خمسة اغسطس
البارت التاسع والعشرون والاخير(الجزء التاني)
فات شهر وعامر قرب من رهف وعمرو قرب داليا وفي يوم عامر كان قاعد مع مالك
مالك:مالك
عامر:مفيش
مالك:لا فيه
عامر:مفيش يابني
مالك:بتحبها
عامر:هي مين
مالك غمز:رهف
عامر اتنهد:من اول مرة شوفتها ساعة ما مازن خطف ليلى وانا اعجبت بيها
مالك:طب ما تقولها على مشاعرك
عامر:افرض مبتحبنيش
مالك:وافرض بتحبك
عامر:مش عارف يا مالك
مالك اتنهد:قولها مش هتخسر حاجة
عامر فكر في كلام مالك وقام واتصل برهف وطلب منها يتقابلوا وهي وافقت ونزلت تشوف عامر
رهف:اية بقا الموضوع
عامر:رهف انا بحبك
رهف اتصدمت من صراحة عامر وابتسمت
رهف بحرج:عامر الصراحة انا
عامر قاطعها:عارف اني صدمتك بس صدقيني مش قادر اسكت اكتر من كدا
رهف اتنهدت:وانا كمان بحبك يا عامر
عامر تنح وبعدين ابتسم:بجد يا رهف انا بجد مش مصدق انا فرحان يلا بينا هنروح عند أهلك
رهف ضحكت: دلوقتي
عامر:اه يلا
عامر راح عند أهل رهف وأهلها رحبه بيه جدا واتفق معاها أن بليل هيجي هو وأهله
داليا كانت قاعدة مع عمرو
عمرو:مش ناوية تحددي ميعاد مع اهلك
داليا باستغراب:لية
عمرو:علشان اطلب ايدك
داليا بصت لعمرو ومش مستوعبة هو قال اية
داليا:انت قولت اية
عمرو ابتسم: عايزك تحددي معاد مع اهلك علشان اطلب ايدك علشان بحبك
داليا متنحة من كلام عمرو وبعدين ضحكت
داليا بفرح:يعني انت بتحبني زي ما انا بحبك
عمرو ضحك بفرحة:أنتِ بتحبيني
داليا:اه
عمرو:طب يلا بينا بقا على أهلك
داليا:استنى انا بابا متوفي ومفيش غير ماما
عمرو:خلاص هطلبك من مامتك مش هي رجعت من السفر
داليا:اه اول امبارح
عمرو:خلاص انتوا قاعدين عند مالك صح
داليا:اه
عمرو:ماشي
عمرو وصل داليا لبيت مالك واتصل بليلى
عمرو:بقولك يا ليلى انا بحب داليا وقولتلها وهي كمان طلعت بتحبني
ليلى بفرحة:الف مبروك يا عمرو
عمرو ابتسم:الله يبارك فيكي انا في الطريق هاجي اخدك ونروح عند مالك نتقدم لو وافق اجيب بكرا ابويا وامي
ليلى ابتسمت:ماشي
ليلى لبست وعمرو جاء وراحه عند بيت مالك وليلى رنت الجرس والدادة فتحت وليلى وعمرو دخلوا ومالك استغرب وجود ليلى مع عمرو وعايدة طلعت هي وام داليا وداليا والكل قعد مع بعض ومالك عينه على ليلى
عمرو كانت هيتكلم بس ليلى قاطعته وهمست لعمرو:انت جايبني معاك لية!!انا اللي هتكلم
عمرو ابتسم:ماشي اتكلمي
ليلى: احم استاذ مالك انا جاية اطلب ايد بنت خالتك لابن عمي عمرو
مالك ضحك:انا عن نفسي موافق (بص لداليا)وأنتِ اية رايك
داليا بكسوف:اللي تشوفه
عمرو:يبقى على بركة الله
عمرو فرح وداليا كمان فرحت وبعدين عمرو مشي وليلى كانت مع مالك
مالك:بقا جاية مع عمرو
ليلى:متزعلش علشان مقولتلكش بس انا لسة عارفة
مالك بحب:مش زعلان يا حبيبتي
ليلى ابتسمت وبعدين مشيت....عمرو راح هو وأهله عند مالك وام داليا رحبت بيهم وعامر راح هو وأهله عند رهف واهل رهف رحبه بيه واتفقوا أن الخطوبة يوم الخميس وعمرو وعامر اتفقوا أن خطوبتهم في نفس اليوم
قبل الخطوبة بيوم ليلى قاعدة مع مالك
ليلى:مالككككككك
مالك:نعم
ليلى:هنتجوز امتى الكل بيتجوز ويخطب واحنا لسة زي ما احنا مش بنعمل حاجة
مالك بحيرة:مش عارف والله يا ليلى
ليلى:طب احنا اية اللي ماخرنا
مالك: دلوقتي احنا لازم نحضر فرح عامر وعمرو
ليلى كشرت:وأية علاقة دا بجوازنا
مالك:بصي يا ستي انا ناوي لما نتجوز اخدك ونسافر.. نسافر بعيد عن ناس دي كلها نلف العالم انا وأنتِ وبس
ليلى بفرحة:قول والله
مالك ضحك:هكدب عليكي لية
ليلى بفرحة:انا طول حياتي نفسي اسافر مع اللي بحبه
مالك بحب:هنسافر ونقعد براحتنا
ليلى:يعني احنا فرحنا بعد فرح عامر وعمرو
مالك:اه
ليلى:عارف يا مالك انك انت الوحيد اللي حبيته من قلبي مكنتش اتخيل في يوم اني احب حد كدا واني ممكن اتغير علشان حد بس انت جيت وغيرت كل حياتي وغيرتني انا شخصيا انت الوحيد اللي بثق فيك
مالك:انا مكنتش بصدق أن في حب كنت فاكر كل اللي احنا فيه دا تعود مش حب لحد ما شوفتك ووقعت في حبك ربنا يخليكي ليا يا حبيبتي
ليلى:ويخليك ليا
مالك كان فرحان من كلام ليلى بس افتكر السر اللي مخبيه عليها!!هي ممكن تسامحه على السر دا!!بس هو عمل كل دا علشانها....ليلى كمان افتكرت السر اللي مخبياة على مالك هل لو مالك عرف حقيقتها هيسيبها!!
كل واحد فيهم سرحان في أفكاره ومحدش قادر يصارح التاني
تاني يوم خطوبة رهف وداليا والكل كان فرحان وعامر وعمرو كانوا فرحانين جدا أن هما أخيرا خطبوا اللي بيحبوهم وليلى كانت فرحانة ليهم ومالك كان فرحان...الخطوبة خلصت والكل كان فرحان
أنت تقرأ
خمسة اغسطس
Açãoليلى:لا طبعا هو مش غبي هو معندهوش صحاب معندهوش حد يبقى معا فعلشان كدا بيعزم الناس دي يمكن حد يصاحبه بس للاسف الناس بتستغله وتستغل طيبته...متحكمش على حد يا مراد من غير ما تعرفه لأن هتلاقي جوا كل واحد قصة حزينة مراد:ما ممكن الناس دي بتحبه بجد ويمكن ه...
