خمسة اغسطس
البارت الثالث والعشرون
فات اسبوع وشادي ورحيل مشغولين بتجهيز الخطوبة ومالك وليلى مشغولين بتجهيز الفرح وياسمين وعلي بيجهزوا للفرح
ياسمين:انا تعبت من التجهيزات دي
علي بحب:هانت خلاص فاضل اسبوعين وهنرتاح من كل دا وهاخدك ونسافر شهر كامل
ياسمين ابتسمت:وهنسافر فين بقا؟
علي:مش عارف أنتِ عايزة تروحي فين
ياسمين بتفكير: عايزة اروح شرم الشيخ
علي ضحك:بس كدا!من عنيا حاضر
ياسمين:يلا بقا علشان في حاجات كتير ورانا
علي:يلا
ليلى كانت في الاستوديو وقدمت البرنامج وبعدين كانت قاعدة في الاستوديو بتتكلم مع زميلتها ومالك دخل عليهم وقرب منهم
مالك ابتسم:ازيك يا قمر
ليلى ابتسمت: الحمدلله انت عامل اية
مالك:كويس طول مانتِ كويسة
ليلى ابتسمت وسكتت وهو اخدها ومشيوا وكانوا سوا في العربية وموبايل مالك رن
مالك:الو يا امي
عايدة:الو يا حبيبي فاضي؟
مالك:حتى لو مشغول افضالك مخصوص
عايدة:حبيبي تسلملي
مالك:عايزاني في اية بقا؟
عايدة:داليا بنت خالتك راجعة النهاردة من المانيا روح جيبها من المطار
مالك:حاضر
مالك قفل مع عايدة وبص لليلى
مالك:انا هروح اجيب بنت خالتي من المطار تيجي معايا ولا اروحك الاول؟
ليلى ابتسمت:هروح معاك
مالك ابتسم وراحوا هما الاتنين المطار وكانوا مستنين طيارة ألمانيا وبعد شوية الطيارة وصلت وكانوا واقفين مستنين داليا وبعد شوية داليا نزلت من الطيارة وبتبص بعينها شافت مالك وراحت ناحيته مبتسمة
مالك بابتسامة:دولي ازيك
داليا قربت من مالك وحضنته:وحشتني يا مالك
ليلى برقت وبصيت بغضب لداليا ومالك بعد عنها بهدوء
مالك بتحذير:اوعي يا داليا تعملي كدا تاني اوعي تقربي مني بالشكل دا
داليا:سوري يا مالك
مالك بص الناحية التانية وداليا بصيت لليلى اللي بصالها بقرف
داليا:مش هتعرفنا
مالك:دي ليلى خطيبتي
داليا بصدمة:اية دا انت خطبت!
مالك:اه
داليا بصت لليلى: بس انت كنت رافض فكرة الجواز اية اللي غير رايك
مالك بص لليلى:قابلت ليلى ووقعت في حبها
داليا:اممم
داليا قربت من ليلى وابتسمت ببرود:هاي انا داليا بنت خالت مالك وقريبين جدا من بعض
ليلى ابتسمت بتحدي:ممكن زمان تكونوا قريبين من بعض بس دلوقتي الوضع اختلف انا بقيت في حياة مالك ومفيش اي بنت هتقرب من مالك غيري
مالك ابتسم لشراسة ليلى وبعدين اخدهم وركبه العربية وعايدة اتصلت
عايدة:جبت داليا يا مالك؟
مالك:اه
عايدة:هاتها معاك البيت
مالك:اية!!دا لية
عايدة:لأن خالتك لسة مرجعتش من السفر وهي قالتلي اخلي داليا عندي عقبال ما تيجي وبعدين مينفعش نسيبها لوحدها
مالك بنفاذ صبر:حاضر يا امي
مالك قفل مع عايدة ومش عارفة يعمل اية يوصل داليا الاول ولا ليلى
مالك:هوصلك الاول يا ليلى
ليلى:لا يا حبيبي وصل داليا الاول وبعدين وصلني
مالك بتردد:داليا هتقعد معانا في الڤيلا يا ليلى
ليلى بصت لمالك كتير ومش عارفه تقول اية لمالك ازاي يقعد هو البنت دي في بيت واحد!!!ازاي خطيبها هيقعد مع واحدة عينها عليه!!
ليلى بهدوء:ماشي...وقفني هنا وانا هركب تاكسي
مالك:تركبي تاكسي لية!!انا هوصلك
ليلى بتريقة:متتعبش نفسك روح البيت انت وداليا اكيد تعبانة من السفر
داليا:مالك يا لولي اوعي تكوني مضايقة علشان هروح الڤيلا عند مالك (ضحكت)خايفة اخطف مالك منك؟
ليلى بصيتلها ببرود:اخاف منك أنتِ!!بغض النظر أن مالك مستوى ارقى من كدا بس انا بثق في خطيبي وعارفة أني أنا مالية عينه
مالك ابتسم وداليا اتغاظت من برود ليلى وبعدين مالك وصل ليلى ومشي وراح الڤيلا هو وداليا وعايدة رحبت بداليا
شادي كان عند رحيل وتاني يوم كانت الخطوبة
شادي بفرحة:بكرا هتبقي خطيبتي
رحيل:أخيرا بجد
شادي:اية رايك نكتب الكتاب مع الخطوبة
رحيل ابتسمت:انا معنديش مانع بس بابا مش هيوافق
شادي بغيظ:انا زهقت من ابوكي
صالح من ورا شادي:بتقول حاجة يا شادي
شادي وقف بسرعة:بقول قد اية انا بحبك يا عم صالح
صالح:اممم بحسب...مش ناوي تمشي الوقت متاخر
شادي بغيظ:بتطردني يا عمي
صالح ببرود:اه
شادي:مااشي انا ماشي اهو
شادي مشي وصالح ابتسم بحب
مالك كان قاعد في التراس وعمال يتصل بليلى بس هي مش بترد عليه بص في ساعته كانت الساعة ١٢ وبعدين اخد مفتاح العربية ومشي وراح تحت بيت ليلى واتصل بيها بس مردتش راح بعتلها رسالة"انا تحت البيت لو منزلتيش خلاص خمس دقائق هطلع"
ليلى شافت الرسالة وجريت على البلكونة وشافت عربية مالك تحت ونزلت بسرعة وفتحت العربية وركبت جمبه وهو بصلها
ليلى بغضب:انت مجنون!!ازاي تيجي في وقت زي دا
مالك:مهانش عليا اسيبك تنامي زعلانة مني
ليلى كل غضبها اتبخر وابتسمت بحب لمالك
ليلى:مالك انا
مالك قاطعها:انا عارف كويس انك مضايقة من وجود داليا معايا في نفس المكان بس هي ملهاش حد غيرنا وخالتي وصيت امي عليها ومينفعش نسيبها...انا بحبك يا ليلى ومحبتش غيرك خلي عندك ثقة فيا وفي حبي ليكِ
ليلى بصيتله:انا يثق فيك وفي حبك يا مالك وعارفة كويس انك عمرك ما هتخون ثقتي فيك بس في نفس الوقت انا مش بثق في داليا (كملت بغيظ)دي إنسانة باردة معندهاش دم بني ادمة ملزقة بتفضل تقرب منك دي حضنتك!!
مالك بجدية:انا لحد دلوقتي مضايق من تصرفها ودي اول مرة تعمل معايا الحركة دي انا مش بسمح لاي حد يقرب مني بالشكل دا بس انا وقفتها عند حدودها
ليلى ابتسمت:عارفة انك وقفتها عند حدودها وعجبني رد فعلك
مالك بحيرة:اومال اية اللي مزعلك مني
ليلى:انا مش زعلانة منك بس انا مش عايزة تقعد انت وهي في نفس المكان
مالك ابتسم:طب اية اللي يرضيكي وانا اعمله
ليلى ابتسمت بتفكير:روح بات عند عامر
مالك: والله فكرة حلوة حاضر يا ست ليلى هروح عند عامر
ليلى ابتسمت:انا بحبك اوووي يا مالك
مالك بحب:وانا بموت فيكِ يا روح مالك
ليلى ابتسمت ومالك ابتسم:انزلي بقا الوقت متاخر
ليلى ابتسمت ونزلت وهو راح عند عامر ورن الحرس وعامر استغرب من وجود مالك
عامر:انت كويس
مالك ابتسم:اه
عامر:اية اللي جابك
مالك كشر:اقوم امشي يعني؟
عامر بسرعة:لا مش قصدي بس مستغرب من وجودك في وقت متأخر
مالك سند رأسه على الكرسي وابتسم:دي أوامر من القيادات العلية
عامر كشر:مش فاهم
مالك حكى لعامر اللي حصل وعامر فضل يضحك عليهم
عامر بضحك:عيشت وشوفت بنت بتمشي كلامها عليك
مالك ضحك:مش عارف اية اللي بيحصل دا
عامر ومالك فضلوا طول الليل يهزروا سوا
تاني يوم بليل جاء ميعاد الخطوبة وشادي راح يجيب رحيل من الكوافير وكان فرحان جدا وهي كمان كانت فرحانة وهو كان مبهور من جمالها وراحه القاعه....مالك راح الڤيلا علشان يجهز ولبس بدلة شيك جدا ونزل وداليا قابلته عند السلم
داليا:اية الشياكة دي
مالك ابتسم بتكلف:شكرا
داليا:رايح فين كدا
مالك:خطوبة صحبت ليلى
داليا:اتغيرت يا مالك زمان كنت بفضل اتحايل عليك علشان تيجي معايا أي مناسبة
مالك: مينفعش ليلى تكون في مكان وانا مكنش فيه
مالك مشي قبل ما داليا ترد وركب العربية وراح لليلى وكان بيفكر في كلام داليا وبيسال نفسه هو فعلا اتغير!داليا قالت أن هو اتغير وعامر قال أن هو اتغير!!معقول الحب بيغير الإنسان في ثانية!!
وصل مالك تحت بيت ليلى واتصل بيها تنزل وهي نزلت بسرعة وركبت جمبه
مالك:اية الجمال دا
ليلى:بجد حلوة!!
مالك:انتِ احلى من العروسة انا بفكر اصلا منرحش لأن العيون كلها هتبقى عليكِ
ليلى ابتسمت:وانت كمان وسيم اووي والبنات كلها هتبقى عينها عليك
مالك:ميهمنيش البنات اهم حاجة أنتِ
ليلى ابتسمت وراحوا الخطوبة سوا وليلى سلمت على شادي ورحيل ومالك بارك لشادي ورحيل وبعدين قعده وفاتن جت وسلمت على رحيل بحب وكانت فرحانة جدا ليها
ليلى:انا هروح الحمام
مالك:ماشي متتاخريش
ليلى ابتسمت وطلعت برا القاعة...فاتن حسيت بخنقة وطلعت برا القاعة تشم هوا
_:ازيك يا فاتن
فاتن بصت وراها واتصدمت:ادهم!
رائيكم
نروين عبدالمنصف
أنت تقرأ
خمسة اغسطس
حركة (أكشن)ليلى:لا طبعا هو مش غبي هو معندهوش صحاب معندهوش حد يبقى معا فعلشان كدا بيعزم الناس دي يمكن حد يصاحبه بس للاسف الناس بتستغله وتستغل طيبته...متحكمش على حد يا مراد من غير ما تعرفه لأن هتلاقي جوا كل واحد قصة حزينة مراد:ما ممكن الناس دي بتحبه بجد ويمكن ه...
