خمسة اغسطس

البارت السابع

خمسة اغسطس
البارت السابع
ياريت كلنا ندعي لمصطفى حفناوي.. اللهم ثبته عند السؤال اللهم ثبت لسانه ع قول لا اله الا الله والشهادتين اللهم وسع نزله اللهم ارحمه واغفر له واسكنه فسيح جناتك واحشره مع الصدقين والنبيين الللهم أبدله دارا خيرا من داره واهلا خيرا من أهله وصاحب خير من صاحبه اللهم انس وحشته وارحم ضعفه وقله حيلته اللهم عامله بما أنت أهله ولا تعامله بما هو أهله اللهم ارحمه وارحم موتانا و موتي المسلمين

مراد صحي الصبح بحماس وراح عند ليلى
مراد:صباح الخير
ليلى:صباح النور
مراد:كملي بقا
ليلى:ماشي
فلاش باك*
فات تلات اسابيع وكلها حاجة ماشية كويس وفي يوم
ليلى كانت بتتمشى لوحدها وحاطة الهاند فري في ودنها وفجأة شافت ياسمين قاعدة مع مازن ومازن عمال يمسك أيدها ويلعب في وشها وهي حاطة ميكب كتير وحاطة التيشيرت جوا البنطلون!ليلى استغرب جدا شكل ياسمين لأن ياسمين مكنتش نازلة كدا كانت مش حاطة ميكب وكانت مخرجة البلوزة من البنطلون ليلى وقفت كتير تفكر تروح عندها ولا تستنى لما تروح وبعدين قررت لما ياسمين تروح...ليلى روحت البيت علشان تستنى ياسمين وحنان كانت قاعدة
ليلى:هي فين ياسمين
حنان:راحت مع صاحبتها تجيب حاجات
ليلى:اممم طيب
ليلى فضلت قاعدة مع حنان وشوية ياسمين جت بس كانت ماسحة الميكب وكانت مخرجة التيشيرت من البنطلون
ليلى:روحتي أنتِ وصاحبتك فين يا ياسمين
ياسمين بتوتر:رحنا نجيب حاجات وبعدين اتمشينا
ليلى:اممم
ياسمين دخلت اوضتها وليلى دخلت معاها
ليلى:كنتِ مع صحبتك مين يا ياسمين
ياسمين بتوتر:تقى
ليلى:اممم يعني مكنتيش مع شاب
ياسمين بصيت لليلى كتير وبعدين اتكلمت:ملكيش دعوة
ليلى:انا شوفتك مع واحد يا ياسمين وسيادتك مكنتيش بالشكل دا
ياسمين:اومال كنت ازاي
ليلى:كنتِ حاطة ميكب وحاطة التيشيرت جوا البنطلون والاستاذ ماسك ايدك وبيلعب في وشك
ياسمين:ليلى افهمي مازن بيحبني
ليلى بتريقة:بجد بيحبك!!اممم طب لية متقدمش؟
ياسمين:لأن شقته بتجهز
ليلى:وأنتِ مصدقة بقا الكلام دا
ياسمين:اه
ليلى:أنتِ غبية دا بيلعب بيكِ يا ياسمين
ياسمين:بيحبني وهتشوفي
ليلى:ماشي يا ياسمين
ليلى خرجت وفي دماغها فكرة وقررت انها تنفذها
فاتن كانت قاعدة ونزلت تتمشى وقابلت ادهم بالصدفة
فاتن بفرحة:ادهم!
ادهم راح ناحيتها:ازيك يا فاتن
فاتن:كويسة وانت
ادهم بضيق:كويس
فاتن:شكلك مضايق
ادهم سكت ومردش
فاتن:يبقى مضايق تعالى نتمشى واحكيلي
ادهم:ماشي
فاتن مشيت هي وادهم
فاتن:ها بقا مالك
ادهم:هو انا وحش
فاتن كشرت:وحش ازاي
ادهم:يعني مش جدع وكدا مستحقش اني اتحب!
فاتن بتسرع:لا طبعا يا ادهم انت طيب وجدع وقمر وتستحق تتحب
ادهم ابتسم وسكت
فاتن:مين مزعلك؟
ادهم بنرفزة:هو في غيرها ريهام الزبالة
فاتن:اية اللي حصل
ادهم اتفجر:الهانم كل يوم بتبعد عني بحجة شكل ويوم ما نكون حلوين مع بعض تتخانق معايا على أسباب تافهه مش فاهم اية القرف دا
فاتن:لازم يا ادهم يبقى في خناقات مينفعش العلاقة تكون دايما حلوة لازم يوم حلو ويوم وحش
ادهم بصلها:دا كل يوم وحش يا فاتن وفي الاخر انا اللي بروح اصالحها مع انها هي اللي بتكون غلطانة
فاتن بصيت قدامها:ساعات يا ادهم لازم نيجي على نفسنا علشان خاطر اللي بنحبهم
ادهم:بس مش لدرجة دي اني افضل كل مرة انا اللي اصالحها دا لو انا مصلحتهاش هي مش هتكلمني
فاتن:لو بتحبها بجد يا ادهم يبقى تستحمل احنا كابنات بنحب دايما الناس تصالحنا مش بنحب احنا اللي نصالح
ادهم:بس انا انسان وليا طاقة وانا طاقتي من ناحيتها خلصت
فاتن:بتحبها بجد؟
ادهم:صدقيني معرفش بحبها ولالا
فاتن وهي باصة قدامها:لا انت بتحبها عارف لية
ادهم بصلها:لية
فاتن بحزن:علشان الزعل اللي في عيونك يا ادهم...انت علشان متخانق معاها باين على ملامحك الزعل صالح ريهام يا ادهم وفهمها براحة كل حاجة وهي بتحبك وهتقدرك وهتلاقيها بطلت كل حاجة وحشة
ادهم:اقفلي السيرة دي دلوقتي يا فاتن
فاتن ابتسمت وسكتت وادهم سكت شوية وبعدين اتكلم
ادهم:أنتِ لسة بتحبيني
فاتن:بتسال لية
ادهم:ردي بس
فاتن بإصرار:بتسال لية
ادهم ببساطة:علشان لو لسة بتحبيني وانا سيبت ريهام هاجي اخطبك فها بقا لسة بتحبيني؟
فاتن سكتت ومش عارفة تقول اية خايفة تقول لا وادهم يبعد عنها وفي نفس الوقت خايفة على كرامتها بس دا ادهم حبيبها وممكن يسيب ريهام ويخطبها
فاتن بهدوء:اه عايزني اكون بديل ريهام علشان تنساها بيا
ادهم:لا طبعا انا هبقى عايز اخطبك علشان عايز اخطبك مش علشان تكوني بديل
فاتن حسيت أن في حاجة حلوة هتحصل وان ادهم بدأ يحبها!!
فاتن ابتسمت:أيوة يا ادهم لسة بحبك
ادهم ابتسم:ماشي تعالي نمشي علشان الوقت اتاخر
فاتن: ماشي
ادهم وصل فاتن وبعدين مشي وهي كانت فرحانة