خمسة اغسطس

البارت الثامن والعشرون

خمسة اغسطس
البارت الثامن والعشرون

مراد بصدمة:يعني ليلى وفاتن شخص واحد!!
ياسمين:اه
مراد:ياسمين بعد جواز سليمان من مريم معاملة سليمان اتغيرت بقا يعاملكم وحش؟
ياسمين:بالعكس معاملة سليمان كانت حلوة جدا لينا كان دايما معانا وكان دايما بيخرجنا ويهزر معانا وبرغم أن ليلى كانت بتبعد عنه هو كان دايما بيقرب ويجبلها الحاجات اللي بتحبها...وحنان بردو كانت دايما معانا وتعمل كل حاجة ليلى بتحبها وتتكلم مع ليلى وتقرب منها... حتى مريم كانت بتهزر وتخرج ليلى وكانت بتحبها جدا الكل كان قريب جدا من ليلى وحتى لما بتبعد الكل كان بيقرب منها
مراد عمال يفكر في كلام ياسمين ازاي كل دول بيحبه ليلى وقريبين منها وهي قاتلتهم!!يعني كل اللي ليلى بتقولوا كان من عقلها الباطن!!
مراد بسرعة:طب قوليلى اية حكاية مازن
ياسمين كشرت:مازن دا كنت بحبه بس هو كان بيتسلى بيا وخطف ليلى بس مالك أنقذها
مراد ابتسم:على الأقل في حاجة طلعت صح
ياسمين:بتقول اية
مراد:لا ولا حاجة
مراد وعاصم مشيوا ومراد طول الليل بيفكر في ليلى ومقدرش ينام وراح نزل المستشفى الساعة خمسة الصبح وراح عند ليلى اللي كانت نايمة وقعد جمبها
مراد:مش عارف لية أنتِ بالذات اللي حبيتك بس اوعدك اني هحاول اعالجك
مراد اتنهد وطلع وبعد ما طلع ليلى فتحت عينها وقامت بصت من الشباك
ليلى: بتحبني لية يا مراد انا مريضة ومش هتعالج

مراد فضل قاعد مستني دكتور عاصم لحد ما جاء ومراد دخل وقعد هو وعاصم
عاصم:احكيلي كل حاجة يا مراد
مراد حكى لعاصم كل حاجة باختصار
عاصم:يعني كل دا من عقل الباطن بتاع ليلى!
مراد بجدية:ليلى كانت قريبة من سليمان ولما اتجوز مريم عقلها الباطن أقنعها أن هو بيحب يزن ومريم اكتر وساعتها كانت هي بتحب ادهم وادهم جرحها وقررت انها تقتل مريم علشان يرجع سليمان زي الاول معاها وقاتلت مريم في نفس اليوم اللي ادهم جرحها فيه وبعدين حاولت تنتحر بس لحقها مالك.... وبعدين سليمان معاملته متغيرتش كانت نفس المعاملة لان هو من بداية متغيرتش اساسا وساعتها هي كانت مضايقة وقاتلت سليمان لأن هي فاكرة أن سليمان السبب في كل حاجة وحشة في حياتها..يوم موت حنان كانت ليلى متخانقة مع مالك ولما اتخانقت مع مالك كانت شخصيتها قوية عكس حنان فهي لما مالك كان قاعد مع قريبته عادي هي بينت أنها طبيعية وقعدت معاهم بقوة وزعلت من مالك إنما حنان لما سليمان اتجوز عليها سكتت ومكلمتش فقررت تقتل حنان
عاصم بتفكير:لو تلاحظ في تلات مرات اللي ليلى قاتلت فيهم كانت في كل مرة مضايقة!!
مراد فكر لثانية واكتشف فعلا أن كلام عاصم صح
عاصم:طب لية ليلى بطلت تحلم بكوابيس ساعة موت حنان؟دا لأنها اتعودت على القتل؟
مراد:لا معتقدش بس ليلى كانت بتحلم بكوابيس ساعة موت مريم علشان مفيش حد كان معاها والكوابيس قلت ساعة موت سليمان علشان كان في حياتها مالك وكان معاها إنما ساعة موت حنان محلمتش بكوابيس علشان كانت خطيبة مالك ومالك كان معاها في كل ثانية مالك كان حصن الأمان بتاع ليلى
عاصم:انت روحت شوفت التقرير بتاع ليلى في القسم؟
مراد:اه
عاصم:كان في اية؟
مراد حكى لعاصم كل حاجة وعاصم كان مصدوم من اللي بيسمعه
عاصم بصدمة:دا معنى
مراد كمل:ليلى عندها شيزوفرينيا