خمسة اغسطس

البارت الثالث

خمسة اغسطس
البارت الثالث

تاني يوم مراد صحي وراح المستشفى وراح عند عاصم
عاصم:امبارح مشيت من غير ما نتكلم
مراد:كنت تعبان وعايز اروح اعذرني
عاصم ابتسم:ماشي يا مراد...ها بقا اية الجديد
مراد قال لعاصم كل حاجة باختصار
عاصم:عظيم اوي يا مراد معنى كدا أن ليلى بدأت ترتاح معاك
مراد:هو انت لية مش عايز تقولي هي قتلت مين
عاصم:لأن يا مراد لحد دلوقتي محدش عارف الحقيقة فين ليلى بس هي اللي تعرف وانت دورك تعرف منها الحقيقة
مراد:ادعيلي بس
عاصم ابتسم:ربنا يوفقك
مراد قام وراح عند ليلى
مراد:ازيك
ليلى:كويسة
مراد:احكيلي بقا لاني من امبارح هموت واعرف باقي الحكاية
ليلي ابتسمت: اقعد طيب
مراد قعد وليلى بدأت تحكي
فلاش باك*
سليمان:عايز نخرج سوا كلنا
ياسمين:طيب
سليمان:يلا اجهزوا
الكل بدأ يجهز وسليمان اخدهم وراحه مطعم ومريم ويزن كانوا هناك...الكل قعد وسليمان راح يتكلم في الموبايل
مريم:ازيك يا حنان
حنان:كويسة يا مريم
مريم:هتسافري البلد
حنان:اه أن شاء الله
مريم ابتسمت وسكتت وسليمان رجع
سليمان:احنا مسافرين البلد الاسبوع اللي جاي
الكل وافق وبعدين مشيوا

فاتن كانت قاعدة زهقانة وفجأة لقيت رقم بعتلها على الواتساب وكان بيضايها وراحت عملت بلوك وبعتت لادهم الرقم
ادهم:اية الرقم دا
فاتن:دا رقم بيضايقني ممكن تكلمه
ادهم:اكيد طبعا...اية رايك بكرا ننزل نتمشى
فاتن:ماشي
تاني يوم فاتن صحيت ولبست ونزلت تقابل ادهم وبعد كلام كتير
فاتن:اه صح كلمت الرقم
ادهم:اه
فاتن:بجد قولتله اية
ادهم:مش لازم بقا
فاتن:لالا قول ونبي
ادهم ابتسم:مسحت بكرامته الأرض وقولتله يبعد عنك لانك تخصيني
فاتن بصيت لادهم: انا بجد اخصك
ادهم:فاتن حبيبتي انتِ اختي فأكيد تخصيني
فاتن بزعل:اختك
ادهم:اه
فاتن بضيق:طيب
ادهم اتنهد:عارف انك مضايقة بس غصب عني قوليلي اية اللي يرضيكي وانا هعملوا
فاتن:خلاص يا ادهم
ادهم:زي ما قولتلك يا فاتن ممكن يكون لينا نصيب
فاتن:فعلا يمكن
ادهم ابتسم وبعدين مشي وهو وفاتن وفاتن روحت
بعد اسبوع الكل سافر البلد والاحوال كانت مستقرة فات اسبوعين وسليمان سافر علشان عنده شغل والباقي كان في بلد
حنان:انا عايزة اعزم قريبنا هنا
ليلى:لية
حنان:عادي
ياسمين:طب وعمتو منة نسيني أن بابا مش بيكلمها
حنان:ما انا مش هعزمها
ياسمين:أيوة كدا احسن
حنان اتصلت بالناس وعازمتهم وتأني يوم ليلى وياسمين وحنان جهزوا الاكل ومريم كانت في بيتها فوق....الناس وصلت وقضوا اليوم سوا وبليل مشيوا
بعد اسبوع الكل رجع من السفر وسليمان كان مستني حنان
سليمان بغضب:اية اللي عملتي دا
حنان بعدم فهم:عملت اية
سليمان زعق:عزمتي منة
حنان:منة!!لا طبعا معزمتهاش
سليمان:وكمان بتكدبي
حنان زعقت:انت عارف اني مش بكدب
سليمان:هو أنتِ فاكرة أن البيت اللي في بلد دا بيتك!!! متنسيش نفسك
سليمان مشي وساب حنان مصدومة وحنان دخلت جوا وعيطت
ليلى نزلت ورا سليمان:مين قالك أن منة جت
سليمان:مش مهم
ليلى: مريم صح
سليمان:اه هي ارتاحتي
ليلى ابتسمت:خليك عارف انك هتخسر وهتندم في الاخر
ليلى سابت سليمان وطلعت فوق وراحت لياسمين اللي بتتكلم في موبايل مكالمة فيديو واول ما شافت ليلى قفلت
ليلى بغضب:اية دا من امتى وأنتِ بتكلمي حد كدا!!
ياسمين:ليلى متدخليش في حياتي
ليلى:ياسمين أنتِ في طريق غلط ارجعي قبل فوات الاوان
ياسمين:وانا مخدتش رايك يا ليلى خليكي في حالك انا عجبني طريقي
ليلى بصيت لياسمين وبعدين طلعت برا وراحت عند حنان
وخبطت ودخلت
ليلى:لية يا ماما اطلقي وخلاص
حنان:مينفعش يا ليلى
ليلى:لية
حنان:انتوا بنات وعلى وش جواز ممكن أهل العريس ميوفقوش بيكم لأن اهلكم منفصلين
ليلى:يولع هو وأهله يا ماما دا نصيب
حنان:ومليكة يا ليلى مش عايزاها تعيش وسط عيلة مفككة
ليلى مردتش وخرجت برا وحسيت أنها مخنوقة جدا
دخلت اوضتها ونامت
تاني يوم صحيت بدري وراحت عند فاتن ورحيل كانت هناك
رحيل:وحشتيني يا لولا
ليلى:وانتوا كمان اوووي
وبعد كلام كتير
رحيل:كويس انك جيتي عايزة اقولكم حاجة
فاتن:قولي
رحيل:طبعا انتوا عارفين أن شادي وادهم صحاب
فاتن:اه
رحيل:وطبعا عارفة يا فاتن أن شادي بيعتبرك أخته
فاتن:اه
رحيل:شادي قالي خلي فاتن تبعد ادهم
ليلى بهدوء:لية قال كدا
رحيل:لأن ادهم مش بيحب فاتن ومش ناوي يحبها ادهم بيتفشخر بالبنات قدام صحابه
فاتن وقفت بعصبية:رحيل شادي كذاب على فكرة ادهم كويس وهيحبني وهتشوفوا
ليلى:فاتن اهدي خلينا نتكلم بالعقل
فاتن:عقل اية يا ليلى أنتِ كمان مصدقة الهبل دا!!
ليلى:فاتن أهدي
فاتن:لا يا ليلى....وأنتِ أي حاجة الاستاذ شادي يقولها تصدقيها!!
رحيل:لا مش كل حاجة بصدقها بس كلنا عارفين أن ادهم بيتسلى
فاتن برفض:لا مش بيتسلى وحتى لو مش بيحبني هو بيعتبرني أخته وبيخاف عليا ومش بيجيب سيرتي مع حد
رحيل وقفت:انا نصحتك يا فاتن وأنتِ حرا سلام
رحيل مشيت وليلى مشيت وفاتن فضلت قاعدة هتتجن ومش عارفة تعمل اية وقررت تكلم ادهم
ادهم:اية يا حبيبتي
فاتن:انت بتتكلم عليا مع صحابك
ادهم:لا طبعا أنتِ هبلة مقدرش طبعا اتكلم عليكي ولا اخلي حد يكلم عليكي...جبتي كلام دا منين
فاتن ابتسمت:لا كنت بسال عادي
ادهم:طيب
فاتن قفلت مع ادهم وقعدت مع نفسها واقنعت نفسها أن شادي كذاب
باك*
مراد:اسال سؤال
ليلى:ها
مراد:مليكة اختك اية موقفها من حوار باباكِ هي في وقت دا كان عندها كام سنة وكانت تعرف أن يزن اخوكم
ليلى:مليكة كان عندها٩ سنين بس مليكة ذكية وكانت عارفة
مراد:وكانت بتتعامل ازاي مع يزن
ليلى:كانت بتحبه جدا بس كانت بتغير طبعا منه قبل كدا قالت جملة عمري ما هنساها
مراد:اية هي جملة
ليلى:كنا بنتكلم عن يزن وكدا ومش فاكرة كلام وساعتها قالت انا بابا سابني وانا صغيرة
مراد:مش فاهم
ليلى:بابا اتجوز قبل ما نعرف بخمس سنين يعني مليكة كان عندها تلات أو أربع سنين وبابا كان بيتاخر ودايما على الموبايل وبيقول أن هو مسافر بحجة أن يروح عند مريم فالموضوع اثر في نفسية مليكة
مراد:باباكِ كان عادل بينكم وبين يزن
ليلى:اه بس كان بيظلم ماما مريم كانت صغيرة كان عندها حاجة وثلاثين فكانت بتهتم بشكل بابا وكدا فبابا حب الدور دا كانت دائما مريم هي اللي في صورة احنا كنا ساكنين في منطقة شعبية شوية ومريم كانت ساكنة في التجمع الخامس لو حد سال بابا انت ساكن فين يقول تجمع الخامس
مراد:بس دا ظلم انتوا في مكان شعبي وهما في مكان كويس
ليلى:مفيش حاجة بتفضل على حالها يا مراد
مراد:طب كملي
ليلى:لا بكرا
مراد:بجد رخمة اوي يا ليلى
ليلى ببرود:بعض ما عندكم...عايزة أسألك سوال
مراد:اسالي ياستي
ليلى:عندك كام سنة
مراد باستغراب:٢٨
ليلى:يعني كبير لية بقا مش متجوز ولا خاطب ولا حتى مرتبط
مراد:عرفتي منين اني مش متجوز أو خاطب
ليلى ابتسمت:مفيش دبلة في ايدك ومفيش حد بيتصل بيك فتوقعت انك سنجل
مراد:انا فعلا سنجل
ليلى:لية بقا سنجل
مراد:على فكرة أنا كنت خاطب بس محصلش نصيب
ليلى:كنت بتحبها
مراد:لا هي كانت بنت خالتي وكنا قرايبن من بعض فأمي قالت وانا وافقت وبعدين اكتشفت انها مش مناسبة ليا فسبنا بعض بس كدا
ليلى ابتسمت:اممم طيب امشي بقا علشان عايزة انام
مراد ابتسم:ماشي يلا باي
مراد مشي وليلى فضلت بتبص مكان مراد وبعدين نامت.
رائيكم