خمسة اغسطس
البارت السادس عشر
ياسمين بصدمة:علي
علي ابتسم:اه علي
ياسمين بالخبطة:انت اية اللي جابك هنا
علي بصلها:يعني واحد لابس بدلة وجايب ورد شوكولاتة هيبقى جاي لية؟
ياسمين بغباء:لية
علي بغيظ:علشان اتقدم لسيادتك
ياسمين تنحت شوية ومش مصدقة أن على هيتقدملها
ياسمين بفرح:بجد!!يعني جاي تتقدملي انا!!يعني انت بتحبني
علي ابتسم لفرحتها:اه ياستي جاي اتقدملك أنتِ وانا بحبك فعلشان كدا اتقدمتلك فها بقا موافقة ولالا
ياسمين بفرحة:موافقة طبعا
حنان طلعت وياسمين قالتلها أن هي موافقة وحنان فرحت وقالت لسليمان وعلي قالهم أن هو هيجيب اهله بعد يومين
فاتن روحت وهي مخنوقة ومش عارفة السبب يمكن مخنوقة علشان ريهام!!طب هي لية مش زعلانة من رد فعل ريهام!!لية حبيت واحد مرتبط وبيحب غيرها!!من امتى اتخليت عن مبداها!!لية بقيت وحشة كدا!!لية كانت عايزة ادهم يبعد عن ريهام علشان يحبها!!لية طلعت أنانية بالشكل دا!!فضلت تفكر كتير وفي الاخر قررت تكلم ريهام وتعتذرلها بس ريهام عاملة لفاتن بلوك وفاتن مش معاها رقمها فضلت تفكر كتير وساعتها كانت رهف بتكلم فاتن وفاتن كتبت رسالة وقالت لرهف تبعتها لريهام وقالت لرهف اسم اكونت ريهام ورهف بعتت الرسالة لريهام وكتبت في رسالة
"ازيك يا ريهام....بصي انا مش عارفة اقولك اية بس انا غلطت وكلنا بنغلط انا مش حابة انك تكوني شايلة مني بس أنتِ عارفة أن الحب مش بإيدنا وان غصب عني حبيت ادهم بس دلوقتي ادهم بالنسبالي ولا حاجة واتمنى انكم تفضلوا مع بعض وربنا يخليكم لبعض"
فاتن نامت وصحيت الصبح على رن موبايلها ودا كان ادهم
فاتن:الو
ادهم:أنتِ عايزة اية من ريهام
فاتن:هو اية اللي عايزة اية من ريهام
ادهم:بتبعتلها رسالة لية
فاتن بذهول:هو اية اللي لية ببعتلها رسالة
ادهم:أنتِ مالك بيها اصلا
فاتن:هو اية اللي مالك بيها هي اللي جت تتخانق معايا اخر يوم فانا بعتلها رسالة بس
ادهم:مش معاكي رقمي كنتِ تقوليلي
فاتن:واقولك لية انا هعرف اتصرف
ادهم:تتصرفي اية يا***
ادهم شتم فاتن شتيمة وحشة وفاتن من الصدمة قفلت في وشه وهي مش مصدقة أن هو شتمها فضلت عشر دقائق متنحة ومش مستوعبة اللي حصل!!!قطع صدمتها رنت موبايلها وكان رقم غريب مسكت الموبايل ورديت ولقيت أن ادهم ومعا شلة ولاد وفاتحين الاسبيكر وبيشتمه فيها!!فاتن سامعة صوت ادهم وسامعه كلام وشتايم وحشة جدا وبسرعة قفلت السكة في وشهم وقفلت موبايلها ومش قادرة تصدق اللي بيحصل..هو اه ادهم ممكن مش بيحبها وبيحب ريهام بس مش قادرة تتخيل أن ادهم شتامها!!!
رهف كانت قاعدة على الموبايل وفاتحة الانستجرام وشافت صور اروى وريم مع بعض واضايقت جدا واتصلت باروى
رهف:أنتِ خرجتي مع ريم
اروى:اه
رهف بضيق:مقولتليش لية
اروى:واقولك لية
رهف بنرفزة:هو اية اللي لية يا اروى
اروى بتريقة:أنتِ لية محسساني أن احنا مرتبطين...سلام دلوقتي علشان مش فاضية
اروى قفلت قبل ما رهف ترد ورهف فضلت مضايقة وافتكرت رحيل نفس الجملة اللي اروى قالتها رهف قالتها لرحيل بس اقنعت نفسها أن اروى هتبعد عن ريم
أنت تقرأ
خمسة اغسطس
Akcjaليلى:لا طبعا هو مش غبي هو معندهوش صحاب معندهوش حد يبقى معا فعلشان كدا بيعزم الناس دي يمكن حد يصاحبه بس للاسف الناس بتستغله وتستغل طيبته...متحكمش على حد يا مراد من غير ما تعرفه لأن هتلاقي جوا كل واحد قصة حزينة مراد:ما ممكن الناس دي بتحبه بجد ويمكن ه...
