوليلي حصل اية
فاتن قالت لليلى كل حاجة
فاتن:كنت فاكرة أن هو فهمني وعارفني بس طلع غريب عني
ليلى:ادهم بيحب ريهام يا فاتن ارجعي من طريق دا أنتِ خسرانة
فاتن:انا بحبه
ليلى:مفيش حب من طرف واحد يا فاتن مش أنتِ دايما بتدعي ربنا أن ادهم يحبك؟
فاتن:اه
ليلى:غيري دعوتك وادعي انك تنسي ادهم
فاتن:حاضر بس خليكِ معايا متسبنيش
ليلى:ومن امتى ليلى يتسيب فاتن
فاتن:ما أنتِ سبتيني بقالك يومين
ليلى:انا مسبتكيش انا بعدت علشان تعرفي غلطك بس انا موجوده دايما واحنا هنفضل صحاب
فاتن:الي الأبد؟
ليلى: إلي الأبد
فاتن عملت بلوك لادهم ومسحت رقمه... رحيل راحت عند صحبتها رهف
رحيل:رهف أنتِ متغيرة معايا
رهف:متغيرة اية يا رحيل أنتِ متهيالك بس
رحيل:لا متغيرة مش بقيتي تكلميني زي الاول ولا بتيجي عندي ولا بنخرج ولا اي حاجه
رهف:يا بنتي انا بقالي فترة زهقانة ومش قادرة اكلم حد
رحيل:مالك يا رهف
رهف:مش عارفه حاسة بملل
رحيل:اية رايك نخرج
رهف:مش معايا فلوس
رحيل:وأية يعني تعالي هخرجك على حسابي
رهف:لا طبعا يا
رحيل قاطعتها بإصرار:البسي خلصي
رهف قامت ولبست ورحيل اخدتها وخرجتها وفي آخر اليوم
رهف:شكرا جدا يا رحيل مش عارفة بجد من غيرك كنت هعمل اية
رحيل:بطلي هبل مفيش شكر بينا أنتِ اختي
رهف حضنت رحيل ورهف روحت البيت ورحيل مشيت
باك*
مراد:معلش عايز اسال سؤال
ليلى:اسال يا مراد
مراد:هي رهف فعلا كانت متغيرة مع رحيل لأنها زهقانة
ليلى:اه
مراد:طب كملي
ليلى:اوعى تقطعني تاني
مراد:حاضر
ليلى بدأت تحكي باقي الحكاية
مريم كانت دايما تعمل مشاكل بس من تحت لتحت
مريم:سليمان ياسمين مش عجباني
سليمان:ازاي يعني
مريم:كل لما نخرج بتبقى دايما على الموبايل ومش بتسيب الموبايل من أيدها
سليمان:قصدك اية؟
مريم بخبث:مش عارفه ممكن تكون بتكلم حد
سليمان زعق:أنتِ اتجننتي ولا اية
مريم بسرعة:مش قصدي حاجة وحشة اقصد يعني ممكن يكون في حد عايز يتقدملها وهي مثلا بتتكلم معا علشان تتعرف عليه
سليمان:ياسمين متعملش كدا
مريم:اه طبعا بس لازم تتأكد
سليمان:ازاي
مريم بخبث:فتش موبايل بتاعها مثلا
سليمان سكت وقرر يفتش موبايل ياسمين وتاني يوم بليل راح البيت وندا على ياسمين
سليمان:ياسمين
ياسمين:أيوة يا بابا
سليمان:هاتي موبايلك
ياسمين بتوتر:لية
سليمان:هو اية اللي لية
ياسمين:حاضر
ياسمين دخلت تجيب موبايلها واعطيت موبايل لسليمان وسليمان فتش وملقاش حاجة!!
سليمان ابتسم:خودي
ياسمين اخدت موبايل ودخلت جوا
حنان:بدأت تمشيك
سليمان:قصدك اية يا حنان
حنان:اقصد ان عمرك ما طلبت من العيال تفتش موبايل ودلوقتي جاي تفتش يظهر أن الهانم طلبت منك كدا
سليمان:الزمي حدودك يا حنان انا محدش يقدر يمشيني
حنان بتريقة:واضح
سليمان مردش ودخل الاوضة
وليلى كانت قاعدة مع ياسمين
ليلى:ازاي بابا ملقاش حاجة
ياسمين ابتسمت:حظي حلو قبل ما بابا يجي عملت للموبايل سوفت وير وكل حاجة اتمسحت
ليلى: احمدي ربنا انك عملتي كدا علشان لو بابا كان شاف حاجة كان قتلك
ياسمين ببرود:يقتلني كدا كدا بايظة
ليلى مردتش وخرجت برا وطلعت البلكونة
باك"
ليلى:كفاية عليك النهاردة
مراد:انا لو حد سألني مين ارخم حد في الكون هقوله ليلى
ليلى ضحكت ومراد ابتسم لما ضحكتك
مراد:تعرفي أن ضحكتك جميلة اوووي
ليلى:عارفة
مراد ابتسم:سوال النهاردة بقا
ليلى:لا انا اللي هسالك النهاردة
مراد بتفكير:اممم طيب
ليلى: في حد دخل حياتك قبل كدا وخذلك
مراد:لا الحمدلله
ليلى:يا بختك
مراد:اتخذلتي قبل كدا
ليلى:يووو دا كان فرح خذلان
مراد:بتكرهي الخذلان؟
ليلى:بخاف منه
مراد:لية
ليلى:لان يا مراد الخذلان تقريبا ازبل حاجة في كون لانك بتكون متتوقعش أن الحاجة دي تحصل من الشخص دا فالشخص دا بيخذلك وساعتها بتفقد ثقتك في كل ناس خوفاً أن حد يخذلك تاني
مراد ابتسم:كلامك كله صح يا ليلى
ليلى ابتسمت:يلا بقا طريقك زراعي
مراد ابتسم:باي يا لولي
ليلى:باي
نروين عبدالمنصف