خمسة اغسطس

البارت الثاني والعشرون

خمسة اغسطس
البارت الثاني والعشرون

ليلى:انت هتصحابني ولا اية
مالك:لا انا هتجوزك
ليلى بصيتله:انت بجد بتحبني ولا بتضحك عليا وهتسبني يا مالك
مالك بجدية:انا عُمري ما ضحكت على حد يا ليلى انا بحبك وعايزة اتجوزك وعايزك تكوني مراتي لآخر يوم في عُمري
ليلى اتنهدت وبصت لعين مالك:وانا كمان بحبك يا مالك...اول مرة شوفتك فيها لما كنت واقفة على السور ساعتها حسيت بالأمان انا وقعت في حبك يا مالك مع اني مش متعودة على الوقوع
مالك فرح جدا من كلام ليلى وكان عايز يقوم يحضنها بس مسك نفسه وليلى قررت متقولش حاجة لمالك وأنها هتتغير
مالك:قومي معايا
ليلى باستغراب:فين
مالك كشر:هنروح عند مامتك علشان اطلب ايدك
ليلى:لا طبعا بابا لسة ميت
مالك بحيرة:امتى طيب
ليلى:مش عارفه بس مش دلوقتي
مالك بتفهم:طيب
ليلى فضلت طول اليوم مع مالك وكانوا الاتنين فرحانين وبعدين ليلى مشيت

صالح كان راجع من الشغل وفتح الباب بالمفتاح ولقى شادي قاعد
صالح بعصبية:اية اللي جابك هنا
شادي ببرود:كنت قاعد مستني حضرتك
صالح بغيظ:ولما ملقتنيش منزلتش لية
شادي:قولت اقعد مع حماتي وشوية ومع مراتي المستقيلة واخه مراتي بس على فكره أحمد ابن حضرتك دمه خفيف
صالح قعد معاهم بغيظ:مش ناوي تمشي
شادي ببرود:لا
صالح:بنام بدري
شادي:خلاص هنام معاكم
صالح زعق:اظبط نفسك
شادي:مش قصدي اقصد يعني انام هنا على الكنبة
صالح:ماشي ياخويا اتفضل امشي
شادي مشي لان كان عنده شغل

فات تلات شهور ومالك راح اتقدم لليلى وحنان رحبت بيه واتفقوا أن الخطوبة بعد اسبوع بس هتبقى في البيت علشان سليمان ومالك وافق....فات اربع ايام ومالك وليلى راحوا يجيبوا فستان الخطوبة والبدلة ووصلوا المول
ليلى:انا هروح اجيب الفستان وانت روح هات البدلة ونتقابل هنا
مالك كشر:لا طبعا مش هسيبك لوحدك
ليلى:هتخطف يعني
مالك باستغراب:مش عايزاني ادخل معاكِ لية
ليلى كشرت:مش عايزاك تشوف الفستان غير يوم الخطوبة
مالك ضحك:ماشي يا ليلى هانم
ليلى ابتسمت ودخلت تجيب الفستان ومالك راح يجيب البدلة والاتنين خلصوا وبعدين اتقابلوا
مالك:عايز اجيب برفيوم
ليلى:في برفيوم حلو ليك هات منه
مالك:انهي واحد
ليلى بحرج:فاكر يوم ما بابا مات ساعتها يعني
مالك فهم قصدها وابتسم:دا خلص يا ليلى
ليلى:تعالي نجيب واحد زيه
مالك:لا لأن دا من فرنسا
ليلى بحماس:انت سافرت فرنسا قبل كدا
مالك ابتسم:اه يا حبيبتي
ليلى بحماس:انا عايزة اسافر فرنسا
مالك بحب:اول ما نتجوز هنلف انا وانتِ العالم
ليلى:بجد يا مالك
مالك:بجد يا قلب مالك
ليلى:ماشي يلا نروح نجيب برفيوم جديد
مالك ابتسم:يلا
مالك اخد ليلى وراحوا محل عطور مستوردة في المول..وفي بنت راحت عندهم
البنت بابتسامة:محتاجين اي مساعدة
مالك:عايز برفيوم  تبقى ريحته حلوة وهادية
البنت:اتفضل معايا
مالك مشي ورا البنت وليلى معا
البنت قربت من مالك بدلع:شم دا كدا
ليلى اخدت منها البرفيوم:متتعبيش نفسك انا هخلي يشمه
ليلى قربت من مالك بغيظ وخليتوا يشم البرفيوم وهو ضحك
مالك:أنتِ اية رايك فيه؟
ليلى بغيظ:وحش واساسا هما معندهمش حاجة حلوة
مالك باستغراب:اولا دا من أكبر محلات العطور اللي موجودة في مصر ثانيا احنا مشمناش غير دا
ليلى بعند:معندهمش حاجة حلوة يا مالك ولا انت عايز تقعد هنا
مالك رفع أيده باستسلام:مش عايز يلا نمشي
ليلى:يلا
ليلى مشيت وبتبص وراها لقت مالك واقف مع البنت والبنت مقربه منه اوووي وهي راحت ناحيتهم بغضب ومسكت البنت من دراعها بعنف
ليلى زعقت:بتقربي منه كدا لية
البنت:عادي يعني وبعدين انا مش قريبه منه اوي يعني
ليلى بتريقة:دا أنتِ خلاص هتدخلي في حضنه
البنت بصيت لمالك: ياريت
ليلى في اللحظة دي شدتها من شعرها وزعقت:فين صاحب المحل دا
البنت:ونبي خلاص
مالك:ليلى سيبي البنت
ليلى اتجاهلت كلامهم وصاحب المحل راح عندهم
صاحب المحل:خير يا فندم
ليلى:ما تشغل ناس محترمة
صاحب المحل:اية اللي حصل
ليلى:الست هانم المحترمة بتقرب من خطيبي بطريقة مستفذة بقولها أنتِ ناقص تدخلي في حضنه قالتلي ياريت
صاحب المحل:انا اسف جدا يا فندم
ليلى سابت شعرها ومشيت ومالك ماشي معاها ساكت لحد ما وصله العربية ليلى ركبت العربية وهو قفل عليها بالمفتاح وهو رجع المحل تاني وليلى كانت هتتجن وتنزل بس هو قافل عليها وبعد شوية رجع وركب واتحرك
ليلى زعقت:كنت فين
مالك بصرامة:وطي صوتك يا ليلى وأنتِ بتكلميني
ليلى مستغربة طريقة كلام مالك معاها:انت بتكلمني كدا لية
مالك زعق:لانك زودتيها يا ليلى انا عايز افهم اية اللي أنتِ عملتي دا
ليلى:عملت اية هاا؟واحدة بتقرب من خطيبي بطريقة مستفذة المفروض تتأدب
مالك:ادبيها بس باحترام
ليلى:هو منفعش معاها الاحترام
مالك:تقومي تقطعي عيشها!!أنتِ فاهمة أنتِ عملتي اية قطعتي عيشها
ليلى مفكرتش خالص في النقطة دي بس هي قربت من مالك
ليلى بهدوء:انت رحت فين
مالك:رحت لصاحب المحل علشان ميمشيش البنت
ليلى زعقت:وانت مهتم بيها لية
مالك بذهول:مهتم بيها فين!!
ليلى بغضب:رجعت تاني مخصوص علشان تكلم صاحب المحل واكيد اتكلمت مع الست هانم وقفلت عليا العربية علشان معرفش أن حضرتك واقف مع الست هانم
مالك بيحاول يسيطر على أعصابه:أيوة يا ليلى مهتم بيها حلو كدا
ليلى بهدوء:وقف العربية
مالك:ليلى اتعدلي بدل ما اعدلك واهدي كدا
ليلى زعقت: لو موقفتش العربية هفتح الباب وهنط
مالك وقف العربية وبص لليلى بغضب وهي اتجاهلته ونزلت وهو نزل وراها ومسك دراعها
مالك بغضب: أنتِ اية مشكلتك
ليلى:مشكلتي انك مهتم بواحدة غيري يا مالك
مالك اتنهد وبصلها:ليلى انا مش مهتم بغيرك بس مينفعش نقطع عيش حد أنتِ متعرفيش ظروفها اية
ليلى:يا مالك انا مفكرتش في النقطة دي بس هي عصبتني انا مش بحب حد يقرب منك وانت بكل برود رايح تكلمها تاني
مالك بتوضيح:انا روحت لصاحب المحل وقولتله ميطردهاش وبعدين روحت للبنت وقولتلها بلاش الحركات دي وان دي اخر فرصة ليها لو عملت حاجة تاني صاحب المحل هيطردها وهي فهمت الدرس واعتذرت فخلاص
ليلى اتنهدت:ماشي يا مالك
مالك ابتسم: متزعليش مني
ليلى بحب:مش زعلانة
مالك اخدها وركبه العربية
ليلى:اية الريحة دي
مالك:ريحة اية
ليلى:ريحة برفيوم
ليلى قربت من هدوم مالك وشمت ريحة التيشيرت بتاعه
ليلى:مش دي نفس البرفيوم اللي كانت في ايد البنت
مالك:اه
ليلى:اقلع التيشيرت دا
مالك:نعم!!
ليلى:اقلع التيشيرت يا مالك
مالك:مش معايا هدوم في العربية (سكت شوية وابتسم )بس عادي ممكن اقلع التيشيرت وافضل من غير هدوم
ليلى برقت:لا خليك بالتيشيرت بس اطلع على الفيلا عندكم
مالك باستغراب:لية
ليلى:اطلع بس
مالك:حاضر
بعد شوية مالك وصل للڤيلا بتاعته ونزل مع ليلى
ليلى:اطلع غير التيشيرت دا والبس واحد تاني وانزل وهات التيشيرت معاك
مالك ضحك:حاضر...ادخلي اقعدي مع ماما جوا طيب عقبال ما اغير
ليلى:لا انا متأخرة اصلا
مالك:دقيقتين وهاجي
مالك طلع وفي خلال خمس دقائق نزل
مالك:اهو التيشيرت يا ستي
ليلى:معاك ولاعة
مالك:انا مش بدخن فأكيد مش معايا
ليلى:طب روح هات من جوا ولاعة
مالك دخل وجاب ولاعة واعطاها لليلى وليلى ولعت في التيشيرت ومالك واقف مصدوم من تصرفها وبعدين ضحك
مالك بضحك:لية ولعتي في التيشيرت
ليلى:علشان الست هانم مسكت التيشيرت دا
مالك ضحك عليها وبعدين وصلها البيت وروح...فات يومين وجاء يوم الخطوبة وليلى كانت فرحانة اووي ومالك كمان كان فرحان وهو راح يجيب ليلى من الكوافير مالك:انا اول مرة اشوف قمرين واحد في السماء والتاني واقف قدامي
ليلى ابتسمت بكسوف:وانت كمان وسيم
مالك بغرور مصطنع:طول عمري وسيم
ليلى:بجاملك على فكرة
مالك ضحك وهي ضحكت وركبه العربية ومالك اتحرك
ليلى باستغراب:دا مش طريق بيتنا
مالك:عارف
ليلى سكتت وبعد شوية لقيت نفسها قدام بيت مالك
ليلى:اية اللي جابنا هنا
مالك:انزلي يا ليلى
ليلى نزلت ومسك أيدها وراحه ناحية الجنينة وليلى اتفاجات أن الجنينة متزينة بديكور حلو جدا وكل صحابها وقرايبها هناك
مالك بحب:عايز اليوم دا مميز وحبيت اعمل حاجة بسيطة ليكي وفي نفس الوقت متبقاش حاجة كبيرة علشان عم سليمان
ليلى:انا بحبك اوووي يا مالك
مالك: وانا كمان بحبك يلا بينا
مالك دخل هو وليلى والاتنين فرحانين وغنوا ورقصوا والكل كان فرحان
صالح طلع برا كان بيتكلم في الموبايل وشادي راح جمبه
شادي:عقبال ما تحضر خطوبتي انا ورحيل كدا
صالح بصله:انت عامل زي خيالي انا زهقت منك
شادي:مش هسيبك في حالك يا عمي
صالح بجدية:انت عايز اية يا شادي
شادي بهدوء:عايز اتجوز رحيل
صالح:انت عارف اني مش بحبك
شادي في سره:القلوب عند بعضها
صالح:اية
شادي:بقول اني بحبك يا عمي
صالح:اممم...المهم أنا موافق
شادي تنح ومش مصدق صالح قال اية
شادي:اية..انت قولت اية
صالح ابتسم:موافق يا بني
شادي ضحك وحضن صالح
صالح:خلاص يا شادي
شادي بردو حاضن صالح لحد ما صالح زهق
صالح زعق:قولت خلاص مبتفهمش
شادي بفرحة:اسف يا عمي بس فرحان
صالح ابتسم:ربنا يسعدك
شادي:طب لية موفقتش من الاول
صالح:كنت عايز اتاكد بتحب بنتي بجد ولالا
شادي:انا مبحبش حد قد ما بحب بنتك
صالح ابتسم:وانا معنديش شك في دا
شادي:هجيب اهلي بكرا
صالح:تنور انت وأهلك في أي وقت
شادي ابتسم ودخل جوا وقال لرحيل ورحيل فرحت جدا ان اخيرا ابوها وافق وراحت قالت لليلى وليلى فرحت جدا
مالك:رحيل قالتلك اية
ليلى بفرحة:اخيرا ابوها وافق على شادي
مالك:طب كويس
ليلى ابتسمت وبعدين عمار سلم على مالك وليلى وباركلهم وشد مالك علشان يرقص وليلى ابتسمت وكانت فرحانة لفرحة مالك ومالك بص ناحيتها وشافها مبتسمة وهي بصتله
مالك بهمس:بحبك
رائيكم
نروين عبدالمنصف