خمسة اغسطس

البارت السابع عشر

خمسة اغسطس
البارت السابع عشر

ليلى:علشان انا مريضة نفسية
مراد:ومين قالك انك مريضة؟
ليلى:علشان دي الحقيقة
مراد باصرار:انا الدكتور بتاعك وبقولك أنتِ مش مريضة
ليلى:على فكرة انت بتضحك على نفسك مش عليا
مراد:طب كملي
ليلى:طيب
فلاش باك"
ليلى بصيت للشاب اللي خبطت فيه ودا كان نفس الشاب اللي كان على النيل ساعة ما قررت تنتحر
ليلى والشاب قالوا في نفس الوقت
ليلى:انت
الشاب:أنتِ
الاتنين سكته وبصه لبعض كتير
ليلى:اية الصدف دي
الشاب ابتسم:صدف حلوة
ليلى ببرود:حلو بالنسبالك مش بالنسبالي
الشاب:لا حلوة كمان بالنسبالك
ليلى:ومين قالك الكلام دا
الشاب شاور على قلبه:قلبي
ليلى بتريقة:قلبك اممم
الشاب حط أيده في جيبه:عاملة اية
ليلى:وانت مالك
الشاب:طب كنتِ عايزة تنتحري لية
ليلى بصيتله:بقولك اية يا اخ انت
الشاب قاطعها:مالك
ليلى بعدم فهم:اية
الشاب:اسمي مالك
ليلى:وانا مالي بتقولي لية
مالك:علشان
قاطعهم خروج عامر اللي راح ناحية مالك وحضنه
عامر:ازيك ياض عامل اية
مالك ابتسم: الحمدلله انت عامل اية
عامر:كويس ليك وحشة والله
مالك:وانت كمان
عامر بص ناحية ليلى وابتسم:لسة ممشتيش يا ليلى
ليلى بحرج:ماشية اهو
مالك:مش تعرفنا
عامر:دي ليلى سليمان الراوي هتشتغل هنا....ودا مالك يا ليلى يبقى ابن خالتي واخويا الصغير
مالك مد أيده لليلى:اتشرفنا يا آنسة ليلى
ليلى بصيت لايده:مبسلمش على رجالة بايدي
مالك ابتسم ونزل أيده وليلى استأذنت ومشيت وهي مستغربة الصدفة اللي جمعتها بمالك

تاني يوم صحيت بدري بحماس وراحت الاستوديو وكانت متوترة شوية وراحت عند عامر
عامر بجدية:كمان عشر دقائق والبرنامج بتاعك هيبدا
ليلى:ماشي
عامر:روحي يلا
ليلى راحت وكانت متوترة وبعدين جاء دورها وراحت قعدت على كرسي وبتستعد للتصوير وفجأة لقيت مالك جايب كرسي وقاعد جمب المخرج ومبتسم وهي بصيت كتير لمالك
المخرج:جاهزة
ليلى اخدت نفس عميق وهزت راسها بتوتر
المخرج:1,2,3 اكشن
ليلى كانت متوترة بس حاولت تكون طبيعية وبدأت تتكلم ونسيت توترها خالص....خلص البرنامج وليلى راحت عند عامر
عامر بإعجاب:هايلة يا ليلى أنتِ موهوبة فعلا
ليلى بفرحة:شكرا جدا
عامر ابتسم:هتبقى معانا كل يوم في نفس الميعاد
ليلى فضلت شوية مع عامر يتكلمه في الشغل وبعدين استاذنت وخارجت من مكتب عامر وكان مالك واقف وراح ناحيتها
مالك:موهوبة يا ليلى
ليلى من غير ما تبصله:مخدتش رايك
مالك:وانا عايز اقول رايي
ليلى بصيتله وبعدين مشيت وهو ابتسم

فات شهر وشادي بدأ شغل ورحيل كمان اشتغلت وعلي وياسمين مشغولين بتجهيز الشقة والفرح وفاتن اشتغلت صحفية وبتحاول تنسى ادهم وليلى بدأت تتشهر وبتشتغل بجد على نفسها ومالك كل شوية يروح لليلى ويرخم عليها وقربوا من بعض شوية

في يوم ليلى كانت في الاستوديو وخلصت تصوير وكانت قاعدة في الاستوديو ومستنية عامر ومالك كان هناك
مالك:ليلى
ليلى:اممم
مالك:عايز أسألك سوال
ليلى:اسال
مالك بتردد:لية كنتِ عايزة تنتحري...يعني واحدة بشخصيتك القوية وقوتك  دي مستحيل تفكر في الانتحار
ليلى بصيت كتير لمالك وهو حس أن هي مش عايزة تتكلم
ليلى:مهما كان الإنسان قوي هيجي يوم ويضعف
مالك:وأية اللي خلاكي تضعفي
ليلى:الظروف اللي حواليا خلتني ضعيفة الخذلان اللي شوفته خلاني ضعيفة وحاجات تانيه كتير
مالك:طب اية اللي حصل؟
ليلى بصيت كتير لمالك وبعدين زعقت:وانت مالك هو انت هتصاحبني
ليلى اخدت شنطتها ومشيت هي مش عايزة حد يتدخل في حياتها الشخصية

مراد:انا مع مالك
ليلى باستغراب:معا في اية؟
مراد:معا في انك قوية وانك بتقدري تستحملي حاجات كتير
ليلى:هات إزازة مياة و كوباية
مراد باستغراب:لية ما في مياة اهي اشربي
ليلى:هات بس
مراد طلب من الممرضة تجيب ازازة وكوباية والممرضة جابتهم واعطيتهم لمراد ومشيت
مراد:اهما عايزاهم لية بقا؟
ليلى اخدت الازازة وفتحتها ومليت الكوباية على اخرها
ليلى:شايف اية
مراد بعدم فهم:كوباية وفيها مياة
ليلى ابتسمت:ماشي
ليلى صبيت مياة تاني والمياة وقعت لبرا
ليلى:وكدا
مراد كشر:كوباية وفيها مياة بس المياة وقعت لبرا
ليلى:احنا زي الكوباية دي
مراد بعدم فهم:مش فاهم
ليلى ابتسمت:في الاول خالص انا مليت الكوباية مياة والكوباية خلاص اتمليت ومش في مقدارتها تشيل مياة تاني بس انا لما حطيت مياة تاني الكوباية مقدرتش تشيل مياة تاني وخرجت مياة برا اللي انا عايزة أقوله يا مراد الانسان عنده مقدرة تحمل معينة بس الناس اللي حواليها بتفضل تحمل عليه حاجات هو مش قادر يشيلها ويبدأ يضعف
مراد هز دماغه:دي الحقيقة يا ليلى كل كلامك صح
ليلى بغرور مصطنع:انا كل كلامي صح
مراد ضحك:كملي يلا يا مغرورة
ليلى ضحكت:طيب

ليلى مشيت وحاسة بخنقة هي كانت ناسية اللي هي عملته أو بمعنى أصح اقنعت نفسها أن هي ناسية بس مالك الغبي فكرها...فضلت ماشية كتير لحد ما وصلت للنيل وقفت قدام النيل وفضلت باصة للمياة
_:كنت عارف انك هتيجي هنا
ليلى بصيت وراها ودا كان مالك
مالك وقف جنبها:انا اسف
ليلى:على اية
مالك:اني اتدخلت في حاجة متخصنيش
ليلى مردتش عليه
مالك:ليلى
ليلى:نعم
مالك:متهربيش مني
ليلى:انا مش بهرب منك
مالك بصلها:لا بتهربي...لما كنتِ هتنتحري هربتي والنهاردة بردو هربتي انا مش عايزك تهربي يا ليلى بصي احنا ممكن نبقى صحاب وانا مش هدخل في أي حاجة شخصية ليكِ
ليلى بصيت لمالك كتير وفضلت تفكر كتير هي عايزة تبقى صاحبة مالك لأن هي بترتاح معا في الكلام بس من جواها خايفة
قطع تفكيرها سوال مالك
مالك: صحاب؟
ليلى بتردد:صحاب

شادي كان قاعد مع رحيل
شادي:اية الحلاوة دي
رحيل:حلاوة اية يا عم الحج دا انا اسمريت وبقيت وحشة
شادي ابتسم:لا خالص على فكرة أنتِ حلوة جدا واساسا السمار نص الجمال وبعدين حتى لو بقيتي وحشة في نظري احلى واحدة
رحيل ابتسمت بكسوف وفضلت تتكلم كتير مع شادي
شادي اخد نفس عميق وبصلها:رحيل
رحيل:نعم
شادي:تتجوزيني
رحيل:_

ياسمين كانت قاعدة مع علي وكانوا بيجيبوا الحاجات اللي  ناقصة في الشقة وبعدين راحه يتغدوا سوا
علي: ياسمين
ياسمين:نعم
علي:انا مسافر
ياسمين كشرت:مسافر امتى وفين ولية
علي ضحك:مسافر دبي بكرا علشان عندي شغل
ياسمين بصدمة: بكرا!!! وانت مقولتليش غير دلوقتي
علي:اعذريني بس هي جت فجأة
ياسمين:طب ما تخلي حد تاني يروح مكانك
علي: مينفعش
ياسمين:طب هتقعد كام يوم
علي:اسبوع
ياسمين:اسبوع يا علي!!!!
علي بأسف:معلش يا حبيبتي بس لما ارجع هعوضك عن الايام اللي كنت مسافرها
ياسمين:طب خدني معاك
علي ابتسم: مينفعش لما نتجوز باذن الله هاخدك
ياسمين بضيق:طيب
علي:هتوحشيني
ياسمين ابتسمت بضيق:وانت كمان
علي اتنهد:مش عايزك تزعلي غصب عني
ياسمين:مش زعلانة
علي فضل معاها طول اليوم وبعدين روحها وتاني يوم صحيت وراحت مع علي المطار وسلميت عليه وبعدين مشيت وراحت البيت ووصلتلها رسالة..فتحت الرسالة واتصدمت
رائيكم
نروين عبدالمنصف