خمسة اغسطس

البارت العشرون

خمسة اغسطس
البارت العشرون

مالك:انا بحبك
ليلى عينها وسعت ومش قادرة تصدق أن مالك بيحبها..مالك قرب منها خطوة وهي بعدت خطوة ومالك قرب خطوة تانية وليلى بعدت خطوة تانية
مالك:بتبعدي لية يا ليلى
ليلى هزيت دماغها برفض:مينفعش يا مالك
مالك:اية هو اللي مينفعش
ليلى:كل حاجة متنفعش
مالك:ومين اللي قال متنفعش
ليلى:الظروف اقوى مني يا مالك
مالك مد أيده:حطي ايدك في أيدي وانا وأنتِ هنتغلب على الظروف
ليلى بصيت لإيد مالك:للاسف الظروف اقوى مني ومنك يا مالك
ليلى قالت جملتها وجريت بسرعة ومهما مالك ينادي عليها هي مبتقفش ومكملة جري....ليلى وصلت البيت ورنت الجرس واتفاجات أن حنان فتحت
ليلى:اية دا انتوا جيتوا امتى
حنان ابتسمت:من شوية
ليلى سلميت عليهم ودخلت جوا تعيط كتير

مراد:عيطتي لية؟
ليلى:علشان مالك بيحبني
مراد كشر:ودي حاجة تزعل
ليلى:اه لان هو مخدوع بيا
مراد:مخدوع بيكِ ازاي
ليلى اتنهدت:مالك بيحب ليلى البريئة اللي كل الناس بتحبها مش بيحب ليلى القاتلة انت نسيت اني قاتلت مريم
مراد بصلها:بس هو ممكن بتقبل ليلى القاتلة
ليلى:وممكن لا وحتى لو هو تقبل ليلى القاتلة أهله مش هيتقبلوا
مراد:لو بيحبك بجد يا ليلى مش هيفرق معا حاجة مش هيفرق معا أنتِ قاتلة أو لا
ليلى:ممكن يكون مش بيحبني بجد وساعتها انا بس اللي هتاذى
مراد بتفهم:طيب كملي
ليلى بتعب:لا انا تعبت بكرا
مراد ابتسم:ماشي
مراد مشي وليلى نامت وتاني يوم مراد صحي الصبح وراح عندها
مراد:كملي يلا
ليلى ابتسمت:طيب

ياسمين بجدية:علي عايزة اقولك حاجة
علي باهتمام:قولي سامعك
ياسمين كانت متوترة ومش عارفة تبدأ منين:بص... الصراحة يعني...انا
علي ابتسم:ياسمين حبيبتي قولي اللي أنتِ عايزاه من غير توتر وخوف
ياسمين:بس انا خايفة لما تعرف تبعد عني
علي:بتحببني؟
ياسمين:اية
علي:بتحبيني ولالا؟
ياسمين:بحبك طبعا
علي ابتسم:انا دي اهم حاجة عندي انك بتحبيني أي حاجة تولع
ياسمين اطمنت شوية:فاكر مازن؟
علي بغيرة:أيوة
ياسمين اخدت نفس عميق وحكيت لعلي عن كل اللي حصل من مازن وعلي كان بيسمعها باهتمام لحد ما خلصت كلام وعلي كان ساكت
ياسمين بتوتر:علي قول حاجة
علي بهدوء:قومي بينا نمشي
ياسمين:علي
علي قاطعها:يلا يا ياسمين
ياسمين قامت مع علي وعلي وصلها بهدوء وبعدين مشي..وياسمين طلعت وسلميت على أهلها وبعدين دخلت الاوضة وفضلت تتصل بعلي بس هو مردش عليها
ليلى كانت قاعدة في الاوضة ومليكة دخلت عليها وشافتها بتعيط
مليكة:أنتِ بتعيطي يا ليلى
ليلى بدموع:لا
مليكة طلعت وقالت لسليمان وليلى سمعتها وهي بتقول لسليمان واتضايقت من مليكة بس في نفس الوقت فرحت انها هتترمي في حضن ابوها وتعيط براحتها...سليمان دخل
سليمان:مالك يا ليلى
ليلى: مفيش
سليمان:اومال بتعيطي لية
ليلى:عادي اتخانقت مع صحبتي
سليمان:عادي يا ليلى كلنا بنتخانق مع صحابنا متعيطيش
ليلى:ماشي
سليمان خرج وليلى قعدت مصدومة أن سليمان محضنهاش!!