خمسة أغسطس
البارت السادس
مراد راح المستشفى ودخل لليلى
ليلى:اخبارك
مراد:كويس وأنتِ
ليلى:اهو الحمدلله
مراد:نكمل بقا
ليلى:طيب
فلاش باك*
فات اسبوع وخروجات ياسمين ومازن كترت
ياسمين بضيق:مازن
مازن:قلبه
ياسمين:كل دا الشقة بتجهز
مازن:اعمل اية يا ياسمين مش بايدي
ياسمين:تعالى اتقدم
مازن:والله!!ولما ابوكي يسالني معاك شقة ساعتها أقوله اية
ياسمين:قوله اه ما انت معاك شقة
مازن:ماشي معايا بس مش جاهزة
ياسمين:على فكرة انت بتتلكك
مازن بزهق:يووو يا ياسمين مش هنخلص من موضوع دا
ياسمين بزعل:انت بتتسلى يا مازن
مازن:لا يا ياسمين مش بتسلى بس انا مش بحب حد يمسك عليا حاجة عايز لما اروح واتقدم ابقى كامل علشان محدش يتكلم عليا كلمه واحدة
ياسمين بتفهم:ماشي يا مازن
مازن شد ياسمين في حضنه وهي فضلت قاعدة في حضنه
ليلى كانت قاعدة مع فاتن
ليلى:عايزين نروح بكرا الكلية
فاتن:طيب
ليلى:انا همشي بقا وبكرا نتقابل
فاتن:طيب باي
ليلى روحت ونامت وفاتن نامت وتاني يوم فاتن صحيت وراحت عند ليلى وليلى نزلت وراحو الكلية وكانوا ماشين سوا
ليلى: سرحانة في اية
فاتن:في الاستاذ ادهم نفسي يا ليلى نتمشى انا وهو وتبقى ايدنا في ايد بعض ونتجوز نفسي بجد
ليلى:ممكن يحصل كل دا بس لو هو خير ليكي
فاتن:اية دا
ليلى:في اية؟
فاتن:دا ريهام وادهم!
ليلى:امشي طيب واعملي نفسك مش شيفاهم
فاتن بضيق:ماشي
فاتن مشيت هي وليلى بس ريهام راحت ناحيتهم وسلمت وحضنت فاتن وادهم كان واقف بعيد
ريهام:فاتن ازيك
فاتن ابتسمت بالعافية:كويسة
ريهام:ازيك يا ليلى
ليلى بضيق:تمام
ريهام:انا همشي علشان ادهم مستنيني باي
ريهام مشيت وليلى شديت فاتن ومشيوا وفاتن ساكتة طول طريق
ليلى:هتفضلي ساكتة كدا
فاتن بهدوء:اعمل اية
ليلى:اعملي أي حاجة
فاتن بهدوء:طيب
ليلى وفاتن وصلوا الكلية وقابلوا رحيل ورهف وفاتن فضلت تهزر وتضحك معاهم وقابلت زمايلها في كلية وكانت عمالة تهزر معاهم وتضحك جامد برغم ان الكلام مش يضحك اوي كدا وليلى فضلت تبص عليها وكانت فاتن صعبانة عليها اوي
مراد: صعبانة عليكي لية يا ليلى
ليلى:لأن يا مراد فاتن كانت بتكتم حزنها
مراد كشر:بتكتم حزنها ازاي
ليلى:قبل ما نشوف ادهم كانت فاتن بتتخيل نفسها هي وادهم ماشين سوا مكملتش دقيقة لقيت ادهم ومعا ريهام وماسك أيدها!!!لما بصيت عليها شوفتها مصدومة مع أن دا طبيعي جدا لأن ادهم بيحب ريهام بس هي لغيت تماما من عقلها أن ادهم بيحب ريهام
مراد بتفهم: فعلشان كدا كل لما تشوف ادهم مع ريهام أو ادهم يتكلم عن ريهام بتستغرب
ليلى:اه
مراد:قد اية الحب صعب اوي يا ليلى
ليلى:هو مش صعب يا مراد وفي نفس الوقت مش سهل
مراد ابتسم:كملي
ليلى بدأت تحكي تاني
فاتن:مش هنروح!
ليلى:فاتن عيطي
فاتن: اعيط لية يا ليلى
ليلى:علشان ترتاحي
فاتن:مش عايزة اعيط
ليلى:لية مش عايزة ترتاحي
فاتن:على فكرة أنا قولت اني مش عايزة اعيط مقولتش مش عايزة ارتاح
ليلى:الإنسان بيعيط علشان يرتاح وحضرتك طالما مش عايزة تعيطي يبقى مش عايزة ترتاحي
فاتن:طيب يلا نمشي
ليلى اتنهدت:يلا
ليلى مشيت مع فاتن وبعدين كل واحد روح بيته...فاتن كانت قاعدة على السرير وسرحانة وبتكلم نفسها:انتِ اللي عملتي في نفسك كدا يا فاتن من امتى وانا كدا!من امتى وانا باجي على كرامتي علشان حد!!ويوم ما اجي على كرامتي يبقى علشان ولد ولا وكمان مرتبط وهيخطبها!لية يا فاتن موافقة بالوضع دا!!لية بتدخلي في علاقة فاشلة!طب لية ادهم بيكلمني!مش هو مفروض بيحب ريهام!هو عايز مني اية المفروض يبعد عني!هو لية في حياتي لية!بس خلاص كدا كفاية لحد هنا وخلاص انا لازم اقطع علاقتي بادهم
قطع تفكيرها رن موبايلها ودا كان ادهم فاتن بصيت كتير للرقم وبعدين ردت
فاتن بهدوء:الو يا ادهم
ادهم:ازيك
فاتن:بخير
ادهم بهدوء:عارف انك مش بخير يا فاتن وعارف انك قاعدة ومضايقة علشان شوفتيني مع ريهام الصبح
فاتن ابتسمت بحزن:احنا لازم نبعد يا ادهم
ادهم: مينفعش
فاتن:لية
ادهم:لاني مش هقدر يا فاتن مش هقدر ابعد عنك
فاتن:لية مش هتقدر
ادهم:لانك شئ اساسي في حياتي مش عايز اخسرك يا فاتن انا وريهام اه بنحب بعض بس لو جيتي وسالتيني مين اقرب حد ليا هقولك أنتِ بصي يا فاتن علشان اكون صريح معاكِ أنتِ أقرب حد ليا ارجوكي متبعديش انا حاسس ان قريب علاقتنا هتتغير مش هتبقى مجرد صداقة هتبقى اكبر من كدا
فاتن سامعة كلام ادهم ومش عارفة تعمل اية تفرح ولا تزعل ولا تبعد ولا تقرب مجرد أن هي مش عارفة تعمل اية
ادهم:خلاص يا فاتن انا مش هبقى اناني اكتر من كدا انا هبعد باي
فاتن بسرعة:استنى
ادهم:نعم
فاتن:متبعدش يا ادهم
ادهم:مش هبعد يا فاتن وأنتِ كمان متبعديش
فاتن ابتسمت وفضلت ترغي كتير مع ادهم وفي الاخر قفلت وبصيت للسماء:يارب انا مش عارفة اعمل اية انا كل لما اقرر ابعد بيحصل حاجة تخليني احب ادهم اكتر يارب ادهم يكون خير ليا
فاتن نامت وتاني يوم صحيت فرحانة وراحت عند ليلى وحكيتلها كل حاجة
فاتن بابتسامة:رايك اية
ليلى:صدقيني مش عارفة اقولك اية يا فاتن!ادهم بجد غريب منين عايزك متبعديش وفي نفس الوقت بيحب ريهام!
فاتن:مش عارفه ومش عايزة اعرف يا ليلى كله اللي انا اعرفه أن هو مش عايزني ابعد
ليلى بصيت كتير لفاتن وسكتت
مراد:حاسس انك كنتِ عايزة تقولي حاجة لفاتن بس مردتيش
ليلى:اه
مراد:مردتيش لية
ليلى:محبتش اكسر فرحتها يا مراد كان نفسي تشوف الفرحة اللي في عينيها وهي بتتكلم لما كنا في الكلية فاتن كانت مطفية على ملامحها الحزن بس لما جت تكلمني تاني يوم كانت فرحانة اوووي على وشها الفرح وانا محبتش اكسر فرحتها
مراد:طب كملي
ليلى:بكرا لاني تعبت
مراد:طيب باي
مراد طلع وراح لعاصم وقالوا ملخص حالة ليلى
عاصم:انت اية رايك يا مراد
مراد:انا مش حاسس ان ليلى مريضة دي ابعد ما تكون مريضة يا دكتور دي تقريبا اعقل مني ومنك كلامها كله حكم
عاصم:مش عارف والله يابني بس هي قتلت
مراد:ممكن مش تكون هي اللي قتلت ممكن تكون بتدافع عن حد بتحبه
عاصم:هنعرف منين
مراد:سيب موضوع عليا ليلى دلوقتي بتثق فيا واكيد هتقولي
عاصم: ماشي
رائيكم
نروين عبدالمنصف
أنت تقرأ
خمسة اغسطس
Acciónليلى:لا طبعا هو مش غبي هو معندهوش صحاب معندهوش حد يبقى معا فعلشان كدا بيعزم الناس دي يمكن حد يصاحبه بس للاسف الناس بتستغله وتستغل طيبته...متحكمش على حد يا مراد من غير ما تعرفه لأن هتلاقي جوا كل واحد قصة حزينة مراد:ما ممكن الناس دي بتحبه بجد ويمكن ه...
