خمسة اغسطس

البارت التاسع

خمسة اغسطس
البارت التاسع

مراد راح لليلى وكان بيتكلم معاها
مراد:يلا يا ست ليلى كملي
ليلى:حاضر
فلاش باك*
ليلى اتصدمت لما عرفت أن مازن هيتقدم وفضلت تفكر هل مازن بيحب ياسمين بجد!! ولا بيعمل كدا علشان حاجة معينة
ليلى:الف مبروك يا يا ياسمين
ياسمين:الله يبارك فيكِ عقبالك
ليلى ابتسمت وفضلت تتكلم معاهم وبعدين قعدت على الفيسبوك ولقيت بالصدفة الاكونت بتاع مازن ودخلت وفضلت تتفرج على الصور وشافت صورة مازن مع محمود الشرقاوي وكاتب بابا حبيبي ربنا يخليك ليا وبعدين بصيت على اسم مازن لقيت مازن الشرقاوي!!
ليلى:ازاي!!يعني مازن يبقى ابن محمود الشرقاوي ابن رجل الأعمال المشهور!طب ازاي هو رفض يتقدم لياسمين علشان الشقة مش جاهزة!طب ازاي يبقى ابن محمود الشرقاوي والشقة مش جاهزة
ليلى قامت وراحت لياسمين
ليلى:هو لية مازن يا ياسمين مجاش من بدري
ياسمين:قولتلك قبل كدا يا ليلى علشان الشقة مش جاهزة
ليلى: ودلوقتي الشقة جاهزة؟
ياسمين:اه
ليلى:هو مين ابو مازن
ياسمين كشرت:مش عارفة الصراحة انا مسالتش وهو مقالش حاجة عنه وبعدين الحاجات دي متفرقش معايا
ليلى:اممم طيب
ليلى طلعت وراحت تنام وفي دماغها اسالة كتيرة وقررت الصبح تقابل مازن وتحط النقط على الحروف
تاني يوم صحيت بدري وراحت تقابل مازن وهو كان قاعد مستنيها
مازن:اهلا اهلا باخت عروستي
ليلى ابتسمت:اهلا بالاستاذ مازن محمود الشرقاوي
مازن:اية دا أنتِ عرفتي أن ابويا محمود الشرقاوي
ليلى ببرود:اه
مازن:طب كويس انك عرفتي
ليلى:انت عايز اية يا مازن
مازن:كل خير يا ليلى
ليلى:انت مش ناوي على خير ابدا انت ناوي على شر
مازن بغموض:كلها يومين وهتعرفي كل حاجة
ليلى:مش هسمحلك يا مازن تلعب بمشاعر ياسمين
مازن بنرفزة:أنتِ اية مشكلتك معايا؟لية مصممة تطلعيني وحش؟قولتيلي اتقدم وانا جيت اتقدمت عايزة اية تاني ؟
ليلى:عايزة اعرف الحقيقة
مازن:الحقيقة اني جاي اتقدم لبنت سليمان الراوي بس
ليلى:ماشي يا مازن
ليلى قامت ومازن بصلها لحد ما اختفيت من قدامه وابتسم بغموض

رحيل راحت لرهف  وهي مقررة تخير رهف بينها وبين اروى ورنت الجرس واروى هي اللي فتحت
اروى بابتسامة:رحيل ازيك
رحيل بضيق:كويسة
اروى:ادخلي رهف جوا
رحيل دخلت هي واروى جوا ورهف سلمت على رحيل
اروى:اية رايك يا رهف نخرج نروح الملاهي
رحيل بسرعة:رهف بتخاف من الملاهي
رهف:لا انا موافقة نروح يا اروى طول ما أنتِ معايا مش هخاف
اروى ابتمست لرهف وسكتت ورحيل قاعدة مصدومة وبعدين قامت مشيت بهدوء وراحت لفاتن
ليلى بعد ما مشيت قررت تروح لفاتن وراحت هناك وكانت رحيل موجودة
ليلى:ازيكم
رحيل: كويسين أنتِ عاملة اية
ليلى:كويسة
وبعد سلامات وكلام بينهم كتير
فاتن:جماعة عايزة اقولكم حاجة
رحيل:قولي
فاتن: عيد ميلاد ادهم قرب
ليلى بترقب:وبعدين
فاتن:عايزة اعمل عيد ميلاده
ليلى بعدم استيعاب:نعم!أنتِ بتهزري صح
فاتن بهدوء:لا
ليلى بعصبية:اللي هو ازاي يعني يا فاتن؟هتعملي بصفتك اية؟
فاتن:بصفتي صحبته
ليلى بتريقة:والله!!دا انا صحبتك ومعملتليش عيد ميلادي
فاتن:انا اخدت قراري خلاص يا ليلى انا بعرفكم بس
ليلى:لا كتر خيرك
فاتن اتنهدت:يا جماعة بصوا انا قولتلكم أخري مع ادهم شهر!شهر واحد بس سبوني اعمل اللي انا عايزاه في الشهر دا
ليلى سكتت ورحيل مش مركزة معاهم
ليلى:انتِ حرا يا فاتن بس هتندمي والله
فاتن:لا مش هندم وبعدين احنا بنفرح انسان
ليلى بتريقة:بتفرحي انسان امم
رحيل:انا همشي يا جماعة وبكرا نتكلم باي
رحيل مشيت وليلى قعدت مع فاتن
ليلى:فاتن اعمليلي كابتشينو
فاتن:هقول لماما
ليلى:لا انتِ بتعملي احلى من طنط
فاتن:حاضر يا ست هانم
ليلى ابتسمت وفاتن راحت تعمل الكابتشينو

رحيل مشيت من عند فاتن وهي مخنوقة من كل اللي حواليها واتصلت بشادي علشان تقابلوا وشادي راح على النيل واستنى رحيل وهي وصلت وبعد سلامات كتير بينهم
شادي:مالك
رحيل بزعل:مفيش
شادي:رهف تاني صح
رحيل مردتش وشادي اتنرفز
شادي:انا مش فاهم أنتِ لية بتعملي في نفسك كدا يا رحيل
رحيل:بحبها يا شادي
شادي:وهي مش بتحبك
رحيل:لا بتحبني
شادي:واضح
رحيل سكتت وشادي اتنهدت:يا بنتي انا عايز مصلحتك
رحيل:رهف بتحبني وهتتصل بيا النهاردة وتصالحني
شادي:هنشوف يا رحيل
رحيل:ماشي

مراد:لية رهف بتعمل كدا مع رحيل
ليلى:أعتقد علشان رهف لقيت البديل
مراد:بجد!!يعني انا لو بحب واحد صاحبي ودخل حياتي واحد تاني اسيب صاحبي
ليلى:للاسف في ناس كتير كدا يا مراد اول ما تدخل حياتهم ناس جديدة بينسوا الناس القديمة
مراد:لية فاتن عايزة تعمل عيد ميلاد ادهم
ليلى:هي فاكرة لما تعمل كدا ادهم مثلا هيحبها
مراد:غبية
ليلى:لا دي عامية
مراد ابتسم:كملي

فاتن كلمت ادهم ونزلوا يتمشوا سوا
فاتن:بقولك يا ادهم
ادهم:قولي
فاتن بتردد:عايزة رقم اسر
ادهم كشر:اسر!!لية
فاتن:عادي
ادهم غمز:بتحبي ولا اية
فاتن:لا طبعا
ادهم بحيرة:اومال
فاتن:عادي
ادهم:مش هديلك رقم اسر غير لما اعرف السبب
فاتن اتنرفزت:بحبه يا ادهم بحبه
ادهم ضحك:قولي من الاول
فاتن اتغاظت وسكتت وهو طلع رقم اسر وبعته لفاتن
ادهم:بعتهولك
فاتن بغيظ:طيب
ادهم فضل مع فاتن وبعدين مشي وفاتن اتصلت بأسر
فاتن:الو اسر معايا
اسر:أيوة مين؟
فاتن:انا فاتن صحبت ادهم تعرفني؟
اسر: اه اه عرفتك
فاتن:ازيك
اسر:كويس وأنتِ
فاتن:كويسة...بص انا عايزة اطلب منك طلب بس ياريت ادهم ميعرفش
اسر:ماشي اية هو الطلب
فاتن:عايزة اعمل عيد ميلاد ادهم وعايزاك تساعدني
اسر:ماشي اية المطلوب
فاتن ابتسمت وشرحت لأسر كل اللي دماغها وأسر وافق على كل حاجة

مراد:حقيقي فاتن دي غريبة فين كرامتها
ليلى:الحب ميعرفش يعني اية كرامة
مراد:بس بردو يا ليلى مينفعش
ليلى:الحب مفهوش حاجة اسمها ينفع أو لا
مراد:طيب كملي

مازن كان بيكلم ياسمين في الموبايل
ياسمين:انا فرحانة اوووي يا مازن
مازن:ربنا يقدرني وافرحك
ياسمين:يعني أخيرا هنتجوز
مازن ضحك:ادعي بس أن باباكِ يوافق
ياسمين:هيوافق أن شاء الله
مازن فضل يكلم مع ياسمين وتاني يوم اخر النهار راح هو مامته وابوة عند ياسمين ومازن رن الجرس وحنان فتحت والكل دخل وقعد
سليمان:نورتونا
محمود:بنورك والله
وبعد سلامات وكلام كتير بينهم
هدى(ام مازن):عندك كام بنت يا حنان
حنان ابتسمت:تلاتة
هدى:طب ناديهم عايزة اسلم عليهم
حنان:من عنيا حاضر
حنان قامت وطلعت تنادي ياسمين وليلى ومليكة والتلاتة سلموا على هدى ومحمود ومازن كان بيبص بغموض
هدى:اقعدوا معانا بقا يا بنات
ياسمين ابتسمت هي وليلى وقعدوا
محمود بجدية:بص يا استاذ سليمان احنا كنا جايين علشان نطلب ايد
مازن قاطعه:بعد اذنك يا بابا انا عايز اتكلم
محمود ابتسم:ماشي يابني
مازن:عمي انا جاي اطلب ايد ليلى بنت حضرتك
رائيكم
نروين عبدالمنصف