خمسة اغسطس

البارت الثاني

خمسة اغسطس
البارت الثاني

تاني يوم مراد صحي بدري وراح المستشفى ودخل عند ليلى اللي كانت واقفة بتبص للشباك
مراد:بتبصي على اية كدا؟
ليلى:على العصافير
مراد وقف جنبها:شكلها حلو
ليلى:تفتكر العصافير دي مبسوطة
مراد:اكيد يا ليلى كفاية أنها بتطير
ليلى ابتسمت:احيانا الطيران بيبقى وحش يا مراد ممكن تطير عالي اوي وفي الاخر تقع وتموت
مراد بصلها:وممكن افضل طاير
ليلى:تضمن انك مش هتقع
مراد:لا مش أضمن
ليلى ابتسمت وقعدت على السرير ومراد قعد جنبها
مراد:كملي بقا
ليلى ابتسمت:ماشي
فلاش باك"
فات اسبوع وليلى كانت قاعدة بتكلم فاتن
فاتن:اية الاخبار عندك
ليلى:كويسة
فاتن:مرات باباكي كويسة معاكم؟
ليلى:اه...المهم عاملة اية مع ادهم
فاتن: كالعادة مرة حلو ومرة وحش...هترجعي امتى
ليلى: بكرا
فاتن:طيب
ليلى قفلت مع فاتن وبعدين دخلت تنام وتاني يوم ليلى مشيت هي واهلها وفاتن راحتلها
فاتن:بتفكري في اية
ليلى:مليكة صعبانة عليا
فاتن باستغراب:لية!
ليلى:مليكة صغيرة يا فاتن بابا متجوز بقالو خمس سنين وكانت دايما بيقول أن هو مسافر بس كان بيروح عند مريم نظارات مليكة ليزن كانت بتقطع قلبي ونظرات يزن لينا كانت بتقطع قلبي
فاتن:معلش يا ليلى مفيش حاجة في ايدك....المهم انا همشي وبكرا هكلمك
ليلى:طيب
فاتن مشيت وراحت البيت وكان في شباب بتضايقها وهي جريت بسرعة وادهم اتصل بيها
ادهم باستغراب:بتنهجي كدا لية
فاتن قالك لادهم على الشباب اللي ضايقوها
ادهم بعصبية:ومتصلتيش بيا لية ها؟
فاتن:واتصل بيك لية
ادهم:هو اية اللي تتصلي بيا لية يا فاتن انا لازمتي اية ها انزلي وريني من دول
فاتن برقت:لا طبعا مش هنزل يا ادهم
ادهم:انجزي انزلي يا فاتن هما فاكرين نفسهم اية يعني الكلاب دي لازم تتربى
فاتن ابتسمت:مينفعش انزل في الوقت دا يا ادهم
ادهم اتنهد:بكرا تنزلي
فاتن:ماشي
ادهم قفل وفاتن فرحت جدااا بغيرة ادهم
فاتن:هتحبني يا ادهم زي ما بحبك
فاتن قعدت على الموبايل فجأة جالها طلب صداقة من ريهام اللي مرتبط بيها ادهم!!فضلت تفكر كتير تقبل ولالا وفي الاخر قبلت بعد دقيقة ريهام بعتت لفاتن رساله
ريهام:ازيك يا فاتن
فاتن:كويسة
ريهام:يارب دايما...انا كنت محتاجة اتكلم معاكي
فاتن:اتفضلي
ريهام:ادهم يا فاتن متخانق معايا وكل شوية خناقات...عارفة انك مستغربة اني بكلمك أنتِ بس انا متخانقة مع صحابي وقولت اكلمك
فاتن:الخناقات بتقرب العلاقات
ريهام:بس انا زهقت
فاتن:استحملي مش أنتِ بتحبي
ريهام:بحبه اوي
فاتن:يبقى استحملي
ريهام:ممكن اطلب منك طلب
فاتن:اتفضلي
ريهام:ممكن تكلمي ادهم وتخلي يصالحني
فاتن:ماشي
فاتن فضلت ماسكة الموبايل بتفكر تتصل ولا لا وفي الاخر اتصلت بادهم
ادهم:اية يا حبيبتي
فاتن اتجهلت الكلمة:صالح ريهام يا ادهم
ادهم:وأنتِ عرفتي منين أن احنا متخانقين
فاتن قالت لادهم على ريهام
ادهم:اوعي تقولي لريهام أن احنا صحاب
فاتن بتريقة:لا متخفش سلام
فاتن قفلت وهي متغاظة واتصلت بليلى
ليلى:اية يا فاتن
فاتن قالك لليلى كل حاجة حصلت
ليلى:احسن يا فاتن تستاهلي اللي بيحصلك
فاتن:لية كدا
ليلى بعصبية:لانك معندكيش دم الاستاذ المحترم بيحب واحدة غيرك بيتسلي بيكِ يا فاتن مش هو لما بيبقى متخانق مع ريهام بيكلمك حلو!!ولما بيبقى متصالح مع ريهام بيكلمك وحش!!كرامتك يا بنتي أنتِ اية!!!
فاتن بدموع:سلام يا ليلى
فاتن قفلت مع ليلى وقفلت موبايلها ونامت
باك*
مراد:ثواني بقا كدا علشان افهم
ليلى:عايز تفهم اية
مراد:ريهام عرفت ليلى منين
ليلى:ركز كدا معايا انا وفاتن وريهام وادهم كنا مع بعض في الثانوي فاتن كانت بتكرهه حاجة اسمها ادهم بس جت فترة عليها وكانت بتكراش عليه وكانت تفضل تتخيل نفسها انها متجوزة ادهم المهم رحيل صحبتنا كانت مخطوبة لشادي وشادي دا يبقى صاحب ادهم وفي يوم رحيل اتفقت هتعمل عيد ميلاد شادي
فلاش باك*
رحيل:بصي يا فاتن انا هعمل عيد ميلاد شادي وهكلم ادهم واتفق معا
فاتن بسرعة:هاجي معاكِ
رحيل ابتسمت:ماشي
رحيل كلمت ادهم واتفقت معا وجهزو للعيد ميلاد وشادي فرح جدا ورحيل وشادي وادهم وفاتن قاعدين مع بعض وكل شوية موبايل ادهم يرن
فاتن بغيرة:رد يا ادهم ممكن حاجة مهمة
ادهم:لا دي ريهام
رحيل:ريهام مين
شادي:اللي مرتبط بيها ادهم وان شاء الله هيخطبها
فاتن اتصدمت ومتوقعتش نهائي أن ادهم مرتبط
باك*
ليلى:فهمت
مراد:اه بس لية ريهام قالت لفاتن أنتِ مستغربة اني بكلمك
ليلى:بعد العيد ميلاد بتاع شادي حصلت حوارات كتير وريهام عرفت واتخانقت مع فاتن وقالت لفاتن أنتِ بتحبي ادهم بس فاتن أنكرت ساعتها لأن ريهام بيئة جدا وبتاعت مشاكل وبعدين ادهم اتخانق مع ريهام لأنها اتخانقت مع فاتن وساعتها قرب من فاتن وفاتن اعترفت بحبها لادهم
مراد:ورد ادهم كان اية
ليلى:قالها أن هو مرتبط وكدا وقالها لو عايزة نبقى صحاب معنديش مانع
مراد:وفاتن وفقت
ليلى:اه
مراد:كملي
فلاش باك*
بعد ما ليلى قفلت مع فاتن ودخلت عند ياسمين اللي كانت بتكلم في الموبايل
ياسمين:ماشي يا علي سلام
ياسمين قفلت وبصيت لليلى
ياسمين:بتبصيلي كدا لية؟
ليلى:هو مش الصبح كنتِ بتكلمي واحد اسمه مازن دلوقتي علي!!!
ياسمين بلامبالاة:وأية يعني
ليلى بعصبية:من امتى وأنتِ كدا يا ياسمين ومن امتى اصلا كنتِ بتكلمي حد!!
ياسمين:ليلى انا اختك الكبيرة مفروض تحترميني
ليلى:تمام بس خليكِ عارفة انك ماشية في طريق غلط وهترجعي خسرانة
ياسمين:لا مش هخسر
ليلى:انا نبهتك وأنتِ حرا
ياسمين: اوكاي
ليلى نامت وتاني يوم صحيت بدري وراحت عند فاتن وام فاتن هي اللي فتحت وليلى سلمت عليها ودخلت عند فاتن اللي كانت قاعدة على السرير وليلى راحت قعدت جنبها
ليلى:متزعليش مني
فاتن: حصل خير يا ليلى
ليلى اتنهدت:انا عارفة انك زعلانة يا فاتن بس غصب عني انا بحبك وخايفة عليكي وطلعت كل عصبيتي عليكي حقك عليا
فاتن ابتسمت:مش زعلانة خلاص يا ليلى
ليلى طلعت شوكولاتة كبيرة واعطيتها لفاتن
ليلى:اعتبري دي هدية صغيرة علشان متزعليش
فاتن اخدت الشوكولاته وابتسمت:مش زعلانة والله خلاص
ليلى:ماشي...احكيلي عاملة اية مع ادهم
فاتن حكيت لليلى عن ريهام وادهم
ليلى بهدوء:وأنتِ ناوية على اية
فاتن:مش عارفه يا ليلى انا متلخبطة
ليلى:عايزة نصيحتي
فاتن:اه
ليلى:ابعدي يا فاتن والله لو كملتي هتتعبي احنا لسة في الأول هتتعبي شوية بس بعدين هترتاحي
فاتن:يا ليلى مش أنتِ قولتيلي نحارب علشان حبنا
ليلى:اه قولت بس أنتِ هتطلعي خسرانة أحيانا مينفعش نحارب لأن احنا بنبقى عارفين أن احنا اللي خسرانين
فاتن اتنهدت:حاضر هبعد
ليلى ابتسمت وحكيت لفاتن عن ياسمين
فاتن:طب ما تقولي لطنط حنان
ليلى:مش عايزة اشغل ماما بالمشاكل دي وبعدين يا فاتن لو ماما عرفت هتضايق والصراحة بقا فيها اللي مكفيها
فاتن:عندك حق هتعملي اية طيب
ليلى:مش عارفة انا نصحتها وهي مصممة يا فاتن
فاتن وليلى فضلوا يتكلمه وبعدين ليلى روحت...فاتن قررت تبعد خالص عن ادهم ومسحت رقمه وفي يوم كانت قاعدة وادهم اتصل بيها وهي مخدتش بالها أن دا رقمه
ادهم:كدا تبعدي عني
فاتن برقت: ادهم!
ادهم:على أساس مش معاكِ رقمي!
فاتن بتوتر:اصل يعني الموضوع
ادهم قاطعها:اية يا بنتي كل دا....عاملة اية
فاتن بهدوء: الحمدلله
ادهم:وحشتيني
فاتن:وحشتك بجد
ادهم:عندك شك في دا
فاتن:عامل اية مع ريهام
ادهم:صالحتها خلاص
فاتن:مبروك
ادهم: أنتِ زعلانة مني؟
فاتن:لا هزعل لية
ادهم:بصي يا فاتن انا عارف انك بتحبيني بس انا بحب ريهام غصب عني انا نفسي اراضيكي يا فاتن بس متعرفيش بكرا في اية كدا كدا انا زهقت من ريهام ممكن بكرا نسيب بعض واوعدك أن لو سبت ريهام مش هرتبط أو أخطب حد غيرك
فاتن بفرحة:بجد يا ادهم
ادهم:طبعا بجد
فاتن قفلت وفرحت جدااااااا واتصلت بليلى وقالتلها
فاتن:ساكتة لية
ليلى:عايزاني اقول اية يا فاتن
فاتن:قولي اي حاجة
ليلى:قولتلك ابعدي يا فاتن وأنتِ مسمعتيش كلام بس أنتِ حرا بس مترجعيش تندمي
فاتن بثقة:مش هندم صدقيني وادهم بدأ يحبني
ليلى اتنهدت:ما نشوف
فاتن:هنشوف
باك*
ليلى:كفاية كدا النهاردة
مراد:رخمة على فكرة
ليلى ببرود:عارفة
مراد:طب عايزة اسال سوال
ليلى:سوال واحد بس
مراد ابتسم:ماشي....فاتن لية رجعت لادهم برغم انها قررت تبعد
ليلى:فاتن اه قررت انها تبعد بس من جواها لا فاتن كانت مستنية مكالمة ادهم وانا كنت عارفة أن أول ما ادهم يكلمها هي هتنسى
مراد:طب هو ادهم كان بيحب ريهام
ليلى:اه
مراد:غريب ادهم دا
ليلى:ولا غريب ولا حاجة كل الرجالة خاينة
مراد:متعقدة من الرجالة؟
ليلى:لا مش متعقدة بس بكرهم
مراد:لية
ليلى:مش ملاحظ أن اسالتك كترت وانت عايزة انام
مراد:اهربي براحتك بس هيجي يوم وتقوليلي
ليلى:ان شاء الله
مراد:يلا سلام
ليلى:سلام
مراد مشي وليلى نامت
نروين عبدالمنصف