خمسة اغسطس

البارت السادس والعشرون

خمسة اغسطس
البارت السادس والعشرون

مراد مذهول من كلام ليلى هي اللي قاتلت حنان!!طب لية!!دي كانت احسن ام!!اية السبب يخليها تقتل حنان

مراد زعق:لية يا ليلى لية
ليلى:علشان إنسانة ضعيفة علشان سكتت لسليمان وما اخدتش حقها من سليمان ومريم
مراد زعق:سليمان مات يا ليلى هتاخد حقها ازاي
ليلى بصيتله:سليمان مات من الدنيا بس مماتش من جواها
مراد هز دماغه برفض ومشي من المستشفى كلها فضل يلف بالعربية ومش عارف يروح فين وفجأة افتكر صاحب عمره وقرر يروح عنده...مراد مشي وراح عند ڤيلا صاحبه ورن الجرس واتنهد وبعدين الباب اتفتح
_:مش معقول مراد هنا بنفسه
مراد حضنه وضحك:وحشتني اوي يا مروان
مروان بحب:وانت كمان ادخل
مراد دخل مع مروان الجنينة
مروان:عامل اية يا واطي
مراد ابتسم:كويس انت عامل اية ومراتك عاملة اية
_:انا كويسة
مراد بص ورا ووقف وابتسم:كارما عاملة اية
كارما ابتسمت:كويسة انت عامل اية
مراد ابتسم:كويس
كارما قعدت جمب مروان وابتسمت
مراد:عيالك فين
مروان ابتسم:نايمين
مراد بهزار:اعمل حسابك هتجوز نور بنتك
مروان بهزار:لا يا عم انا بنتي مش هتتجوز واحد قد ابوها
مراد:قد ابوها اية يا عم انت دا انا قد اخوها
مروان ضحك وهو ضحك وكارما سابتهم علشان يتكلموا براحتهم
مروان:مالك بقا
مراد:مالي
مروان ابتسم:اية اللي مزعلك
مراد ابتسم:هو انا باين عليا اووي كدا؟
مروان ضحك:فوق ما تتخيل
مراد اتنهد وقال لمروان عن ليلى من اول يوم شافها لحد النهاردة
مراد:ليلى كلامها عاقل جدا اعقل مني ومنك يا مروان انا مش مستوعب أن هي قاتلت انت لو شوفتها بجد مش هتتخيل ابدا أن هي قاتلة ملامحها بريئة زي الاطفال مستحيل تكون قاتلت دي خذالتني
مروان بهدوء:من اول يوم ليك في المستشفى وانت عارف أن ليلى قاتلة وهي كمان قالت إنها قاتلت انت اللي أقنعت نفسك أن هي مقاتلتش هي مخذلتكش
مراد:لا خذلتني
مروان:انت اللي خذلت نفسك يا مراد
مراد بص لمروان كتير وفعلا كلمة مروان دي ملخص لكل حاجة هو اقنع نفسه أن ليلى بريئة ومصدقش كلام ليلى ولا كلام عاصم وفضل يمشي ورا كلام نفسه لحد ما خذل نفسه
مروان:انا عارف أن الموضوع صعب عليك يا مراد بس انت تقدر تساعد ليلى
مراد بحيرة:ازاي
مروان ابتسم:انت دكتور مراد الاسيوطي من أكبر الدكاترة في مصر دكتور عاصم اختارك انت مخصوص تمسك حالة ليلى بعد ما الكل فشل فيها فأنت دلوقتي لازم تساعد ليلى
مراد بياس:عارف كل دا بس انا مش قادر اساعدها في كل مرة بعرف أنها قاتلة حد بتصدم يا مروان
مروان:لانك كنت بتقنع نفسك أنها بريئة...بص يا مراد اللحظة دي اتعامل مع ليلى أنها قاتلة...هو دكتور عاصم قالك ليلى قاتلت كام واحد
مراد:تلاتة
مروان:يبقى خلاص كدا انت عرفت كل اللي قاتلتهم يعني مش هتتصدم تاني وعارف اية الأهم
مراد باهتمام:اية؟
مروان ابتسم:انك انت الدكتور الوحيد من اللي عالجه ليلى عرف هي قاتلت مين يعني دا نجاح يا مراد مفروض تفرح بالنجاح دا
مراد استغرب كلام مراد هو فعلا نجح وعرف مين اللي ليلى قاتلتهم معنى كدا اسمه هيكبر اكتر بس هو لية مش فرحان!!في الأول كان عنده حماس أن هو ينجح ويعرف ليلى قاتلت مين لية دلوقتي مش فرحان!!لية زعلان أن ليلى قاتلة
مراد ابتسم:عندك حق يا مروان
مروان بغرور مصطنع:انا طول عمري عندي حق
مراد ضحك هو ومروان وفضلوا طول اليوم سوا وبعدين مراد مشي وكارما راحت لمروان
كارما ابتسمت:كنت بتتكلم في اية بقا انت ومراد كل دا
مروان بهزار:بتدخلي بيني انا وصاحبي لية هاا انا لما بسألك عن نور أو لورا بتفضلي تقولي وانت مالك يا مروان
كارما بغيظ:بقا كدا يعني انت بتردهالي
مروان ضحك:اه
كارما:ماشي يا استاذ مروان
مروان ضحك وحكالها كل حاجة
مروان بحيرة:انا نفسي اعرف هو لية زعلان أن ليلى قاتلة
كارما بصت لمروان وهو لاحظ بصيتها
مروان باستغراب:بتبصيلي كدا لية
كارما:انت بجد مش عارف هو زعلان لية
مروان كشر:لا مش عارف
كارما بغيظ:يا غبي مراد بيحب ليلى
مروان استغرب كلام كارما واكتشف فعلا أن مراد بيحب!!
مروان:فعلا يا كارما كلامك صح بقا مراد بيحب استني اتصل بيه واقولوا
مروان مسك الموبايل وكان هيتصل بمراد بس كارما شدت الموبايل منه
مروان باستغراب:لية اخدتي الموبايل
كارما بغيظ:علشان انت عايز تقولوا أن هو بيحب
مروان باستغراب:وأية اللي فيها
كارما:مراد دلوقتي ميعرفش أن هو بيحب ليلى دلوقتي هو عامل زي التايهه ومش عارف يروح فين ومش قادر يحدد هو عايز اية أو محتاج اية هو متلخبط دلوقتي يا مروان
مروان:عارف فعلشان كدا انا هتصل بيه وأعرفه أن هو بيحب
كارما:لا طبعا هو هيعرف لوحده
مروان:ازاي
كارما بغيظ:انت عرفت منين أن انت بتحبني
مروان:علشان خالد هو اللي قالي
كارما:اه بابا قالك بس انت ساعتها مكنتش متاكد من حبك ليا بس بعدين لما عرفت اني بحب زين وان ممكن اروح منك ساعتها انت اتاكد أن انت بتحبني
مروان بغيرة:أنتِ مكنتيش بتحبي زين أنتِ كنتِ فاكرة انك بتحبي
كارما ضحكت:عارفة....المهم مراد هيعرف لوحده أن هو بيحب ليلى
مروان:والله وحبيت يا مراد ماشي...بس ملقاش غير اسم ليلى ويحبه
كارما ضحكت:مش عارفه اية حكاية اللي اسمهم ليلى دول
مروان بهزار:كل اللي اسمهم ليلى مجانين
كارما ضحكت وفضلت هي مروان مع بعض