خمسة اغسطس

البارت الخامس

خمسة اغسطس
البارت الخامس
مراد راح المستشفى وراح عند عاصم
عاصم:خير يا مراد يابني
مراد:ممكن اخد ليلى النهاردة ونخرج
عاصم:تخرجوا ازاي يعني
مراد:حابب أن ليلى تطلع برا المستشفى نروح اي مكان نتكلم فيه
عاصم:بس انت عارف قوانين المستشفى
مراد:عارف...وليلى هتبقى على مسئوليتي اوعدك اني هرجعها سليمة
عاصم بتفكير:ماشي يا مراد
مراد شكر عاصم وراح عند ليلى
مراد:البسي
ليلى باستغراب:لية
مراد:هنخرج
ليلى:نخرج!
مراد:اه أنتِ مزهقتيش من المستشفى
ليلى:زهقت بس
مراد:من غير بس يلا
ليلى:حاضر
ليلى لبست ومراد استناها برا وبعدين نزلوا وركبت العربية جمب مراد ومشيوا ووصلوا الكافية
ليلى:اشمعنا جبتنا المكان دا
مراد:انا بحب المكان لما بكتئب أو ببقى عايز ابعد عن الناس باجي هنا لو مش عجبك ممكن نروح مكان تاني
ليلى:لالا حلو جدا
مراد ابتسم:كملي الباقي
ليلى:طيب
فلاش باك*
فاتن بعدت عن ادهم نهائي وهو محاولش يكلمها...وفي يوم من الايام كانت ماشية في الشارع وفي شاب بيعاكسها
الشاب: القمر ماشي لوحده لية
فاتن مردتش عليه ومشيت بسرعة
الشاب وقف قدامها:مالك بس مستعجلة كدا لية
فاتن:ابعد عني احسنلك
الشاب ضحك:لا مش هبعد
الشاب قرب من فاتن وكان هيمسك دراعها بس لقى ايد مسكته
ادهم:انت مالك بيها
الشاب كان لسة هيرد بس ادهم ضربه جامد في قلبه ووقع وفضل بتخانق معا وفاتن واقفة خايفة على ادهم
ادهم زعق:امشي روحي
فاتن روحت بسرعة وضربات قلبها عالية واتصلت بليلى وقالتلها على اللي حصل
ليلى:طب وانت هتعملي اية
فاتن:مش عارفه يا ليلى...اقفلي اقفلي ادهم بيتصل
فاتن مستنتش رد ليلى ورديت على ادهم
ادهم بغضب:اية اللي حصل
فاتن قالت لادهم على اللي حصل
ادهم زعق:هو في بنت محترمة تمشي في وقت زي دا
فاتن:على فكرة غصب عني كنت بجيب دواء من الصيدلية
ادهم زعق:مش معاكي زفت رقمي كنتِ تتصلي بيا وانا اجي معاكِ
فاتن:مجاش في بالي
ادهم سكت وهي كمان سكتت
ادهم:لسة زعلانة مني
فاتن:كنت زعلانة بس بعد اللي عملته النهاردة نسيت خلاص
ادهم:حقك عليا انا اسف 
فاتن ابتسمت:مش زعلانة خلاص
ادهم قفل معاها وهي فرحت جدا جدا واتصلت بليلى
ليلى: وبعدين
فاتن:بصي يا ليلى انا عارفة انك بتحبيني وخايفة عليا وانا مقدرة دا بس انا حاسة أن ادهم معجب بيا ومع الوقت هينسى ريهام وهيبقى ليا هو اساسا مش بيحبها هو متعود عليها مش اكتر
ليلى اتنهدت:برحتك يا فاتن بس خليكِ عارفة أن احتمال تخسري
فاتن:مش هخسر صدقيني
ليلى:ماشي يا فاتن وانا معاكِ دايما
فاتن ابتسمت:ربنا يخليكي ليا
ليلى: ويخليكي ليا

مراد:معلش عايز اسال سؤال
ليلى:ها
مراد: مفروض أن ادهم دا بيحب ريهام صح
ليلى:اه
مراد:لية بقا بيعمل كدا مع فاتن
ليلى:اعتقد يا مراد أن ادهم كان عايز يضمن وجود فاتن
مراد كشر:ازاي مش فاهم
ليلى: ادهم عارف أن فاتن بتموت فيه فهو كان عايز يضمن وجودها لان هو كان بيتخانق مع ريهام كتير
مراد:انا بجد مش قادر استوعب أن في ناس كدا!يعني هو عارف أن فاتن بتحبه وهو لما يفضل يعمل كدا هي هتتعلق بيه اكتر وفي الاخر محدش هيتاذي غيرها
ليلى:هما دول البشر يا مراد قاسيين تقريبا البشر اقسى من الحيوانات
مراد:فعلا يا ليلى عندك حق هما اقسى من الحيوانات
ليلى ابتسمت وهو ابتسملها
مراد:كملي
ليلى بدأت تحكي
في يوم من الايام ياسمين كانت قاعدة مع حنان
ياسمين: ماما انا خارجة بكرا مع صحبتي
حنان:صحبتك مين
ياسمين:صحبتي ندى
حنان:ماشي
تاني يوم ياسمين صحيت ونزلت وراحت الكافية وكان في واحد مستنيها هناك
ياسمين بابتسامة:ازيك يا مازن
مازن: الحمدلله يا ياسمين أنتِ عاملة اية
ياسمين:كويسة
وبعد سلامات بينهم
مازن:وحشتيني
ياسمين:وانت كمان وحشتني هتتقدم ليا امتى
مازن:هانت يا حبيبتي بجهز الشقة وهنتجوز اية رايك تشوفيها
ياسمين كشرت:ازاي
مازن ببساطة:هاخدك ونروح نشوفها
ياسمين:لا طبعا
مازن:لية
ياسمين: مينفعش يا مازن
مازن كشر:أنتِ مش بتثقي فيا
ياسمين:مش حكاية بثق فيك بس دا مبدأ مش اكتر
مازن ابتسم:ماشي يا حبيبتي
ياسمين:انا همشي بقا علشان اتاخرت
مازن:خليكِ شوية
ياسمين:مش هينفع
مازن:ماشي لما توصلي كلميني
ياسمين:حاضر يلا باي
مازن:باي
ياسمين روحت وهي فرحانة حاسة أن مازن هو العوض الحقيقي عن كل حاجة شافتها...بليل ياسمين كانت بتكلم مازن مكالمة فيديو
مازن:اتصدقي شعرك حلو
ياسمين:بجد
مازن:طبعا بجد أنتِ اصلا كلك حلو
ياسمين بكسوف: ميرسي
ليلى كانت ماشية وسامعة صوت ياسمين بتتكلم مع ولد راحت دخلت عليها وشافتها وهي بتكلم مازن
ياسمين:أنتِ تدخلي كدا من غير ما تستاذني!!
ليلى بغضب:أنتِ تسمحي لنفسك تعملي كدا من امتى وأنتِ بتكلمي حد فيديو وبشعرك كمان يا محجبة
ياسمين:شششش ماما هتسمع
ليلى:خليها تسمع خليها تشوف بنتها المحترمة بتعمل اية انا عايزة افهم دلوقتي أنتِ ازاي بقيتي بالقذارة دي يا ياسمين مش خايفة من ربنا!!
ياسمين:للمرة المليون يا ليلى بقولك ملكيش دعوة بحياتي
ليلى:حلو اوووي انا لو شوفتك بتعملي حاجة تاني غلط هقول لبابا يا ياسمين
ياسمين بلامبلاة:قوليلوا
ليلى:ماشي
ليلى طلعت برا وياسمين كملت كلام مع مازن
فاتن كانت قاعدة بتكلم ادهم
فاتن:مش ناوي تحبني يا ادهم
ادهم ضحك:ياريت احبك يا فاتن
فاتن:طب ما تحاول تحبني
ادهم:صدقيني مش هينفع
فاتن:مفيش حاجة اسمها مش هينفع
ادهم:وريهام
فاتن:عادي ممكن ريهام تحب غيرك
ادهم:والله
فاتن ببراءة:اه
ادهم:اسكتي ونبي يا فاتن
فاتن بتذمر:حاضر
ادهم اتكلم مع فاتن وبعدين قفل
باك*
ليلى:هي الناس دي لية واقفة كدا حوالين الشاب دا؟
مراد:دا عامر هو غني شوية قبل كدا عزم الناس دي ومن ساعتها كله حواليا
ليلى:وطبعا الناس دي بتستغلوا
مراد:هو اللي غبي
ليلى:لا طبعا هو مش غبي هو معندهوش صحاب  معندهوش حد يبقى معا فعلشان كدا بيعزم الناس دي يمكن حد يصاحبه بس للاسف الناس بتستغله وتستغل طيبته...متحكمش على حد يا مراد من غير ما تعرفه لأن هتلاقي جوا كل واحد قصة حزينة
مراد:ما ممكن الناس دي بتحبه بجد ويمكن هو مش حزين
ليلى:بص كدا عليهم هتلاقيهم بياخده حاجتهم ويمشوا!! محدش بيقعد معا!محدش بيسالوا مالك! محدش بيقولوا مضايق لية! محدش بيسالوا اية اللي تعبه!بص كدا عليه هتلاقي في عيونه كمية حزن وخذلان الإنسان دا وحيد
مراد. بصلها:وأنتِ يا ليلى وحيدة
ليلى:انا يا مراد وحيدة اكتر ما هو وحيد جايز علشان كدا قدرت أفهمه
مراد:بس انا معاكِ يا ليلى
ليلى:انت مش معايا يا مراد انت معا ليلى المريضة
مراد:مش احنا صحاب
ليلى:يمكن
مراد:لا اكيد احنا صحاب وانت بعتبرك صحبتي مش ليلى المريضة
ليلى ابتسمت:طب يلا نقوم نمشي
مراد مشي ووصل ليلى المستشفى وبعدين روح