خمسة اغسطس
البارت السابع والعشرون
تاني يوم ياسمين كانت رايحة الكوافير وبصت لليلى
ياسمين بغضب:كل دا ملبستيش يا ليلى
ليلى باستغراب:وانا البس لية
ياسمين:مش هتروحي الكوافير؟
ليلى:لا
ياسمين:لية
ليلى بغرور مصطنع:انا قمر في كل حالاتي يا ياسمين
ياسمين ضحكت:طيب انتِ حرا
ليلى ابتسمت:خالتو رايحة معاكي
ياسمين ابتسمت:اه
ليلى:طيب
ياسمين راحت الكوافير وليلى كانت قاعدة في البيت وبعتت رسالة لمالك
ليلى:"مالك صورلي البدلة بتاعتك"
مالك شاف الرسالة ومردش
ليلى:اية دا دا مردش عليا من اولها بيخوني حلو اوووي لو بعت رسالة مش هرد انا هلغي الجوازة دي خالص من اولها مش بيهتم بيا اومال بعد الجواز هيعمل اية انا لو اتصل بيا أو بعتلي رسالة مش هرد عليه ابدا
بعد ثانية مالك اتصل بيها وهي ردت بسرعة
ليلى: بتشوف الرسالة ومش بترد يا مالك عظيم والله يا مالك اومال بعد الجواز هتعمل اية!!هتعملي بلوك؟
مالك ضحك:يا بنتي أنتِ زهقتيني بعتلك صورة البدلة اكتر من1000صورة
ليلى:اية دا ثواني كدا
مالك:في اية
ليلى:انت بتقول زهقتك!!!طب طالما زهقتك بتتجوزني لية
مالك:يا نهار ابيض النكد بدأ
ليلى:نكد!يعني انا نكدية ماشي يا مالك سلااام
مالك ضحك:استني انا بهزر
ليلى مردتش
مالك:خلاص ياستي حقك عليا
ليلى:خلاص سامحتك
مالك ضحك:ماشي...هتروحي الكوافير امتى مع ياسمين
ليلى:مش هروح
مالك باستغراب:لية
ليلى:علشان مش بحب الكوافيرات يبخلوا البنات زي العفاريت وبعدين انا قمر في كل حالاتي
مالك:أنتِ فعلا قمر في كل حالاتك وانا مش بحب الكوافيرات
ليلى:طب اقفل بقا علشان هنام شوية وبعدين اجهز
مالك ابتسم:ماشي يا قمر باي
ليلى:باي
مالك قفل وليلى ابتسمت وفضلت تفكر ازاي مالك دخل حياتها وغيرها كدا!!ازاي ممكن انسان يدخل حياتنا بالصدفة ويبقى كل حياتنا!!ازاي مالك جميل كدا!!طب لو عرف حقيقتها هيبقى رد فعله اية!!هيسيبها ولا هيكمل!!بس هي خلاص مش هتقتل حد تاني!!
ليلى فضلت تفكر كتير ومقدرتش تنام وبعدين قامت تجهز
ياسمين خلصت وكانت قاعدة مستنية علي وخالتها راحت ناحيتها
ابتهال (خالة ياسمين):اية الجمال دا يا حبيبتي زي القمر
ياسمين:حلوة بجد
ابتهال:زي القمر حنان كان نفسها تشوفك انتي وليلى وانتوا عرايس
ياسمين دمعت:وانا كان نفسي تكون معايا هي وبابا
ابتهال مسحت دموعها:متعيطيش هي دلوقتي شايفاكي انتي وليلى وفرحانة بيكم
ياسمين ابتسمت ومسحت دموعها وعلي جاء وهي طلعت عنده
علي:اية الجمال دا انا عروستي زي القمر
ياسمين بكسوف:ربنا يخليك
علي بهزار:ربنا يخليك سادة كدا!!مفيش حبيبي
ياسمين ضحكت:يلا يا علي هنتاخر
علي ابتسم:يلا
علي وياسمين مشيوا وراحوا القاعة
شادي كان واقف تحت البيت ومستني رحيل وبعد شوية رحيل نزلت وهو راح ناحيتها مبتسم
شادي بحب:انتِ العروسة ولا ياسمين
رحيل ابتسمت بكسوف
شادي:ما تجيبي بوسة وأنتِ زي القمر كدا
صالح من ورا:بتقول اية يا شادي
شادي بص لصالح وبرق:والله لا مش معقول كدا يا عمي انت بتطلع منين
صالح بغيظ:بطلع من البيت ويلا بينا هنتاخر
شادي باستغراب:انت رايح فين
صالح:رايح فرح ياسمين
شادي:يعني انت جاي معانا
صالح ببرود:اه ويلا
صالح مشي وشادي كان واقف وهيتشل من صالح وصالح ركب جمب شادي ورحيل وهالة ورا
شادي بغيظ في سره:انا علمت اية وحش في حياتي يارب علشان حماية يطلع كدا
صالح:عملت كل خير يابني
شادي بصدمة:انت سمعت ازاي
صالح:من ودني
شادي بغيظ:ماشي
ورحيل وهالة ورا بيضحكوا على شادي
أنت تقرأ
خمسة اغسطس
Acciónليلى:لا طبعا هو مش غبي هو معندهوش صحاب معندهوش حد يبقى معا فعلشان كدا بيعزم الناس دي يمكن حد يصاحبه بس للاسف الناس بتستغله وتستغل طيبته...متحكمش على حد يا مراد من غير ما تعرفه لأن هتلاقي جوا كل واحد قصة حزينة مراد:ما ممكن الناس دي بتحبه بجد ويمكن ه...
