خمسة اغسطس

البارت الحادي عشر

خمسة اغسطس
البارت الحادي عشر

مراد صحي الصبح وهو جوا يقين ان ليلى بريئة ومقتلتش حد
مراد:صباح الخير يا لولي
ليلى:صباح الخير يا مراد
مراد:اخبارك اية
ليلى:كويسة
مراد:يلا كملي
فلاش باك*
فاتن اتصلت بادهم بس مردش عليها فضلت تتصل بيه كتير لحد ما أخيرا رد
فاتن بلهفة:ادهم انا اتصلت بيك كتير مش بترد عليا لية؟
ادهم:عايزة اية يا فاتن
فاتن باستغراب:اية اللي عايزة اية
ادهم بملل:انجزي عايزة اية
فاتن:في اية يا ادهم
ادهم:مفيش
فاتن:لا فيه انت بتتكلم معايا كدا لية؟
ادهم بنرفزة:مش سيادتك مش عايزاني في حياتك بتتصلي بيا لية دلوقتي
فاتن بعدم فهم:مش عايزاك ازاي في حياتي!!
ادهم:مش أنتِ بعتيلي صحبتك وقولتيلي انك مش عايزاني في حياتك واني انا اناني عايزة اية بقا دلوقتي؟؟
فاتن:انا بعت صحبتي؟
ادهم بتريقة: اعملي نفسك هبلة
فاتن:والله مش بعتلك حد ومعرفش اساسا مين اللي كلمتك
ادهم:متستهبليش يا فاتن
فاتن:يا بني والله مبعتش حد انت مش مصدقني لية
ادهم: اومال مين اللي كلمتني دي!!
فاتن:مش عارفه هي كلمتك ازاي؟
ادهم:على الواتساب
فاتن:طب ابعتلي رقمها كدا
ادهم:طيب
فاتن قفلت مع ادهم وفضلت مستنية الرقم لحد ما ادهم ما بعتلها الرقم وهي فتحت وشافت الرقم
فاتن بصدمة: ليلى!

ياسمين كانت قاعدة في اوضتها ومخنوقة من كل اللي حواليها ومش عارفة تعمل اية في الخنقة دي وقررت تقوم تتمشى شوية....قامت لبست ونزلت وحاطة الهاند فري في ودنها وماشية وكانت في عربية ماشية بس ياسمين مخدتش بالها والعربية خبطتها

رحيل كل يوم كانت بتقعد تستنى أن رهف تتصل بيها بس رهف متصلتش وكل يوم تشوف صور رهف مع اروى وقررت تروح وتخير رهف بينها وبين اروى

تاني يوم رحيل قامت بدري ولبست وراحت عند رهف ورنت الجرس ورهف فتحت ودخلت جوا هي ورهف وهما الاتنين قعدوا قصاد بعض
رهف:عاملة اية يا رحيل
رحيل:كويسة يا رهف
رهف:مالك يا رحيل
رحيل:مفيش...بس عايزة اخيرك بين حاجتين
رهف:خيريني
رحيل: انا ولا اروى؟
رهف سكتت ومش مستوعبة رحيل بتقول اية ورحيل قررت نفس السؤال
رحيل:انا ولا اروى يا رهف؟
رهف:أنتِ هبلة يا رحيل اية الهبل دا
رحيل:ممكن يكون هبل بالنسبالك بس بالنسبالي مش هبل
رهف:أنتِ حاجة وهي حاجة يا رحيل
رحيل:بردو عايزة اعرف انا ولا اروى ولازم تجاوبيني صدقيني السوال مهم بالنسبالي
رهف سكتت ومش عارفة تقول اية
رهف:يا رحيل
رحيل قاطعتها:انا ولا اروى
رهف اخدت نفس طويل:اروى
رحيل فضلت واقفة متنحة مش مستوعبة رهف قالت أية!!
رحيل بتوهان:بتحبي اروى وانا لا
رهف:لا انا مقولتش كدا بس انا بحب اروى وبعدين أنتِ علطول
رحيل بصتلها:اروى اكتر مني لية انا عملت معاكِ اية وحش
رهف:عايزة الحقيقة؟
رحيل بسرعة:اه
رهف:أنتِ اوڤر يا رحيل
رحيل:اوڤر!!
رهف:اه....بتعملي حاجات معايا بطريقة مستفذة بتحسسيني اني عيلة صغيرة مش فاهمة لية بتعملي كدا بتخنقيني....إنما اروى بتحبني بس مش بتعمل معايا اللي أنتِ بتعملي دا بنخرج ونهزر ونعمل كل اللي نفسنا فيه من غير ما اتخنق إنما لما نخرج تفضلي كل شوية تساليني تقوليلي عايزة تأكلي عايزة تشربي وأسئلة غريبة
رحيل بحزن:انا لما بسألك عايزة تأكلي أو تشربي بسألك علشان بحبك انا بهتم بيكِ علشان بحبك مش عايزة اشوفك جعانة أو عطشانة فعلشان كدا بسألك....عارفة انا كنت مخلياكي محور حياتي كان عندي استعداد اخسر اهلي ومخسركيش!!!كنتِ نمبر وان في حياتي كنت باجي على نفسي كتير علشانك!كنت بتخانق مع شادي علشانك!!بس كل دا طلع على الفاضي...طلعت اوڤر وطلعت بخنقك بس عارفة دا مش غلطك دا غلطي انا يا رهف...اسفة اني كنت بخنقك واوعدك اني مش هخنقك تاني سلام
رحيل قالت كلامها ومشيت على النيل وكانت واقفة مصدومة وكلام رهف عمال يتعاد في ودنها زي الأغنية قررت تكلم شادي وطلعت موبايلها واتصلت بشادي اللي رد عليها
شادي:اية يا حبيبتي
رحيل بدموع:انا محتاجاك
شادي بقلق:مالك بتعيطي لية
رحيل دموعها بتنزل:تعالى
شادي:حاضر أنتِ فين
رحيل قالت لشادي على مكانها وشادي راح بسرعة عندها ولقاها واقفة قدام النيل
شادي:مالك
رحيل فضلت تعيط وبس وشادي احترم سكوتها
شادي:كفاية عياط اية اللي حصل
رحيل حكيت لشادي اللي حصل
شادي:طبعا أنتِ عارفة رايئ اية من الاول بصي انا مش هلومك والشغل دا بس عايز اقولك أن هي اللي خسرت مش أنتِ وعايز اقولك اني معاكِ في كل حاجة
رحيل:انا اسفة يا شادي انا كنت بتخانق معاك علشانها وطلعت في الاخر متستهلش
شادي ابتسم: متتاسفيش يا حبيبتي والحمدلله أن احنا عرفنا حقيقتها
شادي فضل مع رحيل وفضل يهزر ويضحك معاها لحد ما اتحسنت

فاتن اتصلت بليلى وطلبت منها أنهم يتقابلوا وفاتن لبست ونزلت تقابل ليلى على النيل
فاتن:ازيك يا ..يا صاحبتي
ليلى: الحمدلله يا فاتن أنتِ عاملة اية
فاتن:كويسة
فاتن سكتت هي وليلى وبعدين فاتن اخدت نفس عميق
فاتن:لية يا ليلى
ليلى بعدم فهم:لية اية؟
فاتن:لية كلمتي ادهم
ليلى ابتسمت:كنت عارفة انو هيقولك
فاتن:لية يا ليلى لية عملتي فيا كدا لية عايزاني ابعد عن اكتر انسان حبيته
ليلى: علشان بحبك
فاتن بتريقة:علشان بتحبيني بتبعديني عن الإنسان اللي بحبه
ليلى زعقت:أيوة علشان بحبك ببعدك عن الإنسان اللي بتحبي لان هو مبيحبكيش يا فاتن هو بيحب ريهام وأنتِ غريقة في حبه ومش هتلاقي اللي ينقذك ادهم هياذيكي يا فاتن
فاتن برفض:لا ادهم هيحبني وهيسيب ريهام صدقيني يا ليلى انا قولتلك شهر وهبعد
ليلى:الشهر دا هتغرقي في حب ادهم اكتر وبعد الشهر هتقنعي نفسك أن هو بدأ يحبك وشهر هيجر شهر يا فاتن
فاتن:أنتِ غلطانة يا ليلى
ليلى سكتت ومش عارفة ازاي تقنع صاحبتها أنها تبعد عن ادهم
ليلى:انا ولا هو يا فاتن
فاتن:قصدك اية يا ليلى
ليلى:اختاري بينه وبيني بس لو اختارتيني انا مش هتكلمي ادهم
فاتن:بطلي هبل أنتِ صحبتي وهو حبيبي
ليلى بجمود:انا ولا هو يا فاتن
فاتن فضلت واقفة اكتر من عشر دقائق بتفكر ومش عارفة تختار مين
ليلى زعقت:انا ولا ادهم يا فاتن
فاتن زعقت:ادهم
ليلى وقفت للحظات مصدومة ومش مصدقة أن اعز صحابها اتخلى عنها
ليلى ضحكت بوجع: ادهم!!!بتبعيني يا عشرة عمري علشان واحد وكمان الواحد دا مبيحبكيش
فاتن واقفة ومش عارفة ترد
ليلى:ردي
فاتن:انا اسفة يا ليلى
ليلى ابتسمت بوجع: متتاسفيش انا اللي اسفة سلام
ليلى مشيت خطوتين
فاتن:استني
ليلى بصتلها: مينفعش استنى يا فاتن خلاص
ليلى مشيت مصدومة ومش قادرة تستوعب أن فاتن اتخليت عنها بالسهولة كدا وعلشان خاطر واحد مش بيحبها.....ليلى فضلت تلف كتير وفي الاخر روحت البيت والكل كان قاعد وعلى وشه الزعل
ليلى باستغراب:مالكم
حنان:مريم ماتت

مراد بصدمة:مريم ماتت!!!
ليلى:اه
مراد:لا حول ولا قوة الا بالله
ليلى:ربنا يرحمها
مراد:ماتت ازاي
ليلى بصيتله:انا اللي قاتلتها
رائيكم
نروين عبدالمنصف