خمسة اغسطس

البارت الثالث عشر

خمسة اغسطس
البارت الثالث عشر

ليلى واقفة على السور وباصة للسماء وبتقدم رجلها وبعدين ترجعها تاني
_:نطي مستنية اية متخفيش مش هخلي حد ينقذك
ليلى بصيت لصاحب الصوت وكان شاب واقف وحاطيت أيده في جيبه والإيد التانية ماسك بيها الچاكت...بعد ما ليلى بصيت لشاب بصيت تاني قدامها
الشاب:عايزة تنتحري لية؟
ليلى مردتش عليه
الشاب:على فكرة أنتِ مش عايزة تموتي
ليلى بصيت لشاب وهو كمل:أنتِ عايزة تموتي اللي جواكي ..عايزة تموتي الحاجات اللي وجعاكِ أنتِ لو دلوقتي وقعتي في النيل هتفضلي تعافري علشان تطلعي صدقيني انتِ مش عايزة تنتحري
ليلى حسيت أن كلام الشاب دا صح بس هي قاتلت مينفعش تعيش!
ليلى:لا انا لازم اموت
الشاب:لية لازم!!ومين قال إن دا لازم!ولازم عند مين
ليلى:لازم عندي انا
الشاب:اية اللي حصل لكل دا!!
ليلى بصيت قدامها:غلطت غلطة كبيرة غلطة مينفعش تخليني اعيش...بس كنت لازم اعمل كدا.... ساعات بنعمل حاجات مش عايزين نعملها علشان هي دي بتبقى الحاجة الصح
الشاب:وأية يعني كلنا بنغلط وبنصلح غلطنا احنا بشر وبنعلط...صلحي غلطك أنتِ كدا بتخسري اكتر.....هتخسري دنيتك واخرتك
ليلى بصيت قدامها كتير وبعدين نزلت من على السور وبصيت للشاب
ليلى ابتسمت:شكرا
ليلى مستنتش رد الشاب ومشيت وراحت البيت وكان سليمان ماسك ورقة
ليلى:اية الورقة دي
سليمان بحزن:دي ورقة من مريم
ليلى:كاتبة اية
سليمان قرأ الورقة:"انا اسفة يا سليمان انا مش هقدر اعيش معاك اكتر من كدا انت زهقتني في حياتي وكرهت الحياة بسببك خلي بالك من يزن سلام"
ليلى:يعني اية
سليمان:مريم انتحرت يا ليلى
ليلى بصيت قدامها:هي هتروح المشرحة كدا؟
سليمان:انا طلبت من الظابط أنها مترحش المشرحة
ليلى:وهو وافق؟
سليمان:صحابي الظباط ادخلوا وهو وافق
ليلى:طيب
ليلى دخلت جوا وبصيت للمراية وكلمت نفسها
ليلى:وبعدين يا ليلى!هتعملي اية!هتفضلي كدا كتير!!اللي حصل حصل خلاص الندم مش هينفع!
ليلى قامت واتوضيت وصليت وفضلت تطلب من ربنا يسامحها وتاني يوم صحيت الصبح بدري وراحت تتطلع صدقة كتير وتساعد الناس وبعدين روحت البيت ولبست اسود وراحت معاهم علشان الدفن وبعد الدفن الكل مشي ما عدا ليلى وليلى قربت من القبر بتاع مريم
ليلى:سامحيني يا مريم بس أنتِ كان لازم تموتي

مراد:ندمك خلص بالسرعة دي
ليلى:وهو الندم هيفيد بأية يا مراد
مراد:مش هيفيد بحاجة بس دا قتل يا ليلى
ليلى:عارفة أن دا قتل انا كنت هكمل في الندم لو قاتلت حد ميستاهلش أن هو يموت بس مريم كان لازم تموت
مراد بهدوء:كملي

فات اسبوعين وليلى منعزلة عن كل الناس..وياسمين اتصاحبت على علي وبقيت تخرج معا ونسيت مازن تماما... ورهف مكلمتش رحيل وحياتها كلها بقيت اروى...ورحيل وفاتن قربوا من بعض جدا وكان قرب عيد ميلاد ادهم
في يوم كانت قاعدة فاتن وبتخطط لكل حاجة واتصلت بأسر علشان تأكد عليه
فاتن:اوعا تنسى يا اسر بعد بكرا المعاد
اسر:حاضر
فاتن:اوعا تقول لادهم حاجة
اسر:عيب عليكِ
فاتن ابتسمت:ماشي باي
فاتن قفلت مع اسر ونامت وتاني يوم صحيت بدري ورحيل راحت عندها وكان باين على وشها التوتر
فاتن بحماس:رحيل يلا بينا أنا هلبس وننزل نجيب حاجات العيد ميلاد وهدية ادهم
رحيل بتوتر:فاتن
فاتن باستغراب:مالك يا رحيل
رحيل اخدت نفس عميق:مينفعش تعملي العيد ميلاد
فاتن كشرت باستغراب:لية؟
رحيل اخدت نفس عميق:لأن ادهم عارف
فاتن:عارف اية؟
رحيل:عارف بموضوع العيد ميلاد
فاتن:وعرف منين ومين اللي قال الكلام دا
رحيل:اهدي واسمعيني... طبعا أنتِ عارفة أن شادي وادهم صحاب
فاتن:اه وبعدين
رحيل:شادي كلمني الصبح وقالي أن اسر قال لادهم عن العيد ميلاد وان ادهم عازم كل صحابه وعازم ريهام
فاتن اتصدمت ومش قادرة تصدق كلام رحيل
فاتن برفض:شادي كذاب
رحيل:هيكدب لية يا فاتن
فاتن:معرفش بس هو كداب
رحيل:بس أنتِ عارفة أن شادي مش بيكذب
فاتن فعلا عارفة أن شادي صادق ومبيكدبش بس بردو مش عايزة تصدق
رحيل:مش أنتِ قولتي أن ادهم جاب هدوم جديدة امبارح
فاتن:اه
رحيل:اشمعنا جاب الهدوم دي دلوقتي!
فاتن:عادي
رحيل:لا مش عادي دا جاب الهدوم علشان هو عارف
فاتن عمالة تفتكر كلامها مع ادهم اخر فترة وكان ادهم متغير معاها وكل شوية بيلمح على عيد ميلاده واقتنعت أن كلام رحيل صح
رحيل فضلت قاعدة معاها وبعدين مشيت واخر النهار اسر بعت مسدج لفاتن وفاتن فتحت الرسالة "بكرا ميعادنا؟"
فاتن شافت الرسالة وفضلت باصة للرسالة كتير وبعدين قالت اه

ياسمين كانت قاعدة مع علي
علي:ينفع أسألك سوال
ياسمين:اه طبعا اتفضل
علي:أنتِ لية دايما زعلانة!لية كل لما اقرب بتعدي
ياسمين فضلت ساكتة ومش بترد
علي:انا اسف مش
ياسمين قاطعته: متتاسفش...انا هقولك على كل حاجه
ياسمين قالت لعلي على مازن وان مازن اتقدم لليلى اختها
علي بهدوء:أنتِ غبية يا ياسمين
ياسمين باستغراب:لية
علي:لانك زعلانة على كلب دا الكلب انضف منه يا ياسمين دا مش بني ادم!!دا كان عايز يوقع بين أختين...وملكيش حق تزعلي من ليلى لأن ليلى رفضته هي مش ذنبها حاجة
ياسمين:عارفة أن ليلى مش ذنبها حاجة بس غصب عني يا علي
علي:مفيش حاجة اسمها غصب عنك يا ياسمين..ابدائي من جديد وصلحي اختك وانا دايما معاكِ
ياسمين ابتسمت لعلي وسكتت

ليلى كانت قاعدة في الكافية وفتحت الانستجرام بتاعها وشافت صور فاتن ورحيل وشافت فاتن وهي فرحانة مع رحيل!! اضايقت جدا وصعبت عليها نفسها!معقول فاتن نسيتها بالسرعة دي!!معقول فاتن سمحت لرحيل تاخد مكانها بالسهولة دي!!طب هي لية مفتقدة فاتن!!لية مش عايزة تتصاحب على حد غيرها!!
فضلت أسئلة كتير في دماغها لحد ما زهقت وقامت ومشيت

ليلى:كفاية كدا يا مراد
مراد بتفهم:طيب تصبحي على خير
ليلى:وانت من أهله
مراد مشي وراح البيت ونام وهو مخنوق ومش عارف اية سبب خنقته
رائيكم
نروين عبدالمنصف